ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى المواضيع العامة (http://www.e-moh.com/vb/f164/)
-   -   شكوى على صحة الرياض (http://www.e-moh.com/vb/t101886/)

ابوفهد وفيصل 06-10-2011 03:57 AM

شكوى على صحة الرياض
 
السلام عليكم ورحمة الله وبركاته
السبت الماضي قدمت شكوي على صحة الرياض لمكتب الوزير الصحة الربيعة
وطريقة التعامل مع المراجع وعدم وجود موظفيين على مكاتبهم وريحه التدخيين ولان في اليوم العالمي ضد التدخين ويوجد صوره مرفقه مع الشكوي مكاتب الموظفيين وعدم توجدهم على مكاتبهم ومعاملاتنا تضيع بين مكاتبهم وعدم الحرص على العمل
خاصة قسم الاستحقاقات والنفس الخايسه معك
ولا حياه لمن تنادي
ضايع في ضايع
وهل أتم معي ياموظفيين صحة الرياض خاصتنا

صريح جدا 06-10-2011 04:53 AM

اما تدور موظفين
قسم بالله كأنك داق باب شقته الخاصه
ماهو بمكان عمل
مره قاعدت أسأل واحد عن حاجه واشوفه يقلب بالأوراق
ولا جاوبني وسألته مره ثانيه رد علي قال أنا مراجع مثلك !!!!!
يقلب بالأوراق وأخر شي طلع مراجع !!!!!!

صحة الرياض كلها سيئه
أجل المبنى مستأجر
ليه عليكم قل فلوووووووووووس

سيف الجزيرة 06-10-2011 01:13 PM

كلامك صحيح 100 % ولو فيه احد عند امانة وذمة من المسؤولين يجي بنفسه وخاصة يوم الاربعاء الساعة 10 صباح الى نهاية الدوام ويشوف ------
مايكفيهم ضياع المعاملات والدخان في المكاتب وهروب الموظف اثناء الدوام وكثرة الغياب لكن فعلا من أمن العقوبة اساء الادب 00000

الرررازي 06-11-2011 03:34 PM

كم أتمنى أن ترفع هذه الشكوى أيضاً
الى مكافحة الفساد
حتى يرون الفساد الاداري الحاصل بصحة الرياض

naif 06-11-2011 04:09 PM

كم أتمنى أن ترفع هذه الشكوى أيضاً
الى مكافحة الفساد
حتى يرون الفساد الاداري الحاصل بصحة الرياض

صحه الرياض داااااجين بقوة والواسطه لاعب فيها لعب

أبوسعود 06-11-2011 04:17 PM

صدقتو ياأخوان صحة الرياض يبيلها شغل
وخصوصاً عند المعاملات اللي يضيعونها

الواسطة 06-11-2011 04:55 PM

إذا كان رب الدار بالدف ضاربا فشيمت أهل البيت كلهم الرررررررقص

رايق و متضايق 06-11-2011 05:14 PM

والله ماكذبتوا
قسم الاستحقاقات في صحة الرياض قمة في الاهمال واللامسؤلية واللامبالاة
وكنك جاي تطرهم
والاربعااا مافيه احد
اصلا اذا قلت لهم بجي الاربعا قال لا مانيب موجود تعال السبت

عبدالعزيز المالكي 06-12-2011 03:30 AM

إذا انك متوظف على صحة الرياض فثق تمام الثقة أنك أحد شخصين :
1- أما انك أصبت بالضغط والسكري
2- أو انك على الأقل حامل لهذين المرضين


قمة المهزلة ياصحة الرياض
بما فيهم المدراء قمة الهمجية وأخص بالذكر مساعد المدير العام للشؤون الادارية والمالية

كان لي عنده معاملة نقل وصار يماطل كل ما أروح له يقول تعال بعد يوم والا بعد اسبوع مسكت خطوط لين ماجاني المرض وبالاخير دخلت عليه اليوم الاخير واما مزفته أخلاقي قال لي تعال بعد ساعة وتكون معاملتك جاهزة يوم استلمت المعاملة لقيتها خالصة من أسبوع والاخ مخبيها وطير مني الرقم الشاغر الله لايوفقه ويجعلها بوجهه


ومن زين الموظفين الباقين عاد استغفرك يارب مافيهم الا القلة اللي يشتغلون بإخلاص وحافظهم حفظ
والا الباقين همجية وقل أدب وبزوطة في الدوامات أجل بالله يوم الاربعاء ماتلاقي ولا موظف؟ !!!!!!!!!!!!!!!!!!!!!!!!

وينك يالربيعة نايم في العسل والله لتحاسب على هذا الاهمال
لاتقول ماني عارف ( ربك مايعرف الكلام هذا )
إذا انك صادق سو لك زيارات مباغتة وشوف بعينك

أخي كاتب الموضوع اشكر لك طرحك
وفي جعبتي الكثير
لكن ما أقول الا حسبي الله ونعم الوكيل فيهم
حسبي الله ونعم الوكيل فيهم
حسبي الله ونعم الوكيل فيهم

أبن الديرة 06-12-2011 08:01 PM

اما سلفه تقفيل المكاتب وقت الصلاه هذه قصة ثانية..صلينا ورجعنا وجلسنا ننتظر ..احد يجي يفتح الباب..ما احد جاء بعد نصف ساع تقريبا..فتحوا الباب من الداخل ..واين صلوا ..يضحكون علينا..

اما الاقسام اللي تحت..بالدروم يزن تجد احد مداوم..الارخص بخبر كانا..


الله المستعان...بس


الساعة الآن 08:07 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط