ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى الخريجين (http://www.e-moh.com/vb/f214/)
-   -   هام بخصووص تاريخ التخرج للكليات الصحيه (http://www.e-moh.com/vb/t103069/)

فهد السنوي 06-19-2011 11:33 PM

هام بخصووص تاريخ التخرج للكليات الصحيه
 
السلام عليكم ورحمه الله وبركاته

اما بعد من العنوان الكل وده يعرف وش يسجل;)

اخوكم الي هو انا ذهبت اليوم لوزاره الخدمه المدنيه اليوم بالرياض بعد ماشتتونا الاخوان كلن له راي بتاريخ التخرج سافرت لاجل هذا الامر قلت اخذ العلم من اهله

المهم لما دخلت سالت وين المسؤول عن جداره دلوني على مكتب الحاسب ذهبت له دلني على ادراه التوظيف يقول المطابقه عندهم اسئلهم رحت لهم دلوني على مكتب اخر انواع التصريف وبعد الالحاح عليهم قالو العلم عند اداره التوظيف وبعد اخذ وعطا منهم لم يسمح لي السكرتير بالدخول على المدير وبعد ماشرحت له

اخذ شهاداتي الي هي الوثيقه وشهاده الامتياز ودخل عليه وقاله وش يسجل بتاريخ التخرج

وجاني بالعلم وحدد لي تاريخ الامتياز ومع هذا قلت ابي اقابله واخذ من راسه لكنه رفض مقابلتي وارسلني معي السكرتير لموظف مختص ووجيته وشرحت له الوضع كامل قال سجل التاريخ الي بالامتياز والتاريخ موضح لكم بالصووره





http://up.arab-x.com/Jun11/cOa11784.gif

M-R 06-20-2011 12:41 AM



ماقصرت اخوي والله يعطيك العافيه
وبعد هالكلام اكيد مافيه سؤال



جزاك الله الجنه



wael 06-20-2011 01:11 AM

والله ماقصرت والله يعطيك العافية تسلم

فرااس 06-20-2011 01:20 AM


يعطيك الله العافية..
بس أنا رحت لهم وقالو لي أكتب تاريخ تحرير الوثيقة..

ابو يدر 06-20-2011 01:20 AM

والله ياخوك مافهمت تقصد سجلت تاريخ 17/2 اللي هو الامتياز او 23 /2اللي هو تاريخ تحرير الوثيقة

فني مختبر قصيمي 06-20-2011 01:24 AM

وش هالفوضضضضضضضضى ذي..؟
والله العظيم ياشباب اني رايح اليوم لديوان الخدمه المدنيه فرع بريده وقال لي الموظف حق الترشيح حط تاريخ الوثيقه......!!

قلت اكيد.. قال : ياخي اكيد حنا الديوان وخذ الخبر مني.. وطلعت وانا ع اساس انه وثيقة التخرج..

وشكررررررررررا لكم

فرااس 06-20-2011 01:27 AM

هذا اللي مكتوب بالديوان الخدمة المدنية..
http://eservices.mcs.gov.sa/website/...s/HTMLPage.htm

فرااس 06-20-2011 01:28 AM

علماً أن خريجي الكليات الصحية المطالبين بإنهاء سنة الامتياز تاريخ التخرج هو المدون بوثيقة إنهاء سنة الامتياز وليس وثيقة التخرج.

ابو يدر 06-20-2011 01:29 AM

التاريخ اللي انت مؤشر عليه هل هو نفس تاريخ تحرير الوثيقة الصادرة من الجامعة

فهد السنوي 06-20-2011 01:45 AM

احبتي في الله اولا شاكر لكم ردودكم

ماراح اعلق على ردودكم انا عطيتكم كل شي صار معي اليوم بوزاره الخدمه المدنيه ولن ادخل في ذمتي كلام من راسي

لديكم التاريخ الذي اشر عليه الموظفين من ظمنهم مدير التوظيف وهو 23 -2

هذا كل مالدي


الساعة الآن 02:24 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط