آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

سحب المكرمة الملكية ( راتب الشهرين ) مني ، حسبي الله ونعم الوكيل

ملتقى المواضيع العامة
موضوع مغلق
  #1  
قديم 07-07-2011, 01:43 PM
صحي جديد
 


سطمطم will become famous soon enough


بسم الله الرحمن الرحيم والصلاة والسلام على أشرف الأنبياء والمرسلين سيدنا محمد وعلى آله وصحبه وسلم تسليما كثيرا،،، أما بعد

ما أطول عليكم إخواني ، الموضوع طويل وباشرحه لكم من البداية ، عشان تاخذونه وتحكمون عليه من جميع النواحي ، أنا أحد المتعينين من الدفعة المستقلة الصادر قرار تعيينهم بتاريخ 11 / 3 / 1432 هـ ، تعينت في جدة ، رحت لهم في جدة بعد صدور قرار التعيين بأسبوع ، لأنه على بال ما توصل خطاباتنا من وزارة الصحة ( تحتاج اسبوع تقريبا ) ، توجهت للموظف ، واخبرني انه بمجرد حضوري لهم علي أن ارسل لوزارة الصحة أوراق بالفاكس أعطاني اياها ( فك حجز وظيفة أو ما اشبه ذلك ) ، وأخبرني أن أراجعهم بعد ارسال الأوراق بيوم أو يومين حتى يجيهم الرد من الوزارة ، أعطاني الأوراق وأرسلتها في نفس اليوم ، بعدها بيومين رحت جدة ( لاحظ أني من خارج جدة ) دورت عن الموظف ما حصلته ، سألت عنه فقالوا لي انه ما جاء اليوم ، قلت ما فيه احد ينوب عنه ، قالوا لي أنه هو المتولي أمور الموظفين الجدد ، رجعت بعدها بيومين ، قالوا أنه مو موجود ، قلت لهم أنا في كل يوم أتعنى لجدة وكأن المديرية متوقفة على هذا الموظف ، قام أحد الموظفين وقالي اهدأ ، دور على أوراقي ما حصلها ، واتصل على الموظف ما رد عليه ، أخذ رقم جوالي ، وقال لي أنا أوعدك يوم السبت يجيك مني رد ، فقلت له إني ما بنتظر مكالمته لكن بجي ، وإذا ما خلصت أموري بارفع شكوى ، فقال لي خلاص أوعدك يوم السبت يكون خير ( لاحظوا هنا راح إسبوع عشان موظف متغيب ) ، رحت يوم السبت ، وبعد عناء إسبوع تكرم سعادة الوزير ( الموظف ) وداوم ، أعطيته الأوراق ( ملفاتي ومؤهلاتي ) وأعطاني أوراق الكشف الطبي ، فقلت له : ممكن اسوي الكشف خارج جدة ، فقال لي لا ، لأن الخطاب موجه الى مركز صحي في جدة ، رحت للمركز ، وبعد عناء طويل حصلته ( المديرية تقريبا في شمال جدة والمركز اللي أرسلوني عليه في جنوب جدة ) ، سحبت الدم وسويت الكشف الروتيني ، فقال أن النتيجة ما تطلع الا بعد اسبوع ، قلت هذا كشف يخلص في يوم أو يومين بالكثير ، قال لا تراجعنا الا بعد اسبوع ، انتظرت اسبوع وراجعتهم ( هذا الاسبوع الرابع بعد التعيين ) أخذت نتيجة الفحص وتوجهت بها الى المديرية ، فطلبت أن يتم تدريبي في المنطقة اللي أعيش فيها ، بعد أربع أيام وما بين طلوع ونزول وبعد عناء ومشقة تم الرفض من مدير شئون الموظفين ، توجهت الى مدير الشئون الصحية ، فتمت الموافقة ، أخذت أوراقي وتوجهت بها الى المستشفى بتاريخ 17 / 4 / 1432 هـ ، ( بعد خمسة أسابيع من التعيين ).

* يمكن يجيني واحد الحين يقول طيب ليش هذي القصة اللي مالها دخل بالموضوع ، أقول له : إن هذا التأخير والمماطلة تسببت في حرماني راتب شهرين.

نجي الحين للخلاصة ولب الموضوع ،، كما نعلم أنه صدرت الأوامر السامية الكريمة من أبونا خادم الحرمين الشريفين أيده الله ،،، على منح موظفي الدولة راتب شهرين ، وكان هذا الأمر بتاريخ 13 / 4 / 1432 هـ ، وكان تاريخ مباشرتي 17 / 4 / 1432 هـ ، فكنت أفكر هل تشملني المكرمة أو لا ، وبعد مباشرتي تقريبا بأسبوعين وبتاريخ 3 / 5 / 1432 هـ ، صرف راتب شهرين لجميع الموظفين التابعين لمديرية الشئون الصحية في محافظة جدة ، وكنت ممن شملتهم هذه المكرمة .
بعدها تقريبا بعشرين يوم صرف أول راتب لي بتاريخ 25 / 5 / 1432 هـ ، فتفاجئت بأنه ما نزل إلا راتب الفترة من 17 / 4 / 1432 هـ حتى 30 / 4 / 1432 هـ ، قلت بأنتظر حتى الشهر الجاي يمكن يصرفونه مع راتب شهر ستة ، انتظرت حتى 25 / 6 / 1432 هـ ، فلقيت أنه ما نزل لي إلا راتب شهر ستة ، بقي الآن راتب شهر خمسة !!
رحت المديرية في جدة ، وعلمتهم بالموضوع ، فقالوا لي موضوعك عند الموظف الفلاني ، إذا ما نزل الراتب في حسابك أكيد بتلقى شيك مطبوع براتبك عنده ، رحت له وبعد انتظار ساعة ونص تقريبا رجع الموظف ، علمته بالسالفة ، فقال لي أنت صرف لك راتب شهرين وأنت ما تستحقها ، يقصد ( المكرمة الملكية ) ، قلت له ليش !!؟ قال انت مباشرتك كانت يوم 17 / 4 ، وأمر صرف راتب شهرين كان بتاريخ 13 / 4 ، قلت عندك تعميد او خطاب من الوزارة بهالخصوص ، قال لا بس انت ما تستحق ، قلت طيب انا ما استحق ، زملائي في المديريات الأخرى باشروا بعد أمر المكرمة وصرفت لهم راتب الشهرين ، وما تم خصمها من المديريات التابعين لها ، قال لي مالنا دخل في أحد ، هذا خطأ أكتشفناه ، وبنقوم بمعالجته ، قلت هذا الشيء من وزارة المالية والا من عندكم ؟ ، قال من عندنا ، قلت أجل مالك حق تحدد اني استحق او لا ، ولا يحق لك توقف راتبي او تنقص منه ، وتم صرف راتب الشهرين وأنا موظف مثلي مثل الغير يعني ما يهم تاريخ المباشرة ، بعدين قلت ، ليش ما اخذتوها كاملة راتب الشهرين انا نزل لي تقريبا راتب شهرين ونص وكان يمديكم تأخذونها ، ليش ما اخذتوا راتب الشهر هذا وش هالتخبط ،، قال بناخذها ، قلت له وانت على كيفك تأخذ من راتبي وقت ما تبي ، ارتفعت الأصوات بيني وبينه ، وجاء مدير الإدارة المالية وفهمته بالموضوع ، طلع طبعا مثله ووقف في صفه ، ( لاحظوا الشيك كان مطبوع جاهز عند الموظف ) ، قلت وين بتودي الشيك هذا الحين ، قال يرجع لخزينة الدولة ، قلت احنا تحت ظل وزارة وحدة زملائي في المديريات الثانية استلموها وانا لا ، هذا مو ظلم ، طبعا ظلم واضح ، في الأخير وبعد جدال طويل أعطاني الشيك ، وقال يمكن نخصم عليك الشهر الجاي ، وقلت لو خصمتوا أنا وراكم وراكم ، طبعا يمكن يتسائل البعض ليش أعطاني الشيك ، أكيد أعطانيه لأن ما عنده تعميد أو أمر بالكلام هذا، والله أعلم وين كان بيروح الشيك.

جاء شهر سبعة ، صرف لي الراتب ، لقيت ناقص منه الثلث ، رحت لهم في جدة وانا اقول الله يستر ويكفيني شرهم ، مالكم بالطويلة ، رحت لهم ولقيتهم هالمرة مواجهيني بخطاب من وزارة الصحة ( الموقرة ) ، مثل اللي يقول الحين ما عاد لك كلام علينا ، قلت وش السالفة ، قالوا لي انت صرف لك راتب شهرين ما تستحقها ، قلت ما اخذتوا الراتب كله هالمرة غريبة ، قالوا لا بناخذها منك أقصاد حتى شهر 11 ، اخذت الخطاب وقرأته ، لقيت ما شاء الله ذاك الخطاب العاجل والهام ، من وزارة الصحة ، طبعا ما اعطوني فرصة اقراه مضبوط ، لقيت فيه بيان عاجل وهام ممن صرفت لهم المكرمة الملكية ، وقالوا انها بتاريخ 13 / 4 ، واللي باشر بعد هالتاريخ أخذ شيء مو من حقه فتعاد جميع الأموال إلى خزينة الدولة ، أعطيتهم الخطاب ، وقلت له شكله ما نبش على الموضوع وأخبر وزارة الصحة الا انتم ، لانها ما دورت ورانا طول هالشهور ، وبعد ما جيتكم الشهر اللي راح واخذتها بالغصب منكم رفعتوا خطاب لوزارة الصحة ، عشان تواجهون الناس فيه ، قال الشهر اللي راح كان اجتهاد مننا ، والحين جاء تأكيد لكلامنا الشهر الماضي طبعا الخطاب كان فيه اسماء جميع المباشرين بعد أمر راتب الشهرين ، حتى المتعينين في المديريات الثانية لقيت أسمائهم ، حسبنا الله ونعم الوكيل فيكم يا مديرية الشئون الصحية في جدة ويا وزارة الصحة.

حكومتنا ورب الكعبة ما قصرت عنا بأي حاجة ولا دوروا ونبشوا عن الراتبين هذي هل احنا مستحقين لها أو لا ، فما أدري ليش هذا الحسد في العالم هذي ، ووزارة الصحة اللي تدّعي ان هذا الشيء مو من حقنا ولازم يرجع لخزينة الدولة أضع بين ايديهم هذه الأية الكريمة :
قال تعالى : ( ولا تأكلوا أموالكم بينكم بالباطل وتدلوا بها إلى الحكام لتأكلوا فريقا من أموال الناس بالإثم وأنتم تعلمون ) البقرة 188

ومديرية الشئون الصحية في جدة هذي قصة عجيبة بصراحة أضع بين أيديهم هذا الحديث ، قال رسول الله صلى الله عليه وسلم : " ألا إنما أنا بشر ، وإنما يأتيني الخصم فلعل بعضكم أن يكون ألحن بحجته من بعض فأقضي له ، فمن قضيت له بحق مسلم ، فإنما هي قطعة من نار ، فليحملها ، أو ليذرها " اخرجه البخاري ومسلم
حسبي الله ونعم الوكيل ، حسبي الله ونعم الوكيل ، حسبي الله ونعم الوكيل
شارك
مشاركة في فيسبوك مشاركة في تويترمشاركة في قوقل بلص


من مواضيعي : سطمطم
  رقم المشاركة : [ 3 ]
قديم 07-07-2011, 09:37 PM
صحي جديد
 

عبدالله تبوك will become famous soon enough
افتراضي

اخوي انا نفس وضعك بالضبط انا في تبوك
بس مشكلتي انا قالوا لي الشيك حقك مو عندنا ..
الى الحين انا ما استلمت المكرمة
........ حسبي الله ونعم الوكيل ........
من مواضيع : عبدالله تبوك
عبدالله تبوك غير متواجد حالياً  
  رقم المشاركة : [ 4 ]
قديم 07-08-2011, 03:25 AM
بروفيسور صحي
 

العضـيله will become famous soon enough
افتراضي

ياكثر مشاكل وزاره الصحه من جميع الوزارات ماتلقى الاهالوزاره ومستحيل تحصل وزير يديرها صح
اصلا الدكتور الربيعه الوزير لو تجيب اداري توه متخرج صدقوني راح يغسل اشراع وزيرنا من ناحيه فهمه بالانظمه والقوانين الاداريه لكن بعكس لو هناك عمليه فصل توأم راح يتفوق الربيعه لو كل شخص يعمل بتخصصه اعتقد راح تتعدل الوزاره اللي كلي ثقه بأنها ماراح تتغير لأنها تسير نحو الهاويه
من مواضيع : العضـيله
التعديل الأخير تم بواسطة عفويه ; 07-09-2011 الساعة 03:28 AM. سبب آخر: تعديل حرف
العضـيله غير متواجد حالياً  
  رقم المشاركة : [ 5 ]
قديم 07-08-2011, 09:25 PM
مشرف ملتقى شئون الموظفين ( عاطل بالثلاث سابقاً )
 

فاهم جدا will become famous soon enough
افتراضي

يعني جأت على هالراتبين .. ؟؟ وفلوس الدوله اللي تهدر وتسرق بدون رقيب ولا حسيب ههههههههههههههههه والله شر البليه مايضحك
من مواضيع : فاهم جدا
التعديل الأخير تم بواسطة عفويه ; 07-09-2011 الساعة 03:27 AM. سبب آخر: تجاوز مخالف للقوانين
فاهم جدا غير متواجد حالياً  
  رقم المشاركة : [ 6 ]
قديم 07-09-2011, 12:24 AM
افتراضي

حرام مو كل شئ ننسبة للربيعه طيب ساكثر ماانسرقت مننا اموال بوزارة اصحة قبل الربيعة ولا احد كان يدري ولا احد انتبة واقرب مثال وياليت اللي سمع فيها يقول لي هل صرفت لنا مكافاة خادم الحرمين اول مااستلم الحكم والا لا ؟؟ لاني متاكده مليون بالمية انها لم تصرف لي وتاكدت من زميلاتي من هالموضوع ..

حسبنا الله ونعم الوكيل على كل من سرق تعبنا وجهدنا وتمتع به بدون وجه حق

اخوي ارفع يديك وادعي على من ظلمك وارفع برقية لابو متعب ويااااارب توصل له ويرد لك حقك
من مواضيع : عذبة الهمس
التعديل الأخير تم بواسطة عفويه ; 07-09-2011 الساعة 03:28 AM. سبب آخر: تعديل حرف
عذبة الهمس غير متواجد حالياً  
  رقم المشاركة : [ 7 ]
قديم 07-09-2011, 03:17 AM
بروفيسور صحي
 

العضـيله will become famous soon enough
افتراضي

اقتباس
  المشاركة الأصلية كتبت بواسطة عذبة الهمس
حرام مو كل شئ ننسبة للربيعه طيب ساكثر ماانسرقت مننا اموال بوزارة الصحة قبل الربيعة ولا احد كان يدري ولا احد انتبة واقرب مثال وياليت اللي سمع فيها يقول لي هل صرفت لنا مكافاة خادم الحرمين اول مااستلم الحكم والا لا ؟؟ لاني متاكده مليون بالمية انها لم تصرف لي وتاكدت من زميلاتي من هالموضوع ..

حسبنا الله ونعم الوكيل على كل من سرق تعبنا وجهدنا وتمتع به بدون وجه حق

اخوي ارفع يديك وادعي على من ظلمك وارفع برقية لابو متعب ويااااارب توصل له ويرد لك حقك


اختي عذبه الهمس نشكر لك مرورك وردك ونورتي المنتدى بطلتك
حاليا الموجود الربيعه وهو المسؤل الاول والاخير كيف يصير هالتلاعب ليش مايكون عندالمديريه تعاميم سابقه من الوزاره وبعد ماأحرجهم الأخ جابوله تعميم صدقيني حتى الوزير مايدري عن هالتعميم ومشكله اذا كان يعلم ولم يحرك ساكنا من قبل والمشكله العظمى اذا كان لايعلم اذا ماكان الوزير كفؤ ويقدرالكرسي اللي جالس عليه أويرحل ويعطي الفرصه لناس اكفاء ويكون من الشاكرين وراح نذكره بالخير المسأله سهله بس اللي يجلس على الكرسي موراضي يتغير وحاله الصحه من موظفيها ومراجعيها من أسوأ للأسوأ وماشفنا شي جديد
اللي نتمناه وزير بفكر وعقل كبير ويكون متفرغ ذهنيا للعمل ونشوف خطط جديده ومبشره للمستقبل اما كل وزير ينهج منهج الذي قبل ويسير نفس منهجه اعتقد البشائر لاتبشر بخير في المستقبل.

واللي نلاحظه بهالزمن تغيروا رؤساء دول والوزراء كلن عاظن على الكرسي ولانحصل منهم خير حسبنا الله ونعم الوكيل
من مواضيع : العضـيله
التعديل الأخير تم بواسطة عفويه ; 07-09-2011 الساعة 03:29 AM. سبب آخر: تعديل حرف بالاقتباس
العضـيله غير متواجد حالياً  
  رقم المشاركة : [ 8 ]
قديم 07-09-2011, 11:18 AM
صحي متميز
 

ابولماااار will become famous soon enough
افتراضي

ياخوي الموظف مثلي ومثلك يطبق النظام واذا اخطأ يحاسب مثلي ومثلك

حاول يجتهد وفي الاخير انت حصلت على الراتبين خلاص افرح واستانس فيها

واذا على الموظف لاتدعي عليه لانه مراح يظلمك ويتمنى اي شخص انا الراتبين يشملوون الكل

لكن ايش يسوي الموظف اذا جاه انذار بسبب خطا هل تتحملها انت

اكيد مراح تتحملهااا عشان كذا هذا نظام دوله ومراح احد يأخذ شي ماهو له

ودي لك
من مواضيع : ابولماااار
ابولماااار غير متواجد حالياً  
  رقم المشاركة : [ 10 ]
قديم 07-10-2011, 05:28 AM
بروفيسور صحي
 

أبوطارق999 will become famous soon enough
افتراضي

يا أخي الكريم وقفت على هالراتبين
والله ناس مو لاقيه ربع راتب مو راتبين
لكن لا تسكت لهم وتلقاهم يلعبون بالملايين حسبي الله عليهم
من مواضيع : أبوطارق999
أبوطارق999 غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
مني, الملكية, الله, المكرمة, الشهرين, الوكيل, حسبي, راتب, صحة, ونعم


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 01:48 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط