آخـر مواضيع الملتقى

دعــــــاء

العودة  

دگتنآ آلرمضآنيه وسواليفنا الوزارية

منتدى رمضان
موضوع مغلق
  رقم المشاركة : [ 181 ]
قديم 08-19-2011, 05:23 PM
مستشار صحي
 

محمدالمطيري will become famous soon enough
افتراضي


يا دكت الفلس
وش السالفة تهاوشتو على القطه من الحين

انا بجيب هندي ينظفها بعد العج وتعالو اسمعو قصتي الي والله انها من المعجزات

اذ فيها بنات يجلسون بقسم الحريم ويسمون ولا اشوف وحد جايبه مكسرات تخرب الدكه


القصه على ثلاث اجزاء فقط
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 182 ]
قديم 08-19-2011, 05:40 PM
مستشار صحي
 

محمدالمطيري will become famous soon enough
افتراضي

الجزء الاول
في يوم من الايام والله العالم قبل ثلاث سنوات وسته شهور وخمسة ايام
اخذت قرار اجازتي في عز القايله ودرجة الحراره 50 مئوية ومشيت للبيت وتعرفون زحمة طريق خريص ويوم الاثنين ويوم وصلت مخرج 6 طبعا شقتنا الموقره واحذ اغراض السفر وشنتطي وتو كبرت لكي اجمع صلاة الظهر والعصر ونمشي للحفر (وش رايكم في السرد) رن جوالي بنغمة الاسعاف وتدل على ان خالتي ومربيتي منذ صغري تقول يا حمودي وينك قلت مسافر الحفر باخذ اخوياي ونروح للكويت في زواج (ما تدري اني ناوي مطار الكويت ومنها لماليزيا) قالت معك احد قلت لا ( شوي اسمع صوت وحده بنروح الحفر ما فيه مشكلة ) قالت خالتي تكفى وانا امك معي شريكتي وبنت لها صغيرة يبون الحفر وما لقو مشوار تكفى و انا امك ودهم ومشوراك علي مدفوع الله يخليك
طبعا انا ما استوعبت السالفة جد ولا زالت مصدوم من ذولي وانا ما اعرفهم وش عند خالتي والفزعات الله يسامحها ذالوقت

جاني افكار وقلت خالتي يمكن تقصد تخطب لي ( اول مره اعرف اني غبي ) طايب انا خاطب من سنه وش السالفه

واخير فكرت وقلت يمكن انها عمتي ... ما اقدر اعلمكم باسمها ذابينها عيالها بالرياض ودايم انا الي ابلش فيها بس من وين جابت البنت وهي ما عندها بنت ؟؟ وقعد الشيطان يلعب براسي مسافة الطريق ساعة الين الدخل المحدود والمكان الموعود (اصلح شاعر)
بيب بيب بيب طلعو عيال خالتي هلا حمودي ادخل واشوف قدام الباب بي ام دبليو وفي العريجا بعد وقدام بيت عمي وعياله المهبل (عايش معهم 5 سنين واعرفهم زين) وجيه فقر المهم دخلت البيت والقىء خالتي واسطونتها ذيك افا ء يا وليدي وانا امك وانت عايش معي سنين وريحت الغاليه امك فيك وتقطعني اكثر من شهر قلت لها تخبرين الدوام وعطيتها اقرب تصريفه المهم قالت هذي خيتي ام وليد مرة سنعه وتعرفت عليها بالسوق وساعدتني يوم شريت اغراض ونقصت علي فلوس وعطتني الف ريال وحلفت ما تاخذهم لين تيسر وعطتني جوالها وجتني مسيرة ومسلمه وطريتك لها انك تسافر واجد ويمكن تمشي شغلها ؟؟؟؟؟؟؟؟؟؟؟؟؟ لانها بتصير شريكتي في المشغل

قلت وش شغلها قالت تقول ان زوجها الي مات قبل كم سنة له ديون وتجاره في الخارج وتطرد وراها قلت طيب الخلاصه نبي نسافر وش عندها وخالتي تنادي ام وليد الي لابسه نظارات تقولون نظارت ياسر عرفات الله يرحمه وراسها اكبر من قدر الضغط وهي تقول وشلونك يا حمودي (من اولها طيحت الميانة) قلت هلا يا خالة قالت نبي الحفر قطنا فيها والله يستر عليك وحقك محفوض

قلت طيب لو مسكوني الشرطه وش اقول قالت معنا بطاقات انا وبنيتي ولا تخاف قلت طيب بسرعة وين بنتك مستعجلين ضحكت وقالت ابشر وانا اقول لها عسى ما معك عفش واجد قالت لا شنطة صغيره مره والبنت سنطة يد بس
وارجع لسيارتي الكامري 2007 واحسبها قطو يوم شفت بي ام دبليو (الحوت ) واقف عندها وهي لا شي عنده وانا اطرد عيال خالتي الي شلحو تكاية الاشرطه واقعد اطاردهم مطارد لين رجعت ثلاث شرطان من ثلاث طعشر شريط ما بين قتيل وجريح

المهم سالت ولد خالتي الصغير (صويلح) من سيارته هذي الي شغالة وكاتم اسود قال هذي ام وليط ؟؟؟؟ وانا اشوته ويطيح منه كم شريط كان سارقها من التكايه

واخير وصلت ام وليد ونظارتها الي تبرق تقول مراية ددسن واشوف ورها ذ البنت الي احسبها صغيره مره لان خالتي تقول بنيتها الصغيره وطلعت بنت اطول من عمود الانارة
حطو عفشهم في السيارة وراحت العجوز للسيارة الي وراي (الحوت) وتاخذ من السواق (الي لمحت ايده اسود من يد صمويل ايتو) شنطه صغيره حمراء وتركب
وقالت اتكل على الله يا حمودي ( مطيحه الميانه من اول ما قابلتها في البيت )

انزل للدايري وامشي 180 قبل ساهر الله ياخذه والعجوز تقول ما كنك مستعجل يا وليدي شوي
قلت لها صرنا العصر وانا اكره اسوق بااليل لاني ما اشوف( ابي اصرفها عشان تقول نزلني)
وهي تحطمني وتقول خلاص حط رجلك
وصلنا نقطة صلبوخ ولا قالو كلمة لنا وانا كل ما جيتهم وقفة لازم ربع ساعة يفتشوني ويبهذلوني
المهم شغلت شعر محاوره مع اني اكرهه بس ابي المح لهم اني ابشغل اغاني ولا يسوون لي فيها ملتزمات عشر دقايق وتتكلم البنت اخير الاخ بدوي قلت نص ونص قالت شف لنا اغاني رايقه وانا اقول حرام تو امك قبل شوي تنصح وتدعي بالهداية لشباب وشابات المسلمين وتنقز العجوز بس يا وليدي الاغاني لها حزات شغل الي تبي الحين واطربنا ( غسلت ايدي نهائي من ذ الاسرة )
وادور بالدرج ولاعاد لقيت الا شريطين لمزعل فرحان تقطع الرزق وتذكرني في ايام الضياع بحايل وسكاكا
واشغل الاول واشغل الثاني واحس هدوء وحزن وندخل المجمعه خمسة العصر وعند اول اشارة قالت العجوز خلاص يا وليدي من مزعل قطع قلبي وذكرني ايام زمان ( عجوز مهوية صاحبت سوابق ) والبنت تقول انت باين ان كداد مظلوم وحالتك حاله وقلبت مواجعي ( امحق عائلة كل واحد له قصه) الاشارة الثانية قالت لي لف يمين وتقول رح شارع الاربعين وتلف بي منا ومنا الا منا لين دخلت ونوقف عند قصر كبير والعجوز تدق الجوال وتسلم وتقول حنا عند الباب وقلت انا ترى مستعجلين وش عندكم قالت بس امانة لنا بناخدها ويطلع لنا واحد باكستاني لابس نظارات سودء ويعطي الخالة شنطة مثل حقت العزبه ونلف ونلف وهي تقول في خط مختصر ونضيع ربع ساعة لين طلعنا مع مكان اسمة حرمة على طريق الحفر ( العجوز لها قصد تضيعنا) المهم نمسك طريق الحفر ولارطاوية نحطها مطب وبعد مية كيلو اذن المغرب قالت الحرمة وقف نصلي هنا قالت لها اصبري قدام فيه محطه وهي تقول لا هنا ازين عشان ما فيه مصلى نساء والبر يا ولدي زين

صليت المغرب والعشاء والحرمه وبنتها صلو جابو ترمس شاي من وين جابوه ما ادري؟ يمكن كان في شنطة العزبه الي اخذوها من المجمعه
وحطو فرشة صغيرة وصبت الشاي وقالت العجوز اجلس يا وليدي انت مثل ولدي والبنت راحت بعد رسالة وصلتها خلف السيارة وقالت البنت هذي ادور لها ولد صالح مثلك ( وانا اقول في نفسي اذا انا صالح انتو وشو!!!) المهم دقايق والشمش توها على الشفق وترجع البنت بدون عبات وكاشفه وجهها تقولون والله قمر ولا عمري شفت اجمل منها في حياتي قامت رجولي تصافق والعجوز قالت للبنت اجلسي هذ اخوك وانا انهبلت جسم وطول وجمال ماشاء الله تبارك الله

وانا انقفز ولا كملت الشاهي قلت اخوياي يحتروني وانا تأخرت يا الله اركبو وصلت المحطه واعبي بنزين والحرمة ترمي مية ريال علي تقول خذ عب بانزين وانا اقعد احلف ما تمدين ريال مع اني مطفر شوي والراتب باقي بكره
من مواضيع : محمدالمطيري
التعديل الأخير تم بواسطة محمدالمطيري ; 08-19-2011 الساعة 05:53 PM.
محمدالمطيري غير متواجد حالياً  
  رقم المشاركة : [ 183 ]
قديم 08-19-2011, 06:17 PM
بروفيسور صحي
 

ممرض الوسطى has a spectacular aura aboutممرض الوسطى has a spectacular aura about
افتراضي

المهم سالت ولد خالتي الصغير (صويلح) من سيارته هذي الي شغالة وكاتم اسود قال هذي ام وليط ؟؟؟؟ وانا اشوته ويطيح منه كم شريط :dكان سارقها من التكايه

ههههههههههههههههههه

الله يرجك انت و ولد خالتك السروق


يالله يا حموود الجزء الثاني هع هع ,,,
من مواضيع : ممرض الوسطى
ممرض الوسطى غير متواجد حالياً  
  رقم المشاركة : [ 184 ]
قديم 08-19-2011, 06:53 PM
مستشار صحي
 

محمدالمطيري will become famous soon enough
افتراضي

الجزء الثاني

مع الطريق وقبل الحفر قالت الحرمة يا وليدي وش رايك في البنت ما تبي تزوجها ولا تدفع شي انا بنسق مع امك (تقصد خالتي) بسرعة رديت بس انا خاطب يا خالة وما اقدر قالت البنت انا اصير الثانية وش المشكلة ؟؟؟ وجهي طاح وما رديت
العجوز عطتني شريط وقالت شغلها هذ حق الخط الطويل ومسرى اليل ( الله يعطينا العقل ) المهم اشغله ويطلع اغاني للعبده موضي وكم طقاقه معها المهم وانا مسرع احس السيارة بتقلب قلت يا ولد لايكون ضرب كفر وش عند السيارة تلعب يمين يسار
اثاري العالم الي وراي الحرمة وبنتها قالبينها رقص ( انصدمت) واطالع يوم شغلت نور السقف والا وهم في عالم ثاني وضحك وانا طبعا مطيري ما يحتاج اقفل المسجل وهم يهجدون مره وحده وتقول البنت وامها بصوت واحد ليش حمودي خلنا نستانس
قلت اقول لا يكثر وين انزلكم وصلنا الحفر قالت البنت نزلنا بالسوق
العجوز قالت انت وش فيك طيب عصبت قلت كيفي قالت حنا بس نختبرك عشان نشوف كيف جوك بس واخلاقك
طلبت العجوز جوالي قلت ما عندي جوال مع انهم شايفينه قالت البنت طيب جوالي طافي نبي نكلم اخوي ياخذنا قلت جيبي الرقم وادق الرقم وما يرد قالت خلاص شكله نايم نزلنا واتكلت على الله

على دخلتي السوق يدق واحد من اخوياي قال وينك قلت في السوق قال لي اصرف دينار كويتي قلت له معي كويتي نقزت البنت تقول طالع الكويت بنروح معك قلت لا بس انزلي ازين لك
ضحكت الام وبنتها ونزلو وقالو لي كلمة ( حبيناك وعيب ان هديناك )
مشيت وصلت الساعة عشر شقتنا بالحفر والقاء اخوياي جالسين ومجهزين العشاء قلت لهم اليوم الثلاثاء وبكره الراتب نستلمه وننزل بكره قالو ما يمدينا لازم نسري وبنسفك لين ينزل راتبك انا مواصل وتعبان ومالي خلق وشوي (يجي رسالة من رقم غريب حمودي حساب مشوارك في المرتبه الخلفية)
تعشيت ونزلت وافتش المراتب والقى ربطة فلوس اعدها لفيتها 10000 عشرة الاف ريال؟؟؟؟؟؟؟
اكثر من راتبي بعد القصود
ارسلت للرقم رسالة قلت كم الحساب الي خليتوه الرد بسرعة عشرة الاف لانك اصبحت احد افرد عائلتنا الموقرة
مدري فرحة دلاخة وش هي بالضبط المهم قلتا لاخوياي الثلاثة اتكلنا على الله نحرك الحين ومحمولين مكفولين على حسابي الين مطار الكويت وهم يتناقزون في السيارة
وصلنا منفذ الرقعي وجولي فيه نغمت صدى غريبه!!!!!!!!!!!:con fused:
المهم على المنفذ نشوف بجنبنا سيارة همر مره ينقز قدامنا ومره ننقز عليه ومضلل كاتم
فتشونا والهمر نزل منه رجال طويل بناظرات بولوسية ودخل للقسم النسائي بنات ثنتين وحده منهم ما هي غريبه علي بس انا ما عبرته
دخلنا الكويت ووصلنا فندق وحجزت بجوازي جناح كامل (انا الكنق حقهم طبعا) وعلى اذان الفجر صليت وقبل النوم تلفون الغرفة يدق ويرد واحد من اخوي ملقوف لقافة الوه محمد قال لا انا نايف قال خل محمد يكلم عطاني السماعة وهو مفهي ويناظر تقول عيونه بتطلع الوه مين قالت الحساب مدفوع ونام بدري عشان الرحلة لا تروح عليك وتقفل السماعة
منهي ما ادري لاهو صوت العجوز ولا صوت البنت الي جاو معي من الرياض !!!!!!!!!!
نزلت للاستقبال وسالته من وين الخط الي جاي قال من المملكة الرياض؟؟
ولقيت الحساب مدفوع كاش من الي دفعه قال واحد ما اعرفه يقول انه صديق لك قلت وشنهو قال بطاقته كويتي ؟؟؟؟؟؟؟
انهبلت وطار النوم من عيني !!!!!
نمت الساعة ثمان الصبح بعد دوخة النوم




نكمل في الحلقة القادمه
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 185 ]
قديم 08-19-2011, 10:48 PM
مشرفة سابقة
 

يناير will become famous soon enough
افتراضي

محمد تكفـــــــى كمل بشوف وشو السر في القصة خخخخخخخ
امانة قصتك حقيقية؟؟
من مواضيع : يناير
يناير غير متواجد حالياً  
  رقم المشاركة : [ 186 ]
قديم 08-19-2011, 11:55 PM
مستشار صحي
 

محمدالمطيري will become famous soon enough
افتراضي

اقتباس
  المشاركة الأصلية كتبت بواسطة يناير
محمد تكفـــــــى كمل بشوف وشو السر في القصة خخخخخخخ
امانة قصتك حقيقية؟؟


وش قالو لك ولد خالي صويلحوه الحرامي

اكيد السالفة صدق

وبكره بعد الظهر بنزل الجزء الاخير لاني تعبت من الكتابه
او انزله اليله حسب الاجواء والمزاج على جزئين الجزء الاول بعد السحور والاخير بكره
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 187 ]
قديم 08-20-2011, 01:16 AM
مشرفة سابقة
 

يناير will become famous soon enough
افتراضي

اقتباس
  المشاركة الأصلية كتبت بواسطة محمدالمطيري
وش قالو لك ولد خالي صويلحوه الحرامي

اكيد السالفة صدق

وبكره بعد الظهر بنزل الجزء الاخير لاني تعبت من الكتابه
او انزله اليله حسب الاجواء والمزاج على جزئين الجزء الاول بعد السحور والاخير بكره



حلــــــــــــوة صويلح هههههههههه
اجل تسذوب


واللة اول مرة اقر قصة اسمع لازم تكملها اليوم لاني يمكن ما أدخل في العشر بتفضى للعبادة والمطبخ طال عمرك خخخخخخخ
من مواضيع : يناير
يناير غير متواجد حالياً  
  رقم المشاركة : [ 188 ]
قديم 08-20-2011, 03:45 AM
مستشار صحي
 

محمدالمطيري will become famous soon enough
افتراضي

اقتباس
  المشاركة الأصلية كتبت بواسطة يناير
حلــــــــــــوة صويلح هههههههههه
اجل تسذوب


واللة اول مرة اقر قصة اسمع لازم تكملها اليوم لاني يمكن ما أدخل في العشر بتفضى للعبادة والمطبخ طال عمرك خخخخخخخ


لا ماني سذوب بس بكمل القصة عشان وراك مطبخ و وعباده والباقي لو تفحطين بكره بعد صلاة القيام
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 189 ]
قديم 08-20-2011, 03:58 AM
مستشار صحي
 

محمدالمطيري will become famous soon enough
افتراضي

الحلقة الثالثة


صحيت الساعة 8 العشاء بعد ان قعدني واحد من الشلة حقتي يقول قم اقعد شف وش الي جاي
لقيت ثلاث كروت عشاء جاهزه في المطعم المفتوح واخوياي متززين فيها قيمة الكرت ثلاثه دينار يعني مجموعها 120 ريال
واحد من اخوياي قعد بدون كرت شرينا لها كرت عشان ما يبكي علينا ونزلت للاستقبال استفسر من الي جاب الكروت للجناح قال لي واحد عسكري وانا اقمط العافية وقامت تصافق رجليني قلت تعرفه قال لا بس الظاهر انه عسكري او مره اشوفه وسحنته ولهجته غريبه ( شكيت في الموساد الاسرائيلي ) تكفى يا خالد مشعل
طلعت المطعم وتعشيت وانا موسوس والفئران الثلاثة الي معي يطحنون طحن غير طبيعي وماهم ملقين بال ولا فكرو بشي
المهم اخذنا القهوه للجناح وخبرت الشباب بسالفة دفع التذاكر وقيمة الفندق من شخص غريب
كل واحد منهم قام يجيب سالفة تزيد الهم هم ويفكر تفكير سطحي (وغبي)
الاخ نايف زميل الدراسة ورفيق دربي قاعد صامت وما قال شي ونقز الاخ سلطان العتيبي يحلل ويقول ابك ابك هذ واحد من اقاربك يبي يسوي لك مقلب ويخوفك واذ طلعنا من الكويت بيوقف
والثاني يقول يمكن انهم مشعوذين ناوين لك نية او عصابة مخدرات يبون منك تصير عميل لهم
ثم قال اشك انه ولد عمك ياسر الي عايش بالكويت عرف انك مسافر للكويت حب يكرمك
(قلت له انت صاحي الاخ ياسر مطفر يا الله يدفع اجار بيته)
واخير تحرك الرجل الصامت وقال لي تذكر اخر سفرة لسوريا يوم ضاع جواز سفرك قبل حول سبع سنين وانت طالب وقعدت شهر محبوس وتحقيق لين طلعت جوزاز مؤقت وبعدها وقفو جوازك خمس سنوات
تذكرت اني بعد ما طلعت الجواز بعد خمس سنوات من فقدانه حققو معي الجوزات وقالو ان جوازك استخدم في ست دول كم مره ودخل البحرين ولاعاد طلع قلت وش الدول الي دخلها قالو مصر ايران الكويت سوريا لبنان العراق
بعد سالفة نايف وسوست وخفت خوف غير طبيعي وقلت وش سالفة البنت وامها؟
جات الساعة 2 الصبح موعد رحلتنا وطلعنا المطار رحلت كولالمبور قصيت البوردينق وطلعنا الطايره وانا مسطول ما اقدرت افكر وافهم السالفة زين ؟ كل شوي تحليل واتذر وين رحت وين جيت وش انا مسوي
خمس ساعات طول الرحله قاعد افكر وش الحاصل ومن هذ الشخص المجهول
باقي ساعه وتوصل الرحلة حطيت راسي وقعدت على صوت المضيفة تقول اربط الحزام وصلنا كوالمبور
نزلنا المطار انا والفئران الثلاثة كل واحد يمسح عيونه من النوم وفي المطار تجي وحده تقول لي على البوابة محمد الموتيري بلغتهم قلت اي بله انا هو اهلا وسهلا نورت ماليزيا الفندق محجوز وجاهز خمس نجوم وانا اقول وش فندقه ؟ انا حاجز فندق جراند مايا وهي تقول لي فندق برنسيس كولالمبور ست نجوم وانا اقول لها من الي حجز لي الفندق وانا متفق مع الشركة العربية قالت انت الغيت الحجز ووصلت حساب اسبوعين بغيت انصرع واناظر في اخوياي المفهين معي وقلت لهم من لغى الحجز وغير الفندق قالو علمنا علمك كلنا دفعنا عربون الف ريال بس من الرياض وانت معنا
قلت لها روحي ونلحقك راحت لذاك الباص الانيسة وانا قلت لاخوياي ياناس انا خايف نروح هناك تجينا مصيبه فيه ناس يراقبوني وانتو معي يا الدلوخ خلونا نركب تكسي والله يعوضنا عن العربون الي دفعناه وبدفعه من حسابي ونصرف الخدامة هاذي الي قاعده تحترينا في الباص
اخوياي من الخوف قالو ابشر بعزك مالك هم جاهزين وانا اقول للبنت الي تحترينا اصبري ربع ساعة حتى ناخذ العفش وهي تسفط في المواقف
نشوف اقرب تكسي ونمشي لفندق بعيد عن الفنادق هذي وحنا في السيارة قاعدين نتفحص خلق الله لا احد يراقبنا الين وقفنا التكسي في فندق نسيت اسمه وسكنا فيه وباقي الخوف في قلوبنا حتى ان بعضنا شك في بعض
اخذنا يومين ولا احلى بدون قلق ولا ازعاج الا ان واحد من اخوياي قال تكفى مدينة الالعاب نبيها ضروري ملاهي جينتج هايلاي وتبعد عن العاصمه ساعة وشوي
المهم لعبنا اربع ساعات نسينا فيها كل شي من يومين
صار وقت العشاء رحنا لمطعم في اعلى المدينة وجلسنا وطلبنا العشاء وجلسن نشرب الشاي
وفجاة حصل المحظور



نكمل الفصل الاخير في الحلقه الاخيره
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 190 ]
قديم 08-20-2011, 04:34 AM
مشرف سابق
 

الشرقي will become famous soon enough
افتراضي

صراحــــة ياامطيري تستحق التقيييم على هالقصة
بس لاتطول بالجزء الاخير
من مواضيع : الشرقي
الشرقي غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
آلرمضآنيه, الوزارية, دگتنآ, وسواليفنا


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 08:10 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط