آخـر مواضيع الملتقى

دعــــــاء

العودة  

دگتنآ آلرمضآنيه وسواليفنا الوزارية

منتدى رمضان
موضوع مغلق
  رقم المشاركة : [ 201 ]
قديم 08-20-2011, 11:01 PM
مشرفة سابقة
 

يناير will become famous soon enough
افتراضي

اقتباس
  المشاركة الأصلية كتبت بواسطة محمدالمطيري
انتي خاصه ما فيه امل اكمل لك
القطه الاوله ما قطيتي لا وبعد ماليه الدكه مكسرات ومشيتي مانظفتي مكانك

عشان تعرفين وش معنى م ط :d



ههههههههههههههه أمــــــزح بقط لك ولا يهمك
بس مشكلتي اني احسك مغتني ««« من بعد القصة خخخخخخخخخ

انتظر قصتك اللة يبارك فيك
من مواضيع : يناير
يناير غير متواجد حالياً  
  رقم المشاركة : [ 202 ]
قديم 08-21-2011, 03:47 AM
Banned عضو موقوف
 

العـــود الأزرق will become famous soon enough
افتراضي

ياخ محمد تسحرت بدري والحين جت الساعه 3 وصرت جوعان ههههههههههه


ولا شفنا لا الجزء الاخير ولا شي


وينك ؟؟
من مواضيع : العـــود الأزرق
العـــود الأزرق غير متواجد حالياً  
  رقم المشاركة : [ 203 ]
قديم 08-21-2011, 04:24 AM
مستشار صحي
 

محمدالمطيري will become famous soon enough
افتراضي

الحلقة الاخيرة

المحظور ان خوينا كسر كاسة الشاهي والناس تناضر فيه تقول ( او ماي قاد ذس سعودي ) يعرفون ان السعوديين عفشين ويخربون الديرة الي يجونها ( اعرف انكم تحطمتو وودكم تكسرون راسي) بس انا ما قلت لكم فهو مع قصتي يعني بتتوقعون بعد احد يدفع قيمة العشاء وحنا منحاشين
نرجع لمحور حديثنا
قمنا نلم الكاسه المكسوره وكل يضحك علينا و قعدنا نشرب القهوه ونحتري العشاء الي طلبناه مشاوي بحرية و (2 تميس وفول قلابه ) وجيه فقر ومن الحفر بعد
وصلنا العشاء وتعشينا ولقينا من الله خير وطبعا حاسبنا ولا احد حاسب علينا
مشينا للفندق ونمنا بعد كم لفة في شوارع تكسس (واحد نصاب )
صحيت الساعة 11 ص واحسب الناس باقي الفجر لاني ما شفت الشمس وعيوني مغنفسه من النوم وافتح جوالي الكريم والقى خمس مكالمات لم يرد عليها من رقم واحد وعدد خانته 5 ارقام بس ويبداء بــــ 700 قلت هذا شنهو لايكون فزت في مسابقة شاعر الحفر مع اني كنت متاكد ان خدمة الــــــــ700 تاخذ فلوس ولا تعطي بس قلت يمكن حظي زين وانا اتصل ويرد على جهاز يقول ولكم .... كلام كثير .....واخره سعوي اربيا فهمت ان السالفة في المملكة فديتها المهم اقل من دقيقه ويتحول لغته عربي ويقول اهلا بك في سفارة المملكة في ماليزيا
وطبعا متعود من الله خلقني اذ رد علي سنترال او أي جهاز ان كان اضغط صفر بدون تردد ما يبي لها كلام
ضغطنا صفر ويرد علي شخص ما ( اكيد شخص ماء اجل بيكون خروف ماء) المهم يقول السلام عليكم ولكم وقلت له ولكم ايه السعودي وهو يضحك ( يقول في نفسه وش جاب ابو دلامة يتصل) قلت له اتصلتو علي قال من انت قلت له من انت اول قال انا السفير السعودي أي خدمة وانا اقمط العافية قلت السفير براسه وحاطينك على تحويلة صفر (طاح حظك من سفير) قلت طيب وش اسمك قال محمد رضاء قلت له تستهبل انت محمد رضاء سواق التريله الباكستاني حقت عمي ذعار قال لي اخوي انت شارب شي وانا على بالي بخوفه عشان يحولني على السفير قال اصبر شوي وحولني على واحد قلت من انت قال انا عبدالرحمن الفصيل أي خدمة قلت له اتصلتو علي قال كم الرقم قلت له 7005ألى اخره قال لا يا خوي الرقم هذ طالبك عن طريق خط خارجي وحول رقمه في حالة الاقفال للسفارة ممكن تنتظر شوي ونتصل عليك
شوي ويطلع الرقم 42579825 ويكلمني ويقول وش اسمك ووين ساكن ومتى وصلت قلت ما هو بشغلك انتو اتصلتو والا لا قال انت عطنا اسمك اول ونشوف قلت محمد .. المطيري قال لي هلا محمد ايه حنا اتصلنا عليك نطمن بس لانك ما كلمتنا اول ما وصلت قلت انا من الله خلقني ما اعلم احد اني وصلت الحين تبوني اعلمكم قال على راحتك قلت له طيب منهو الي حولني عليك ها الباكستاني قال هذ السفير قلت له انت صادق قال أي والله انه اهو قلت واسمه رضاء بعد طيب عطوه تحويلة زينه و مميزه مثل مديرنا ثلاث ثلاثات وسكرتيره ميه قال ابشر بس اهو من حقه يسحب أي خط اذ الموظف ليس موجود ما كمل كلمته ويقفل الخط بوجه وانا اقول فكه
شفت ساعتي وطلبت فطور وعين خير وصحيت الفئران الثلاثة قلت يا الربع نشوف لنا مكان ثاني او مدينة اخرى قالو امر وحنا نطامر قلت انا من اخذتكم وانا عارف ما عنكم الا المطامر
(قرود ) المهم
المهم قال لنا صاحب تكسي طلع يمني قال اوديكم جزيرة سيبدان قلنا اتكلنا على الله رحنا وخذنا يومين ومهاوش وكدت اغرق كم مره بس الله ستر
ورجعنا للعاصمه واخنذنا فندق لمدة يومين لان باقي ثلاث ايام على الرحلة وراح واحد من اخويان مصفوق للبرجين التوامين يقول بيستاجر فيها ويرجع علينا بعد ساعتين مكفخينه واخذين منه غرامة حول 200 ريال عشان انه يهاوش العسكري يقول بستاجر غصب قالو له البرج مقر عمل لشركة بترول واقلب وجهك الا يلزم وهو يطردونه
نسيت احداث اليومين بالظبط من الراحة النفسية الي لقيناها ويوم صار اخر يوم الباب يطق طق طق طق ويجي عامل من الفندق يقول هذي رسالة من فرند (يعني صديق بالعربي)
المهم وانا انهاس وانصدم صدمة من قوتها صحو سكان الفندق (تكفى يالتريله )
وانا افتح الضرف والقى فيه ربطة دولارات ورسالة مكتوب فيها حمودي ليش تهرب مني وانا ادورك من اول ما نزلت حرام عليك محبتك زينه ( المره هذي شكيت اني نحول )
وبدون شعور اصحي الناس واشوت فيهم تشويت الي من الخوف توطى في اخوياه والثاني قفز من الدور العاشر (ما كنها كبيره شوي) والثالث انواع القنابل فكها (الله يخسه)
المهم علمتهم بالعلم كله قالو النحشه خذ دولاراتك والمطار نستاجر اليوم الباقي هناك
نشيل قشنا واقرب دينة للمطار
سكنا في فندق قريب من المطار وريحنا وطلعنا نسهر في جلسة مقهى اسمها ليالي العرب ونطلب انواع الشاهي والقهوة والتمر( ديوانية ابوك اهي والا بيت شعربالبر )
الهم مالكم بالطويله خوينا نايف حق كيف وشيشه وانا تقولون قطو شايته ولد خالي صويلح اكح من كثر الشيشه والدخان وفجاة بدون مقدمات
يجي ثنتين ويطالعون فيني مطالعه يخزوني خز قلت لصديقي شف ذولي كيف يناظرون اعوذ بالله شوي تناقز عيونهم قال لي والله انك صادق بس ليش ما تخزهم انت قلت انا خجول قال طيب اكل تبن ولا يكثر عطهم مقفاك اذ ما بتسوي لنا شريف هنا قلت ابشر
شوي واسمع ضحك بقوة وياشرون علينا قلت لصاحبي وش الماصخات ذولي من أي بلد هم قال ما ادري لاني نظري ضعيف والصالة انوارها كاتمه شوي
جانا فكاك الازمات نايف قلنا له شف الماصخات ذويلك وش عندهم عاد نايف نسونجي وقوي وجه مر من عندهم ورجع يضحك قلنا ليش تضحك يا بو قال سعوديات قلت ابك انت ساج قال ايه صادق قلت وشلون عرفت وهم ما تكلمو معك قال ابد تبي تعرف البنت السعودية شف ركبتها سودا تقول نفود حايل ومالين الطاولة فاين كلينكس (يمسحون فيه البودره الي على وجيههم) وانا اقول يا خوي انا ما اصدق ان فيه سعوديات كذا قال بعد وبعد ما شفت شي
المهم اخوياي اشتغلت الموسيقاء بصوت قوي وتناقزو يلعبون
المهم جت وحده كانت صاده على جنب الين جلست جني وانا اناضرها وعرفتها طلعت البنت الي جات معي من الحفر وهي تقول يالدلخ ما عرفتني قلت لا تفرقين واجد بس خويي قال هذي ام ركبة سودا سعودية وانا اقول وش جابك هنا وشلون عرفتي اني هنا ومن الي كان يدفع الفلوس في كل مكان عني قالت انا وامي وهي تولع بولاعتها وتجي امها سابقا وصديقتها الان وفيها جمال طبيعي اجمل منها بواجد قلت وش الصاروخ هدذي قالت هذي امي قلت انثبري تلعبين علي قالت الام بصوتها القديم كيفك يا حمودي ؟؟؟؟ انهبلت وقلت وش السالفة قالت انا اهي بس اسوي نفسي مبيرة سن قلت وشلون خالتي ما عرفتك قالت اصلاء انا ما كشفت وجهي عندها من عرفتها قلت نمشيها طيبي جسمك وشلون تغير وصرتي مثل الخيزران قالت حركات انت ما تعرفها وصعبه عليك
قلت طيب وش تبون مني بالضبط يا عالم قالو بس حنا قلنا لك كلمة (حبيناك وعيب ان هديناك) قلت من الي حبتني منكم قالت الام انا قلت والمطلوب قالتها بكل صراحه تتزوجنا يا ثنتين ونصرف لك شهريا 1000الف !!! قلت وليش انا بالذات غيري واجد قالوها كاش والله لاهو من زينك انت وسنونك ولا من جمالك لانك عادي جد بس حللنا شخصيتك وشفناك صادق وقلنا يمكن نحل غربتك في الرياض واهم شي الحلال (هين صدقتكم يا رياء وسكينة)
من وين لكم ها الفلوس والله لو انكم بنات القذافي او كريستوف كولومبس( وش دخل مكتشف امريكا بالسالفة؟ بس زود ثقافة يعني اني)
المهم ما لكم بالطويلة
قلت معقولة على هالجمال و العرض المغري ما لقيتو احد قالو الا لقينا بس كلهم راعين مصالح قالت الام(سابقا) تصدق انا متزوجه وزيرين واميرين وما اهتنيت معهم كلهم يبون مصالح بس (ليش الاخت فندق) بسرعة تبادل لذهني سؤال وبسرعة قلت للثانية وانتي كم مره تزوجتي قالت انا لسى بس خطبني كم سفير ورفضت (قلت والله لو انك جواز دبلماسي) قالت انا اصغر من اختي بخمس سنين سالتهم سؤال و بعدها خربت السالفة وحزنت قلت لهم من ابوكم قالو لي ليش ها السؤال اهو الي يذبحنا بالذات ويخلينا نكره الحياة قلت اسف ليهابوكمميت قالو ياليت اقل شي معنا ابو قلت استغفر الله اجل من عياله قالو لنا عمنا جابنا من الشؤون وكفلنا لانه قال ان امنا جابتنا توم بس من بناته ما يعرفون وامي ما تت بالمستشفى بعد عمليتنا قلت وعمكم وش شغلته بالضبط قالت غسيل اموال في جميع انحاء العالم وحنا ندير ربع ثروته فقط والباقي ما نعرف عنه شي وعمنا معاق رغم انه بسن الاربعين توه
قلت وشلون عرفتو عني اني هنا قالو نراقبك من بعيد الى بعيد واتصلنا على السفارة وجبنا رقمك جبنا حجزك القديم من رقم الجواز في التذاكر وغيرناه

قلت والنهاية وش تبون مني قالو اذ زعلك ها الشي نطلع من حياتك قلت الله يسترعليكم قالو لي شرط تقبل هديتنا قلت طيب ابشرو مقبولة قالو تجيك في الرياض وتوادعنا وكل راح بطريقه
ويوم وصلت للرياض دقيت على الرقم وقالو لي وين حسابك قلت ما عندي حساب (طبعا خايف) قالو جب لنا صورة من بطاقتك خفت وقلت ما اقدر قالو طيب شف لنا اكبر فيدكس لك قلت الفيدكس الفلاني وانا استلم الفيدكس برقم جوالي وافتح الهدية والقاء فيها شيك 100 الف ريال قعد معي عشرة ايام متردد اصرفه واخير صرفته سحب واتصلت عليهم جولهم مغلق واكثر من ثلاث سنين للحين ما ادري وين راحو بالضبط حيين او ميتين





وانتهت الحلقة الاخيره
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 204 ]
قديم 08-21-2011, 10:53 AM
مشرف سابق
 

قلم خـاص will become famous soon enough
افتراضي

هههههههههههههههااااااي

محمد المطيري صاير حكواتي !!

روعه ولا افلام هوليود ..

تحياتي لك ..

كنت هنا .,’
من مواضيع : قلم خـاص
قلم خـاص غير متواجد حالياً  
  رقم المشاركة : [ 205 ]
قديم 08-21-2011, 03:07 PM
مستشار صحي
 

محمدالمطيري will become famous soon enough
افتراضي

اقتباس
  المشاركة الأصلية كتبت بواسطة قلم خـاص
هههههههههههههههااااااي


محمد المطيري صاير حكواتي !!

روعه ولا افلام هوليود ..

تحياتي لك ..


كنت هنا .,’


ما عندي مشكله اقص لكم لين العيد بس حاسبو عني لاني من اختفت زينة واختها وانا بحالة ماليه يرثى لها
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 206 ]
قديم 08-21-2011, 03:09 PM
مستشار صحي
 

محمدالمطيري will become famous soon enough
افتراضي

وش رايكم بقصة رحلتي

اوعدك بكم قصه شريطه بدل حكواتي

من مواضيع : محمدالمطيري
محمدالمطيري غير متواجد حالياً  
  رقم المشاركة : [ 207 ]
قديم 08-21-2011, 03:44 PM
Banned عضو موقوف
 

العـــود الأزرق will become famous soon enough
افتراضي

اخوي محمد القصه مررره مشوقه


لكن سامحني على السؤال

هل هي حقيقيه ام من نسج الخيال او بعضها حقيقهي والبعض خيال



وبالعكس يعطيك العافيه اسلوبك جدا مشوق


وياليت تفتح لك موضوع ثابت مستقل بالترفيه احسن

تكتب فيه قصصك


وكلنا متابعين



بالتوفيق
من مواضيع : العـــود الأزرق
العـــود الأزرق غير متواجد حالياً  
  رقم المشاركة : [ 208 ]
قديم 08-21-2011, 10:18 PM
مشرف سابق
 

الشرقي will become famous soon enough
افتراضي

اقتباس
  المشاركة الأصلية كتبت بواسطة محمدالمطيري
انت باين انك غربي ومحترم
شرطي الدفع كاش بدون مساومات
ولا ازعل وافجركم


هلا وسهلا بــ محمد متيري
هذا من طيبك اخوي محمد
قصة ولا اروع ولاتحرمنا من قصة ثانية
بس لاتطول علينا يااهنا ياابالديوانية
من مواضيع : الشرقي
الشرقي غير متواجد حالياً  
  رقم المشاركة : [ 209 ]
قديم 08-22-2011, 01:05 AM
مستشار صحي
 

محمدالمطيري will become famous soon enough
افتراضي

ازين ما سويتو التثبيت وعندي لكم قصه من جزء واحد بعد صلاة القيام
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 210 ]
قديم 08-22-2011, 01:12 AM
مستشار صحي
 

محمدالمطيري will become famous soon enough
افتراضي

بس لا احد يخلي السحور او القيام ويحتريني ترى حسب المزاج
من مواضيع : محمدالمطيري
محمدالمطيري غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
آلرمضآنيه, الوزارية, دگتنآ, وسواليفنا


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 11:25 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط