ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى الخريجين (http://www.e-moh.com/vb/f214/)
-   -   توضيح للوظايف بالقطاع الخاص والجميييييع يرفضها...؟؟؟ (http://www.e-moh.com/vb/t109434/)

adil3313 09-03-2011 11:09 AM

توضيح للوظايف بالقطاع الخاص والجميييييع يرفضها...؟؟؟
 
السلام عليكم .....
بصراحة اللي خلاني أكتب هالموضوع بعض العقول اللي ما ادري كيف تفكر.....
اولا توظيفكم على الخاااااااااااااص افهموا .
ثانيا حتى لو وظفوكم خاص مافية امان وظيفي ولا رواتب زي الحكومة وداوم الخميس وعدد الساعات اكثر من ساعات الحكومة وفرق بين الاجااااااازااااات بين الحكومة والخاااااص .
ثالثا تسمع كلام مديرك الهندي او البنقالي ما في كلام زيادة هكذا اهتمام المسؤولين والوزراء بابناء الوطن.
واخيرا الزيادة السنوية اللي على 400و 500 ريال والمستويات اللي تصل ل 700و 750 و 900 ريال ما راح تحصلونها بالخاااااااااااااااااااااااااااااااااااااااااااااا اص .
فهمتوا الحين ........؟؟؟؟؟
الجميع يرفض الخاص ونطالب بالحكومية وغير كذا لا تحلم بتعديل مستواك المعيشي وخلك بالخاص عند مدراك الهنود والبنقال ........... قال ايش قال خاص ....
ونطالب من والدنا خادم الحرمين الشريفين مساواتنا باخواننا خريجين المعاهد الخاصة والكليات اللي توظفوا قبلنا بفترة قصيرة بالحكومة فقط لا نطلب المستحيل تكفى يا ابو متعب كلمة منك تنهي الامووووور وتضمن لنا مستقبلنا فلا تنسى ابنائك فالامل في الله سبحانة ثم فيك ......
الجميييييييييييييييييييييع يرفض الخااااااااااااااااااااااااااااااااص .

سعدون العنزي 09-03-2011 11:18 AM

تدلعوا لين ماتفلسون من الحكومي والخاص

توهقت وصرت صيدلي 09-03-2011 11:24 AM

تخيل يحطونن بالخاص


صارلي مدة قريح وانا انتظر واخرتها خاص

لو ادري مسنع نفسي بالخاص ولا تحريتهم

adil3313 09-03-2011 11:44 AM

سعدون عندك اسلوب ارقى من هذا الرد اما الدلع اللي تتكلم عنة هل هوا انك تدفع 50 الف وثلاثة الاف تقريبا لهيئة التخصصات واخرتها خاص ؟؟؟؟
هل هذا اللي خسر الجهد والمال والتفكير هوا بظنك يسمى دلع ؟؟؟
ام لأنك متوظف او اداري بالموقع وصرت لا تبالي بكلمة الحق ؟؟؟
ومن انت حتى تسخر من الناس لكي تقول هالكلمة ؟؟؟؟
عموما حبيت اعطيك على نمطك واسلوبك وعارف انة بيستفزك مثل ما انت تستفز الناس واتابع ردودك على الناس ياخي خاف الله في نفسك ...؟؟؟

سعدون العنزي 09-03-2011 12:10 PM

خلاص ارفض محد جابرك :)

لكن اذا رفضت لا تقول بكرة ماعرضوا علي شي

ظلمتنا 09-03-2011 12:19 PM

سعدون عيب عليك اذا تبي الخاص حنا مانبيها ولا ترد على بعض المواضيع على المواضيع الي مالك فيها سنع&lt;br /&gt;<br />
&lt;br /&gt;<br />
وثانيا وش مقعدكم مشينا الى بوووو متعب<br />
<br />
وبعدين شكلك موظف بس جاي تنرفزنا وترفع ضغطنا طبعا الاخ سعد العنزي

سعدون العنزي 09-03-2011 12:41 PM

للاسف ماني متوظف وعاطل

ولو جتني في الخاص أقبل

لكن أستغرب رفضكم ،، لأن رفضكم مايدل إلا على انكم ناس ماتدورون الشغل تدورون الراحة ،، والمبدأ هذا مرفوض :)

هذا رأيي سواء قبلته أم لم تقبله فالأمر يعود لك ولا يخصني :)

الى متى عاطل 09-03-2011 01:35 PM

سلام عليكم ...

حبيت اوضح لكـ شغله مهمه يالبناخي >>اقصد سعدون العنزي ...

المسأله مو زي ما أنت فاهمها ... وأيضـاً وجهـت نـظـركـ واجب علي وعلى كل عضو هنا يحترمها وزي ماقلت كل واحد يعرف مصلحته ويعرف اللي يهمه ،، لكن القطاع الخاص وانا اخــوكـ أنت عارف وش اللي مخلي الكل يرفضه واذا غايب عنك بعض أسـاليب القطاع الخاص بقـولكـ أهمـها >> واللي هو ماتقدر تأمن نفسك مادياً يكفي لو رحت لبنك وبغيت تأخذ قرض سواء لزواج او من بنك عادي ماتقدر تدري ليش ...؟ لأنكـ قطاع خاص ولا يضمن البنك حقه منك ... ولو تواضع البنك واعطاك قرض بتكون بموقف محرج وصعب لانه بيطلب عليك كفيل غارم ويكون موظف حكوومي ... يعني بعد هالتعب والدراسه ابسط حقوقكـ وأهمها بالنسبه للاغلبيه منا غايبه بالقطاع الخاص وبعدين كم بيعطونك راتب ...؟ لاتحسب انهم بالاوامر اللي طلعت قبل فتره انك من ضمنهم لو كنت قطاع خاص واللي هو المساواه بالراتب والبدالات والعلاوات وغيره ... لا ياخوي هذي يقصدون فيه القطاعات العسكريه وانت عارف انها قطاعات حكوميه ....

وبعدين يآخي الاوارمر واضحه وصريحه توفير 28000 وظيفه لمن اجتازو اختبار الهيئه السعوديه ... وقلصوها الين صارت 12203 ... اعتقد فيه فرق كبير وشاسع بين العددين اللي امر فيها الملك واللي هم اعلانو عنها ودام انهم نقصوا اكثر من النصف المفروض تكون كلها حكوميه لكن هذا لعب من وزير الماليه وزير الخدمه ولا يهون وزير الصحه .... وبالاخير بقولك شغله الساكت عن الحق شيطان اخرص >> ولاتفهمني غلط انا اقصد حنا ياللي ننتظر جميعن حنا ماطلبنا الثريا ... طلبنا بحق من حقوقنا ... شف طلاب كلية المعلمين رغم كل اللي واجهوه من مشاكل وتعقيد الا انهم بالاخير اخذو حقهم وزياده ...
ليش حنا بعد مانسوي زيهم ونطلب حقنا وبعدين ماطلبنا توفير وظايف جديده مانبي منهم الا شيء واحد ينفذون اوامر الملك على الوجه المطلوب زي ما جاء بالنص بالضبط...
وانت عارف من وين بدا اللعب بالاوامر الملكيه ...!

هذا اللي حبيته اوصله لكـ ومن خاطر سمح ورضي ولك مني كل الاحترام والتقدير..
واذكرك ان شاء الله مو اني متشائم بس من كثر اللعب عرفنا خططهم المستقبليه ..
ماراح احد يتعين الا مع الميزنيه الجديده لانهم ماراح يعينونك قبل شهر واحد عشان التعديل وتصير محسوبه لك خدمه..!
وأيضا وزارة الصحه اللي بتأخذهم بتجبرهم على التشغيل الذاتي مافيه احد بيتعين زي قبل ويصير موظف رسمي لان الشغله اجباريه وهم بيعاندون وعذرهم كفائتهم قليله ..



وآتمنى لي ولكم جميعن الوظائف الحكوميه... ونبشر بعض هنا بالملتقى اللي جمعنا وقدرنا نتواصل مع بعض ونأخذ الاخبار منه..

adil3313 09-03-2011 02:00 PM

اولا حياكم الله جميعا ومشكورين على الردود .
ثانيا وش عرفك سعدون مانبي شغل وليش ما تقول نختلف في الطموح اذا طموحك القطاع الخاص ترى تقدر تتوظف بدون الخدمة المدنية وعشان افهمك اكثر الخدمة المدنية مالها شغل بالقطاع الخاص لها شغل بالحكومي فقط يعني اذا بمشونها عليك ففية ناس افهم منك واعرف منك وطموحهم اعلى من طموحك وعندهم شهادات وخاسرين عليها .
اما اذا تبي تتنطط بكل موضوع مع الشباب وتقول تدورون الراحة لا وتقول بعد هذا مرفوض لا تكون وزير الصحة وحنا مو عارفين ارتاح وريح وخل عنك التنطيط ومسوي فيها وصاية على الاخرين .

هلاليه من أيام الجاهليه 09-03-2011 02:00 PM

مافي خاص

حكومي ولا مانبي أما خاص

فرق إجازات والزياده السنويه

وحتى لو زودوا راتبنا بالخاص ماراح يكون مثل

اللي تستلمه بالحكومي

وبعدين يحطوني خاص لين اتقاعد هذي طريقتهم

حتى لو وعدوكم بعد سنه تحولون حكومي كله كلام

وأذكركم بكره يسحبون عليكم ونطيح بمشكله ثانيه

أحضروا التجمع وقولولهم شروطنا

واللي عاجبه الله يهنيه بس مو لازم اللي يعجبك يعجبنا


الساعة الآن 05:40 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط