آخـر مواضيع الملتقى

دعــــــاء

العودة  

قصة حقد و حب عفيف

الملتقى الأدبي
عدد المعجبين  1معجبون
  • 1 أضيفت بواسطة محمدالمطيري

موضوع مغلق
  #1  
قديم 09-03-2011, 03:49 PM
مستشار صحي
 





محمدالمطيري will become famous soon enough


المره هذي سمعت جدي يقص هالقصة واعجبتي وخليته يعيدها كم مره لين فصلت الفيوز الباقة عنده حقت الذاكرة
القصة هي قصة حب عفيف ادى الى موت المحبين

القصه عن وحده من اهل البادية
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على
خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها .
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن
البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد غيره
وحالفه انها ماتزوج الا هو قالت امها هباس في بيت ابوه روحي واطلبيه يفك حجركي وتعوذي منه
يمكن يفك حبالكي .

راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني
في سبيلي" ما ابيك "

ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .
رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني
وانا اسلم عليكم وشربت السم .

وماتت


هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها
وادفنوها بملابسها
وقال يميني ووفيت بهعفيف eek.gif

أهلها ما لقوا احد يسرح عند ابلهم واستأجروا واحد من عيال جيرانهم يسرح عند الابل وكان الولد

صغير سن .
حبيبها صار يترددعلى ابلها ويلقى الولد سأل الولد وين البنت اللي كانت تسرح عند الابل سأله الولد ليه

تسال قال لاني مضيع لي ابل ويذكرون ان فيه بنت جتها الابل وطردتها وابي أسألها عنها وين طردتها

قال الولد البنت يقولون انها شربت سم وماتت..

ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها

شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار

بالضبط قال يا ولد تعرف واحد اسمه منير قال الولد أعرفه قال انا بعطيك رساله وصلها له واذا قراها

وحصل الابل بيرسنها لي قال الولد هاتها

استلم منير الرساله الا هو يقول فيها :



يا منير ما جاكم عن الترف ذكار

صحيح وان صخيف الروح غادي


صحيح والا طنبلـة علـم قمـار

او جا عنه راع العلوم الوكـادي


وكنك ضربت الكبد نطحٍ بمسمار

من يوم قيل الموت للترف صادي


وانس على كبد كما حر مخطـار

شي جرا جاب البلاء في فـوادي


ودك لوالدنيا تصنـت للاشـوار

والموت ياتي لـه نذيـرٍينـادي


يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي

شربت السم وانه كان يقصدها ورد عليه يقول:





وانا عنـه راع العلـوم الوكـادي

صحيح ماهي طنبلـة علـم قمـار

دنياك هذي ما تصنـت للاشـوار

تضرب على مشهات نفسه عنـادي


لوشاورتنا كان ما حق مـاصـار

نفدي بناسٍ عـن ظبـي الحمـادي


ياحيف ياعضودٍ كما وصف جمار

يودعهـن القبـر المهبـا سمـادي


وخدود حمر الجيب غضات الاثمار

والدود ياكـل مغتـرات الثنـادي


وشقرٍ ضفرهن طولهن خمسة اشبار

يعبا لهن غير الرشـوش الزبـادي


وياحيف ياهبـاس للتـرف قبـار

هبس قرونه عقب ما هـن بعـادي





وسلامتكم..

الله يرحمها برحمته
شارك
مشاركة في فيسبوك مشاركة في تويترمشاركة في قوقل بلص


من مواضيعي : محمدالمطيري
  رقم المشاركة : [ 2 ]
قديم 09-05-2011, 05:06 AM
صحي متمرس
 

محمد خالد العنزي will become famous soon enough
افتراضي

مشكور اخوي الكريم ويعطيك العافية
من مواضيع : محمد خالد العنزي
محمد خالد العنزي غير متواجد حالياً  
  رقم المشاركة : [ 3 ]
قديم 09-05-2011, 03:15 PM
صحي نشيط
 

مل الصبر مني will become famous soon enough
افتراضي


قصة جميله وحزينه
الحمد لله ايام الجهل ولت
و انتهت وما عاد فيه حجر ولا غيره

تحياتي لك
من مواضيع : مل الصبر مني
مل الصبر مني غير متواجد حالياً  
  رقم المشاركة : [ 4 ]
قديم 09-05-2011, 08:13 PM
مستشار صحي
 

محمدالمطيري will become famous soon enough
افتراضي

اقتباس
  المشاركة الأصلية كتبت بواسطة محمد خالد العنزي
مشكور اخوي الكريم ويعطيك العافية


ويعطيك بعد كم كيلو عافية
وشرفني مرورك
من مواضيع : محمدالمطيري
محمدالمطيري غير متواجد حالياً  
  رقم المشاركة : [ 5 ]
قديم 09-05-2011, 08:15 PM
مستشار صحي
 

محمدالمطيري will become famous soon enough
افتراضي

اقتباس
  المشاركة الأصلية كتبت بواسطة مل الصبر مني
قصة جميله وحزينه
الحمد لله ايام الجهل ولت
و انتهت وما عاد فيه حجر ولا غيره


تحياتي لك


الحمد لله على انك قريت قصتي زين لاني كنت حاس ان الصبر ما يلام فيك

شرفني مرورك

والحجر باقي للحين ما راح شف عمارة خالي فهد كلها حجر :d
إرم معجبون بهذا.
من مواضيع : محمدالمطيري
محمدالمطيري غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
يقي, عفيف, قصة


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 02:51 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط