ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى الخريجين (http://www.e-moh.com/vb/f214/)
-   -   ادخلو اشرح لكم وضعكم يوم السبت اللي يبي افيده يدخل ؟؟ (http://www.e-moh.com/vb/t109997/)

الصد والهجران 09-08-2011 06:30 PM

ادخلو اشرح لكم وضعكم يوم السبت اللي يبي افيده يدخل ؟؟
 
السلام عليكم ورحمه من الله وبركاته
وبعد :

يا شباب الاعلاان معروف ومفهوم واللي مو فاهم انا اقوله


كل اللي قدمو بتاريخ :25-1-1431 ويملكون رقم طلب مبدتي برقم (( 44 )) وهم حملة الدبلومات ومجتاز اختبار الهيئه ومصنف والبطاقه سارية المفعول يروح يوم السبت لتقديم لانهم يبون يحصرونهم كلهم ويطابقون وبعدها يوضفونهم لان اغلب اللي طلعت ارقامهم من ضمن الـ10 الاف متوضفين واللي ميت وما تمتع بالوضيفه وحقه بالاخره ما يروح واللي مبتعث وما يبي يتوضف ومفضل الدراسه على الوضيفه واللي موضف في جهات اخرى طبعا ً الدبلومات تشمل التقنيه والمعاهد الصحيه والكليات الصحيه وغيرها من الدبلومات
وللعم ولد خالي خريج تقنيه طلع رقمه للي يقولون هذا خاص بالصحيين وهذا التخبط اللي حصل من الوزاره وطلبونا يوم السبت عشان يعرفون الصحيين ويحصرونهم

يعني يبون يعرفون من بقى من اللي مجتازين اختبار الهيئه ومقدمين على المفاضله اللي بالتاريخ 25-1-1431
واللي مو مجتازين يرمونهم بجداره وهذا ضلم وضلم بعينه
والله يعينهم لانهم يبون يحكرونهم من يكون معه رقم طلب بس شهادة الهيئه منتهيه يبون يحجونهم يقولون انتم ما تصلحون تعبثون بالناس وانت مو مصنف من الهيئه <= حرام والله حرام


واللي مصنف ومعه رقم طلب وضعه تمام انشالله يتوضف عن قريب


وفيه سؤال يقول بالمنتدى يقول سارية المفعول فا اقول له

ترى يقصدون البطاقه حسب خبرتي لان الشهاده لا تنتهي ولا موضح فيها تاريخ عشان يقولون سارية المفعول واللي فيها تاريخ بشهادة الهيئه اللي مكتوب فيها قيود ومكتوب (( يعاد تقييمه بعد سنه )) وموضح تاريخ فوق بتاريخ اصدارها ومع ذالك معه بطاقه يقول انه معدي بختبار العملي
اما اللي مقدمين على جداره ولا يملكون رقم طلب حتى لو مجتاز الهيئه مع الباب ويقولون عندكم جداره قدمو عليها والسنه الجايه يفاضلونكم وهذا الضلم بعينه لزوم ما تسكتون عن حقكم يا الربع

يعني يبون يلعبونها صح

انا الحمد لله املك رقم طلب وخريج كليه صحيه ومجتاز اختبار الهيئه واوضاعي تمام وراح اجيهم بعين قويه يوم السبت بس لا للقطاع الخاص




هذا ما عندي وانشالله اكون على صواااب



والسلام

ضياع الحلم 09-08-2011 06:57 PM

المشكله اللي تخرج بعد التقديم اللي في العام الماضي بفتره قصيره ولا قدم على الديوان
هنا المشكله واللي فهمته من كلامك اللجنه اخذت من الديوان و الهيئه الصحيه
يعني مو بس الديوان
عندهم خبر في الشي هذا انا في ناس تخرجت بعد التقديم اللي بعد اسبوع او شهر او شهرين ولا فتح الديوان ولما فتح جداره قدموا فيه
هنا الظلم اللي حاصل في الناس هذه
يعني هم ضمن الامر الملكي بس الديوان هو اللي لف القرار
المضروض يدعون كل شخص تخرج ومصنف عام 1431 ويفاضلون على الاساس هذا

الصد والهجران 09-08-2011 07:07 PM

اقتباس:

المشاركة الأصلية كتبت بواسطة ضياع الحلم (المشاركة 651616)
المشكله اللي تخرج بعد التقديم اللي في العام الماضي بفتره قصيره ولا قدم على الديوان
هنا المشكله واللي فهمته من كلامك اللجنه اخذت من الديوان و الهيئه الصحيه
يعني مو بس الديوان
عندهم خبر في الشي هذا انا في ناس تخرجت بعد التقديم اللي بعد اسبوع او شهر او شهرين ولا فتح الديوان ولما فتح جداره قدموا فيه
هنا الظلم اللي حاصل في الناس هذه
يعني هم ضمن الامر الملكي بس الديوان هو اللي لف القرار
المضروض يدعون كل شخص تخرج ومصنف عام 1431 ويفاضلون على الاساس هذا


انا قايلكم ضلم يا الغالي

والخدمه تخبطو يوم ضافو ناس بعد مو صحيين بس يحملون رقم 44 ومقدمين على الخدمه واتوقع ضرب الحابل بالنابل الصحيين مع التقنيه وغيرها

وقلتلك ولد خالي طلع رقمه مع الصحيين ومتوضف بعد وبزودك بالرابط حق تعيينهم ولاحض انهم يحملون الرقم 44 يعني مقدمين على حمله الدبلومات

وهذا الرابط الخبر وللمعلوميه ولد خالي معهم ومات من الضحك لمنه شاف رقمه

وزارة الخدمة المدنية تعلن أسماء 489 مرشحاً لوظائف حكومية - قبيلة بني رشيد

الرايق المحروم 09-08-2011 07:23 PM

هذا هو الكلام نعم صدقت هذا اللي يبون يسوونه في المطابقة بحجة اسدعاء كل من يحمل الرقم 440

ضياع الحلم 09-08-2011 07:28 PM

صدقت والله اخووي تخبط من الوزاره
ولا توووقعوا الناس راح تفلت اعصابها عليهم عشان لازم التجمع لازم الكل يحضر التجمع لان الحين العين علينا
ولوووو يضبط التجمع صدقني راح الكل يتعيين
لان يعرفون خلاص مافيه مجال يدسون شي يعني راح يقولون فيه شي غلط قرار ملكي ولسه في ناس عاطله
الوقت هذا حنا لازم نضغط عليهم لازم
الملك الله يطول عمره و يخليه لنا ماقصر طلع الامر المكلي على الاحصائيه اللي رفعت الي مقامه الكريم
يعني هم سبب البطاله اللي حنا فيها يعطون طويل العمر معلومات وحنا ماكلين هوا في بيوتنا

صحي3 09-08-2011 07:30 PM

اخوي .. ان شاء الله و ليس انشالله .. فالصح ان تكتب ان شاء الله


سؤال .

بالنسبة لمن قدم على الخدمة المدنية .بعامنا الحالي هذا .. هل يشمله وظائف الامر الملكي ام لا ؟


ياليت تجاوبون بارك الله فيكم

yes to life 09-08-2011 07:32 PM

ماقهمت عليك ياغالي ..

انا طلع رقمي الحمدلله .. وعندي تصنيف والشهاده مافيها تاريخ انتهاء .. لكن البطاقه منتهيه من سنتين ؟؟

رحت فرع الخدمه من مدنيه وقالي مو لازم تكون سارية المفعول المهم عندك شهاده وبطاقه حتى لو منتهي وقالي كيف راح تجدد وانت مو موظف ؟

الصد والهجران 09-08-2011 07:59 PM

اقتباس:

المشاركة الأصلية كتبت بواسطة صحي3 (المشاركة 651656)
اخوي .. ان شاء الله و ليس انشالله .. فالصح ان تكتب ان شاء الله


سؤال .

بالنسبة لمن قدم على الخدمة المدنية .بعامنا الحالي هذا .. هل يشمله وظائف الامر الملكي ام لا ؟


ياليت تجاوبون بارك الله فيكم


مشكور على التنويه
اتوقع ما يشمله من الكلام اللي بالمنتدى والناس اللي راحو يم الخدمه المدنيه وخاص الخنيني وروحي لملتقى معاهد الخريجين وقرو بعض الشباب كاتبين موضوع ادخل على (( اللي صار معي عندما دخلت على الخنين ))
والله يرزق الجميع

الصد والهجران 09-08-2011 08:09 PM

اقتباس:

المشاركة الأصلية كتبت بواسطة yes to life (المشاركة 651657)
ماقهمت عليك ياغالي ..

انا طلع رقمي الحمدلله .. وعندي تصنيف والشهاده مافيها تاريخ انتهاء .. لكن البطاقه منتهيه من سنتين ؟؟

رحت فرع الخدمه من مدنيه وقالي مو لازم تكون سارية المفعول المهم عندك شهاده وبطاقه حتى لو منتهي وقالي كيف راح تجدد وانت مو موظف ؟


اخوي المطابقه يوم السبت ولهلحين ما طابق احد وذا طابق احد يرجع يوم السبت يطابق مره ثانيه عشان ما يروح عليك شي لان الموقع يفتح ويقفل بنفس التاريخ اللي قالو والموضف اللي قالك مو مهم بطاقة الهعيئه صدقني هذا يبي يصرفك وابيك تركز معي

وتركز بكلاامي اللي قلت فوق

اللي هو

وفيه سؤال يقول بالمنتدى يقول سارية المفعول فا اقول له


ترى يقصدون البطاقه حسب خبرتي لان الشهاده لا تنتهي ولا موضح فيها تاريخ عشان يقولون سارية المفعول واللي فيها تاريخ بشهادة الهيئه اللي مكتوب فيها قيود ومكتوب (( يعاد تقييمه بعد سنه )) وموضح تاريخ فوق بتاريخ اصدارها ومع ذالك معه بطاقه يقول انه معدي بختبار العملي
يعني لها تاريخ بتنتهي فيه شهادة التصنيف وليس البطاقه يعني
س- الخدمه المدنيه طلبت سارية المفعول وش يقصدون البطاقه او الشهاده ؟؟
ج- ترى يقصدون البطاقه والا الشهاده مالها تاريخ يا الغالي انتبه لنقطه هذي ويوم السبت راح تشوف كل شي

وفيه شباب من اصدقائي البطاقه تنتهي بعد عامين والشهاده مكتوب فيها يعاد تقييمه بعد سنه وراح لهم وغيروها بعد سنه وشالو القيود وما غيرو البطاقه وفيه ناس اللي انا منهم انتهت شهادة الهيئه لوجود قيود وبعد سنه اعيد التقييم وبطاقة الهيئه انتهت معها وجددوها لي وشالو القيود واعطوني بطاقه بسنه تنتهي هذا الكلاام قبل لا تنتهي فترة الامتياز عندي بسبوع ولحقت عمري والا غير يطلبوني ساعاة العمل وعلى فكره توي ادري ان شهادة الامتياز مدتها سنتين


فهمت معي او لا يعني يوم السبت راجعهم ولا تكون فيه اتكاليه على تقديمك اللي قبل

انا قلتلكم اللي صار عليه والاصح انكم تسوونه وهذا اللي عنددي

الصد والهجران 09-08-2011 08:57 PM

انا لا اتكلم من فراغ انا اتكلم من شي صار عليه وشفته بعيني يا الغالين

الله يوفق الجميع

وان شاء الله نتعين كلنا كليه حكوميه او معاهد خاصه

الجميع لا يرضى بالخاص


الساعة الآن 04:07 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط