آخـر مواضيع الملتقى

دعــــــاء

العودة  

ملتقى شؤون الموظفين للتعريف بالأنظمة والقوانين والإجابة على الأسئلة والاستفسارات الإدارية

خطاب توجيه مواطن مستجد لشغل وظيفه شاغره

ملتقى شؤون الموظفين
موضوع مغلق
  #1  
قديم 09-24-2011, 08:18 AM
صحي نشط
 


شهريار العسيري will become famous soon enough


بسم الله الرحمن الرحيم

السلام عليكم ورحمه الله وبركاته وبعد


عندي استفسار مره ماخلاني انام ولا ارتحت ندخل بصلب الاستفسار

انا امس طابقت بالخدمه المدنيه واتصلو علي وتم الترشيح وخلصت الاوراق بعد عناء وخلصت الكشف الطبي وكل شي المهم بعد الترشيح رحت لقسم الصادر قالي تبي ترسل اوراقك وزاره الصحه الرياض بنفسك
ولا نرسلها لك رسمي قلت له دام رسمي ارسل
رسمي
وعطاني صوره من خطاب بموضوع توجيه مواطن مستجد لشغل وظيفه شاغره

السوال هنا الخطاب هذا اروح به للمنطقه الي متعين عليها ولا استنى اوراق ولا كيف؟

ثاني شي هو قالي خلال خمسه عشر يوم تروح اروح بالورقه الي معي ولا استنى ورقه تعيين لين تصدر ؟
بس مدري اروح نفس المديريه لنفس المنطقه او اروح المحافضه الي متعين عليها
وكيف استلم قرار التعيين والمباشره؟

الي بجعبته شي لا يبخل علي
اسف على كثر الاسئله وصراحه خايف ان شي ناقص وتضيع علي الوضيفهخطاب توجيه مواطن مستجد لشغل omg_smilie.gif

في ناس قالو لي روح الرياض بما ان الموضف ارسلها رسمي من الصادر يحتاج اروح الرياض
ولا اروح المديريه الصحيه للمنطقه الي متعين فيها ولا اروح نفس القريه الي متعين عليها
ترى احترت شوي ويجيني ضغط وسكر
شارك
مشاركة في فيسبوك مشاركة في تويترمشاركة في قوقل بلص


من مواضيعي : شهريار العسيري
  رقم المشاركة : [ 2 ]
قديم 09-24-2011, 08:22 AM
 

شهريار العسيري will become famous soon enough
افتراضي

من الدوخه كتبت امس مو امس يوم الاثنين

المشكله سوو لي عزيم اقاربي وجماعتي فشيله لو ما اتوضف
ابغا رد يوضح لي والي عندك هاته ترى الرياض بعيده علي كيلوهات واجد استناكم
من مواضيع : شهريار العسيري
شهريار العسيري غير متواجد حالياً  
  رقم المشاركة : [ 3 ]
قديم 09-24-2011, 08:30 AM
صحي نشط
 

سجل عاطل will become famous soon enough
افتراضي

كان بودي أفيدك بسس أنا عآطل ولا أملك أي معلومـه..
لكن اتمنى لك التوفيق
من مواضيع : سجل عاطل
سجل عاطل غير متواجد حالياً  
  رقم المشاركة : [ 4 ]
قديم 09-24-2011, 08:36 AM
 

شهريار العسيري will become famous soon enough
افتراضي

فديتك والله يكفي تفاعلك معي الله يعطيك العافيه والصحه هي راس المال
من مواضيع : شهريار العسيري
شهريار العسيري غير متواجد حالياً  
  رقم المشاركة : [ 5 ]
قديم 09-24-2011, 04:06 PM
مشرف سابق
 

باسم امير will become famous soon enough
افتراضي

عزيزي انت تروح لمديرية الشؤون الصحيه التابه لها القريه او المحافظه اللي نازل تعيينك فيها
يعني مثلا اسمك نزل انك تعينك في الخرج
الخرج تعتبر تابعه للرياض تروح لمديرية الشؤون الصحيه بالرياض تقلهم انا تعييني عندكم في محافظة الخرج وهم يطابقوا شهاداتك ويتم توجيهك للخرج بخطاب من مديرية الرياض وصورة من قرار تعيينك ويكون مكتوب في الخطاب بما معناه انو انت موظف جديد متوجه لهم وان المديريه منتظره خطاب مباشرتك من الخرج
يقوموا الخرج يستقبلونك وتسوي عندهم خطاب مباشره يتوقع من مديرك في الخرج ويرفق مع الخطاب اللي جيت بيه من المديريه وصورة قرار تعيينك ويعاد لمديرية الرياض وكذا يكون كل شي انتهى وباشرت عملك بشكل رسمي (لاتنسى تحتفظ بصورة من قرار تعيينك وصورة من خطاب مباشرتك لانهم جدا مهمين لك حتى مستقبلا لو تبغا اي بدل او طلب نقل او اي شي رح تلاقي اول طلب رسمي صورة من قرار التعيين مع صورة من خطاب المباشره اما خطاب التوجيه مو ضروري)

وترى ممكن اذا رحت لمديرية الرياض وكان تعيينك اصلا في الخرج وهم محتاجين موظف في منطقه ثانيه تابعه لمديرية الرياض ممكن يكلفونك عليها مباشره ويسير تروح ترفع مباشرتك من هناك

يعني مثلا انت تعيينك في الخرج وهم محتاجين موظف في الزلفي وكلها تبع مديرية الرياض يقوموا يعطوك خطاب توجيه بنفس صيغه الاول بس موجه للزلفي وقرار تعيينك وكمان معاهم قرار تكليف من الخرج للزلفي وزي كذا

كل عدة محافظات تتبع لمديرية رئيسيه في المنطقه وانت شوف فين تعيينك وتارجع المديرية الرئيسيه اللي تتبع لها المنطقه

عندك الليث ورابغ واضم تتبع مديرية جده
ينبع وخيبر والعلا والحناكيه تتبع مديرية المدينه
الوجه وتيماء وضباء واملج تتبع مديرية تبوك
محايل عسير ورجال المع والنماص والبرك والمجارده وخميس مشيط تتبع مديرية ابها
بلجرشي والمخواه تتبع مديرية الباحه وهكذا
واذا في اي محافظه ماتعرف لاي منطقه تتبع اسأل الديوان وهم يدلوك اوادخل قوقل وسوي بحث باسم المحافظه ورح يطلعلك كل المعلومات غالبا على موقع ويكيديا

والف مبرووووك الوظيفه وبالتوفيق لك وللجميع
من مواضيع : باسم امير
باسم امير غير متواجد حالياً  
  رقم المشاركة : [ 6 ]
قديم 09-24-2011, 09:49 PM
 

شهريار العسيري will become famous soon enough
افتراضي

الله يعطيك العافيه اخوي الغالي وجزاك الله خير جد كنت محتاس شوي ومو عارف شي بس موظف الديوان قالي روح بعد اسبوعين لكن بكره ان شاء الله بروح لهم بالرغم المنطقه الي متعين عليها بعيده مره بس الله يعين وانا اصلا جالس استنى شي اسمه خطاب مباشره او تعيين عشان اروح لهم والله حاله ما ينعرف لهم لان بعضهم قالي راجعهم في الرياض الوزاره عشان معامله الوظيفه فيها عشان تباشر الله المستعان وردتني شكوك كثيره حيال الموضوع هذا الي دوخني قالو لي روحتي لهم الرياض والحين انت تقول المنطقه الي متعين عليها انا اخاف يقولون انتضر تعيينك يجي من الرياض

جزاك الله الف الف خير ويجعله في موازين حسناتك وانا بابقا اتابع هالموضوع لين انتهي منه وابدى بالمواضيع الثانيه الله يوفقك والي عنده اي نصصيحه او اي شي يدلي بدلوه كلي اذن صاغيه وتفهم لاني بامس الحاجه وتلمس المساعده منكم اخواني

والله الموفق
من مواضيع : شهريار العسيري
شهريار العسيري غير متواجد حالياً  
  رقم المشاركة : [ 7 ]
قديم 09-25-2011, 06:20 AM
صحي جديد
 

3NZE M6NOOO5 will become famous soon enough
افتراضي

حبيبي للتنبيه فقط

آنآ مثلك بتبوك وخلصت آورآقي وآلكشف آلطبي وكل شي وخويي بديوآن آلخدمه قآلي آنتبه تروح لين تآصل آورآقك آلوزآره بآلريآض ومآفي شي آسمه تروح لمكآن تعيينك آو آلمنطقه آلي تعينت فيهآ غلط كلآم زميلنآ
شوف حبيبي آنت آتصل كل يوم للوزآره بآلريآض على تيليفون آلآتصآلآت آلآدآريه
آلي هو
012125599
012124105
آذآ قآلك وصلت آلآورآق ورآحت شؤون آلموظفين رآح يعطيك رقم وآرد لهآ
يصير تتصل على شؤون آلموظفين علشآن يطلعون معآملتك آلي حآذفينهآ بآحدى آدرآجهم آلمملؤه بآلمعآملآت ..!
آلمشكله بآلموضوع محد رآح يرد عليك وفوق ذآ كله بيقلون حيآهم عليك لدرجة آني آتصل وجلست آنتظر 5 دقآيق تحويلة شؤؤون آلموظفين بآلآخير يرفع آلسمآعه ويرجع يقفلهآ على طول بكل وقآحه لآني آزعجته يآشيخ

طبعآ نصيحه مني لك آلحل آلآول آرسل آحد من آقآربك آلي بآلريآض يروح شؤؤن آلموظفين ويخلصهآ بيوم وآحد على طول حق آلآتصآلآت آلآدآريه يقول تخلص بيوم بس لآزم آحد يجي يمشيهآ وينطبع قرآرك وتآخذه معك بخلآل يوم ويفضل لو تجي آنت آنآ من نآحيتي مليييت خلآص بحجز بكره وبروح بنفسي آخلص آورآقي

وتنبييه مهم جدآ زميلنآ قآل تروح للمكآن آلي متعين فيه آو آلمديريه آلتآبعه له آنتبه ترآ خطآ آنآ قآلي زيميلي بآلديوآن بتبوك آلآورآق بتروح آلريآض للوزآره وكلمت آلوزآره ووصلت آلآورآق وحولوهآ شؤون آلموظفين .. يعني قرآرك ينطبع من آلريآض وووبس وبعد مآ ينطبع قرآرك يروح فيديكس للمديريه آلي متعين بآلقريه آلتآبعه لهآ وتتصل على آلمديرية ولمن يقولك وصلت تروح لهم دآيركت هذآ كلآم آكيد وخذ آلعلم مني آنآ مثلك وعآيش آلي آنت عآيش فيه آلآن ...

وآنآ عن نفسي بروح آلريآَض بكره آذآ يسمحون لي آخلص آورآقك وآلله آخلصهآ مو مشكله ولآ آروح من آلريآض آلآ وآنآ طآلع بآورآقي وآورآقك وآلله يوفق آلجميع


آتمنى آلدعآء لي
من مواضيع : 3NZE M6NOOO5
3NZE M6NOOO5 غير متواجد حالياً  
  رقم المشاركة : [ 8 ]
قديم 09-25-2011, 10:54 AM
 

شهريار العسيري will become famous soon enough
افتراضي

كلامك سليم للغايه الله يوفقك وصحيح ولا فيه شك اكثرهم قالي كذا عطني رقم جوالك اللله لا يهينك انا في منطقه حيل بعيده عن الرياض عشان كذا ابيك تخلص اوراقي معك ولو بمقابل بدال ما اتعب واتمرمط واخسر اعطيك الخساره تعتبر خدمه ولا فيها شي
ياليت تعطيني بالخاص رقمك الله يوفقك ونتواصل
من مواضيع : شهريار العسيري
شهريار العسيري غير متواجد حالياً  
  رقم المشاركة : [ 9 ]
قديم 09-25-2011, 01:05 PM
مشرف سابق
 

باسم امير will become famous soon enough
افتراضي

انا قدمت على ديوان الخدمه وجاني تعيين من الوزارة على صحة القنفذه لقيت اسمي نزل من الرياض عليها
لمن رحت راجعت القنفذه قالوا لسه ماجا ملفك ولا قرارك انتظر نتصل عليك
انتظرت اسبوعين وماسار شي
راح زميلي يراجع القنفذه قالوله باقي في الرياض ارسلنا واحد للرياض قال ممنوع تستلم ملفك ومعاملتك هي تروح بملف سري لانها بيانات موظفين وانت تابع في القنفذه
بعدها باسبوع اتصلوا علينا من القنفذه قالولنا ياليت تراجعونا خلال 15 يوم ملفاتكم عندنا جيبوا شهاداتكم مع صوره منها

وهذا اللي سار من 3 سنوات على ايام تعييني انا وزملائي
وحتى اخر دفعه اتعيينت في شهر 2 الماضي من السنه هذه كانوا بنفس طريقتنا

فانا اللي اقصده انه تروح لمكان تعيينك تتابع معاهم لين يوصل ملفك عندهم لانو باقي الامور اللي تسير قبل لايوصل ملفك للمديريه انت مايكون لك اي علاقه ولاصلاحيه فيها فيعني مولازم نذكرها بالتفصيل في الشرح ونوضح خط سير المعامله
انا وضحت للرجال المختصر المفيد اللي هو المفروض يسويه الوقت الجاي



والاخ اللي رد عليك بهذا الرد
وتنبييه مهم جدآ زميلنآ قآل تروح للمكآن آلي متعين فيه آو آلمديريه آلتآبعه له آنتبه ترآ خطآ آنآ قآلي زيميلي بآلديوآن بتبوك آلآورآق بتروح آلريآض للوزآره وكلمت آلوزآره ووصلت آلآورآق وحولوهآ شؤون آلموظفين .. يعني قرآرك ينطبع من آلريآض وووبس وبعد مآ ينطبع قرآرك يروح فيديكس للمديريه آلي متعين بآلقريه آلتآبعه لهآ وتتصل على آلمديرية ولمن يقولك وصلت تروح لهم دآيركت

فارجع اعيد اللي قلته فوق وخليه يقراه بتركيز
تروح لمديرية الشؤون الصحيه بالرياض تقلهم انا تعييني عندكم في محافظة الخرج وهم يطابقوا شهاداتك ويتم توجيهك للخرج بخطاب من مديرية الرياض وصورة من قرار تعيينك

حتلاقي انو المعنى نفس الكلام الله يحفظك انو في الاخير مردك تراجع المديريه اللي متعين فيها من الوزارة
وهو لو انتبه انو انا ذكرت للاخ انو المديريه رح يعطونه صورة من قرار تعيينه يعني اللي انطبع من الوزارة بالرياض بعد ماراسلوهم ديوان الخدمه هذا شي بديهي ولا من فين رح يجيبوا قرار تعيينك مثلا؟؟

لانو اكيد الكل رح يقدم على ديوان الخدمه وديوان الخدمه رح يرسل المعامله للوزارة بالرياض والوزارة رح تطبع قرار التعيين وترسله بالملف للمديريه يسير انت بس تراجع المديريه وهذا نفس كلامي اللي انا قلته للاخ في ردي الاول

وربي يوفقكم ويكتبلكم الخير
من مواضيع : باسم امير
باسم امير غير متواجد حالياً  
  رقم المشاركة : [ 10 ]
قديم 09-25-2011, 01:34 PM
 

شهريار العسيري will become famous soon enough
افتراضي

و3NZE M6NOOO5 و
dental lab
الله يعطيكم العافيه والصحه والسلامه شكرا على اجتهاداتكم معي صراحه اخذت فكره عن الطريقه وسير المعامله

بس المضمون اني اراجع الوزاره عشان ما يتركون معاملتي ويسحبون عليها بعض الاشخاص يقول معاملات التوضيف تمشي روتيني يعني ما يبي لها متابعه وبعضهم قال لا انا دخت هنا
وطبعا الرياض بعيده حيل عني انا بالجنوب
انا بكره بروح للمديريه وعسى خير الي خايف منه الحين ان اوراقي تجي المديريه ولا يدقون علي وحسب الماده العاشره من الخدمه 15 ما تباشر عدول رغبه عن التوضيف وهنا يعني تزحلق واسطات اخاف كذا لان مالي الا ربي يحميني ويسر دربي
المهم انا بحاول بشتى الطرق بس ما عندي احد بالرياض يراجعها هنا المشكله والاستماره مافيها جوالي من وين يدقون علي المديريه الي متعين عليها لان انا عبيت البيانات ماطلبو جوالي تلفون ثابت والتلفون الحين فصلوه نهائي
استنى تفاعلكم وجميع الاعضاء
من مواضيع : شهريار العسيري
شهريار العسيري غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
مستجد, مشعل, مواطن, توجيه, خطاب, شاغره, وظيفه


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 06:50 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط