آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

الاخوان المعينين في جدة والذين انهو فترة تدريبهم

ملتقى المواضيع العامة
موضوع مغلق
  #1  
قديم 09-29-2011, 07:05 AM
صحي نشط
 


الواسطة تقتل الكفاءة will become famous soon enough


اخواني الاعزاء ( فنيين الصيدلة ) ممن تم تعيينهم في شهر رجب الماضي في الشؤون الصحية بجدة وملاكاتهم الوظيفية مستشفيات ومراكز صحية بجدة لقد علمنا جميعاً بأن الشؤون الصحية سوف تقوم بتوجيهنا خارج مدينة جدة وذلك لنقل بعض الموظفين لمدينة جدة وتكليفهم بالعمل بأمكاننا وهذا عمل غير نظامي تقوم به الشؤون الصحية وفيه ظلم كبير لنا وهضم لحقوقنا .
ألا يكفيهم سنوات المعاناه والانتظار التي عانينها ونحن ننتظر التعيين ... بالرغم من اجتهادنا وتخرجنا بمعدلات مرتفعة من الكلية إلا انهم مازالو مستمرين على مضايقتنا وهدم فرحتنا التي تحققت بتوظيفنا داخل المدينة وذلك بتشتينا عن اسرنا واخراجنا من مدينة جدة وحيث ان معظمنا متزوجين لايستطيعون النقل للخارج بسبب كثرة الديون التي اثقلت عاتقهم قبل التعيين لذلك يجب ان نمنعهم ونطالب بحقوقنا.. فبعد مشاورات مع الزملاء تم اتخاذ الاتي :

• نرجو عدم استلام خطابات التوجيه والمطالبه بملاكاتنا الوظيفية او توجيهنا داخل مدينة جدة .
• عمل خطاب مقدم لمدير الشؤون الصحية بالمنطقة ونذكر فيه اسماء الحاضرين والمعينين داخل مدينة جدة ممن لايرغبون التوجه خارج مدينة جدة ونطالب فيه بالعمل على ملاكاتنا الوظيفية.

ان لم يتم انصافنا وتوجيهنا على ملاكاتنا الوظيفية بدل الاشخاص المكلفين في اماكننا سوف نقوم بالذهاب جميعا الى مدينة الرياض ونطالب هناك بحقوقنا وتوجيهنا بالعمل على الملاك الوظيفي .

( ومايروح حق وراه مطالب )

ونتمنى التوفيق للجميع ،،،
شارك
مشاركة في فيسبوك مشاركة في تويترمشاركة في قوقل بلص


من مواضيعي : الواسطة تقتل الكفاءة
  رقم المشاركة : [ 2 ]
قديم 09-29-2011, 01:47 PM
مشرف سابق
 

باسم امير will become famous soon enough
افتراضي

كلامكم منطقي اخي الكريم ومعاكم حق بما انو ملاكاتكم الوظيفيه في جده طالبوا فيها

وبصراحه موضوعك هذا حساس في وجهة نظري

اسمحلي اكتب مداخله مرتبطه بفكرة موضوعك بس من بعيد
اعطيك مثال
انا اصلا من جده ومتعيين في عسير لي 3 سنوات

واي تعيينات تجي اقول يارب يحطوا احد من الجنوب في جده عشان ابادله
لكن للاسف مايسير نصيب وحتى اللي يتعينوا في جده يكون من القصيم او الرياض او المدينه او ينبع يعني مايبغا الجنوب بالعكس يبغا الشمال يعني جده اقربله من عسير بكثيير ومايرضى بالبدل ويسير يستقر في جده واجلس انا متغرب وخلاص
والى الأن حوالي 5 اشخاص حاولت معهم بنفس الاسلوب هذا ونفس تخصصي

فالسؤال هنا اذا انت شايف انو مثلا الناس اللي لها 3 اشهر في نظرك صعب انها تتبهدل بعوائلهم ويسحملوا مصاريف اضافيه وغربه ونقل وتعب نفسي و و ..... الخ

فما بالك باللي سار لهم 3 او 4 سنوات على هذا الحال؟؟

اليس من باب اولى انو الموظف اللي له 4 سنوات يخدم وتعب واتبهدل انه يرتاح ويرجع مكانه ويتم ارسال الموظف الجديد ليبدأ مشوار الوظيفه بالصعوبات اللي واجهها غيره الين يجي موظف جديد ثاني وياخذ محله وعلى كذا

الحكايه في وزارة الصحه سايره (شختك بختك) زي ماتجي تجي انت وحظك بدون نظام يساوي جميع الموظفين ببعضهم في فرص مناطق التعيين

والله اتعرفت على واحد من عرعر يعني الشمال ويداوم معي في الجنوب تخييل حوالي 2300 كيلو السفر!! وله سنتين الى الان لا وابوه عنده عماره ملك في عرعر وهو جالس يدفع ايجار في الجنوب

في المقابل اعرف واحد ثاني ماشالله اتعين من 3 سنوات هو من جده وجا تعيينه في جده وكمان في مستشفى فوسط جده تبعد عن بيته 5 دقايق بالزبط

فيعني اش اللي خلى التميز هذا بين الاثنين وكلهم فنيين ونفس التخصص وكلهم بنفس المستوى

هل يعقل انو مثلا زميلي هذا اللي من عرعر يجلس متبهدل مثلا 3 او 4 سنين يبغا يرجع عرعر وبعدين يجي بعد 4 سنين واحد من عرعر موظف جديد ويحطوه في عرعر على طول ويجلس زميلي اللي له 4 سنوات متغرب في الجنوب يتفرج عليه وبرضو لسه متغرب؟؟ رح يحس بالظلم اكيد انو اش يفرق هذا عني عشان انا اتغرب وهو لأ (طبعا مو حسد ولكن بسبب انو الطاسه في الوزاره ضايعه وتخبط واضح ومافي نظام موحد يحافظ على حقوق الموظفين بالتساوي)

لازم الكل يكون متساوي هذا العدل مو بالحظ
يعني يا الكل يرتاح من بدري او الكل يمشوا بنفس النظام مثلا غربه سنتين او 3 وبعدين ينقلوا ويجي الجديد مكان القديم وكذا عشان يسيروا سواسيه

اعرف واحد من تبوك متعين في القنفذه له 7 سنين فني ويحاول النقل
ومقهور يقول كل سنه يتعينوا ناس جدد في تبوك عندنا وناس تروح وتجي وتنقل من تبوك وانا مني قادر انقل لاني مني قادر امسك رقم شاغر في تبوك كل مايطلبوا وظايف يجوا عليها ناس جدد والبديل مو لاقي من تبوك اي بديل لانو المنطقه اللي هو فيها محد يبغاها
فشوف كم دفعه اتعينوا في تبوك على مدى ال7 سنوات اللي هو متغرب فيها

واللي يقول انو النقل سهل في وزارة الصحه (لانو كثيير اسمعها انو الصحه النقل فيها سريع وسهل لانو وظايف كثير)
فارد عليه اقله فعلا النقل جدا سهل في الصحه فقط اللي عنده معارف وشفنا ناس كثير بالمعارف ماكملوا حتى السنه النظاميه الاولى وقيدهم اتكلفو او جابوا نقل الله يباركلهم
لكن اللي ماعنده اي معارف لامن بعيد ولامن قريب عاد يجلس على امل البديل او حصول معجزه من رب العالمين (واسألوا المجربين)
واعتذر على الاطاله
من مواضيع : باسم امير
باسم امير غير متواجد حالياً  
  رقم المشاركة : [ 3 ]
قديم 09-29-2011, 02:16 PM
 

فني سجلات طبيه will become famous soon enough
افتراضي

الحال من بعضه اخي دينتال لاب ولي تعليق بسيط لكاتب الموضوع انه اذا كان ملاك وظيفتك جده يحق لك تتطالب بالملاك اما اذا كان ملاك الوظيفه اضم او رابغ وهي تابعه لجده فسوف تباشر فيها ولو رفضت استلام خطاب التوجيه ستحسب عليك و بالنهايه انت الخسران....وشكرا واتمنى التوفيق للجميع ان شاء الله
من مواضيع : فني سجلات طبيه
فني سجلات طبيه غير متواجد حالياً  
  رقم المشاركة : [ 4 ]
قديم 09-29-2011, 08:56 PM
صحي متميز
 

p r i n c e will become famous soon enough
افتراضي

يااخوان انا ملاكي في جدة مثل الاخ كاتب الموضوع وملاكي في حاجه لي فبأي حق اخرج من ملاكي ويتكلف احد غيري وبالنسبة لكلام الاخ دينتال للي لهم سنوات برا هذا مو ذنبي انا اطلع على حسابهم انا اعرف ان الوزارة في الرياض ترسل ارقام قبل التعيينات بشهرين للشؤون الصحية في المناطق للي حابين يبدلون ملاكاتهم ويفرغون ملاكاتهم للمتعينين الجدد ايش ذنبي انا اطلع برا علشان في ناس ماكانو مطالبين بنقل او الشؤون الصحية حقتهم اهملت موضوع نقلهم
اشكر كاتب الموضوع على الطرح ولن نتخلى عن ملاكاتنا الوظيفية بهذي الطريقة الغير نظامية
من مواضيع : p r i n c e
p r i n c e غير متواجد حالياً  
  رقم المشاركة : [ 5 ]
قديم 09-30-2011, 03:31 AM
مشرف سابق
 

باسم امير will become famous soon enough
افتراضي

اقتباس
  المشاركة الأصلية كتبت بواسطة p r i n c e
يااخوان انا ملاكي في جدة مثل الاخ كاتب الموضوع وملاكي في حاجه لي فبأي حق اخرج من ملاكي ويتكلف احد غيري وبالنسبة لكلام الاخ دينتال للي لهم سنوات برا هذا مو ذنبي انا اطلع على حسابهم انا اعرف ان الوزارة في الرياض ترسل ارقام قبل التعيينات بشهرين للشؤون الصحية في المناطق للي حابين يبدلون ملاكاتهم ويفرغون ملاكاتهم للمتعينين الجدد ايش ذنبي انا اطلع برا علشان في ناس ماكانو مطالبين بنقل او الشؤون الصحية حقتهم اهملت موضوع نقلهم
اشكر كاتب الموضوع على الطرح ولن نتخلى عن ملاكاتنا الوظيفية بهذي الطريقة الغير نظامية


ارجو انك ترجع وتقرأ اول سطر من ردي اللي فوق

وانا اتفق معك في ردك انت
لانو من جد مو ذنبك ابد وحقك تطالب فيه طبعا لا يلعبوا فيكم ولو انا مكانك اكيد رح اتمسك في ملاكي مهما كان الثمن

بس انا ماكنت اقصد موظف او فرد معين انا كنت اتكلم عن النظام بشكل عام انه غير واضح ومافيه عدل ولا مساواه بين الموظفين

وانت مو ذنبك انو جا ملاكك من اول يوم وظيفي في حياتك في مكان كويس بس كمان اللي في الخرخير اش ذنبه يجيه ملاكه هناك مثلا وحياته تنقلب لمدة 5 او 7 سنوات الين يجيه الفرج؟؟ (اش الفرق بين الاثنين) هل الثاني نزلت وظيفته تعيين تأديبي مثلا!!!
هذا مربط الفرس اللي اقصده وكلو بسبب النظام الفاشل

وبالنسبه لانو الوزارة ترسل الارقام للمديريات قبل التعيينات بشهرين عشان اللي طالبين النقل ينقلوا

فأنا اقلك بالتفصيل الي بيسير انو الارقام هذه تترسل للمديريه وهي محجوزة للخدمه المدنيه واذا تبغا الرقم لازم خطاب موافقه نقل من جهة عملك الحالي للجهة اللي فيها الرقم وبعدها يسووا خطاب فك حجز وينشرح عليه من مدير الشؤون الصحيه ويرسلوه فاكس لفك حجز الرقم قبل التعين بشهر على الاقل ومن الاخر محد رح يسويلك الفيلم دا كلو الا اذا عندك معارف او وقت في موظف ابن حلال وعطف عليك واتعاون معاك (وهذا عن تجربه فالامل فيها ضعيف بسبب عدم تطبيق الانظمه بشكل واضح وصريح وترك الانظمه للمجهودات الفرديه في المديريات حسب مزاجهم)

وانا مقدم نقل على جده وماسك سرا من سنتين والارقام تجي وتروح ويتعينوا جدد في جده من تخصصي خلال السنتين هذه
ولمن اروح اقلهم هذول كيف اتعينوا في جده وانا ابغا انقل يقولوا هذول ماجاتنا ارقامهم هذول نزلتلهم قرارات تعيين من الوزاره يعني اسمه نازل على هذا الرقم وانتهى يعني ماكان رقم شاغر

واشرحلهم انو المفروض محاضر الارقام تجيكم قبل التعيين عشان اللي يبغا ينقل يقولوا تكون محجوزه للمفاضله من الخدمه المدنيه ومقفله في النظام عندنا التحكم من الديوان

اقلهم طيب خاطبوا الديوان يقولوا انت روح بلغ الديوان انك تبغا تنقل واروح الديوان يقولوا ارجع للجهة اللي تبغا تنقل لها وهي تتصرف بحسب الصلاحيات الممنوحه لها من الوزاره

ارجع للمديريه اقلهم طيب الناس اللي نسمع انهم لقوا رقم شاغر ونقلوا عليه كيف بتعملولهم واسطه ولا كيف يقول لا مستحييل كل شي بالنظام وهذول تلاقي واحد استقال او مات الله يرحمه او اتقاعد ورقمه سار شاغر لنا نتحكم فيه بدون تدخل الديوان وقتها احنا نتصرف في الرقم وننقلك عليه
بالعربي ومن الاخير اذا ماعندك معرفه تحس انك جالس تلف حولين نفسك وبس
من مواضيع : باسم امير
التعديل الأخير تم بواسطة باسم امير ; 09-30-2011 الساعة 03:42 AM.
باسم امير غير متواجد حالياً  
  رقم المشاركة : [ 6 ]
قديم 09-30-2011, 03:54 AM
مشرف سابق
 

باسم امير will become famous soon enough
افتراضي

والمشكله هو مثلا انتا تبغا مكه ويجيك تعيين في تبوك تقوم تقول اكيد مكه خلاص مكتفيين وماهم في حاجه لتخصصي والحمدلله على كل حال

وتفاجأ بعد كم شهر نزلت تعيينات جديده من تخصصك في مكه

يعني منتا عارف كيف طيب انا فين كنت من كم شهر لمن كنت ابغا مكه وحطيتوني في تبوك وبعدها بكم شهر تجيبوا ناس لمكه مافي تنسيق ولاتنظيم ولا ترتيب بين الوزارات ولا اهتمام بالرغبات المكانيه
من جد ايش اللي؟؟!!

يعني من جد نظموا الوضع حسب اختيارات الرغبات المكانيه ومثلا اخروني كم شهر وحطوني محل ما ابغا ولا اني اجلس سنيين عشان احاول ارجع مكاني
من مواضيع : باسم امير
باسم امير غير متواجد حالياً  
  رقم المشاركة : [ 7 ]
قديم 09-30-2011, 07:21 AM
افتراضي

السبت ياشباب موعدنا وماراح نترك ملاكاتنا لو حتى نوصل الموضوع للملك وديوان المظالم
من مواضيع : الواسطة تقتل الكفاءة
الواسطة تقتل الكفاءة غير متواجد حالياً  
  رقم المشاركة : [ 8 ]
قديم 09-30-2011, 05:38 PM
مشرف سابق
 

باسم امير will become famous soon enough
افتراضي

اقتباس
  المشاركة الأصلية كتبت بواسطة الواسطة تقتل الكفاءة
السبت ياشباب موعدنا وماراح نترك ملاكاتنا لو حتى نوصل الموضوع للملك وديوان المظالم


كلام سليم وافيدكم بشي

خلو حجتكم انو في بعض البدلات مايصرفونها الا اذا كنتوا على نفس ملاككم الوظيفي
فبالتالي لو ماكنت تشتغل في ملاكك الوظيفي رح يسقط عنك البدل واقرب مثال بدل العدوى
وكمان بدل الاشراف وغيره
من مواضيع : باسم امير
باسم امير غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
المعينين, الاخوان, انهو, تدريبهم, جدة, فترة, والذين


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 09:40 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط