آخـر مواضيع الملتقى

دعــــــاء

العودة  

ملتقى الخريجين منتدي الخريجين, منتديات الخريجين, موقع الخريجين, صفحة الخريجين, موقع الخريجين

أستشااااارة يا أخوووووان . . . استشارة لكل أسرة المنتدى

ملتقى الخريجين
موضوع مغلق
  #1  
قديم 10-19-2011, 06:25 PM
صحي جديد
 




Hussain.S will become famous soon enough


السلام عليكم ورحمة الله وبركاته

أنا واحد من اخوانكم يعني من أسرة هالمنتدى وجاي بموضوع محيرني وااااااااجد

وبقوة وبعنف ومانا عارف شسوي طبعا ماحد يبي يصير عطالي وانا بصراحة توني خريج من كلية صحية تخصص سكرتارية طبية ومانا عارف وش أسوي

عطيت أوراقي واحد يقدم لي في مستشفيات في الخبر والدمام واتصلوا لي مستشفى من هالمستشفيات ورحت واختبرت اختبار انجليزي وزبط حالي وقالوا لي فيه شواغر لك وحطوني في سجلات

والراتب
أساسي 2600
بدل سكن 500
بدل نقل 400
المجموع 3500

وانا أسمي نزل في المطابقة وقدمت اوراقي وعطوني الورقة الصفرا إلا فيها رقم الطلب

مادري أباشر هالوظيفه وأتوكل على رب العالمين وأجلس فيها أشوي عن الزهق والملل

أو أنتظر وما أستعجل لأنه في شرط جزائي إلا اطلع قبل سنة أدفع 5000 كاش

وش رايكم في حيرتي عفيا يا اخوان أبغى رد معقول ونصائح
شارك
مشاركة في فيسبوك مشاركة في تويترمشاركة في قوقل بلص


من مواضيعي : Hussain.S
  رقم المشاركة : [ 2 ]
قديم 10-19-2011, 06:48 PM
بروفيسور صحي
 

أبوطارق999 will become famous soon enough
افتراضي

والله يا خوك الوظيفة الزمن ذا كأنها كنز
لكن كنصيحه أخويه لوتتوظف إن شاء الله في الوزارة راتبك يفوق الـ 6000 ريال يعني دبل تقريبآ راتبك حاليآ
وأنت حر في إختياراتك
ويمكن خيره لك هالوظيفة لكن أحسن حل هو :
صل صلاة الإستخارة وقلبك اللي يميل لها توكل على الله وما خاب من أستشار علام الغيوب
وبعد كيذا شاور الأهل والأصدقاء ومن لهم خبره في الحياة
واهم شئ قلبك أين يتمنى ويحب بالتوفيق ..
من مواضيع : أبوطارق999
أبوطارق999 غير متواجد حالياً  
  رقم المشاركة : [ 3 ]
قديم 10-19-2011, 07:07 PM
صحي نشط
 

سجل عاطل will become famous soon enough
افتراضي

وعليكم السسسلام ورحمه الله وبركاته

الله يوفقكَ ويوفقنا جميعاً

اولاً تأكد بأن من استخار الله لا يضيـع...ومـن توكَل على الله كفـاه.

لا تكَـن صاحب المسامع الكثيره التي تحيرك وتجبرك أخيراً.ولكـن لك التآلي:

اولاً: ايقن تماماً بأن الوظآئف محصوره نسبياً وقـد تفحل بهذه وتذهب الاخرى ولكـن أستعن بالله وأنتظر الى بعد العيد.
ثانياً: لو فكرت كثيراً بمـا هـو أمامك لو جدت نفسك لا تستلم راتبك الا بعد شهر أو أكثر.. وهذه فرصه لك ان تنتظر..
ثالثاً: إن كُنت تقول بأنك فعلاً محتاج جداً للوظيفه لا تنتظـر غيرها بـل أغتنم الفرصـه.

أنـا بكُل صراحه كُنت أريد البحث عن القطاعات الخآصه ولكـنني قـُلت انتظر الى مابعد العيد وإن لم يتم ترشيح أو شيءٍ آخر فسوف أبدء بالبحث .

الله يكتب لك الخيره .
من مواضيع : سجل عاطل
سجل عاطل غير متواجد حالياً  
  رقم المشاركة : [ 4 ]
قديم 10-19-2011, 07:23 PM
 

كالعاده سعودي عاطل will become famous soon enough
افتراضي

الشئ اللي متاكد منه ومافيه كلام ان الوظيفه الحكوميه احسن بس السؤال هل التعين في الصحه مضمون طبعا لا وخوفك تسحب على الوظيفه الحاليه المتاحه ولا قدر الله ما يكتب لك تعين تكون خسرت الثنتين داري ان كلامي زادك حيره فوق حيرتك الحاليه بس والله الناس بتموت وتلاقي وظيفه تصدق وربي الشغله تبغى لها تفكير واستشاره وهدوووووووء وبالاخير اللي كاتبه ربي لك بيصير شئت ام ابيت

تقبل مروري المحير هههههههههه
من مواضيع : كالعاده سعودي عاطل
كالعاده سعودي عاطل غير متواجد حالياً  
  رقم المشاركة : [ 5 ]
قديم 10-19-2011, 07:41 PM
أخصائي صحي
 

فني مخلص will become famous soon enough
افتراضي


تبي نصيحتي توظف براتب 3500 واجلس جمع 5000 ريال بحيث انه لو جتك وظيفة حكومية براتب ممتاز على طول تسحب عليهم واذا ما جاك شئ على الاقل كسبت وظيفة والشباب يقولون والله اعلم اذا ما تبي عملك وفيه شرط جزائي اسحب عليهم يوم ويوم لا لا تشتغل زين داوم متاخر وبكذا هم يستغنون عن خدماتك دون ان تطلب منهم ذلك
من مواضيع : فني مخلص
فني مخلص غير متواجد حالياً  
  رقم المشاركة : [ 6 ]
قديم 10-19-2011, 09:22 PM
صحي جديد
 

Hussain.S will become famous soon enough
افتراضي

مشكووووووورين وربـي مشكـورين يا أغلـى أخوان من أغلـى أسـره

وربي ماقصرتوا على الردود وبالذات إلا حطني في حيرة طلع نفس تفكيري ومحتار ومخلص انا

هههههه أنا مو قصدي اودي الوظيفة الحكومية لو ما ودي بها الشي بس انتو شوفوا متى تخرجت

ماصار لي شهرين بس تتوقعوا الديوان بيرشحني مثلاً ؟

صدق مقدم له كل شي مؤهلات و وهيئة وكل حاجة بس وين إلا قبلي بسنة ماترشحوا للحين

انا قلت أقزر على هالوظيفة أشوي ومنها أحصل 50 ساعة عمل للهيئة وافتك من مصنمهم لا يطلعوا بطلعات جديدة

يلا مشكورين مرة ثانية يا اخوان أفدتوني واجد مع انه زدتوني حيرة هههههه

سلالالالالالالالام
من مواضيع : Hussain.S
Hussain.S غير متواجد حالياً  
  رقم المشاركة : [ 7 ]
قديم 10-19-2011, 09:42 PM
صحي نشط
 

tweety will become famous soon enough
افتراضي

نصيحه واحد مايعرفك
توظف بالراتب 3500
واذا جاتك الوظيفه صدقني ربك بيسرها لو انك تتسلف ال5000 وتردها من اول مربوط لك
لاتصعب الوضع
تراني قصمن بالله جاتني عروض وتركتها وعلى بالي بالكثير 3 اشهر واتوظف ورب اللي خلقني صكيت السنتين .. وتوظفت الحمد لله

لاكن ربي رزقني خلال السنتين بوظائف موقته ولله الحمد

لذلك انت توظف وربك ييسرها وحتى لو تروح لمدير المستشفى وقتها وتشرح له الوضع وصدقني الناس تراهام يقدرون

تحياااتي لك
من مواضيع : tweety
tweety غير متواجد حالياً  
  رقم المشاركة : [ 8 ]
قديم 10-19-2011, 09:49 PM
صحي نشط
 

المستحيله will become famous soon enough
افتراضي

هذي مايبيله استشاره اخي الكريم فيه ناس جالسه سنين ماجاه تعيين اتكل على الله وباشر واذ جتك وظيفه وش يعني خمس الاف انشالله تاخذه من الاهل او من راتبك كل شهر 500 تتركه على جنب لحد ماتكمل الخمس وخذها مني بتجيب العشر الاف وانت ماتوظفت هههههههه لا تحطم جد والله
من مواضيع : المستحيله
المستحيله غير متواجد حالياً  
  رقم المشاركة : [ 9 ]
قديم 10-19-2011, 11:24 PM
مشرف سابق
 

باسم امير will become famous soon enough
افتراضي

اخي الكريم اطمنك انا نفس وضعك بالتمام

اول ماتخرجت توظفت في المستشفى السعودي الالماني

وكان الراتب 1500 اساسي
نقل 300
سكن 400
المجموع 2200
وفي شرط اني لو قدمت استقاله خلال فترة العقد اللي هي سنه اتغرم راتبين اساسيه يعني 1500 + 1500

وطبعا اي شي من سوء معامله او شكوى او طلب حقوق يقلك اذا مو عاجبك استقيل

ولكن ربي اكرمني واتعرفت على ناس فيهم خير في المستشفى وقالولي نصيحه هذه هي اللي ابغا اقلك هيا
قالولي خلك زي السمن على العسل معهم وخلك مطاوع لهم وامش معهم في كل شي وحاول تكسبهم ودور على وظيفه افضل واذا لقيت بلغهم ويسير من باب المحبه رح يوقفوا معك ولايطلبوا منك استقاله رح يعتبروه انهاء عقد من طرفهم وبكذا يسقط عنك الشرط الجزائي

وبالفعل احيان اجي واجيب معي فطور وقويت علاقتي فيهم بس سرت احس نفسي مرتشي وخبيييث ومصلجحي هههههههههه اسوي شي عشان في بالي شي ثاني
وبعد سته اشهر من التوظيف معهم لقيت فرصه وظيفيه افضل براتب 4 الاف في مكان ثاني فبلغتهم اني خلاص بامشي وجاني رزق افضل
تخيل قالولي خليك نبغاك ونزود راتبك نخليه 3 الاف بدل 2200 ولكن انا رفضت قاموا عملولي حفله وداعيه فطور جماعي وطبعا ولا طالبوني باستقاله ولا اي شي يعني من باب المحبه اعتبروه انهاء خدمات من طرفهم وخلاص

بالعربي انت زبط اوضاعك في المستشفى وكل الامور رح تكون طيبه واذا في اسوء الاحتمالات مازبط معاك وطلعوا معقدين وطالبوا بالشرط الجزائي عادي تكون كسبت شهادة خبره الناس تدفع فلوس مقابل التدريب والخبره وانت هنا راح تاخذ راتب
وبرضو بدل طفش وملل العطاله واذا جاك التعيين اول مربوط لك باذن الله بيكون فوق ال7 الاف يعني 5 الاف منها ولاشي

اتمنى تكون وضحت الصورة
وبالتوفيق
من مواضيع : باسم امير
التعديل الأخير تم بواسطة باسم امير ; 10-19-2011 الساعة 11:29 PM.
باسم امير غير متواجد حالياً  
  رقم المشاركة : [ 10 ]
قديم 10-20-2011, 12:51 AM
 

فني مختبر مستني will become famous soon enough
افتراضي

بختصرها لك,,,,,,,تخصصك,,,مطلوووب,,,وناادر,,,,,,,يعني اضمنلك بااذن الله الوظيفه الحكوميه,,,,,
من مواضيع : فني مختبر مستني
فني مختبر مستني غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
أخوووووان, أستشااااارة, أسرة, لكل, المنتدى, استشارة


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 05:35 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط