آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

عشرة اشياء يكره الرجل سماعها من المرأة

ملتقى المواضيع العامة
موضوع مغلق
  #1  
قديم 12-06-2011, 07:46 PM
صحي نشط
 




انين الحزن will become famous soon enough


كلمات كثيره بتكون جارحة وأحيانا مملة تقولها النساء للرجال، ولكن ماهي هذه الجمل التي لا يطيق الرجل سماعها من المرأة، إليك القائمة بالكامل :

1- أنا اعتقد أن ….
يتضايق الرجل بشدة عنما يسمع شريكته تقول له بين الحين والآخر جملة 'أنا أعتقد' أي عندما تتفلسف في كل الأمور وتتكلم في أشياء من وجهة نظرها دون مراعاة لوجوده، كأن تقول له 'أنا اعتقد أنك لا تحبني' أو 'أنا اعتقد أنك لا تفكر في مستقبلنا' أي أنها تصدر أحكاما دون أن تستشيره فيها.

2- خليك راجل
هذه الجملة عادة ما تقال في مواقف الغضب أو عندما يقع الشريكان في مشكلة، فالرجل قد يكون عقلاني إلى حد ما ولكن المرأة تريده أن يتفتون ويبلطج وبتعتبر إن الرجولة يعني قلة الأدب والزعيق والشتيمة، فمثلا لو واحدة من الجيران اتخانقت مع الزوجة، نجدها تلح على جوزها لما يرجع البيت إنه يطلع يتخانق مع زوج جارتها ويعرفه مقامه، ولما الزوج يرفض تلاقيها قالتله 'خليك راجل وقوم' والموقف ده بيتكرر كتير جدا في الحياة، وبتكون وجهة نظر المرأة في هذا الوقت أن راجلها لا يتصرف برجولة.

3- بابا ومhما عايزين يقابلوك
الجملة دي بتحمل اعتراف ضمني بأنها عايزة تقوله 'إنجز بقى وخليك جد شوية وبطل لعب عيال' والراجل حتى لو ناوي يتقدم ويخطب البنت إلا إن الالحاح ده بيعفرته ويحسسه إنه موضع شك.

4- أنا عندي صداع
عندما يريد الرجل أن يتكلم أو يتنزه لا يطيق اطلاقا أن يعطله أي شيء عن مخططاته، وأحيانا ما تصاب شريكته بصداع ويضطر أن يدادي ويواسي ويفكر في فشل كل مخطاطاته لقضاء يوم جميل، فهذه الجملة تعني أنه لا يمكنه أن يتكلم أو يفعل أي شيء.

5- أنا عمري ما شفت حاجة زي كدة في حياتي
الرجل يتحدث عن موضوع عادي جدا وعن أفكار معروفة وآراء ثابتة في مواضيع عادية، ويفاجأ بسخرية شريكته أو إبداء دهشتها العجيبة وهي تقول له 'ياسلام .. أنا عمري في حياتي ما اتعرضت لحاجة كدة' وكأنه مثلا يتكلم مع أحد مواطني المريخ.
عندما يقول لها مثلا أن حجرة النوم تشتريها العروسة، وإذ به يفاجأ أنها تقول له 'خلاص لو مش هتعرف تشتريها احنا ممكن نجيبها' يرد عليها ويقول 'بس الناس كلها عارفة إن حجرة النوم على العروسة' تقوله 'أنا عمري ما شفت عروسة اشترت حاجة في الشقة حتى الهدوم بتاعتها' وهنا نجد الرجل في حالة شياط.


6- بتفكر في إيه؟
لا يحب الرجل المرأة الفضولية بزيادة، صحيح أنه يعشق الاهتمام به، ولكن لا أن تسأل المرأة عن الأفكار التي تراوده في كل وقت وفي أي موضوع، وبيعتبر إن دي تفاهة وفضا بتاع ستات.


7- تعجبك البنت دي؟
تلاقي الاتنين ماشيين في الشارع وعدت واحدة صاروخ أرض جو جامدة جدا، تلاقي البنت بصت لشريكها وسألته 'ياترى شايف إنها جميلة؟'، وهنا الراجل هيتسمر، هيقول إيه يعني؟ لو قال عادية يبقى طبعا بيكدب، ولو قال كويسة هيروح في داهية، ولكن ممكن يستخدم الكدب الجميل ويقول 'النوع ده محدش بيطيقوا .. ضخمة كدة وملامحها حادة متحسيش إنك مرتحاله' أو ' النوع ده محدش بيطيقوا .. صغيرة كدة وملامحها باردة متحسيش إنك مرتحاله' .


8- ملاحظتش حاجة مختلفة في شكلي؟
يبقى الولد في المدرسة أوالكلية أو الشغل وطالع عينه طول النهار، ولما يقابل شريكته يلاقيها بتقول 'إنت مش واخد بالك ولا إيه؟' ولما يبحلق فيها ويقولها 'في إيه يعني؟'، ترد عليه وتقلد صوته الغليظ وطريقته الغبية في الرد وتقول 'في إيه يعني !! يعني مش شايف في إيه ؟ مش واخد بالك إن الآي شادو ده أول مرة أحطه' وطبعا الولد هيكتم غيظه منها وهيكتم جهله بمعنى الآي شادو، وهيقولها جميل جدا معلش مكنتش واخد بالي أصلي تعبان.


9- صاحبتي حامل – صاحبتي اتخطبت
لا يوجد تفسير علمي لضيق الرجل عندما يسمع زوجته تبشره بخبر حمل صديقتها، ولكن عادة ما ينزعج الرجل من خبر حمل أو خطوبة صديقة الزوجة لأنه يعتبرها رسالة له تقول 'مش هنتخطب بقى؟'


10- احنا محتاجين نتكلم مع بعض شوية
الحياة تبقى سمن على عسل، ولونها وردي، والعيشة لوز، والراجل موراهوش حاجة غير شريكته وتليفوناتها وطلباتها، إلا إنه يفاجأ بيها بتقول ' احنا محتاجين نتكلم مع بعض شوية' وهنا يتساءل الرجل، هي ناقصها إيه يعني؟ طب ما احنا بنتكلم مع بعض على طول؟ هو أنا قصرت في حاجة؟


الله يعينكم !!!!
شارك
مشاركة في فيسبوك مشاركة في تويترمشاركة في قوقل بلص


من مواضيعي : انين الحزن
  رقم المشاركة : [ 2 ]
قديم 12-06-2011, 07:53 PM
صحي متمرس
 

محمد بن رفاده will become famous soon enough
افتراضي

ما عندكم سالفه اهم شي انها ماتقول لك الاسطوانة خلصت
من مواضيع : محمد بن رفاده
محمد بن رفاده غير متواجد حالياً  
  رقم المشاركة : [ 3 ]
قديم 12-08-2011, 12:23 PM
Me.
صحي متميز
 

Me. will become famous soon enough
افتراضي

هههههههههههههههههههه فيه نقاط صحيحة و بعضها تضحك

يديكي العافية ياقلبي
من مواضيع : Me.
Me. غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
المرأة, الرجل, اشياء, يكره, سماعها, عشرة


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 07:43 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط