آخـر مواضيع الملتقى

دعــــــاء

العودة  

ملتقى شؤون الموظفين للتعريف بالأنظمة والقوانين والإجابة على الأسئلة والاستفسارات الإدارية

اروح لوزارة الحصه يقولون من عند وزارة الخدمه المدنيه ... اروح لوزارة الخدمه المدنيه..

ملتقى شؤون الموظفين
موضوع مغلق
  #1  
قديم 01-14-2012, 05:00 AM
صحي نشط
 




السرحاني will become famous soon enough


السلام عليكم ورحمه الله وبركاته

لي اكثر من شهر وانا اتردد الى الرياض وانا من خارج الرياض

الى وزارة الصحه واسال الاخ المسؤل عن تعديل (( اخصائيي ادارة مستشفيات - انتساب - من جامعه المؤسس )) دائما لما يقابلني يسألني انت متى تخرجت واقوله 23\5\1432هـ يوريني خطاب وكيل الوزارة للخدمه المدنيه المجحف بحقنا الي مفاده انه يتم تعديل لخريجين قبل تاريخ
10\3\1432هـ وأسأله وش اسوي ؟ يقول راجع وزارة الخدمه المدنيه هم الي مايبونكم تعدلون !!!! لان القرار من عندهم مو من عند وزارة الصحه

اروح لوزارة الخدمه المدنيه وأسألهم ياجماعه ليش تم اصدار قرار حتى تاريخ 10\3\1432هـ يقولون هذا بناء على اجتماع اللجنه الي كانت من قبل وزارة الخدمه والصحه

أسالهم طيب وحنا الي تخرجنا بعد هذا التاريخ وش بيصير لنا : يقولون حتى اللحظه مافي جديد اصبرواااا ان الله مع الصابرين

قمت اطمر على كل مكتب بوزارة الخدمه المدنيه له ضلع بموضوع تعديل الوضع للموظفين

المهم لقيت لي رجال مسؤل طبعا ماراح اذكر اسمه قلت له احنا موضوعنا كذا وكذا وانتم هضمتوا حقنا واحنا حابين نعرف بس الاجابه على هذا السؤال
هل شهادتنا من جامعه الملك عبدالعزيز تخصص ادارة مستشفيات - انتساب للخريجين بعد تاريخ 10\3\1432هـ لها تعديل ام لا ؟ قلت له جاوبني وخلني ارتاح لاني تعبت من كثر ما اجي واسال

الرجال تعاطف معاي وقال شوف وخذ هذا الكلام مني : وزارة الصحه ماتبغاكم تعدلون ليش ؟ قلت له ليش قال : لان منتدوب الوزارة الي يستدعوا بدعوه رسميه لحضور اجتماع اللجنه التي تخص هذا الموضوع لايحضر لهذه الاجتماعات وانت اكيد عرفت ليش مايحضر !!!!

سكت شوي وقلت له طيب وش العمل ايش نسوي (( نبلط البحر ولااني انقع الشهاده واشرب مويتها))

ضحك وقال لا اصبر وراجعنا الاسبوع القادم

في هذه الوقت قام بعض اخواننا بارسال برقيه عاجله الى معالي وزير الخدمه المدنيه يخص هذا الموضوع

طبعا انا رجعت للرجال هذا المسؤل وسالته ياعم صار شي جديد قال ابشروا بالخير معالي الويز طلب بتشكيل لجنه عاجله لدراسه كافه الطلبات الخاصه بهذا الموضوع

سألته وانا اضحك : مندوب وزارة الصحه حضر ولا لا ؟!!!! سؤال قوي شوي !!

قال نعم حضر وهو يضحك

والله العالم انه سيتم رفع قرار اللجنه الى معالي الوزير بالاتي :

يتم جمع جميع الطلبات الخاصه بتعديل الى السلم الصحي ثم المفاضله بين الجميع

المهم الرجال هذا رمى لي كلمتين وتركني ومشى قال بالحرف الواحد :

ياولدي مافي حق يضيع ووراه مطالب , لكن انت لحالك تجي ليش ؟

قلت له مافهمت تبينا نتظاهر يعني عند الوزارة ؟ قالي لاااااااااااااااا لاااااااا لاااااااااا

انتم موظفين قداما ولكم خبره في العمل وانتم مانتم جاهلين وانتم ناس واعيه ومتعمله ومتفهمه

قلت له يعني وش نسوي :

قال اطلبوا لقاء معالي الوزير وحددو لكم موعد في مكتبه وتعال انت ومعاكم كم رجال عندهم نفس المشكله واطرحو معاناتكم الى معالي الويزر وان شاء الله ربي يوفقكم

طلعت من عنده ورحت الى مكتب اخر لعلني اجد حل اخر وسالت شخص مسؤل ايضا عن هذه الامور وقالي المشكله في وزارة الصحه ماترفع طلب استحداث وظائف لكم ومايتعاونون مع وزارة الخدمه المدنيه

انا بلشت بعمري كل واحد يحطها بظهر الاخر على حساب من ؟ على حسابي انا وانتم

طيب وش الحل مع الوزارتين ؟؟؟؟؟؟؟

ماكتبته الان قصتي مع الوزارتين الصحه والخدمه المدنيه

انا اطلب من الاخوان الي لديهم نفس مشكلتي وعندهم استعداد للقدوم معاي الى مكتب معالي الوزير يعطوني خبر خلونا ندق الحديد وهو حار لاني باخذ اسمائهم وارقام سجلاتهم المدنيه واضيفهم معاي في طلب مقابله معالي الوزير والله يوفقنا ان شاء الله احنا علينا الاجتهاد والتوفيق والرزق بيد رب العباد عليه نتوكل في كل شيء سبحانه العلي العظيم

بانتظاركم اخواني

والسلام ختام
شارك
مشاركة في فيسبوك مشاركة في تويترمشاركة في قوقل بلص


من مواضيعي : السرحاني
التعديل الأخير تم بواسطة السرحاني ; 01-14-2012 الساعة 05:02 AM. سبب آخر: خطا مطبعي باسم الموضوع (( الحصه = الصحه ))
  رقم المشاركة : [ 2 ]
قديم 01-15-2012, 03:24 PM
صحي جديد
 

ابو زياد0 will become famous soon enough
افتراضي

اخوي السرحاني
مقابلة الوزير امر لابد منه للوصول الى مطلبنا المشروع
ابو زياد0 غير متواجد حالياً  
  رقم المشاركة : [ 3 ]
قديم 01-15-2012, 06:06 PM
صحي متميز
 

النادر will become famous soon enough
افتراضي

لاتخربون على زملاءكم ممن تخرج قبل ومعاملتهم دارجه بالوزارة اصبرور حتى يتم تحسين وضعهم ثم اكلو العنب حبه حبه
من مواضيع : النادر
النادر غير متواجد حالياً  
  رقم المشاركة : [ 5 ]
قديم 01-16-2012, 02:33 AM
صحي جديد
 

الوافي1414 will become famous soon enough
افتراضي

طيب حنا اللي تونا متخرجين 26/1/1433وش الحل ؟!
اعتقد انهم راح يتبرو منا من الان .......
(بس نقول لهم الوعد قدام ) هههههههههههه
الوافي1414 غير متواجد حالياً  
  رقم المشاركة : [ 6 ]
قديم 01-17-2012, 09:47 AM
صحي جديد
 

ابو زياد0 will become famous soon enough
افتراضي

اقتباس
  المشاركة الأصلية كتبت بواسطة النادر
لاتخربون على زملاءكم ممن تخرج قبل ومعاملتهم دارجه بالوزارة اصبرور حتى يتم تحسين وضعهم ثم اكلو العنب حبه حبه

اخوي النادر

ونت الصادق ثم اكلو تب........
ابو زياد0 غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
..., لوزارة, الأدويه, المدنيه.., الدخله, الحصه, اروح, يقولون, عند, وزارة


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 10:08 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط