آخـر مواضيع الملتقى

دعــــــاء

العودة  

ملتقى الخريجين منتدي الخريجين, منتديات الخريجين, موقع الخريجين, صفحة الخريجين, موقع الخريجين

الدفعة الأولى (935 شخص) في احد باشر بالمنطقة الشرقية؟؟

ملتقى الخريجين
موضوع مغلق
  #1  
قديم 01-27-2012, 10:18 PM
صحي جديد
 




سكرتيرة طبية وناسخة طبية will become famous soon enough


السلام عليكم
يا شباب ويا بنات بسأل في احد باشر بالعمل في الشرقية من الدفعة الأولى؟؟



انا عندي مشكلة بسيطة بشهادتي الاصلية

انا خريجة كلية الامير سلطان التابعة لوزارة الدفاع
وهم ملزمين يوظفونا تبع مستشفياتهم
وللحين ما توظفت حسبي الله عليهم


المهم
طلع لي وظيفة تبع وزارة الصحة
وشهادتي الاصلية الكلية محتفظة فيها لأن احنا الخريجين والخريجات ملزمين نتوظف عندهم بمستشفياتهم

الان احنا طالبناهم انو يعطونا شهاداتنا الاصلية
لأن انا ووحدة ثانية صديقتي طلع لنا بوزارة الصحة وللحين مستشفيات وزارة الدفاع ما وظفونا
ومو راضين يعطونا الشهادة ببلاش
يبون حق كل المكافئات ووجبة الغدا اللي كانت تصرف لنا بوقت الدراسة
والمبلغ طلع 46 الف ريال
احنا ما عندنا مشكلة بصراحة بدفع لهم وامري لله
لأن هم قالو اذا تبين وظيفة تبع وزارة الدفاع عادي في وظايف
بس مو بالشرقية
في بجيزان ونجران وهالاماكن البعيدة عني


يعني انا الحين طلع لي تعيين بوزارة الصحة بالدمام جنب بيتي اقوم اروح لجيزان ولا نجران
وياليتني لوحدي
انا متزوجة وعندي بنتين صغار
وحدة 4 سنين والثانية تو عمرها شهر



المهم انا ابي أتاكد الحين في احد من الدفعة الاولى باشر بالشغل ولا لا؟؟


بصراحة قمت اوسوس
اخاف ادفع المبلغ للكلية واسحب شهادتي واخر شي ما نباشر بوظايفنا
مادري ليش متخوفة


زوجي يقول ننتظر الفحص الطبي يطلع انو اوكي وبعدين نعطي الفلوس للكلية ونسحب الشهادة
الكلية قالو لزوجي تدفع المبلغ اليوم
تجي تستلم الشهادة اليوم الثاني (وهذي متخوفة منها لأن اعرفهم بطيئين في كل شي ... اخاف يظلون اسبوع حتى يعطوني الشهادة)

وبعدين بسأل الكشف الطبي هو عن ايش بالضبط؟؟
سمعت انو كشف عن مخدرات وكحول ؟؟
اذا الكشف بس عن هالشيئين على كذا بخلي زوجي ما ينتظر نتيجة الفحص
يروح يدفع على طول للكلية وناخذ الاصل
حتى نتلاحق نفسنا وما يضيع علينا الوقت
(الحمد لله ضامنة نفسي ما عندي هالخرابيط الدفعة الأولى (935 شخص) باشر tongue.gif)


بس اذا في شي ثاني يخص الكشف اتمنى اعرف عن ايش؟؟ حتى اعرف بالضبط



ادري طولت عليكم بقصتي
بس والله حدددي مقهورة من اسلوب الكلية المشين


مع اني اعرف ناس اخذت الشهادة الأصلية بدون دفع اي مبلغ للكلية
بس شنسوي

ابدا مو راضيييين ورحنا للرياض وكلمنا
لكن مافي فايدة
قالو لنا لو الامير سلطان رحمة الله عليه كان موجود كان انحلت مشكلتكم بسرعة
بس بعد وفاته هالشي صار صعب جدا انه يصير



الله يسهل امورنا يا رب واتوظف حى اقدر اطور من نفسي اكثر واكثر
شارك
مشاركة في فيسبوك مشاركة في تويترمشاركة في قوقل بلص


من مواضيعي : سكرتيرة طبية وناسخة طبية
  رقم المشاركة : [ 2 ]
قديم 01-28-2012, 11:33 PM
صحي نشط
 

ابو زيد666 will become famous soon enough
افتراضي

اول اختي انا متعين بالدمام والمباشره بـ 15/3 والله ييسر الامور والى تاريخ المباشره تقدرين تكملين اوراقك طبيعي والفحص للحكول والايدز والكبد الوبائي والفحص بالدمام ياخذ وقت اسبوعين الى اسبوع وللمعلوميه ماخذو الشهاده الاصليه بس شافها قسم التوظيف بمديرية الدمام متساهلين لابعد الحدود وفيه موظف اسمه محمد الزوري هوا المسوؤل عن اكمال اوراق التوظيف ....واي سؤال انا حاضر
من مواضيع : ابو زيد666
ابو زيد666 غير متواجد حالياً  
  رقم المشاركة : [ 3 ]
قديم 01-29-2012, 01:16 AM
صحي جديد
 

Hussain.S will become famous soon enough
افتراضي

بصراحة هيه قولت أفاااا ماتنفع خخخخخ

بس مدام اسمك طلع ورسمي في وزارة الصحة يعني أنت خلاص رسمي

ادا تبي تتاكدي دزي أي احد بس للمديرية في مكتب 215 برقم السجل المدني حقك او يشيله وياه البطاقة

ويستفسر من الزوري صحيح ويشوف وش يقول له دا شي

الشي الثاني يخش المكتب إلا مقابل مكتب 215 فيه مكتب في الوجه عاليسار يعطيه بس السجل المدني وبيدخله

كامل ويطلب خطاب للاحوال المدنية بالدمام لأنه بنات فيه بس الدمام ادا طبع له الخطاب وتصرح تغيير مهنة من

طالبة إلى موظفة حكومة خلاص حطي ايدك ورجايلك في ماي باردة بس في الشتا مايصلح هههههه

طبعا هوه الأكيد مدام شفتي اسمك في موقع وزارة الصحة وتوجيهك للشئون الصحية بالشرقية يعني خلاص

موضوعك خالص بس عليك تقومي بالاجراءات وادا تبي شرح للاجراءات كاملة وش تسوي وويش تبتدي بما

أنه سبقتك وسلمت ملفي وكل حاجة ارسله لك خاص مايهمك وفيه كل شي خطوة بخطوة

ربي يوفقك ويوفق كل أسرة هالمنتدى إلا كلهم اخوة واخوات واصحاب فزعة ونخوة

سلملم
من مواضيع : Hussain.S
Hussain.S غير متواجد حالياً  
  رقم المشاركة : [ 4 ]
قديم 01-29-2012, 11:21 PM
افتراضي

مشكورين وما قصرتو اخواني
الحمد لله اليوم تسهلت اموري ورحت للاحوال وغيرت المهنة من طالبة لموظفة حكومية
وقالوا لي الاحوال المباشرة بتاريخ 19 ربيع اول ان شاء الله


طيب تتوقعون يكون في تأخير بالنسبة للتاريخ
يعني ما يقولون لنا لا انتظرو زيادة بعدين نقول لكم متى تباشرون؟؟


لأني ابي اقدم على خدامة فلبينية علشان بناتي ما عندي احد يهتم فيهم

وعلى ما تجي الخدامة بجيب خادمة ايجار

ما ابي اقدم على خدامة وبالاخير يماطلون فينا وكل شوي يقولون الاسبوع الجاي تباشرون
من مواضيع : سكرتيرة طبية وناسخة طبية
سكرتيرة طبية وناسخة طبية غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
(935, الأولى, الدفعة, الشرقية؟؟, احد, بالمنطقة, باشر, شخص)


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 07:49 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط