آخـر مواضيع الملتقى

دعــــــاء

العودة  

فرحت لك.... وانا معاليقي حطام ,,,,

الملتقى الأدبي
موضوع مغلق
  #1  
قديم 02-17-2012, 10:10 PM
مشرفة سابقة
 





قابله ميمي will become famous soon enough


فرحت لك .. وأنا معاليقي حطام
والصدر .. من ما فيه بيّح كنينه




فرحة يتيم ..و ليلة العيد ما نام !
خالاته , وخواله .. مواعدينه



مواعدينه بشت .. وشماغ بسّام
ويلّعبونه .. في ملاهي المدينه



مانام .. واحلامه تحّراه قدام
كنه يطول أحلامه بـ ( راحتينه ) !



صبحه تجّلا نوره بـ / عيد الاسلام
وقبل يروح المسجد : ملّبسينه



جده ما بين العين والجيم واللام
خلّيه يافلانه .. ولا تأخرينه !



تراقبه بـ / عيونها .. حب وهيام
وعيونها .. ممّا تكنّه / حزينه



"يعرض لها الماضي مثل عرض الافلام "
لـ .. ماضي ابوه وغلاه وحنينه



يرجيه لـ ( سنين القسا ) درع وحزام
وجنب ٍ على صكات بقعا يعينه



ابو ثلاث أعوام .. والا 4 أعوام
يغار منه البدر .. من كثر زينه



صلّى وجاء وأمر الله اللي قضى تآم
ماهوب داري عنه .. زينه وشينه



بشته عليه .. مهندم ٍ خير هندام
واللي بـ / عمره .. كلهم محترينه



يوم اطلعوا للشارع انقسموا أقسام
وأهم مافي القصه ؟ ملّعبينه



تداعب رموشه .. ذعاذيع الانسام
ويابردها .. يوم آيبست شفّتينه



وعلى تراب الأرض بأصبعه رسّام
أما رسم له طير .. والا سفينه



العيد طعمه كان في الشارع العّام
ماهوب عن رغباته .. مقيدينه



رجع ولكن فرحته ضايعه ( دام :
كل ٍ مشى ) وأخذ ولده بـ / يمينه



صاروا خواله في نظر عينه اصنام
آحيوا بـ .. داخله الجروح الدفينه



ولا عنده الا أمه وناب القهر سّام
جاها يبي منها اليدين الأمينه



شعوره اللي حس به مثل الإلهام
وأول سؤال في باله : أبوي وينه ؟



سؤال : لكن كان مثل النبا الهّام
لازال باقي في المسامع .. رنينه



جته تعدي , ماهو تخّطي بالاقدام
وشالته بيديها .. وحبّت جبينه



أبوك : جاء البارح وقبل الفجر قام
وشرى لك ألعاب , وهدايا ً ثمينه



تراه حبّك وأنت غارق في الاحلام
وراح لـ .. دوامه , والشغل مرسلينه



لحظه .. وهو بين الحقايق والأوهام
والدمع الازرق حاير فـ .. مقلتينه



يمّه : ترى مانمت والعالم نيام
ماجاء .. ولا لمست يديني / يدينه



مدام رقمه معك من بين الارقام
بـ .. أكلمه , يوم إنك تكلمينه !



طاحت ما كن آلها من الصدمه عظام
ولاعاد فيها صبر .. ولا سكينه



قالت بدون شعور وإدراك وإلمام
أبوك ! في تراب القبر دافنينه



العام مات .. ومتّ من موته العام
وكني بعد مامات عني سجينه



أبوك جندي للوطن ضد الإجرام
عطاك عمره دون داره ودينه



تفجّرت من تحت رجلينه ألغام
ولاعاد لي بعده حصون ٍ حصينه



بكّت .. وطاح الدمع من حر الآلآم
وبكى وطاح الكون من موق عينه



كل ٍ عذلها .. بين عاتب ولوّام
تصّبري .. خلي ضلوعك متينه



ماهو صحيح ان الضروره لها احكام
اكبر خطاء يوم إنك تعلمينه



بكره تنسّيه الليالي والايام
هو فيه أحد ينسى حدا والدينه ؟



طير السعد في عالمه مابعد حام
والله يعلم وش تخبي سنينه



أنا كذا ! ساكت وصابر ومنضام
لكن كان الفرق بيني وبينه



الدمع لـ .. عيون الأرامل والايتام
ودمع الرجل ذل وهوان وغبينه !








م/ن
شارك
مشاركة في فيسبوك مشاركة في تويترمشاركة في قوقل بلص


من مواضيعي : قابله ميمي
  رقم المشاركة : [ 2 ]
قديم 02-18-2012, 11:17 PM
صحي نشيط
 

مل الصبر مني will become famous soon enough
افتراضي



قابله ميمي

قصيده اكثر من رائعه

سلمت يداك

من مواضيع : مل الصبر مني
مل الصبر مني غير متواجد حالياً  
  رقم المشاركة : [ 3 ]
قديم 02-19-2012, 01:13 AM
بروفيسور صحي
 

بيسان52 will become famous soon enough
افتراضي

تسلم الأيادي عزيزتي
من مواضيع : بيسان52
بيسان52 غير متواجد حالياً  
  رقم المشاركة : [ 4 ]
قديم 02-23-2012, 10:23 PM
مشرفة سابقة
 

قابله ميمي will become famous soon enough
افتراضي

مل الصبر مني
بيسان52

كل الشكر والتقدير على مروركم

جزاااااكم الله خير
و
بارك الله بكم
و
عفى الله عنكم ووالديكم
من مواضيع : قابله ميمي
قابله ميمي غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
فرحة


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 11:13 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط