آخـر مواضيع الملتقى

دعــــــاء

العودة  

ملتقى التشغيل الذاتي خاص بأنظمة وقوانين واستفسارات التشغيل الذاتي

تكفون ساعدوني

ملتقى التشغيل الذاتي
موضوع مغلق
  #1  
قديم 04-01-2012, 06:52 AM
صحي جديد
 




وربي قهر will become famous soon enough


السلام عليكم ورحمة الله وبركاته..

ابدخل بموضوعي مباشره.. كنت موظف بقطاع خاص وقدمت على الشؤون الصحيه بحدود السنه وتم قبولي مبدئي وتركت الشركه وكنت متفائل خير بالوظيفه بمستشفى الملك فهد بتبوك..
وبعد اشهر تم قبولي للأختبار ولله الحمد تجاوزته وبعدها بأشهر تم ترشيحي للمقابلة الشخصيه.. ولله الحمد جاوبت بكل ثقه وكنت متفائل خير وحيث انني اكبر اخواني ومساعد لوالدي ووالدتي بالبيت وانا على فكره متزوج من اربع سنوات ولم ارزق باطفال وساكن بغرفة مع اهلي وزوجتي ماقصرت تحملت وصبرت مع العلم بانها كانت تقول كلام الناس كذا وكذا فقلت اصبري وراح نبني احلامنا ونبتدي حياه جديده بأذن الله بالوظيفه اذا تيسرت حيث انه كان تفكيري اكمال الدراسه الجامعيه والمراتب العليا وكنت افكر اتعالج انا وزوجتي لكي ننجب اطفال.. والله العظيم كلام اقاربي مثل السكين ونظرتهم لي حيث ان جميع اخواني متوظفين وانا للأسف عاطل واستحي ان اطلب من والدي فلوس .. قدمت للأسف على حافز والله العظيم من ثاني شهر تمنيت انني لم اسجل فيه لأنني مابي فلوس وانا نايم ابي من عرق جبيني..
بجد تحطمت كثير وبكيت من القهر حين لم يتم الترشيح النهائي من قبل الوزارة بالرياض .. لدرجة انني فكرت بالأنتحار وانا اطالع بالمستشفى وهو على وشك الأنتهاء.. لكن حرام .. احتسبت الأجر عند الله وقلت بنفسي الله يعوضني خيرا منها.. وكثير قالو لي ماتبي واسطه وكان عمي موظف بالشؤن الصحيه وله معارف كثيره.. لكن قلت لا مابي ابتركها على الله بدون واسطه..
تكفووووووووووووووووووووووووووووون وربي تعبت اكتب لكم الأن يامسؤولين ودمعتي تحرق قلبي وخدي..
ابي اكون مستقبلي وحياتي قبل ان تدمر
ابي وظيفه حكومية بأي منطقه حتى لو بالخرخير اهم شي رزق بالحلال
تكفووووووووووون يالمسؤلين
شارك
مشاركة في فيسبوك مشاركة في تويترمشاركة في قوقل بلص


من مواضيعي : وربي قهر
  رقم المشاركة : [ 2 ]
قديم 04-01-2012, 07:06 AM
صحي نشط
 

فانيليا will become famous soon enough
افتراضي

مريت من هنا

وماحبيت اطلع الا بدعوه لك بظهر الغيب

ربي يرزقك من حيث لاتحتسب

**

يارب تلاقي احد يقدر يساعدك
ولو فيني مقدره لساعدك اخوي


موفق يارب

**
من مواضيع : فانيليا
فانيليا غير متواجد حالياً  
  رقم المشاركة : [ 3 ]
قديم 04-01-2012, 08:16 AM
صحي متميز
 

فني مختبر - will become famous soon enough
افتراضي

الله يوفقك يارب ويوفق جميع المسسسسسسلمين يارب


..

اخي الفاضل دام تقول ان عمك شغال بالشؤون الصحيه وعنده واسطه ترى الحين كل الوظائف واسطات مافي شئ كلو بالواسطه
من مواضيع : فني مختبر -
فني مختبر - غير متواجد حالياً  
  رقم المشاركة : [ 4 ]
قديم 04-01-2012, 08:04 PM
صحي جديد
 

وربي قهر will become famous soon enough
افتراضي

جزاكم الله كل خير..

عمي للأسف واقولها بصريح العباره.. ماعنده اسلوب بالتعامل مع المسؤولين وعدم جرئته بالكلام..
والدنيا مو واسطات كلن نفسي نفسي..

انا سمعت خبر بأن الوزير راح يكون متواجد بتبوك يوم الثلاثاء .. ماادري هل ينفع اكتب له معروض اشكو حالتي ووضعي.. وهل يجدي نفعا بعد الله
من مواضيع : وربي قهر
وربي قهر غير متواجد حالياً  
  رقم المشاركة : [ 5 ]
قديم 04-01-2012, 08:49 PM
صحي متمرس
 

فني سجلات راقي will become famous soon enough
افتراضي

عســــآ الله يووووفقك وينوووور دربــكْ وَيكتب لكم الخيـــر وتتوظف ي ربْ ..
من مواضيع : فني سجلات راقي
فني سجلات راقي غير متواجد حالياً  
  رقم المشاركة : [ 7 ]
قديم 04-04-2012, 04:11 PM
صحي جديد
 

وربي قهر will become famous soon enough
افتراضي

لا ومن ردات حظي.. لما كنت ابي اسافر لتبوك لمقابلة الوزير خربت سيارتي بتعطل الماكينه

ووووووووووووووين المسؤولين احد يرد علي تكفون حرام عليكم تعذبوني
من مواضيع : وربي قهر
وربي قهر غير متواجد حالياً  
  رقم المشاركة : [ 8 ]
قديم 04-04-2012, 05:11 PM
صحي جديد
 

سلطان الشبير will become famous soon enough
افتراضي

السلام عليكم ورحمة الله وبركاته
معك أخوك سلطان

- عزيزي الدنيا دار بلاء ولا تظن أحد فيها سالم وهالشيء مع الزمن راح تلاحظه
موضوع الوظيفة اعلم إن الله هو قاسم الرزق يا خوي الله يقول في كتابه ( يا أيها الناس أنتم الفقراء إلى الله والله هو الغني الحميد ) ، كلنا فقراء لله من الملك للخادم هذي نقطة أولى لاتنساها بحياتك كلها وهذي في الوظيفة والذرية تذكرها كل ما دخل اليأس لقلبك .

- وأيضاً تذكر قول الله في كتابه ( وفي السماء رزقكم وماتوعدون ) تعرف وش معنى هالآية ياخوي معناها إن الرزق من السماء مو من الأرض ينزل من الأعلى للأسفل يعني المخلوقين كلهم اللي تشوفهم ضعفاء مابيدهم شيء إذا ما أذن ربي لك بالرزق في مكان معين .

- ولأننا كبشر ننسى هالشيء قال ربي بعدها ( فورب السماء والأرض إنه لحق مثل ما أنكم تنطقون ) أقسم الله عزوجل أكثر من قسم بهالآية إن الرزق من السماء لذلك ياخوك لاتترجى أحد كل الخلق إذا انقطعت عليهم الطريق والأسباب رفعوا يديهم للسماء ليش لأن الكل يعلم إن من السماء الفرج .

- و لا تستهين بالدعاء يفتح أبواب لك والله ما تتوقعها وأنا جربته وحالي يمكن ماتصدق شبيه بحالك وربي فرجها علي ويمكن حالي أصعب من حالك وتمينت إنك قدامي أخبرك يمكن أخفف عنك شوي .

- الذرية والمال اطلبهم من الله وافعل الأسباب ابحث بكل مكان يقولون الرزق مكتوب لنا يا إنه يجينا لحدنا يا إن الله يودينا له للك لا تيأس واعرف إن كل اللي أنت فيه هذا بيتمنونه ناس يوم القيامة يوم يشوفون منزلتك أنت وزوجتك الصابرة معك .

- ياخوي لاتسخط ولا تفكر بالانتحار تبيع دنيتك وآخرتك ياخوي وش تستفيد ربي ماخلق لنا الدنيا سعادة لذلك البلاء فيها لا بد منه ولو كانت الدنيا سعادة كانت مافي جنة .

- اصبر ياخوي ولا يتلفظ لسانك وقلبك برجاء لأحد شفت الكلام هذا اللي كتبته يبكي قول لربي مثله وأكثر لو كلنا يوم ندعو نقول مثل مانقول للبشر يوم نشكي لهم حالنا ربي أرحم فينا منهم ومن أمهاتنا بيرزقنا ولو بعد حين وعسى أن تكرهوا شيئاً وهو خير لكم ماتدري ياخوي يمكن ربي يبتليك يبي يرزقك رزق ما تتوقعه لا تستعجل ولا تخلي مكان ماتقدم عليه وأنت ثانوية يعني عندك مؤهل وراح تلقى الوظيفة الحكومية أو غيرها لاتربط نفسك بكلمة حكومية ولا تفكر فيها كثير بتتعب عمرك قدم كل ما سمعت بشيء حكومي وخلها إذا ربي كاتبه بتجيك الواسطة سبب إذا ربي ماكتبه مارح يكون لو يتوسط لك وزير وربي كاتب ماتتوظف مارح تتوظف وبنفس الوقت حاول تطور نفسك في اي وظيفة حتى لو قطاع خاص فكر بمهاراتك اللي تملكها حاول تستفيد منها لا تيأس أبدا.

- خلك متفائل واعرف إن الله ينظر لك وما يخفى عليه شيء من عناءك فأره منه خير وصبر وتفاؤل وأمل وابتسام وراح تنفرج.

- الله يسوق الخير للعبد إذا كتبه من حيث لا يعلم وأنا مو مسجل بهالمنتدى وكنت أبحث عن ملعومةوقلت بنام ثم قلت لا بدخل نت وأشوف وأول شيء فتحت هنا شوف ربي كيف جابني هنا لك مثل كذا يجي الرزق لا تتخيله صعب .

- أفضل ما يعبد الله به هو حسن الظن به ظن أحسن الظن بالله إنه يبي لك الخير يمكن انت تبي الوظيفة الحكومية وربي كاتب لك احسن منها ولو اطلعت على الغيب بتسجد شكر لله وتفرح .. لا تياس والدعوات لك إن الله يرزقك أفضل من اللي تبيه ويرزقك ذرية صالحة ويديم المحبة والالفة والمودة بينك وبين زوجتك

- لا تنساني من دعوة في ظهر الغيب وقت تنفرج كل همومك ويارب إنها تنفرج قريب يسعد قلبك ربي ويوفقك دوم ^.^
التعديل الأخير تم بواسطة سلطان الشبير ; 04-04-2012 الساعة 05:22 PM.
سلطان الشبير غير متواجد حالياً  
  رقم المشاركة : [ 9 ]
قديم 04-04-2012, 06:36 PM
صحي نشط
 

roo7_roo7ii will become famous soon enough
افتراضي

عليك بدعاء ونا اخوك ولا تنسى دعاء والديك

اكتب خطاب لعل و عسى
من مواضيع : roo7_roo7ii
roo7_roo7ii غير متواجد حالياً  
  رقم المشاركة : [ 10 ]
قديم 04-04-2012, 06:50 PM
صحي جديد
 

وربي قهر will become famous soon enough
افتراضي

جزاك الله خير اخوي سلطان والأخ روحي..

انا صبرت بما فيه الكفايه والله العظيم لو انا مو متزوج كان الله اغناني عن هالوظايف واجلس بخدمة والدي ووالدتي افضل شي لكن عندي مسؤلية زوجتي وصبرها وتعبها من طول الأنتظار..

وانتم عارفين كلام الناس والأقارب خاصه يذبح الواحد..

وحتى للأسف ديوان الخدمه لما ابي اقدم عليه كاتبين دبلوم مابعد الثانوي ..شلون اقدم وانا عندي ثانويه عامه وشهادة لغة انجليزيه وحاسب الي؟؟؟؟
من مواضيع : وربي قهر
وربي قهر غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
تكفون, ساعدوني


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 03:26 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط