سبب عدم سعادة الممرضات في حياتهن الزوجية

مو بس التحرش من المرضى ..
كمان طول فترة الدواااام أنا مدري كيف الزوجات والأمهات الممرضات عايشين حياتهم الزوجيه كزوجه وأم ..لو أنا مكانهم يمكن اموت من التعب .
اللحين أنا اعزب واداوم ست ساعات واروح قسم بالله داايخ نووووم الين المغرب ..وصحى اتقهوى ع بال مايرجعلي نشاطي بعد صلاة العشا...كيف لو اني زوجه وام وورايه ببيت واطفال وزوج ودوام طوييل كيييف انسق ...ممكن اجااابه ياممرضات عشان العالم تعرف العيشه اللي انتم عايشينها .

الموضوع جميل لكن ملاحظة انه اخذ محور آخر
عموماً استغرب من الشاب اللي يقول غيره و الى ...الخ
انا تربيت في منطقة قبلية جداً نادراً تحصل فيها حضر
المنطقة فيها مستشفيات ومراكز صحية لاكثر من قرية
ويشهد الله ان هذه المنطقة رغم انها قبلية لكن اغلب بناتها وشبابها في مجال التمريض
وهو المجال الاكثر رواجاً لدينا ، وحالياً البعض اتجه الى الطب
وشباب المنطقة جداً واعين ومثقفين رغم ان اغلبهم دبلوم تمريض " يعني مو طلاب جامعة "
لكن عقليتهم كبيره ماشاءالله ،ومحترمين ، طبعاً كثير من ممرضات المنطقة متزوجات ومخلفات من سنين ومستقرين في حياتهم
ايضاً عند تخرجي من الثانوية والدي طلب مني الدخول في مجال التمريض ولكن رفضت لانني اطمح ان ادرس في جامعة وليس معهد
و وقتها تخصصات الجامعات محدوده عندنا

اخوي رجل امن : اتمنى ان تغير نظرتك من ناحية الغيره لان انت رجل وعارف ان البنت المحترمة تبقى محترمة وين ماكانت
وهذا الكلام ربما ينظر اليه جاهل ويرسخ في ذهنه من منظور ضيق جداً وهذا ليس جيداً لان بنات التمريض ايضاً هن مسلمات مثل امك واختك
وايضاً هن مثلهن يطمحن الى الزواج والاستقرار العاطفي
وهذا النقاش يعتبر عقيم امام مهنة التمريض وهي المهنة الممتهنه قبل ظهور الطب قديماً

ما انكر ان كلامكم صح..

انا أشتغل بمركز صحي وأوصل البيت 5 الا

والله يآدوب أجلس مع ولدي وألعب معه شوي إلا نعست أبي ارتاح مع العلم ان ولدي لسه مو بالمدرسه ولا يحتاج مذاكره


فوحده من الثنتين ... أما أنام أول ما أرجع وأخليه وأصحى عالصلاه و أشوف أموره

والا أجلس معه أول ما ارجع و أنام أبكر شوي


وفي كلا الحالتين احس بتعب

لاااااا وهذا وزوجي يشتغل بعيد يعني مااطبخ ولا انظف ولا اغسل ولااسوي شي لاني ببيت اهلي بس ولدي فقط

وكله افكر كيف لو اني مع زوجي


بس مو لدرجة اني استقيل او تتدمر حيآتي ووتوقف بس لأني موظفه

أكيد بالبدايه صعبه بس شوي شوي الكل يتعود ...الزوج ... العيال ...ويتنظم كل شي

بس أختلف مع الاخ اللي فوق ان اللي يتزوج ممرضه علشانه محتاج ماديا والا راتبه ضعيف موشرط

انا راتبي كله لي ولولدي ولله الحمد ماقط طلب مني والحمد لله يعطيني بعد

فلا تعمم ...

واما سسالفة فكر الف مره قبل لاتتزوج ممرضه ... ماماتو الا يفكرون كذا ؟؟

محد جبر أحد

واذا على كذآ اجل انا انصح كل بنت لاتتزوج دكتور او ممرض او فني اشعه او اي كادر صحي لانه اكييييييييييييييييييييييييييد مختلط مع البنات و متحرش فيهم على حسب نظرتك ...صح ؟


عمومآ لكل مهنه عقبآت ....

وكل مهته فيها الزين وفيها الشين

لا المدرسين اللي مرتاحين والا الصحه والشركات الخاصه ولا ...ولا ...ولا .... كل وآحد لازم يطلع في مهنته عيوب

بس المهم ان احنا نتعلم نحب مهنتنا

انا لي بالصحه 6 سنوات ... ذقت أيام مررره ... بس بعد ذقت ايام حلللوووه

أحب التمريض ... ولو يرجع بي الزمن بعد بختار تمريض

صح مثل ماقلت صعب نوفق ... بس مثل ما للأطفال حق وللزوج حق أنا بعد لي حق ... مآ أتخلى عن حلمي والا وظيفتي

وأجلس بالبيت لان والله ماعرفت أوفق ...وتصير حياتي بس متوقفه على زوج وعيال واصير انا ( سالي ) المضحيه

لآزم الزوج يتفهم ...أكيد حياتنا ماراح تكون كامله 100%

بس بعد اكيد هو مآراح يكون كآمل 100 % حتى لو صرنا ربات بيوت

وهل كل ربات البيوت حياتهم مثاليه ؟؟!!

اذا صار فيه تقدير وتفهم وربي كل شي بيمشي

والا من البدايه ... لآ يتزوج موظفه وانتهينآ ...





تحيآتي

أوئيد كلام زميلي ناركوتك لاكن النسبة اعتبرها 50% مثل مافيه الغير محتشم ومنحط وسافل فيه الحمد لله العفيفات والكتاب من عنوانه الي تشوفها مكحلة عيونها وحواجبها مرسومه كل صبح و طالعه بزيادة والثام والعدسات والعطر والنظرات والضحات العاليه والشعر واضح جدا من تحت الحجاب يعني لاحجاب وصطل البوية 2 سانتي الخ للاسف هذي العينات موجودة وبازدياد وكذالك يوجد من تكون محتشمه ومستترة لاكن زميلتها العكس ومن المشاهدات تجد ممرضتين لوحدهم بالعيادة ومعهم موظف من المستشفى يطق حنك ؟؟ ووووو نسال الله السلامة والعافيه الله يستر ع المسلمين والمسلمات

ابو عبدالله ممكن ادعمك ماديا لاخراج نسخة الكترونية للكتاب او ورقية اذا حاب تواصل معي ع الخاص

اولاً عن اجب انوه ان اغلب المشاركات خرجت عن الموضوع , فالكاتب قصد حل مشكلة تازم الوقت للممرضات ,
التطرق لمسائل العفه والشرف شيء الزامي عند ذكر كلمة مممرض وممرضه في مجتمعنا ,
لكن من رايي ان تخصص التمريض تخصص واسع ومتشعب , والمهنه انسانيه بحته ,
تمارس فيها الممرضه عباده للرب من صبر واحتساب للاجر ومساعدة الاخرين ودعوات المرضى وادخال السرور عليهم ,
لا يقتصر هذا المجال في نظره ضيقه جداَ لاتخرج عن حدود العيون المرسومه او اللثمه او الزينه ,
لو فكرنا وركزنا على مهنة الممرضات العظيمه والجباره وتركنا النظر لشكلها ولبسها وحديثها ل تطورت عندنا امور كثيره ,
واحب اذكر ان الرجل بعادته ينظر للمراه نتيجة سلوكه وافعاله ,
ان كان رجل صالح سيراها عفيفه وان كان عكس هذا فكل النساء من رايه غير محترمات سواء كانت زوجته ممرضه او دكتوره او استاذه او ربة منزل حتى ف هذا يرجع لاصل اخلاق هذا الرجل باي زمان واي مكان , خصوصا وان النسبه اللي ذكر ها الاخ مبالغ فيها ويمكنني ان اعرف من هذا طريقة ممارسته للمهنه !

من رائي افضل الزواج من رجل ف المجال الصحي