آخـر مواضيع الملتقى

دعــــــاء

العودة  

ملتقى النفحات الإيمانية مواضيع ديننا الحنيف على منهج اهل السنة والجماعة

للبنات والي بيدخل من الشباب حيااااكم

ملتقى النفحات الإيمانية
موضوع مغلق
  #1  
قديم 05-24-2012, 10:49 AM
صحي متميز
 




اشراقة امل will become famous soon enough



  • للبنات والي بيدخل الشباب حيااااكم icon1.gif سوالف بنآآت..ْ~(دمج عدة موآضيع)~ْ..

  1. كيفـكم يـآ كويسأت..
    بنـآت في ش بقولكم ..
    مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..
    بنات لبسو عبايات كتف وبناطيل و و و لكن ايش..
    تركو السوق والتلفزيون والاغاني وجو للمسجد ..
    وش معنى هذا..!
    مو معنى المسجد
    يمكن صليتي في بيتك ورفعتي يدك ودعيتي من قلبك..
    وبـ ذلك بكيتي والشيخ يدعي..
    تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }
    وتسمعين { سبحان من ستر القبيح واظهر الجميل },,
    تسمعين يقول { سبحانك تطاع فـ تغفر وتعصى فـ تغفر }..
    تبكين من قلبك او يعورك قلبك ..
    تحسين انك صح كذا تحسين فجأه انك ولا شيL
    يعني وش سوينا نحس ان حنا مغترين بأنفسنا..
    تدرون في احاديث للرسول واقوال للصحابه ان في زمن ان الرجل يصلي ستين سنه وماتقبل له سجده وحده K..
    معقوووووول.!
    ايه ولا سجده يعني تركعين وتقومين وتسلمين ماتدرين كم صليتي وترقعينها بالسهو ..
    بنات الى متى انا وانتو كذا..
    قسم بالله مهيب حاله يعني يجيني حاله اقول ودي اني بعهد الصحابه L..
    الى متى وحنا بغفلتنا,,
    نصلي ونبكي و و..
    يجي العيد وبعد العيد ونرجع لخنبقتنا وننسى ..
    طيب انا وانتي خلينا نفكر بـ شي من الحين دام الهمه فيني وفيك الحين..
    مثلا نسوي صندوق بالبيت او بغرفتك كل يوم حطي ريال ..
    بدل هالشيبس اللي كل يوم نجيب 4 للشله..
    نتبرع بريال للصندوق ...
    وريال على الريال تصير 10..
    تدرين ليه ريال عشان ماتثقل عليك واللي لها قدره الله يجزاها خير..
    وعطيها مثلا هاللي ينظفون بالاسواق ولا سواقكم ولا شغالتكم ..
    تراهم ماجو هنا الا للحاجه..
    واذا كانت تتعنفق ولا تنافخ ..
    خلي قلبك اكبر واكسبيها باجر ربي وماجوووووووووره,,
    ولسانك ..
    اللعن ..
    زي العاده ..
    شفتو ابله فلانه الله ..... تستهبل هي وواجباتها..
    ولا الدكتور/هـ ودي اذبحها الله .........
    ولا اخوي الحمـ.... فصل النت الله ....... .
    عودي نفسك تتركين العاده ..
    اذا لعنتي فجأه عاقبي نفسك واستغفري 40 مره مثلا =)..
    واحسني خلقك مع أي احد..
    تدرين الابتسامه لها اجر..
    تمر وحده من جنبك .. لاتمدين الكشره متر ..
    لا ابتسمي..
    انا مره رحت مكان ماعرف احد فيه وفيه بنت ابتسمت لي تمنيت اني هي..
    الابتسامه لها دوووووووووووووووووور..
    عبايتك ..
    انتي عارفه خطأك اكيد بس خليني اقولك عن شي..
    مره كانت فاطمه بنت النبي تبكي من قلب وتصييييييييييييييييييح..
    جتها عائشه رضي الله عنهم جميع..
    تقولها مابالك .!
    اعلمك وش قالت ..؟!
    قالت بمجمل كلامها .. الحين إذا انا مت وشالوني الرجال بييبن جسمي وبيبان خصري
    يعني شكل جسمي بيبان..
    اذا فاااااااااااااااطمه بنت الرسول كذا تفكيرها
    وهي الحين ميته..
    وحنا العبايه واسعه لكن مع الشنطه وشد العبايه مع الخصر يبان كل شي
    بنات تكفون خلونا نتغير ..
    وربي ماراح ينفعنا شي..
    تدرون بس ان النار سوداء وكل شي مانشوف<~ توها سامعه المعلومـه..
    واللي ابتليت بجوال مع الشباب ولا الماسن..
    تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ
    وش ردك عليه..!
    بنات والله ماينفعك..
    تدرين ليه اقول كذا .. لاني اعرف كثير وعارفه هالشي صعب..
    لكن احببببببببببببببببك لاني احس انو شي صعب بس من ترك شي لله عوضه الله خير منـه..
    اتركيه هالشخص ووضحي له انك تعدلتي..
    شي احسن من لاشي ..
    صح علي..
    حاولي و حاولي وحاولي..
    وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..
    بنات..
    تكفون .. =)..
    عدلي لو شي واحد وادعي لربي لنفسك دائم..
    صح ولا انسى الاغاني والافلام الامريكي والكوري<~ يارب صبرنا وأعنا..
    اذا انحطيتي بقبرك ماراح يٍسألو عنك ..
    بتنحطين بقماش وذنوبك معك..
    حاولي انك دايم تذكرين صحباتك بالجنه والاشياء ..
    تخيلو اليوم سمعت عن قصه ..
    في اثنين أصحاب ..
    كانو قاعدين بمكان <~ اجل وين..
    المهم..
    قامو يتكلمون عن الجنه والنار والخ.!
    واحد دمعت عينه بذكر النار خاف منها..
    بعدها بمده توفى صاحبنا ..
    وجاء لخويه بالحلم ..
    قاله صاحبه يافلان وش اخبارك..!
    قال اخباري..
    انا بالفردوس الاعلى اعلى شي بالجنه..
    قاله صديقه ليه..؟
    قال تذكر يوم نقعد نسولف انا وانت وذكرنا النار ودمعت عيني..
    هذا اللي دخلني الجنه..
    شفتي ربي قد ايش كريم..
    وربي ربي شي كبيييييييييييييييييييييييير..
    بنات..
    طولت عليكم..
    بس وربي ضايق صدري ع حالنا هالبايخ..
    تكفون خلينا نتحمس سواء ونتعدل مع بعض..
    الله يخليكم..
    لي طلبه اخيرا..
    اذا اعجبك الايميل وعارفه اسلوبي مدري وش يبي...
    بس ارسليه لاقرب شخص لك ..
    اللي تحبينها وتخافين عليها..
    من نار جهنم..
    لاتنسووني من دعآءكم وآدعو ربي يوفقني فى دراستى واتخرج من الثانويه
    منقول ،..،


شارك
مشاركة في فيسبوك مشاركة في تويترمشاركة في قوقل بلص


من مواضيعي : اشراقة امل
التعديل الأخير تم بواسطة المكينزي ; 05-24-2012 الساعة 06:28 PM.
  رقم المشاركة : [ 3 ]
قديم 05-24-2012, 06:44 PM
صحي مبدع
 

الاخصائية نور will become famous soon enough
افتراضي

كلمات ما في ابد اروع منها الله يجزا كاتبة الموضوع وناقلته النا بالخير الدائم بالدنيا والاخرة
من مواضيع : الاخصائية نور
الاخصائية نور غير متواجد حالياً  
  رقم المشاركة : [ 4 ]
قديم 05-25-2012, 12:42 AM
صحي متميز
 

اشراقة امل will become famous soon enough
افتراضي

اللهم امين......وجزاكم الله خير الجزاء
من مواضيع : اشراقة امل
اشراقة امل غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
للبنات, الشباب, بيدخل, حيااااكم, والد


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 11:02 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط