آخـر مواضيع الملتقى

دعــــــاء

العودة  

ملتقى ترفيه الأعضاء لجميع المشاركات الترفيهية والهادفة

جدتي وسفرتي إلى كندآ

ملتقى ترفيه الأعضاء
موضوع مغلق
  #1  
قديم 08-09-2012, 09:30 AM
بروفيسور صحي
 





أمل 23 will become famous soon enough


السلام عليكم ورحمة الله وبركاته ..
أسعد الله أوقاتكم بكل خييييير. أعزائي الككككرآآآم ..جدتي وسفرتي كندآ smai.gif

طبعآ كالعاده شفت نفسي فاضيه وقلت يابنت ورا ماتسدحين مغامراتك العجيبه مع حبيبتك القميله

والكل بيسآل من حبيبتك ؟!!

انا آعلمكم من هي حبيبتي خلال القصه اللي راح تقرونها وان شاء الله تستمعون بقرائتها ولا يصيبكم الملل ..

هذا ياطويلين العمر والسلامه عندي جده خطيره << اتحداك تلاقيها رايقه جدتي وسفرتي كندآ confused.gif...
دايم معصبه وبس اتهاوش هههههه << يعني دقه قديمه جدتي وسفرتي كندآ smile.gif..
تبي الدنيا كلها مثل اول خبركم ماهي متآقلمه مع هالتطوير الحاصل لنا ككل ..
وطبعا انا مو مقصره انواع اللكاعه معها واحب تهاوشني استانس عليها ربي يخليها لي بس هههههه انا متركيه واتريق وهي جايبتن طبلونها بالدعاوي على اللي خربو الشباب والبنات هههههه < تقصد التطورات الإلكترونيه ههههههه


طبعا بحكم ظروفي العائليه .. صارت الظروف اني أسكن عند جدتي الحبيبه طبعا هي ربتني واعتنت فيني عناية شديده وتدلعني بعد << مااحد يفك شفرة التعصيب حقتها غيري<< مو اقولك تدلعني جدتي وسفرتي كندآ fgd.gif


المهم ان جدتي هذي حريصه علي زياده عن اللزوم لدرجه اني اهددها اني انحاش عنها لو مابطلت هالحرص اللي ماله سنع << مااعرف احد اذا عصبت ههههههه.. المهم ماعليكم كلام ليل <اول مااصحى من نومي طايره اروح لغرفتها ادورها ههههههههههههجدتي وسفرتي كندآ frown.gif

طبعا تجيكم السالفه ... بحكم دراسة الوالد إلا ان صارت له حوسه عشان الرساله واضطر ياخذ كورس لمدة أربعة اشهر في ( كنــــدآ) ..
وانا بما اني عاطله عن العمل ولا عندي شغله ولا مشغله ... قلت جاتك يامهنى ماتمنى جدتي وسفرتي كندآ smile.gif ... وارفع السماعه واكلم الوالد << عندي نية للروحه ميه بالميه ههههههه
المهم بعد محادثة دامت اكثر من ربع ساعه بالآخذ والعطاء من السوالف قدرت اني اقنع الوالد انه ياخذني معه وبما انها فتره قصيره ..
منها اخذ لي كورس بسيط باللغه ومنها اساعده ببعض أبحاثه بحكم اني انا والوالد اقسامنا قريبه من بعض ... وبفضل الله تمت بحمدالله فكرتي بعد جهد جهيد من الأقناع والأمور المغريه اللي سويتها للوالد اني بساعده وكذا >> وانا من جنبها رايحه ابي اتمشى واخذها سياحه ولاطرى اشتغل ببحوث هههههههه

بعد ماقفلت من الوالد ماجاء فبالي إلا ( جدتي ) الحين كيف ابي اقنعها اني بسافر برا مع العلم ان الوالد تمت موافقته بعد مااخذ موافقه جدتي الحبيبه؟! جدتي وسفرتي كندآ confused.gif
وخاصه انها جده عصبيه جدآ ويصعب التحايل او اقناعها بسرعه جدتي وسفرتي كندآ smile.gif
<< مع العلم هي غاسله يدها من ابوي من يوم يومها لأنها تشوف اللي يسويه على هواه وهي تنافي هالشي بشده.. تبي الكل يدرس بمدارس الحاره وحولها ههههههه
جدتي وسفرتي كندآ smile.gif


المهم اني كنت نازلة من فوق وتوجهت لصالة إلا اشوف جدتي جالسه رايقه ومزاجها عال العال .. قلت يابنت فرصتك .. واروح للمطبخ واجيب القهوه والتمر .. واجي اجلس عندها واصب لها فنجال هالقهوه .. قالت بس تقهوي انتي يانظر عيني ؟! < هينا دريت انها رايقه جدآ وانها راضيه عني وفيه مجال توافق على اي شي ابيه ههههههه .. واجلس اخرط عليها من الحتسي وجلست امدحها واقول ماشاء الله ياجده وش هالزين والله بعذر جدي يوم خطبك هذا وانتي كبيره هلون وشلون وانتي بيآم الشباب .. المهم انها ناظرت لي نظره تخوف وقالت الحمدالله الزين للحين عندنا ماهو مثل البنات الحين كلها صبغات وديكورات << تقل ازعلت اني قلت لها عجوز ههههههه< خفي علينا يابنت الأربع طعش جدتي وسفرتي كندآ nosweat.gif.. طبعا كالعاده ابتسمت ابتسامه صفراء وقلت ايه صادقه << لازم مااخالفها الرآي لأن عندي موضوع بناقشها فيه ولازم تتم موافقتها عليه هههههه


وغيرنا الموضوع وجلست تسولف لي عن حياتهم قبل وانها احسن من الحين وانا طبعا مسترسله معها واناقشها بكل جديه هههههه
وبعد ماعم الهدوء علينا .. وانا انط بموضوعي بسرعه هههه< قلت يمه وجلست اتبسم هههههه << قالت والله ان عندك شي ؟؟ قولي وش تبين ؟؟
هي متعوده اجي الطش منها كل مابغيت اروح واجي ... قالت تبين تروحين للسوق << بقلبي اقول لو تدرين وش السوق اللي ابي اروح له ...
قلت لا ابي اروح مع ابوي لكندآ .. طبعا قبل مااكمل كلامي قاطعتني وقالت وشووووووو .. هو انتي صاحيه ؟! وين تروحين مع ابوك؟؟ ابوك يبي يروح لديرة الكفار ؟! انا صاحيه اخلي بنيتي ترووح لديرة الكفار ؟!
قلت يايمه انا ابي اروح ادرس وبعدين رايحه مع ابوي بيكون حريص علي اكثر من اي شي .. وانا رايحة لهدف وبعدين كلها فتره قصيره وراجعين ...
قالت هالموضوع لاتجيبن له طاري عندي ابد واجلست تقول هذي ديرتنا مليانه مدارس ؟ ماتتعلمين الا عند هالكفار؟!.. وروحة لديرة الكفار مافيه ... << طبعا هينا انا عصبت وعرفت ان مافيه حتى مجال اخلي احد يقنعها .. لأنها عنيده واللي براسها تسويه ههههه << سكت وقلت خير ان شاء الله اللي تبينه يصير ...

واطلع لغرفتي واجلس ابكي وابكي وابكي .. طبعا هذا العصر صار.. إلا وقت العشاء ووباب الغرفه يطق وهذي جدتي داخلتن علي.. قالت وش عندك ماتجين تعشين ؟! طبعا انا زعلانه واتكلم وانا مالي خلق << يقال ابيها تحن علي وتخليني اروح ههههههه ..< قلت لا بس ماني جوعانه..قالت لاوالله انا عارفه وش راكبن راسك .. انتي تبين تروحين لديرة الكفار وزعلانه عشان قلت ماتروحين .. وهو ينفتح الموضوع مره ثانيه .. قلت ايه وليه ماازعل وانا اشوف كل البنات يروحن وبعدين انا رايحه مع ابوي ومابي اروح غصب عنك ابي اروح وانتي راضيه .. المهم وانا اقوم ابكي ههههههههه وهو يصير مسلسل حزين وهي تجلس جدتي تبكي وتقول يايمه انا اسوي كذا لأني خايفه عليك من هالسفر وهذي ديار ماهي حولنا لو يصير لك شي مااسامح روحي وانا ابيك قريبه مني.. واجلست تحتسي من هالكلام اللي يكسر الخاطر وانا ماعندي احد غيرتس هههههه<< المهم عاد هينا مالي قلب انا يوم سمعت حكيها .. انا ابكي وهي تبكي هههههههههههههههه
اللي يسمعنا يقول ابي اسافر عشر سنين واخليها هههههههه
قلت خلاص ماعاد ابي اروح وانا راح اكلم ابوي بعد شوي واقوله مايسوي لي فيزا ... << ماقدرت على قليبها مالي غنى عنها ههههههه

وهي تقول يلا قومي تعشي دامك مو زعلانه .. والله واقوم واتعشى معها وسواليف وبعد ماتعشينا وجبنا طاري الموضوع مره ثانيه وهي تقول انا ماودي تروحين لأنها ديرة كفار وهذولا مايخافون الله وهذولا يخطفون المسلمات << ياديرة الكفار اللي امتحنتني فيها جدتي وسفرتي كندآ smile.gif

المهم وانا اقولها اسمعي يايمه .. الحين احنا لما نروح لديرة الكفار بالعكس لازم نظهر لهم الآسلام والمسلمين بأحسن صورة .. وبعدين فيه كثير حريم بغطاويهن هناك مو كل من راح هناك ينسى دينه ..
وحسيت فيه تجاوب منها ودار حديث بيني وبينها وحاولت اقنعها بأكثر من طريقة وانفتح لي باب الآمل من جديد وقلت شكلها بتوافق لو اضغط عليها بعد هههههه
لكن للآسف عاودت بترديدها وشلون المسلمين يروحون لديرة الكفار؟! < من قال هالكلمه قفلت الموضوع عشان لاتصيبني حالة هستيريه هههههههه


احبتي الكرام ودي اكمل لكم لكن تعبت من الكتابه والقاكم بجزء ثاني ان شاء الله



الجزء الثاني
هل قدرت اقنع جدتي؟!
هل تمت سفرتي إلى كنـــدآ ؟!
شارك
مشاركة في فيسبوك مشاركة في تويترمشاركة في قوقل بلص
bandar_1976, العلم اليقين, عبدالله خلف العنزي و 7 آخرون معجبون بهذا.


من مواضيعي : أمل 23
  رقم المشاركة : [ 2 ]
قديم 08-09-2012, 10:00 AM
كبار الشخصيات
 

عفويه will become famous soon enoughعفويه will become famous soon enough
افتراضي رد: جدتي وسفرتي إلى كندآ

ههههههههههههههه طاش ماطاش اجل

تيب بانتظار الحلقه الثانيه

ويارب توافق
العلم اليقين, بسمه فجر و أمل 23 معجبون بهذا.
من مواضيع : عفويه
عفويه غير متواجد حالياً  
  رقم المشاركة : [ 3 ]
قديم 08-09-2012, 10:03 AM
بروفيسور صحي
 

أمل 23 will become famous soon enough
افتراضي رد: جدتي وسفرتي إلى كندآ

اقتباس
  المشاركة الأصلية كتبت بواسطة عفويه
ههههههههههههههه طاش ماطاش اجل


تيب بانتظار الحلقه الثانيه

ويارب توافق

طاش ماطاش من نوع آخــــر هههههههه

شاكرة لك على مرورك عزيزتي
بسمه فجر معجبون بهذا.
من مواضيع : أمل 23
أمل 23 غير متواجد حالياً  
  رقم المشاركة : [ 4 ]
قديم 08-09-2012, 11:18 AM
افتراضي رد: جدتي وسفرتي إلى كندآ




الله يسعد ان شاء الله

قصتك شيقه مع الجــده الله يحفظها لك والواحد يتحمس

نريد الجزء الثاني


بسمه فجر و أمل 23 معجبون بهذا.
من مواضيع : اداري بالاتصالات الادارية
اداري بالاتصالات الادارية غير متواجد حالياً  
  رقم المشاركة : [ 5 ]
قديم 08-09-2012, 12:38 PM
بروفيسور صحي
 

أمل 23 will become famous soon enough
افتراضي رد: جدتي وسفرتي إلى كندآ

اقتباس
  المشاركة الأصلية كتبت بواسطة اداري بالاتصالات الادارية





الله يسعد ان شاء الله

قصتك شيقه مع الجــده الله يحفظها لك والواحد يتحمس

نريد الجزء الثاني


ياهلا وغلااا فيك
إن شاء الله قريب الجزء الثاني .. الكتابه متعبه

اسعدني تواجدك
بسمه فجر معجبون بهذا.
من مواضيع : أمل 23
أمل 23 غير متواجد حالياً  
  رقم المشاركة : [ 6 ]
قديم 08-09-2012, 12:50 PM
المشرف العام

الصورة الرمزية نسائم
 

نسائم will become famous soon enoughنسائم will become famous soon enough
افتراضي رد: جدتي وسفرتي إلى كندآ




ماشاء الله
أسلوب رائع ومشوق في كتابة القصة
أعجبني كثيراً
بارك الله فيك
وفي إنتظار الجزء الثاني

بسمه فجر و أمل 23 معجبون بهذا.
من مواضيع : نسائم
نسائم غير متواجد حالياً  
  رقم المشاركة : [ 7 ]
قديم 08-09-2012, 12:59 PM
بروفيسور صحي
 

أمل 23 will become famous soon enough
افتراضي رد: جدتي وسفرتي إلى كندآ

اقتباس
  المشاركة الأصلية كتبت بواسطة نسائم



ماشاء الله
أسلوب رائع ومشوق في كتابة القصة
أعجبني كثيراً
بارك الله فيك
وفي إنتظار الجزء الثاني

الآروع هو توآجدك في متصفحي
بسمه فجر معجبون بهذا.
من مواضيع : أمل 23
أمل 23 غير متواجد حالياً  
  رقم المشاركة : [ 8 ]
قديم 08-09-2012, 02:25 PM
صحي متمرس
 

بسمه فجر will become famous soon enough
افتراضي رد: جدتي وسفرتي إلى كندآ

الله يخس بليستس بعد فيه جزء ثاني
عزالله رحنا وطي
ههههههههههههههههه
دوووعابه فووطيتس قلبوه
أمل 23 معجبون بهذا.
من مواضيع : بسمه فجر
بسمه فجر غير متواجد حالياً  
  رقم المشاركة : [ 9 ]
قديم 08-09-2012, 02:32 PM
بروفيسور صحي
 

أمل 23 will become famous soon enough
افتراضي رد: جدتي وسفرتي إلى كندآ

اقتباس
  المشاركة الأصلية كتبت بواسطة بسمه فجر
الله يخس بليستس بعد فيه جزء ثاني
عزالله رحنا وطي
ههههههههههههههههه
دوووعابه فووطيتس قلبوه

إيه فيه جزء ثاني ويمكن ثالث بعد
اذا شفت نفسي كسوله بالكتابه

نووورتي بتواجدك عزيزتي = )
بسمه فجر معجبون بهذا.
من مواضيع : أمل 23
أمل 23 غير متواجد حالياً  
  رقم المشاركة : [ 10 ]
قديم 08-09-2012, 03:14 PM
صحي نشط
 

ملاااك will become famous soon enough
افتراضي رد: جدتي وسفرتي إلى كندآ

الله يخليلك جدتس ويحفظها يااارب
وبإنتظااااار الجزء الثاني ياحلووووووه
بس لاتاخرين علينا
بسمه فجر و أمل 23 معجبون بهذا.
من مواضيع : ملاااك
ملاااك غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
جدبد, إلي, وسفرتي, كندآ


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
موسوعة أسرار الويندوز إكس بي كاملة... كلي وله الملتقى الإلكتروني والرقمي 11 12-06-2015 09:01 PM
نظام مخالفات أحكام الأنظمة الصحية عفويه ملتقى شؤون الموظفين 5 07-25-2013 05:23 AM
الانحراف العاطفي المكينزي ملتقى المواضيع النفسية 5 01-27-2012 09:11 AM
العائدات إلى الله محمدسعيدالزهراني ملتقى النفحات الإيمانية 3 09-05-2011 04:23 AM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 10:08 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط