ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى شؤون الموظفين (http://www.e-moh.com/vb/f170/)
-   -   مبتعث وجاءه التعيين ياخوان هل يوجد حل لمشكلتي (http://www.e-moh.com/vb/t143293/)

mr.mgmg 10-12-2012 09:37 PM

مبتعث وجاءه التعيين ياخوان هل يوجد حل لمشكلتي
 
السلام عليكم ورحمة الله وبركاته

ياخوان عندي مشكله بسيطه وان شاء الله راح احصل حل لها في هذا الصرح الراقي

المشكله تكمن في

كنت مبتعث في الاردن عن طريق وزارة التعليم العالي لدرجة البكالريوس (تجسير)
اجتزت ولله الحمد73 ساعه من اصل 137 بمعنى درسة لمدة سنه بالاردن والمتبقي على الدراسه تقريبا سنه ونص

المشكله جا تعيني على شهادة الدبلوم طبعا نزلت للوظيفه على وزارة الصحه بعد انتظار دام 3 سنوات من العطاله!
فخفت اتركها ويحصل لي نفس الشي مع البكالريوس
نبدا بالمشكله حاليا اجلت الدراسه لمدة سنه وهذي اقصى مده اقدر ااجلها من الملحق السعودي
لاكن المشكله تكمن في الاجازه الاستثنائيه بدون راتب حيث ان شخص قال لي اقصاها 6 شهور مع العلم شهر 2 يكمل لي سنه كامله على راس العمل
الي ابي اعرفه هل اغسل ايدي من الدراسه او هل يوجد حل مثلا اجازه دراسيه على حسابي الخاص لان الابتعاث عن طريقة وزارة التعليم العالي والوظيفه على وزارة الصحه



mr.mgmg 10-13-2012 07:31 PM

رد: ياخوان هل يوجد حل لمشكلتي
 
معقوله محد عنده خلفيه عن الموضوع؟

الكفاح 10-13-2012 07:34 PM

رد: ياخوان هل يوجد حل لمشكلتي
 
عليكم السلام ورحمة الله وبركاته

باذن الله تجد من يرد عليك

سوف يتم تحويل موضوعك الى المكان المناسب

دعواتنا لك بالتوفيق وان تجد الحل

Moon M 10-13-2012 07:45 PM

رد: مبتعث وجاءه التعيين ياخوان هل يوجد حل لمشكلتي
 
سنه ونص علشان تاخذ شهادتك؟
الدراسه اهم لاتفوتها ابد .. نصيحه
دبر لك اجازه باي طريقه..

الله يسهل امورك باذن الله

bandar_1976 10-13-2012 08:37 PM

رد: مبتعث وجاءه التعيين ياخوان هل يوجد حل لمشكلتي
 
اللي في مثل وضعك أسلم وأحسن حل الاجازة الدراسية بدون راتب لكن هل تضمن موافقة عملك على اجازة دراسية للمدة المتبقية لانهاء دراستك؟؟
ثانيا يحتاج لك تقدم عليها بوقت كافي لأن يمكن تطول شوي على ماتجيك الموافقة لذا حاول تخلص وتكمل اوراقك والمتطلبات في أسرع ما يمكن
أهم شئ تجيب قبول او خطاب يبين مدة الدراسة المتبقية لك ومصدق من الملحقية وارفق تقاريرك الدراسية أظن عشان تشفع لك ولتسهل امورك ثم قدم طلب لجهة عملك لأنك طبعا تحتاج لموافقة عملك ثم المديرية

mr.mgmg 10-13-2012 09:49 PM

رد: مبتعث وجاءه التعيين ياخوان هل يوجد حل لمشكلتي
 
اقتباس:

المشاركة الأصلية كتبت بواسطة bandar_1976 (المشاركة 882925)
اللي في مثل وضعك أسلم وأحسن حل الاجازة الدراسية بدون راتب لكن هل تضمن موافقة عملك على اجازة دراسية للمدة المتبقية لانهاء دراستك؟؟

ثانيا يحتاج لك تقدم عليها بوقت كافي لأن يمكن تطول شوي على ماتجيك الموافقة لذا حاول تخلص وتكمل اوراقك والمتطلبات في أسرع ما يمكن

أهم شئ تجيب قبول او خطاب يبين مدة الدراسة المتبقية لك ومصدق من الملحقية وارفق تقاريرك الدراسية أظن عشان تشفع لك ولتسهل امورك ثم قدم طلب لجهة عملك لأنك طبعا تحتاج لموافقة عملك ثم المديرية

هوا المشكله تكمن في الاجازه الي اعرفه اقصى مده للاجازه الاستثنائيه 6 شهور والحين سؤالي هل توجد اجازة دراسيه على حسابي الخاص اما بخصوص الموافقه تقريبا المستشفى الي انا فيه موافقين لاكن المشكله تكمن من الشؤن الصحيه

بالعربي 10-17-2012 03:50 PM

رد: مبتعث وجاءه التعيين ياخوان هل يوجد حل لمشكلتي
 
الاجازة الدراسية انسب شي لك مثل ما قالوا الاخوان، ولما ترفع طلب الاجازةالدراسية اكتب المدة اللي تبي حسب خطاب برنامجك الدراسي من الجامعة سواءً سنة ونص او سنتين،
بخصوص الاجازة الاستثنائية: ماتصلح لك لانك اذا تخرجت وجبت لهم الشهادة لن تقبلها منك وزارة الخدمة المدنية لانك درست بدون موافقتهم، والموظف الحكومي لازم يحصل على موافقة عمله اللي هي ادارة التدريب والابتعاث في وزارة الصحة واذا وافقت يرسلونها للخدمة المدنية عشان برضه توافق، وفيه ناس الى الان رفضت الخدمة المدنية شهاداتهم مع انهم درسوا في كلية داخل المملكة عشانهم ما أخذوا موافقة على الدراسة
لذلك عجل برفع اوراقك الى ادراة التدريب والابتعاث وبالتوفيق ان شاءالله

sultan240 10-20-2012 08:05 PM

رد: مبتعث وجاءه التعيين ياخوان هل يوجد حل لمشكلتي
 
اعطيك الرد من خبرة ولأني مريت بوضعك. الدراسية اول شرط لها ان تكون خدمتك ثلاث سنوات, فما بتقدر تأخذها.

الأستثنائية تقدر تأخذها من اول يوم تباشر فيه ومدتها سنة, تمنح لك بموافقة مرجعك وصاحب الصلاحية (المديرية). وتمدد لسنة ثانية بحد اقصى بموافقة مرجعك وصاحب الصلاحية وبعدهم الخدمة المدنية (اذا وافق رئيسك امورك ماشية عند الباقيين).

موفق اخي الكريم ...

bader231 10-22-2012 12:44 AM

رد: مبتعث وجاءه التعيين ياخوان هل يوجد حل لمشكلتي
 
الله يكون بعونك

نصيحة أخويه لا تفوت الوظيفة لان طلاب الماستر عددهم كبير
لذلك ما راح تحصل مكان اذا حصلت ع الشهادة
الشيء الثاني أتوقع مالك حل إلا الاجازة الاستثنائية
بالنسبة للشهادة ما راح يكون عندك مشكلة لان تاريخ دراستك كان قبل تاريخ توظيفك
لذلك لا خوف عليك من هالناحية
فيه حل بسيط وممكن يفيدك
حاول تدبر لك تكليف بالقريات لمدة سنه, وزبط وضعك من هناك, بحث يكون دوام صباح والمساء يكون دراسة وبكذا راح يتبقى لك 6 شهور من الاستثائية أو العكس.
الله يوفقك ويسهل امرك

SAK 10-23-2012 12:40 AM

رد: مبتعث وجاءه التعيين ياخوان هل يوجد حل لمشكلتي
 
السلام عليكم
اول حاجة تكمل الدراسة اكيد فرصة

بس اقول لك ان الوطيفة اضمن

اذا انت تدرس برا وزوجتك او اختك وياك او اي احد من اهلك نساء ممكن تكون مرافق اليها
تقدر تقدم على اجازة مرافقة مبثعتةاو زي ماقالو الك استتنائية
واهم شي تاخذ موافقة دراسية عشان يؤخذ بشهادتك


والله يوفقك


الساعة الآن 12:02 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط