آخـر مواضيع الملتقى

دعــــــاء

العودة  

ملتقى التشغيل الذاتي خاص بأنظمة وقوانين واستفسارات التشغيل الذاتي

التشغل الذاتي ومعاناتي

ملتقى التشغيل الذاتي
عدد المعجبين  1معجبون
  • 1 أضيفت بواسطة العنـزي

موضوع مغلق
  #1  
قديم 10-24-2012, 05:22 AM
صحي جديد
 




بو نمي will become famous soon enough


بسم الله الرحمن الرحيم
اخوني بدخل بل الموضوع على طول ..
انا موضف بمسمى خدمة مرضى وتندرج تحت مسمى الخدمة العامة وتصنيفها اداري
قدمت وانقبلت وتم تعيني في مستشفى للصحة النفسية بطائف وتخيلو لما تم قبولي تم توقيعنا على ورقة تنص على المهام الوظيفية وركزو وظيفتي ( ادارية ) ومنها ...
1تغسيل العنبر في حل اضراب العمال عن العمل
2 تحليق شعر العانة والابط للمرضى
3 تقليم الاظافر وترويشهم
5 تغيير ملابس المرضى
6 الوقوف والاشراف على الوجبات ( يعني تدخل الصالة الطعام معاهم تأكلبهم وتشربهم )
7 تربيط المرضى ( يعني واحد متهيح تاخذ شرشف وتجي تشدة على السرير لين يقر ) بالله ذا اسلوب علاجي نشدهم كنهم غنم والله حرام . مع انهم مايتهيجون الا من اسلوب المعاملة الي يتعاملون بها من الطاقم الطبي
8 حراسة الباب من المرضى وعدم هربهم ( يعني بواب بلعربي )
9 مرافقة المرضى لاي مستشفى ( يعني تروح معاه انت وممرض اذا كان له موعد في مستشفى ثاني لقسم معين موموجود عندنا مثل الباطنية او العظام او عمل اشعة)
10 انهاء اي عمل تكلف به من الممريضين او الفريق الطبي ( يعني قلك روح سويلي اجازتي من شؤون الموظفين تقول ابشر غصبن عنك او روح اشتر فطور )
11 احضار طلبات المرضى من البوفيه ( يعني يبغون شاهي بسكوت بطاقة اتصال وبيني وبينكم ماعندي اي اعتراض على ذا البند لانه عمل انساني قبل كل شي نأجر علية ان شاء الله )
وبنود والله كثير
وكل ذا العمل يكون بمساعدة الممرضين ( والله والله ماشفنا احد ساعدنا )
واقسم بالله يتم ابعادك عن الوظيفة اذا لم توقع على هاذي المهام يعني تبغى تتوظف وتستر نفسك واهلك وقع وهاذي المهام مي موجودة في العقد وكل ذي في ورقة خارج العقد والمشرف عليها هو رئيس التمريض والمشكلة مدير المستشفى موقع عليها طيب موحرام تجبرونا ليش ما قالو من الاول من يوم الاعلان عن الوظيفة كان حطو المهام هاذي الي مدري انا اداري ولا فني ولا مساعد صحي ولا بواب ولا مراسل والله معد ادري والادهى و الامر انه الزامي نلبس زي مثل الممرض بس لونه مختلف ولا بعد في المسير العام حق الرواتب مكتوب المسمى الوظيفي الخدمة العامة وفي بطاقة العمل عامل خدمة مرضى وفي التأمينات الاجتماعية خادم غرف يعني شتان بين المسميات وبين العمل الفعلي الي نقوم فيه وكمان عملنا شفتات ونخالط المرضى الي معاه درن والي معاه وباء كبدي والي معاه سل واشياء الله لا يوريكم ..
طيب مين المسئول عننا في ذا الشي لمين نروح ينصفنا .
لما نروح لمدير التشغيل الذاتي في المستشفى ونسأله عن بند من البنود يقول ارجع للوائح التنظيمية طيب انت ليش ماسك ذا المنصب وانت ماتدري وش الوائح .
يعني غياب انظمة التشغيل الذاتي ظيعتنا خلتنا لعبة كل واحد يمشيك على كيفة مو حرام .
والله حرام سببو ضغينه بيننا وبين موظفين الوزارة لما واحد ينتهي عملة الساعة 1 ونص واحنا الساعة 3 وعليها ليش .
ولبيش الوزارة تاخذ اجازة رمضان من يوم 25 واحنا يوم 29 لمدة اربعة ايام بس .
وليش احنا ناخذ اجازة عيد الحج من يوم 9 ونداوم يوم 14 يعني 5 ايام بس مدة اجازتنا .
بالله مو حرام وظلم واحنا نكرف اكثر من الوزارة .
وحقين الوزارة اذا ماعجبة شي يرفض واحنا اذا رفضنا سولنا محضر رفض عمل وتحقيق يجلس في ملفك ينكبك ويتقص ادائك الوظيفي ولاراح تاخذعلاوة بسبب تدني ادائك الوظيفي .
وكل شوي وانت تحت التهديد (ماراح تاخذ تقييم كويس وراح ننقص من تقيمك ) ولي يقلك ( والله لا افصلك ) وين داخلين احنا حرب ولا منطقة عمل ....
مبسوط يا عبدالله الربيعة هلحين خليتنا مانسوا شي بسبب التشغيل الذاتي الي سبب فروقات في العمل و في النفسيات بين موظفين الوزارة والتشغيل الذاتي .
لا تقولون ان راتب التشغيل افضل والله متنازل عن الزيادة هذا اذاكان فيه زيادة اصلان بيني وبين موظف الوزارة وفي الاساس الي يقول ان راتب التشغيل ازود من الوزارة فلازم تعرف ان لافي زيادة في الراتب ولا شي و الزيادة الي بناخذها هي بسبب زيادة ساعات العمل وقلت ايام الراحة فتعتبر تسكيته عشان لاحد يسوي شوشرة .
فلا احد يسوي ذكي ويقول انتم رواتبكم اعلى .
حسبي الله ونعم الوكيل حسبي الله ونعم الوكيل
شارك
مشاركة في فيسبوك مشاركة في تويترمشاركة في قوقل بلص


من مواضيعي : بو نمي
  رقم المشاركة : [ 2 ]
قديم 10-24-2012, 06:55 AM
صحي نشط
 

العنـزي will become famous soon enough
افتراضي رد: التشغل الذاتي ومعاناتي

لأ حول ولا قوة الا بالله .. العلي العظيم..

مشروع تطفيش السعوديين من الوظائف الحكوميه لا زال قائم ..

والشروط المكتوبه من اجنبي عفن يحاول ان يشغلك بعشرين وظيفه والباقي الشواغر بجيبه

الله على الظالمين ..والله يعينك..
Moon M معجبون بهذا.
من مواضيع : العنـزي
العنـزي غير متواجد حالياً  
  رقم المشاركة : [ 3 ]
قديم 10-24-2012, 09:10 AM
نائب المشرف العام
 

أبو غرور will become famous soon enough
افتراضي رد: التشغل الذاتي ومعاناتي

اخي الفاضل


ارفعو شكوى لمكافحة الفساد افضل لكم


بالتوفيق
من مواضيع : أبو غرور
أبو غرور غير متواجد حالياً  
  رقم المشاركة : [ 5 ]
قديم 10-24-2012, 04:41 PM
صحي جديد
 

بو نمي will become famous soon enough
افتراضي رد: التشغل الذاتي ومعاناتي

يا بو غرور بقلك شي
واحد من زملائي راح وشتكىئ والله والله جلسولة على اتفه الاسباب وكان الرجال بيقدم فصل بسبب تعسف وترصد الاشخاص الي كان هو شاكيهم .
ولا يخفى عليك ان موظيفين وممرظين الوزارة لهم اصحاب واحباب هنه وهناك يعني اول ماتوصل شكوى لشؤون الصحية راح يعرفون لانهم مسوين زي الربيطة الوزارة مايرظون على بعض.
وش ذا الحال .
والله العظيم والله شاهد على ما اقول انهم ينادونا موظفين الوزارة بيا ( شركة ) شوف لحد وين سارو يشوفونا سرنا مستصغرين مرررة .
وكل ذا بسبب التشغيل الذاتي الي ماتعرفلة قرار او نظام معين معروف .
والله ودي افصل بسبب الظغوط الي علية لا احترام ولا تقدير ولا مراعاة للمشاعر وش ذا الحال .
ما قول الى الحمد لله على كل حال .
وانا صابر والله العظيم عشان عيالي بس ولا لو جات علية انا كان فصلت ..
ادعولي بالله عليكم ان ربي يخارجنا على خير ويبدل الحال الى افضل يا رب
من مواضيع : بو نمي
بو نمي غير متواجد حالياً  
  رقم المشاركة : [ 6 ]
قديم 10-24-2012, 04:56 PM
نائب المشرف العام
 

أبو غرور will become famous soon enough
افتراضي رد: التشغل الذاتي ومعاناتي

اقتباس
  المشاركة الأصلية كتبت بواسطة بو نمي
يا بو غرور بقلك شي
واحد من زملائي راح وشتكىئ والله والله جلسولة على اتفه الاسباب وكان الرجال بيقدم فصل بسبب تعسف وترصد الاشخاص الي كان هو شاكيهم .
ولا يخفى عليك ان موظيفين وممرظين الوزارة لهم اصحاب واحباب هنه وهناك يعني اول ماتوصل شكوى لشؤون الصحية راح يعرفون لانهم مسوين زي الربيطة الوزارة مايرظون على بعض.
وش ذا الحال .
والله العظيم والله شاهد على ما اقول انهم ينادونا موظفين الوزارة بيا ( شركة ) شوف لحد وين سارو يشوفونا سرنا مستصغرين مرررة .
وكل ذا بسبب التشغيل الذاتي الي ماتعرفلة قرار او نظام معين معروف .
والله ودي افصل بسبب الظغوط الي علية لا احترام ولا تقدير ولا مراعاة للمشاعر وش ذا الحال .
ما قول الى الحمد لله على كل حال .
وانا صابر والله العظيم عشان عيالي بس ولا لو جات علية انا كان فصلت ..
ادعولي بالله عليكم ان ربي يخارجنا على خير ويبدل الحال الى افضل يا رب



اخي الفاضل ابو نمى


توكل على الله واصبر وادعى الله بان ياخذ حقك من اللي ظالمكم


اسئل الله رب العرش الكريم ان يستر عليكم وان يبعد عنكم اولاد الحرام وان تعيشوا وانتم مرتاحين البال



اللهم امين
من مواضيع : أبو غرور
أبو غرور غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
الذاتي, التشغل, ومعاناتي


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
خضر: جميع المستشفيات تعمل بـ“التشغيل الذاتي” قريبًا --حسن الحسني-- منتدى وزارة الصحة 19 09-06-2015 10:32 AM
نقاش // التشغيل الذاتي والتلاعب الحاصل. ســـراب ملتقى المواضيع العامة 28 03-01-2015 11:58 AM
اخبار اليوم لتشغيل الذاتي roo7_roo7ii ملتقى التشغيل الذاتي 5 02-03-2015 05:58 PM
النقل بين مستشفيات التشغيل الذاتي و غيره كارتر ملتقى التشغيل الذاتي 7 04-05-2010 08:27 PM
“مذبحة رواتب” تعرقل لائحة التشغيل الذاتي بالمستشفيات رياض حميد المولد ملتقى التشغيل الذاتي 6 03-21-2010 01:43 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 03:37 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط