ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   الملتقى الأدبي (http://www.e-moh.com/vb/f239/)
-   -   قصيدة *درس الليالي.. * (http://www.e-moh.com/vb/t146920/)

Moon M 11-29-2012 01:33 AM

قصيدة *درس الليالي.. *
 
درس الليالــــي ...

قصيده اعجبتني كلماتها الصادقه والبليغه

وادائها بصوت المنشد صالح اليامي
نقلتها لكم اتمنى ان تعجبكم ..

هذه كلمات القصيده :

يالله ياللي مقامك فوق عرشك مجيد
ياكاتب ارزاق عبدك في مكاتيبها

إما جعلته شقي والا جعلته سعيد
والأدمي في حياته جاهلن غيبها ..

تجعل لنا من فعول الخير عندك رصيد
في ساعتن كل نفس ينكشف عيبها

نتبع هوى النفس ونجيها على ما تريد
ما ندري انها تخادعنا بالاعيبها ..

ونقول متع شبابك دام عمرك مديد
واليوم روس الشباب مبينن شيبها ..

لا راح ذا اليوم جى بعده نهارن جديد
والناس بتموت ما تمت مطاليبها ..

بتموت غاياتها لا حشرجت بالوريد
وتعيش ما دامت الاقدام تمشي بها

درس الليالي تعلم منه حتى البليد
والناجح اللي كفاه الله مخاليبها ..

ما بين حظ ردي وبين راسن عنيد
تعبت نفوس الرجال وخاب تطبيبها

اضمد اجروح وقتي بالرجايا سعيد
ومكبر هقوتي باللي بلاني بها ..

وانا على النية العليا وشوري سديد
وامد يمناي لا مديت واعطي بها ..

ياهاجس الشعر عطني من قراح القصيد
عوايدك وانت تفعلها وتحري بها ..

لي هقوتن فيك لا زادت ظروفي تزيد
بين الرجال الزحول افخر واماري بها

لله در النشيد اللي على اسمه نشيد
اللي بيوته تهولك بتعاجيبها ..

والشاهد من الكلام ان القصيد الفريد
سلعه ولا كل شاعر يقدر يجيبها ..


وسلامتكم :t133:

سكرتير اداري 11-29-2012 04:14 AM

رد: قصيدة *درس الليالي.. *
 
ما بين حظ ردي وبين راسن عنيد
تعبت نفوس الرجال وخاب تطبيبها

(يسلمك ربي على الابيات الجميله )

Moon M 11-29-2012 09:13 PM

رد: قصيدة *درس الليالي.. *
 

قابله ميمي 12-02-2012 12:13 AM

رد: قصيدة *درس الليالي.. *
 

امووون

جزآك الله خير
و
بارك الله بك
و
عفى الله عنك ووآلديك

أسعدك ربي ويسر امورك

Moon M 12-08-2012 01:00 AM

رد: قصيدة *درس الليالي.. *
 

Moon M 12-18-2012 12:47 AM

رد: قصيدة *درس الليالي.. *
 


الساعة الآن 04:19 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط