ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى شؤون الموظفين (http://www.e-moh.com/vb/f170/)
-   -   خلاص عفت التمريض (http://www.e-moh.com/vb/t150773/)

سكوتش 21 01-25-2013 06:37 AM

خلاص عفت التمريض
 


السلام عليكم

انا ممرض وخلاص مليت من التمريض طفشت :icon28: حتى فكرت اني افصل

تخصص لا اطيقه ولا يناسبني اطلاقاً

كيف ابي احول الى قسم ثاني مثل صيدله او علاج طبيعي او اداري او ادارة مستشفيات

ياليت تفيدوني ومايهمني الراتب كثر ما تهمني راجتي شيبنا في عز شبابنا

zoom zoom 01-25-2013 02:39 PM

رد: خلاص عفت التمريض
 
والله معك حق تخصص غير مرغوب فيه
وانا مثلك ممرض لي 14 سنه ولاكن اعمل اداري وسوف اغيرتخصصي عن قريب
ان شاء الله
حاول تتجة لقسم التدريب او الرعاية الصحية او اتجه للمراكز الصحية
موفق غير ان شاء الله

جهـاد 01-26-2013 09:54 AM

رد: خلاص عفت التمريض
 
عين خير ..
الدنيا كذا ..
دخلناه بلاعلم بعواقبه ..
والان نتحمل من جنت ايدينا من هذا التخصص الذي لايصلح لابناء البلد البته ..

sama2 01-26-2013 06:31 PM

رد: خلاص عفت التمريض
 
من جد التمريض في السعودية فاشل جدا
اكثر شخص يشتغل بالمستشفى من دون اي محاولة لتطوير مهنته
ويظل الشماعه اللي كل المستشفى يعلق عليها اخطاءه ..
اذا انت بكالريوس تقدر تكمل ماستر في ادارة التمريض
والله يوفقك

عاشق الديرة 01-26-2013 10:22 PM

رد: خلاص عفت التمريض
 
ايو الله طفشنا من التخلف من الادارة وادارة التمريض ياغافل لكم الله

سكوتش 21 01-27-2013 03:46 AM

رد: خلاص عفت التمريض
 
اخوي زوم زوم شوف انا اداري لكن تظل تحت رحمة الادارة تعيش ذليل في اي وقت رجعوك وهذي معروفه

احد المرات المدير قال لاحد الممرضين عمله اداري امام المراجعين ( ترا ارجعك تمريض !! ) والسبب تافه جدا ومضحك ولا يتحمله اطلاقا صاحبنا يعني شي يقهر صراحه مع العلم ان المدير ممرض ههههههه والله شي يجلط

وكثير ناس رجعو لاسباب تافه جدا وبعد 10 سنوات عمل ادارة , واذا مديرك عسل الحين بكره يجيك مدير متغطرس يرجعك للتمريض

انا حصلت لي فرصه للابتعاث لكن رفضت لاني فكرت اروح ادرس اربع او خمس سنوات واخرتها ارجع ممرض !! علشان زيادة 2000 ريال بالراتب ؟ ونفس العمل وبنفس المكان يعني اذا ضبطوك حطوك سوبر فايزر !! وغير كذا ترجع تدرس تمريض من جديد يعني انا دارس 3 سنوات ونص وارجع ادرس 5 سنوات المجموع ثمان سنوات ونص واخرتها ممرض هههههه الدكتور يدرس 6 سنوات !

ليش الربيعه يجبر موظفين الصحه على استكمال دراستهم بنفس التخصص ؟ يمكن ما عجبني تجبرني ليش ؟

هذا كله كوم والدوام كوم غثيث تسع ساعات والله كارثه والراتب ضعيف يعني لو شركة اصرف

يعني مافي حل : ابتعاث ترجع ممرض , تجسير ترجع ممرض , ادارة مستشفيات عالمها مجهول تحول اداري وتنتظر الرقم يمكن يجيك بعد عشر سنوات ؟

حتى العسكريه افضل بمراحل من التمريض

وش الحل ياجماعه ؟

Moon M 01-27-2013 04:13 AM

رد: خلاص عفت التمريض
 
الله يكون بعونك

ليه ماتفكر بعلم اجتماع تخصص رايق
لي قرايب دارسين هالتخصص مبسوطين

والله التمريض جميل لكن الناس ظلمته بالراتب والمميزات شي يزعل والله..

حتى بالخارج مظلوم التمريض افتكر صار لي موقف بالطوارئ مع اختي المهم اخطأ الدكتور بالفحص والتحاليل وعصب الوالد

والدكتور وضع الخطأ واللوم كله ع الممرضة حزنت عليها اش ذنبها
بس عاد هو دكتور على راسه ريشه خخخخخ

يارب يوفقك ويسعدك

zoom zoom 01-27-2013 02:36 PM

رد: خلاص عفت التمريض
 
اقتباس:

المشاركة الأصلية كتبت بواسطة سكوتش 21 (المشاركة 925382)
اخوي زوم زوم شوف انا اداري لكن تظل تحت رحمة الادارة تعيش ذليل في اي وقت رجعوك وهذي معروفه

احد المرات المدير قال لاحد الممرضين عمله اداري امام المراجعين ( ترا ارجعك تمريض !! ) والسبب تافه جدا ومضحك ولا يتحمله اطلاقا صاحبنا يعني شي يقهر صراحه مع العلم ان المدير ممرض ههههههه والله شي يجلط

وكثير ناس رجعو لاسباب تافه جدا وبعد 10 سنوات عمل ادارة , واذا مديرك عسل الحين بكره يجيك مدير متغطرس يرجعك للتمريض

انا حصلت لي فرصه للابتعاث لكن رفضت لاني فكرت اروح ادرس اربع او خمس سنوات واخرتها ارجع ممرض !! علشان زيادة 2000 ريال بالراتب ؟ ونفس العمل وبنفس المكان يعني اذا ضبطوك حطوك سوبر فايزر !! وغير كذا ترجع تدرس تمريض من جديد يعني انا دارس 3 سنوات ونص وارجع ادرس 5 سنوات المجموع ثمان سنوات ونص واخرتها ممرض هههههه الدكتور يدرس 6 سنوات !

ليش الربيعه يجبر موظفين الصحه على استكمال دراستهم بنفس التخصص ؟ يمكن ما عجبني تجبرني ليش ؟

هذا كله كوم والدوام كوم غثيث تسع ساعات والله كارثه والراتب ضعيف يعني لو شركة اصرف

يعني مافي حل : ابتعاث ترجع ممرض , تجسير ترجع ممرض , ادارة مستشفيات عالمها مجهول تحول اداري وتنتظر الرقم يمكن يجيك بعد عشر سنوات ؟

حتى العسكريه افضل بمراحل من التمريض

وش الحل ياجماعه ؟

شكرا لك اخوي
وانا لم ولن اظل تحت رحمة الا رب العالمين سبحانه
والحمد لله حاصل على شهادة الماجستير من جامعة الملك سعود تخصص خدمه اجتماعية
واراق التحسين ماشيه والشروط منطبقه علي
ولكن حبيت اقدم نصيحة لاخي الممرض الطفشان من عمله وانا والله حاسس بمعاناته
واعرف مايقال عن التمريض سواء من داخل المستشفى او خارجة وادعوا الله ان يوفقه
ويصبره على معاناته


الساعة الآن 03:51 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط