استفسارات ضروريه من دكاترة وزارة الصحه

السلام عليكم ورحمة الله وبركاته

انا طبيب امتياز وللاسف ينقصنا الكثيير من المعلومات عن الاماكن اللي ممكن نقدم عليها

وعشان كذ محتار بشكل مو طبيعي واخاف اقدم على مكان معين واندم عليه طول عمري

لذا انا عندي استفسارات بسيطه عن وزارة الصحه ومميزاتها بما انها من الاماكن اللي ممكن جدا اقدم عليها ومن اهم الخيارات الاساسية اللي امامي
واتمنى من اهل الخبره من هالمنتدى المبارك انهم يفيدوني والله يجعلها في موازين حسناتكم ان شاء الله تعالى

اول شي ماهي مميزات وزار الصحه بالنسبة لبقية المجالات مثل العسكريه او التشغيل الذاتي
وبالنسبة للمجالات العسكريه سمعت ان الرواتب افضل والشغل والاجازات تقريبا نفس اللي في وزارة الصحه طبعا مع فرق ضياع سنه في الدورة العسكريه فهل هالكلام صحيح ؟!

وثاني شي اسمع دائما عن اطباء تبع وزارة الصحه يتذمرون منها ويتمنون لو انهم ما قدموا عليها نهائيا وللاسف ما شفت سلبيات واضحه منهم لذا ياليت اذا فيها سلبيات تفيدوني فيها او ليه ممكن تكون المجالات الثانيه احسن

ثالثا بالنسبة للبعثات مامدى صعوبتها وبالنسبه للتخصصات بعد برنامج الباطنه العامه هل ستكون اسهل ومقدور عليها ولا فيها مشاكل بعد ؟!!

واخيرا سؤال موجه لكل طبيب في وزارة الصحه
لو رجعت فيك الايام لسنة الامتياز هل كنت تختار نفس هالخيار ؟!

اتمنى اني ما ثقلت عليكم واسف على الاطاله

تقبلو تحياتيــ,,,