تجربتي للحصول على اجازة دراسيه (2013)

السلام عليكم.. اخواني واخواتي يسعدني ان اقدم لكم تجربتي للحصول ع اجازة دراسيه من الوزاره...بالبدايه راح اوضح مميزات الاجازه الدراسيه:1- ألتزام الوزاره بتحسين وضعك الوظيفي حين حصولك ع المؤهل 2- خدمتك محسوبه3- ترقياتك محسوبه .. طبعا الاجازه للاسف من غير راتب.. ضوابطها وشروطها كالاتي :- 1- خدمة 3 سنوات 2- موافقة جهة العمل 3- حصولك ع قبول جامعي في جامعه موصى فيها ويكون تخصصك غير متكدس بالجامعه4- يكون القبول امتداد لتخصصك.. مسوغات الاجازه : 1-بيان خدمة حديث 2- تقويم اداء الوظيفي لاخر سنتين 3- خطاب الموافقة من جهة العمل4- تعبية نموذج طلب الاجازة الدراسيه 5- التوقيع ع التعهدات المرفقه مع النموذج ..نجي عاد لشرح خطوات الحصول ع الاجازة بالتفصيل.. بالبدايه تتقدم بطلب رسمي لمديرك المباشر بالاجازه بعد موافقته تقوم ادارتك بمخاطبة ادارة التدريب والابتعاث بالمديريه .. التدريب والابتعاث بعد مايتاكدون من اكمالك لمسوغات وضوابط الاجازه يقومون ب ارسال الطلب للاداره العامه للتدريب والابتعاث بالوزاره .. بعدها التدريب والابتعاث الي بالوزاره يرسلون قبولك الجامعي للملحقيه للتصديق عليه.. بعد ماتقوم الملحقيه بتصديق القبول .. تحيل الاداره العامه للتدريب والابتعاث معاملتك لادارتك المختصه بالوزاره.. مثلا اذا كنت صيدلي يرسلونها لاداره الرعايه الصيدلانيه وهكذا طبعا لاخذ الموافقه من ادراتك ومرئاتها .. بعدما تقوم ادارتك بالموافقه وعدم الممانعه ترجع الموافقه لاداره التدريب والابتعاث بعدها يوقع المدير العام للتدريب والابتعاث ع اجازتك وترسل لوكيل الوزاره المساعد للتخطيط والتدريب لاعتماد الاجازه وبعد مايعتمدها ترسل لوكيل الوزاره للتخطيط واقتصاديات الصحه لاعتمادها ايضا.. بعدها ترجع المعامله لادارة التدريب والابتعاث ويقومون ب ارسالها لمديريتك التي بدورها تصدرلك قرار الاجازه وترسل نسخه لادارة التدريب والابتعاث بالوزاره ونسخه لوزارة الخدمه المدنيه..ملاحظة:- من تقديمي لطلب الاجازة ولحين اصدار القرار استغرق الامر قرابة الشهرين.. واتمنى تثبيت الموضوع ليكون مرجع للاعضاء واي استفسار او سؤال انا حاضر ..

هذا الرابط ساعدني كثيرا بمتابعة المعامله حيث انني من خارج الرياض.. فهالرابط يوضح جميع الاقسام والادارات بالوزاره.. يشمل ع ارقام هواتفهم المباشره وايميلاتهم .. ف راح يساعدك كثير بتتبع معاملتك^_^هيكل الوزارة - هيكل الوزارة

الله يوفقك وشكرا لوضع تجربتك بس عندي تحفظ على التعريف الخاص فيك بمكان الدوله(قلعة وادرين)

وين موقعها

ابشر أخوي ماطلبت شيء
الله يعطيك العافية سبقتنا بهذا الموضوع وكان عندي نية أكتبه بس بعد صدور القرار ( طبعاً المعاملة تخص زميل لي ) وانا أأكد كلامك بخصوص المسوغات بس موظف التدريب والابتعاث بالمنطقة طلب القبول مصدق مع أني زعلت لانه اللي كان معاي غير مصدق المهم تأخرت في رفع الأوراق عشان تصديق القبول وتم رفع المعاملة لإدارة التدريب والابتعاث بالوزارة قبل شهر ولا زالت تحت الإجراء
بالتوفيق للجميع

يعطيك العافيه اخوي المتوكل يسعدني مرورك.. اخوي لووورد كلنا نفس الهدف .. بالنسبه لتصديق القبول فعلا نفس كلامك طلبوا مني ادارة التدريب والابتعاث بالمديريه ان يكون القبول مصدق.. فهمتهم ان الملحقيه ماتصدق القبول الا بخطاب من الاداره العامه للتدريب والابتعاث بالوزاره.. وغير مسموح لتصديق القبول للافراد.. والحمد لله اقتنعوا ورفعوا المعامله..

وعليكم السلآم ..

كل الشكر لك اخوي على هالتوضيع وفعلآ .. موضوع راح يفيد الاعضاء هنا .. وبالتوفيق لك في دراستك ..

بس سؤال .. الجامعه اللي عطتك قبول وش اسمهآ ؟؟ وباي دوله ..؟؟

مع الشكر لك

جامعة csun بلوس انجلوس بأمريكا

معليش يالغالي نتعبك شوي ..

ايش تخصصك .. وكم راح تدرس هنآك ... لاني نفسك دبلوم كليه صحيه .. وحاب ابتعث ..؟؟؟

")

والله يالذيب بكمل دراستي بكالوريوس.. تخصصي اداره صحيه والجامعه قالولي نعادلك 60 ساعه ويبقالي 60 ساعه واخذ البكالوريوس.طبعا انا بكون مرافق لزوجتي لانها مبتعثه عن طريق برنامج الملك عبدالله

اهاه .. بالتوفيق اجل ياغالي .. لك وللجمييع ..!!

انا تخصصي صحه عامه .. وقاعد ادور عن جامعه تعادل الدبلوم وتكملي بكالوريس .. وان شالله خيير ..