بخصوص دوام السبت في المستشفيات شوفوا ادارة الحريم وش يقولون

يعطيك العافية اخوي

بس التعميم ماحدد فئات معينة !

يعني مبهم والاقرب له ان كل من يعمل السبت يعوض بيوم راحة بغض النظر عن مكان عمله !

لو كان كلام مديرة التمريض صحيح كان شفنا التطبيق في كل المستشفيات لكن اللي صاير العكس واصلا بالغالب ادارتنا متحيزة وماعنده اي فكر اداري ! وجودهم بس عشان يضيقون على ستاف التمريض تحديدا وتطفيشهم !

التعميم مو نفس كلامها ابدا !!

واضح الكلام في التعميم كل من يعمل يوم السبت يعوض براحة ومكتوب من ضمن الاقسام العمليات .. وستاف العمليات نظام شفتات !

يعني مو معقول يحورون القرارات على كيفهم لمتى نسكت على الهمجية والظلم ؟؟؟

بصراحة بعد ماقريت التعميم .. كلامك مو مقنع

شوف شنو الاقسام اللي محدده كلها شفتات !

شلون كل هالاقسام يعوضون براحات واقسام ثانية لا ؟!

يعني العمليات والمختبرات هذي شفتات وتاخذ اجازة يعني قياسا على هالشي اقسام التنويم مفروض تاخذ اجازة

والمسالة والنقاش كله مو عشان هاليوم اللي ماراح يقدم ولا يأخر بس عشان لانكون مثلنا مثل غيرنا والاجيال اللي قبلنا ساكتين وماكلين حقوقهم وعادي عندهم .. مانبي ادارة تتمرد وتهضم حقوقنا مهما كانت والقرارات ان كانت عائمة ف الاولى تكون في مصلحة الجميع وماتسبب تحيزات واحباطات لفئة مو ناقصها احباط وظلم !!

هذا اللي انا اقصده !

بالضبط : )

اختي الكريمه الواضح انك لم تقرأي التعميم المطرح

التعميم يااخت يتكلم عن مواعيد مرضى اولا وليس عن العاملين

المقصد من هالكلام اي مريض عنده موعد يوم السبت في الاقسام المذكوره من عمليات من عيادات من مختبر من اشعه من ومن لايؤجل في هذا السبت
والعاملين المداومين في هذه الاقسام ومن هم مسوؤلين عن مواعيد مرضى يداوموا ويعوضوا بيوم اخر يعني وبالنسبه لمواعيد السبت الي بعده توجل الى الخميس الثاني من نفس الاسبوع ،

الكلام واضح

لنفرض انك تعملي فنية تخدير بمستشفي ويوم السبت مجدول عندك بعمليه لمريض
ففي هالحاله تداومي وتعوضي بيوم اخر واذا العكس وماعندك مواعيد كبري المخده ونامي
اتوقع كلام مفهوم

وبالنسبه لرؤساء الاقسام والاداريين ياخذوا اجازه لانهم حيداوموا يوم الخميس القادم

وبالتوفيق لك ولادارتكم

ولو الامر بيدي ياشيخه لاخليك انتي بالذات تاخذين اجازه ولا يهمك

وللفهم اكثر لدي زميل يعمل بقسم العيادات الخارجيه عيادة الضغط لديهم مواعيد لكم مريض بالعياده اظطروا يداوموا وراح يعوضوا بيوم اخر

ههههههههههه والله مو سالفة اجازة وابيها الموضوع مبدأ ومابي نكون ملطشة حق الكل !

اللي فينا كافينا

يكفي اننا نقابل حالات ايدز وكبد وبائي وخنازير ومالنا بدل عدوى !

يكفي بلاوي الدنيا كلها اللي حاطينها ضدنا ...!

بالتوفيق لك اختي الكريمه

هو لارجعتي للظلم ف وزارتنا الحبيبه مو مقصره فينا . لكن الله يعين

لابدل عدوى ولابدل سكن ولا غيره

الله يعين