ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   منتدى الهيئة السعودية للتخصصات الصحية (http://www.e-moh.com/vb/f224/)
-   -   استشارة لصحيين بمختلف تخصصاتكم (http://www.e-moh.com/vb/t168304/)

ID_NEW 02-16-2014 12:49 AM

استشارة لصحيين بمختلف تخصصاتكم
 
السلام عليكم

اخواني انا بحاجة لمشورة منكم ف انا محتارة جدا وماعندي مقربين قدامى في المجال الصحي :

انا اخصائية تخرجت حديثا من العلوم الطبية والمشكلة ماحبيت شغلنا احس فيه تسطيح كبير وغباء-مالقيت كلمة اهون- في التطبيق ...حتى المرضى اغلبهم مايعطونا وجه حسيت اننا تخصص هامشي مع انه مهم لكن عندنا مهمش ...حتى الراتب انصدمت منه انا وخريجات الدبلوم بنفس الراتب :(

المهم انا عندي فرصة اكمل اما ماجستير بتخصصي او بكالوريوس طب اكمله ب 4 سنوات ونص في بايهم تنصحوني ؟؟ صديقاتي يقولون اكمل ماستر احسن بس محتاجة مشورة ناس قدامى بالمستشفيات

مع العلم اني بنت وغير متزوجة حاليا

وعذرا ع الاطاله والله يجزيكم الف خير لكل عضو يساعدني :)

X - Wael 02-16-2014 12:44 PM

رد: استشارة لصحيين بمختلف تخصصاتكم
 
ايش تخصصك ?

انا صراحه ما انصحك تدرسي تخصص ومجال ثاني ..
حتى لو كان طب ..

كذا بتضيعي دراستك اللي تعبتي فيها ..

كذلك .. اذا بتاخذي ماستر في تخصصك فهذا شي افضل لك
كمستقبل و ك مكانه وظيفيه ..
وراح تفرق معاك ف الراتب ..


باختصار .. كملي دراستك في نفس مجالك ..


بالتوفيق. .

عبدالعزيز الزبار 02-16-2014 09:07 PM

رد: استشارة لصحيين بمختلف تخصصاتكم
 
اهلين اختي
بالنسبة للمهنة فهي مهنه ساميه وخدمة جليله للمرضى ولو لم يكن لك من تلك المهنه غير دعاء هؤلاء المرضى لكفاك واسعدك في دنياك ..
نصحية لك لا تنظري للراتب الان انظري لاكتساب الخبرة وتطوير مستواك العلمي وتوجهك بأكمال الماستر شي جميل ويدل على انك تطمحي للتعلم وتطوير مستواك
لذا انصحك كزميل لك في المهنه بالتالي
اكملي ماستر في التخصصات السريريه والنادره والتي تحتاجها المستشفيات وبكثرة مثل ماستر في العناية المركزه
او ماستر في العناية بالاطفال او اي مجال تجدين نفسك فيه
اخذي خبرة في مجال عملك بالاول ومن ثم انطلقي في رحلة الدراسات العليا
وفقنا الله واياك وحقق طموح وآمالك .. بس لا تغيري تخصصك وتتعبي وتوقفي في نص الطريق
تحياتي لك

ID_NEW 02-25-2014 06:11 PM

رد: استشارة لصحيين بمختلف تخصصاتكم
 
الاخوان عبدالعزيز الزبار و x-wael

اشكركم ع النصيحه والله يجزيكم الف خير مشكورين


الساعة الآن 03:02 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط