ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى التجسير (http://www.e-moh.com/vb/f233/)
-   -   تسجيل مؤهل علمي جديد : تحسين وضع (http://www.e-moh.com/vb/t187113/)

Mark_selven 03-02-2015 06:28 PM

تسجيل مؤهل علمي جديد : تحسين وضع
 
السلام عليكم ورحمة الله وبركاته
لمن يملك المعلومه ..
ماهي مسوغات تسجيل مؤهل علمي جديد لشخص عندة قرار ايفاد.
وهل يتم تسجيل المؤهل العلمي أولا بخطاب من العمل لوزارة الخدمة المدنية مباشرة ام الى مرجعي الشئون الصحية وهم بدورهم يرفعونه لوزارة الخدمة المدنية ... ثم يرفع بعد تسجيل المؤهل خطاب اخر بتحسين الوضع .
ارجو التوضيح مع جزيل الشكر

اخصآئيةه 03-07-2015 02:24 AM

رد: تسجيل مؤهل علمي جديد : تحسين وضع
 
للرفع ,,

كلنا نود ان نعرف خطوات تسجيل المؤهل وتعديل المسمى !!

وهل مباشرة من عودتنا إلى عملنا نرفع تحسين !!

فارما29 03-07-2015 04:03 AM

رد: تسجيل مؤهل علمي جديد : تحسين وضع
 
اولا-تاخذ اخلاء طرفك من الجامعه وترفع مباشره من دوامك خلال 10ايام مرفق معه اخلاء الطرف وموجه للتدريب والابتعاث بمنطقتك..
ثانيا-تستعد لاختبار الهيئة وتختبر..بعد النجاح ان شاء الله تصنف المؤهل الجديد
ثالثا-ترفع طلب تسجيل مؤهل من المديريه و تعبئة النموذج 101
اخيرا- ترفع طلب تحسين للوزاره وراح يبلغونك بالارقام الشاغره ويحطوك عليه
بالتوفيق..

نـوى 03-07-2015 11:56 AM

رد: تسجيل مؤهل علمي جديد : تحسين وضع
 
1 مرفق
وعليكم السلام ..

- بعد ماتصنف .. تروح لشؤن الموظفين بالمديرية .. تعبي نموذج تسجيل مؤهل ( بالمرفقات النموذج )
طبعا تعبي المربع الاول بس ويوقعه الموظف المختص ومدير شؤن الموظفين ويرفعونه للخدمة المدنية ..
ترفق معه قرار الايفاد اللي صدر لك من الخدمة المدنية ( اذا ماهو عندك تحصله عند التدريب والابتعاث بالمديرية ) مع بطاقة وشهادة التصنيف + والوثيقه + والسجل الاكاديمي .. ياخذ من يومين لثلاث ايام ويتسجل المؤهل .. طبعا تشيك عن طريق شؤؤن الموظفين عندكم يظهر عندهم بالنظام هل تسجل لك ولا لا .. اذا تسجل .. تشوف الارقام الشاغره .. وتختار رقم وتسجله بنموذج التوظيف عند شؤؤن الموظفين مع باقي البيانات وترفع للوزاره حتى يتم تعديل الوظيفه من فني الى اخصائي .. الخ

طبعا متطلبات التعديل اللي ترفقها للرقم الجديد لما ترفع للوزارة مهم تكون مكتملة لاني يوم رحت للوزاره طلبوني اشياء ناقصه وتوهقت .. فالافضل تجهزها اذا بتاخذها مناوله او ترسل بالبريد وهي :

- خطاب التغطية ( طبيعي راح يكون بالمعاملة )
- نموذج طلب توظيف ( هذا لازم يكون موقع ومختوم ) هذا اللي ذكرت لك فوق يكون فيه رقم الوظيفه الجديده ..
-بيان خدمة مصدق وموقع .. ( من شؤن الموظفين )
-وثيقة التخرج + السجل الاكاديمي ( مصدق طبق الاصل )
-شهادة وبطاقة التصميف المهني ..
- وصورة مصدقه طبق الاصل من شهادة الدبلوم ( مهمه مع ان مالها داعي )
- تقييم اداء وظيفي سنتين يكون الختم والتوقيع واضح ( والافضل تختمه طبق الاصل من شؤن الموظفين لان الموظف معقد )
-خطاب الايفاد من الخدمة المدنية + خطاب الايفاد الصادر من التدريب والابتعاث بوزارة الصحة ..

وتوكل على الله .. اذا اخذتها مناوله للوزارة .. ساعتين وانت معدل على الرقم الجديد ..


نموذج تسجيل مؤهل تعبي المربع الاول يعني لحد تاريخ التخرج وتختمه وتوقعه من شؤن الموظفين المربعات الباقيه مالها داعي ..



وبالتوفيق ..

Obs 03-08-2015 01:17 PM

رد: تسجيل مؤهل علمي جديد : تحسين وضع
 
هل بالإمكان إجراء إختبار الهيئة أثناء فترة الإمتياز ؟

نـوى 03-08-2015 03:52 PM

رد: تسجيل مؤهل علمي جديد : تحسين وضع
 
لا .. لان الهيئة تطلب منك كامل المسوغات .. الوثيقة وشهادة الامتياز والسجل الاكاديمي ..

الله يوفقك ..

heartofthestorm 03-15-2015 04:28 PM

رد: تسجيل مؤهل علمي جديد : تحسين وضع
 
لو سمحتو ابي اعرف اختبار الهيئة مطلوب من الوزارة للموظفين عشان تعديل المسمى واللي مو موظف نفس الشي


الساعة الآن 06:44 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط