نبي خبرتكم يامبتعثين

السلام عليكم ورحمة الله وبركاته

ياليت تفيدوني ي شباب انا ابغى اكمل دراسة اللغة والماجستير بأستراليا على حسابي الخاص.
التخصص: مختبرات طبيه.
المعدل: 2.68 من 5.

ممكن تفيدوني بشروط القبول؟
هل القبول يكون اكيد او لا؟
تكلفة دراسة اللغة والماجستير؟
هل فيه معهد يساعدني بدخول الجامعة؟
هل من الممكن اني انظم على البعثه مستقبلاً؟

ياليت تفيدونا عافاكم الله...

والله ياخوي الامور معد مثل اول
ما تدري يضموك للبعثه ولا لا
لكن ما اقول الا الله يعينك

التقديم عالابتعاث لسا مفتوح الى 1\4\2018
دور قبول لغة وقبول جامعي مشروط وقدم عالابتعاث ماتدري يمكن تتسهل لك
و اذا تبى تدرس ع حسابك ماتضمن تنظم عالبعثة
الله يكتب لك اللي فيه الخير

ممكن تدخل على الجامعات الموصى بها وتختار الجامعات الي حابب تقدم عليها
وتشوف رسوم كل جامعة
بصفة عامة رسومهم عالية مقارنة ببريطانيا
التقديم سهل بس طلباتهم كتير

بالتوفيق

بالتوفيق ان شاءالله


.........

300
تقريبا تكفيك مع اللغة

طبعا على حسابك الخاص

القبول في استراليا للمختبرات اسهل من الدول الاخرى مثل جامعة rmit ,, وفيها معهد تابع للجامعه اذا دخلته
ما تحتاج الايلتس
المعهد سبع مستويات على حسب مستواك يحطونك وكل ماكان مستواك عالي قلت عليك التكلفه
اذا حطوك مثلا بالمستوى الخامس راح يكلفك 38 الف ريال (تقريبا) وكل ما بديت من مستوى اقل راح يزيد عليك التكلفه
الجامعه كل ترم بحدود 16 -18 الف دولار استرالي .
الانضمام للبعثه صار معقد لكن يُقال انه لازم تخلص 8 ساعات من دراستك للماستر وتجيب المعدل اللي تبيه الملحقيه
اعتقد 4 من 5 بعدين يضمونك

ترا فيه معلومة يجهلونها اغلب الشباب تقدر تقدم على الجامعة وتجيب ورقة اثبات انك درست مرحلة البكالوريوس باللغة الانجليزية ويفكون شرط اللغة لك

كان معي شباب يدرسون في جامعة university of Sydney technology وقدمو الورقة فالتقديم وجاهم قبول غير مشروط

فاحاول منت خسران شي

معليش اخطيت University of Technology Sydney

أنا أفيدك ،

أولاً تحتاج لغة أفضل شيء تدرس في معهد تبع لجامعة فيها تخصصك ،

تكلفة المعهد تقريبا
2000 دولار لكل 5 أسابيع ( نفترض أنك بحاجة 20 أسبوع لو كان معك آيلتس 5.5)
2000*4= 8000 دولار استرالي


تكلفة المعيشة بالمتوسط
1100 سكن مع عائلة +900 دولار معيشة بالمتوسط وبالتدبير وإلا ممكن توصل أكثر من كذا
24000 دولار بالسنة (أخذت بالإعتبار مكأفأة المبتعث الفرد ) ربما تنقص قليلا مع التدبير الجيد
إذا جلست سنتين تحتاج 48000 دولار + 15000 تأمين طبي وتذاكر

الماجستير سنة ونصف
يختلف من جامعة لجامعة لكن بالمتوسط
50000 دولار استرالي

التكلفة المتوقعة
من 363 ألف ريال