ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى شؤون الموظفين (http://www.e-moh.com/vb/f170/)
-   -   إستفسارات فى (النقل / الندب / التكليف) (http://www.e-moh.com/vb/t25267/)

ضـمـيـر متـكـلـم 09-24-2007 02:17 AM

إستفسارات فى (النقل / الندب / التكليف)
 
[align=center]السـلام عليكم

اخواني الله يعافيكم ابي احد يفيدني عن طريقه التبادل

يعني كيف الاجراءات بالظبط وبالتفصيل وين اقدم وين ارووح على الوزاره او المديريه

انا وجدت فني لكن لاعلم ماهي الشروط وماهي الاجراءات ياليت احد يفيدنا

وهل فيه فرق اذا كان من مديريه الى اخرى

وهل يفرق اذا كان عقد الفني اللي بابادله قريب ينتهي يعني فيه شهرين او 3

ياليت احد يجاوبني يالربع

وشاكر لكم
[/align]

xray _t 09-25-2007 03:53 AM

أخوي أعتقد بأن الفني الذي تريد المناقلة معه غير سعودي يعني رقم وظيفته التسلسلي ليست 66 الخ ..

شوف اخوي بالنسبة لموضوعك تذهب الى إدارة شؤون الموظفين للجهة التابعة لعملك

وتقدم طلب النقل يعني معروض منك تشرح فيه طلبك وبعد مايوافق عليها المدير

تذهب الى شؤون الموظفين مرة اخرى ليطبع لك نموذج النقل موضح فيه الاسم والرقم الوظيفي وجهة العمل لك ولبديلك

بعدها تأخذ المعاملة كاملة وتذهب بها لمديرية الشؤون الصحية التابعة لجهة عملك مع ضرورة احضار موافقة خطية للبديل

بأنه يرغب بالمناقلة ولاتنسى ايضاً إحضار موافقة جهة عمل البديل لطلب النقل بالتبادل .

بعد مايصدر قرار اداري بخصوص النقل ترسل لجهة عملك صورة من القرار لكي يقوموا بعمل براءة الذمة لك+ خطاب المزايا المالية والإدارية لك .

بعد ماتحضر صورة من براءة الذمة + المزايا المالية والإدارية لك سوف يصدر لك قرار بالنقل اذا كنت انت وبديلك قد اكملتوا السنة النظامية الاولى اما اذا كان احد الطرفان لم يكمل السنة النظامية الاولى سوف يصدر لكما قرار النقل بالندب

لحين اكمالكم السنة النظامية الاولى . بعدها ترسل لبديلك صورة من قراره لكي يقوم بعمل براءة الذمة له + المزايا المالية والإدارية له . وبعدها ليباشر كل منكما بمقر عمله الجديد .

ملاحظات
1 - ليس من الشرط مباشرة كل منكما في مقر عمل الآخر
2 - اذاكان البديل غير سعودي سيصدر قرارلك بالنقل بالتكليف لحين حصولك على رقم وظيفي 66
3 - الموافقة على نقلك تعتمد على مدى تفهم مدير الشؤون الصحية لموضوعك خاصة ان بديلك ليس بسعودي .
4 - احيانا يشترط على الطرفان الراغبين بالنقل بالتبادل اكمال السنة النظامية لهم .

أي سؤال انا حاضر

أتمنى أكون افدتك

في أمان الله

ضـمـيـر متـكـلـم 09-26-2007 02:56 AM

[align=center]ماقصرت الله يعافيك

بس بديلي على الوزاره اخوي

يعني ان نفس المرتبه مادري اظن كذا بس مآتآكدت

بس تسلم ماقصرت يابعدي
[/align]

سوني أريكسون 11-21-2007 04:49 PM

إستفسارات عن النقل والندب
 
[align=center]السلام عليكم ورحمة الله وبركاتة

كيف حالكم يا أخواني .. وأخواتي ..


أنا ممرض جديد .. تم تعيني على أحد المراكز الصحية ..

ذهبت بأوراقي من مديرية الشؤون الصحية .. إلى المستشفى التابع له المركز الصحي

كما هو مكتوب إن المركز الصحي تابع للقطاع الفلاني .. ولازم أروح للمستشفى أوقعها وأجيبها للمركز الصحي

إلي صار .. إن مدير المستشفى رفض رفض تام إن يعطيني توجيهي للمركز الصحي ..

ويقول لي إجباري لك تداوم في المستشفى .. وليس لك الأحقيه تطالب بملاكك أو بتوجيهك إلي تم توجيهك عليه ..

من قبل مديرية الشؤون الصحية بالرياض ..

وقال لي مصلحة العمل تقتضي إنك تعمل في المستشفى .. وأنا المسؤول عن المركز الصحي وما راح تداوم فيه

وقال لي لو ما تبي المستشفى برفع فيك خطاب إنك رافض العمل وإنك تبي تسحب أوراقك

وهذا كلامه بالحرف الواحد .. والله على ما أقول شهيد ..

طبعـا .. حفاظا على الخصوصية ما ذكرت لا أسم المركز الصحي ولا المستشفى ..

علشان ما تصير فيه أمور .. بس حبيت أخذ رأيكم .. وش رايكم في كلامه ..

لأني إلي أعرفه إن إدارة المراكز الصحية منفصله عن إدارة المستشفيات ..

فأرجوكم ساعدوني ما العمل .. لأني ما أرغب في التوجه للي وجهتني عليه مديرية الرياض ..

وليس ما يريد مدير المستشفى .. !!

وسلامتكم .. في إنتظار أرائكم .. و نصيحتكم لي ..

أخوكم .. [/align]

ممرض القويعيه 01-17-2008 03:46 PM

هل النقل موقف في منطقة الرياض
 
سمعت ان مدير الشئون الصحيه بالرياض هشام ناظره قام بايقاف النقل والتكليف حتى ولو كان عندك بديل ماهي صحة هذا الكلام افيدوني

جابريات 01-18-2008 04:10 PM

السلام عليكم

انا اعمل في الشئون الصحية بالقنفذة على المرتبة الرابعة وانا طبعا من سكان المنطقة الشرقية

وحصلت بديل في الدوادمي على المرتبة الخامسة وهو من القنفذة

سوينا أجراءات التبادل بالتكليف بموافقة مدير الشئون الصحية بالقنفذة ومدير الدوادمي

وصار للموضوع لجنة ووافقت على التبادل بالتكليف بس مدير الشئون الصحية بالرياض رفض

ما اقووووووول الا الله يهديه بس

يعني حاولت اقرب الى المنطقة الشرقية وما كو فايدة

zket 01-18-2008 04:24 PM

هذا الخبر غير صحيح .. ولايستطيع مدير عام الشئون الصحية اصدار قرار بايقاف النقل والتكليف لأنه يعرف أنه سيحرج نفسه أمام أصحاب الواسطات ..

SûLtân ° Zâmâny 01-18-2008 10:41 PM

سؤال لأهل الخبره بالشؤون الصحيه او الوزاره اتمنى الاجابه
 
[align=center]بسم الله الرحمن الرحيم

السلام عليكم ورحمة الله وبركاته

ياجماعه عندي سؤال اتمنى احصل الاجابه الشافيه منكم هنا

وهو اني تم تعييني في مركز صحي بقريه بمنطقه غير المنطقه الي انا ساكن فيها

وطلبت من الشؤون هناك بحكم اني متعني ومسافر وزياده على كذا اصير في قريه يعني اتردد لها كل يوم

انهم يغيرون لي القريه وفعلآ وافقو وغيرو لي القريه وخلوني بنفس المدينه الي فيها الشؤون وهي مدينه كبيره

ولاكن صار مكاني في مستشفى كبير ولا اقدر اتنفس من كثر الزحمه من الساعه 8 للساعه 4 ونص وانا ع رجلي

سؤالي هو هل اقدر اطالب بأرجاعي لملاكي الاصلي الي تعينت عليه من ديوان الخدمه المدينه

والي تم توجيهي له من الوزاره الي هي القريه او خلاص راحت علي ؟


تحياتي لكم
[/align]

تعجب 01-19-2008 02:29 AM

عجيب هذا القرار يعني الصحه مافيها مشكله الا النقل والتكليف وتعالوا اقلكم جاجه مهمه جدا التعيينات الاخير الى في وزارة الصحه كانت عشوائيه وغير مدروسه يحكيني احدالاداريين انه جالس في احد المستشفيات سنه والله انه ماشتغل الى خمس او ست اوراق وبا قي الوقت نوم ليش ياهشام ناضره هذا القتل لشباب الطموح مناطق نائيه لايتحاوز عدد الاسره فيها 30 ويطلق عليها مستشفى هل تعرف ان منطمة الصحه لاتطلق اسم مستشفي الى اذا كان يتجاوز السعه السريره 100 سرير وهل تعلم ان هناك مستشفيات في الرياض اوجده اوغيرها سعتها السريريه 300سرير اوكثر وعداد الموظفين التابعيين للوزاره سواء الفنيين والاداريين في الغالب لايتجاوز 20في المائه واغلب الموظفيين تابعيين لشركه التشغيليه او البرامج وتم تعيين عدد كبير من الاداريين والفنيين في مستشفيات لتتجاوز 30 سرير بل ان في بعض المستشفيات تم تعيين اكثر من 15 اداري يمارسون (البطاله المقنعه ) لاقول الا حسبانا الله ونعم الوكيل

الواسطه........................................... ..... الواسطه.......................................الوا سطه
تنويه الى مشرف الموقع كن او لاتكون ( دام ماتقوم بحظر بعض مواضيعي ارجو منك التروي في ذالك ولك جزيل الشكر والاحترام وجزاك الله خير)

تعجب 01-19-2008 02:59 AM

الله يسر انا شاء الله انا نقل بس لازم نكمل سنه


الساعة الآن 07:48 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط