آخـر مواضيع الملتقى

دعــــــاء

العودة  

ملتقى ترفيه الأعضاء لجميع المشاركات الترفيهية والهادفة

ياخي هم قالوا لي .. ؟؟؟

ملتقى ترفيه الأعضاء
موضوع مغلق
  #1  
قديم 06-13-2009, 03:05 AM
مشرف سابق
 





الرسام will become famous soon enough


[align=center]
من اللي قالكـ هالشي ؟
- هاهـ , هم قالوا لي ..
طيب , وشلون جبت هالمعلومه هذي ؟
- وشلون ؟ ايه مدري بس يعني هم قالوا لي ..
على اي اساس استندت ؟
- على هذاكـ .. ياخي هم قالوا لي ..

ياكثر مانسمع هالجمله .. او مثيلاتها ..
بسم الله , السلام عليكم ورحمة الله وبركاته .. <-- بدري !؟
ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..
قريت معلومات الكل كان متيقن انها صحيحه .. وهي والله مادلت الصح ..
بعد ماقريتها .. جلست افكر .. غير هالمعلومات هذي ..
كم معلومه مغلوطه يتداولها الناس على انها معلومات صحيحه ؟
كثير .. كثير ..
جزمت .. اني احط حد لهالخرابيط ..
بس قبل كل شي .. خلونا نستعرض على السريع بعض من هالمعلومات المغلوطه ../


ياخي قالوا attachment.php?attachmentid=19234&d=1231201942


( سم العقرب .. طريق القبر .. )
يعتقد الكثيرين ان سم العقرب مايردهـ عن طريق القبر شي ..
يعني ان سم العقرب " مميت " .. وهذا اعتقاد خاطئ ..
حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..
فإذا لدغتكـ عقرب لاسمح الله .. اعرف انكـ ماراح تموت بحول الله ..
روّق .. وهد اعصابكـ .. وانحر اقرب مركز صحي او مستشفى ..
- وعلى فكرهـ .. ترى العقرب كائن غبي , اي شي قدامه يحاول يلدغه ..
يعني لو يصدم بـ جدار .. حاول انه يلدغ الجدار .. جد والله ..
شي غبي ..

ياخي قالوا attachment.php?attachmentid=19237&d=1231201942

( مشينا نهظّم ؟ ) ..
امر شائع عن اغلب الناس ..
بعد مايضرب لكـ وجبه دسمه .. يآخذ له واحد من ربعه ..
ويمترون المكان اللي هم فيه .. ويعدون الكيلوات ..
طيب ليش ؟ يقولكـ ( والله ودنا نهظّم الأكل اللي تو أكلنا ) ..
غلط !
الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..
فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله ..
حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..







ياخي قالوا attachment.php?attachmentid=19239&d=1231201942


حلاو بقر .. للأبد ..
( لا تآكل حلو وآجد , يجيكـ السكّر )
فيه اعتقاد خاطئ .. بأن أكل السكريات هو اللي يجيب مرض السكر ..!
يعني لو أكلت سكر كثير تراكـ بتمرض بـ مرض السكر ..
وهو السبب الرئيسي ..
برضو غلط .. :/
مرض السكر سببه هو تلف في خلايا ( بيتا في البنكرياس ) ..
او عدم فعالية الأنسولين المفرز داخل جسم الإنسان ..
ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !



ياخي قالوا attachment.php?attachmentid=19235&d=1231201942

( إلهم بس إلهم , اذا مانفعكـ ماضركـ ! )
وش اللي اذا مانفعني ماضرني .. ليش يعني وش السر في ( الاعشاب الطبيّه ) ..
الواحد يآكلها اذا تعب .. اما انها تنفعه او مستحيل تضرهـ ..!
المشكله ان هالشي متداول حتى في ( الصيدليات ) ..
الصيدلي المفروض عارف ودارس ..
يبربر عليكـ المصري : العلاق دا متكون من اعشاب طبيعيه .. موش حتزُركـ .. ماتخفش !
وكل هالبربرهـ علشان بس يبيع السلعه ويلهف من وراكـ دراهم .. ولو تموت .. ماعليه منكـ ..
ياجماعه .. بعض الأعشاب (( ســـــام )) .. !
وبعضها يسبب حساسيّه لناس معينه ..
الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !







ياخي قالوا attachment.php?attachmentid=19240&d=1231201942



( قلبكـ .. في الشق الأيسر ) ..
من قال انه في الجهه اليسرى تماماً للإنسان ؟
القلب موجود ( بين الرئتين ) بالضبط .. لكنه يميل بشي بسيط للجههة اليسرى ..

ياخي قالوا attachment.php?attachmentid=19247&d=1231202036

( غسل يديكـ بالصابون , عقّمها من الجراثيم ) ..
هذا الكلام موب زين ..
الصابون ( يُنظف ) فقط ولا يُعقم الجراثيم (مايقتلها) ..
فـ محتاجين لـ معقمات للجراثيم ..
نستعملها على الأقل ثلاث مرات في اليوم ..
عموماً فيه الحين انواع معينه من الصابون ( تنظف و تُعقم ) ..
مثل ( ديتول , لايف بوي ) .. وخصوصاً في الاستحمام ..
فيه صابون استحمام ديتول .. ممتاز .. شي يعني صدق زين ..
يالله هه ياديتول .. دعايه بـ بلاش ..


ياخي قالوا attachment.php?attachmentid=19242&d=1231201942

( الأسد , ملكـ الغابه ) ..
لاعبين علينا ؟
المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..
والله يا اني ضحكت لين تمزعت من القهر .. طول هالوقت لاعبين علينا !
الصدمه :
الأسد ماعمرهـ وطوط عند طريف الغابه !
ماعمرهـ طب شي اسمه غابه !!
الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..
الله لايوفق من كتب قصة الأسد هذاكـ المريض .. يوم يعالجه الثعلب ويصير صديقه ولا يآكله ..
طيب تدرون وش الصدمه الثانيه !
ان الاسد مايآكل الثعالب ! ههههههههههههههههههه
لاعبين علينا قسم بالله ..
ياخي قالوا attachment.php?attachmentid=19236&d=1231201942

( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..
نصابه , والله انتس نصابه وملعوب عليتس ..
حتى كلنا ملعوب علينا في هالمناهج ..!
الصدمه الأخرى :
القط لا يأكل الفئران !
القط يلاحق الفار من باب التسليه واللعب بس ..
- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..
نفس الوضع .. الآدمي اذا اضطر وذبحه الجوع .. يآكل الجيفه ..
يصير الآدمي أكآل الجيف ؟

ياخي قالوا attachment.php?attachmentid=19245&d=1231202036

( افصل البطاريه عن اللاب اذا بتشتغل على الكهرب ) ..
ياكثر ما اسويها

..
وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..
كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..
فيه نوعين من البطاريات الشائعه ../
- بطاريه نيكل :
هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..
وبعدين وجودتها تتأثر اذا طولت مشبوكه في شاحن الكهرب ..
- بطاريه ليثيوم :
هذا النوع من البطاريات .. له عمر افتراضي .. من سنتين إلى ثلاث سنين ..
وهالنوع هذا .. خربان خربان بعد عمرها الافتراضي حتى لو ما استخدمتها ابد !


اشحنها على كيفكـ .. اشبكها وانت تشتغل .. ان بغيت وصلها بعداد الكهرب

..
هالنوع هذا ريحنا من سلبيات بطاريات الـ نيكل .. بس ان عمرهـ قصير ..
طيب .. تدرون ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..
ياحسافة ضيقة الصدر بس ..


ياخي قالوا attachment.php?attachmentid=19233&d=1231201942

( كهرب خط 220 , يصرف أكثر من خط 110 )
امر شائع .. خاصه في الفواتير ..


يقولكـ بالصيف تكثر الفاتورهـ علشان المكيفات 220 ..
طيب وبالشتاء ؟ موب فيه دفايات كهرب 220 ؟
- مافيه فرق من ناحية الأستهلاكـ بين خط 220 و خط 110 !
الفرق الوحيد فقط هو في ( شدة التيار المار بالسلكـ ) ..
وهي اللي تتسبب في سخونة واحتراق بعض الاسلاكـ .. وهي اصلاً لها تناسب عكسي مع فرق الجهد ..
يعني (فيس مصري يرفع نظارته عن خشمه) , على سبيل المثال ..
لو عندنا دفاية 2000 وات .. وتعمل على 110 فولت .. بيمر في السلكـ ( 18 أمبير ) .. وهو سبب الحرارهـ والاحتراق دايم ..
ولو شبكناها بـ 220 .. بيمر في السلكـ ( 9 أمبير ) .. فرق الضعف !
يعني .. الأجهزهـ اللي تشتغل على 220 هي أكثر اماناً من اللي تشتغل على 110 .. ومافيه فرق في قدر الاستهلاك ..

ياخي قالوا attachment.php?attachmentid=19246&d=1231202036

( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )
( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا , بعدين تموت ! )
غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..
- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..
وتقع في طرف الطيف المرئي بجانب اللون الأحمر ..
* اي جسم حار تنبعث منه الأشعه تحت الحمراء في مرحله من مراحل التسخين ..
* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..
* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟
* بعض الثعابين , تستخدم نفس التقنيّه ..
معليش يالريموت .. حقكـ علي ..

ياخي قالوا attachment.php?attachmentid=19244&d=1231202036

( فأرة ليزر ) ..
الكل يعتقد ان الـ فأرة الكمبيوتر .. تعمل بأشعة الليزر ..
والله ماوراها ليزر ولا هم يحزنون ..
تراها تعمل ( بالضوء العادي ) ..
يعني مثل لمبة التريكـ ..
طيب ليش الي اخترعها سماها ( ليزر ) .. !
لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر ) , قبل لايرجع لـ ديرته ويخترعها .. نصاب مثلهم ..








سولفت كثير ؟
مدري احس اني اخذت راحتي بالحيل ..
بس اختم بشي صراحه مهم ..
إن العلم , والثقافه .. ماتطرق الابواب ..
من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..
يرضيكم اللي سواهـ فينا ابو القصص ؟ واللي كتب المناهج ؟
خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر ..
وهالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ ..


<-- ماودكـ تضغط ( أعتمد المشاركه ) وتمسكـ الباب ؟
لا , بس باقي شي مهم ..
من باب .. الشي بالشي .. يُذكر ..

ياخي قالوا attachment.php?attachmentid=19238&d=1231201942

( الهديه , لا تُهدى ولا تُباع ) ..
الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع !
مافيه اي صحه للحديث هذا ..
بل انه من خلال بحثي .. وجدت حديث مخالف للحديث هذا ..
جاء فيما معنى الحديث .. ان الرسول صلى الله عليه وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى علي بن أبي طالب رضي الله عنه ..
الهديه هي ملكـ للشخص المُهدى , يسوي فيها اللي يبي .. يهديها يبيعها .. لكـ كامل التصرف فيها مثلها مثل باقي أملاكه .. [/align]
شارك
مشاركة في فيسبوك مشاركة في تويترمشاركة في قوقل بلص


من مواضيعي : الرسام
  رقم المشاركة : [ 2 ]
قديم 06-13-2009, 07:16 AM
رحيـِـِـِـِـِـِـِـِـِل
Guest
 
افتراضي

[align=center]السلام عليكم ورحمة الله وبركاته

أخي قطرة ماء

مواضيعك دوما متميزة ... وتدخل السرور إلى النفس

تحياتي
[/align]
من مواضيع : رحيـِـِـِـِـِـِـِـِـِل
 
  رقم المشاركة : [ 3 ]
قديم 06-13-2009, 08:01 AM
صحي مبدع
 

خاشه في عينهم will become famous soon enough
افتراضي

[align=left]أخي قطرة
كلام سليم
لكــــن حنا كبرنا على هالكلام والمشكله غلط في غلط
بارك الله فيك
تقبل مروري..[/align]
من مواضيع : خاشه في عينهم
خاشه في عينهم غير متواجد حالياً  
  رقم المشاركة : [ 4 ]
قديم 06-13-2009, 05:29 PM
 

بدر عبدالله الغنام will become famous soon enough
افتراضي

[align=center]هم قالولي الله يسعدك قطرة ماء

هم قالو قطرة ماء دائما مبدع

هم قالولي ترى قطرة ماء

يعـــــــــــــــــــــــــزك

هم قالولي إنت تعــــزه

قلتلهم إيه أعـــــــزه

بارك الله فيـــــــــك

يامبــــــــــــــــدع




وتقبل مروري[/align]
من مواضيع : بدر عبدالله الغنام
بدر عبدالله الغنام غير متواجد حالياً  
  رقم المشاركة : [ 5 ]
قديم 06-13-2009, 07:19 PM
مشرفة ملتقى النفحات الإيمانية

الصورة الرمزية المكينزي
 

المكينزي has a spectacular aura aboutالمكينزي has a spectacular aura aboutالمكينزي has a spectacular aura about
افتراضي

[align=center]بسم الله الرحمن الرحيم
اللهم صلى وسلم على محمد واله وصحبه
اخي
قطرة ماء
السلام عليكم ورحمة الله وبركاته
جزاك الله خير
وبارك الله بك
ابو جوري بالخير الله يمسيك
ويحقق كل أمانيك ومن أنهار الجنة يسقيك ومن سندسها يكسيك
الدعاء الدعاء الدعاء
لاخواننا فى غزه وفلسطين
ما تحسَّر أهل الجنة على شيء كما تحسروا على ساعة لم يذكروا فيها اسم الله
أكثر من الإستغفار
منذ ولدنا ونحن نفخر بالاسلام .....
فمتى يفخر الاسلام بنا ؟

۩۞۩๑ المكينزي ๑۩۞۩l
[/align]
من مواضيع : المكينزي
المكينزي غير متواجد حالياً  
  رقم المشاركة : [ 6 ]
قديم 06-13-2009, 07:32 PM
صحي نشط
 

منيف الظفيري will become famous soon enough
افتراضي

[glow=0033FF][align=center]

معلومات جميله تخفى الكثيرين


ابو جوري مبدع دائماااا[/align]
[/glow]
من مواضيع : منيف الظفيري
منيف الظفيري غير متواجد حالياً  
  رقم المشاركة : [ 7 ]
قديم 06-13-2009, 07:56 PM
مشرف سابق
 

الرسام will become famous soon enough
افتراضي

[align=center]




المحديني مشرفتنا احترامي وتقديري لك
خاشه في عينهم اسعدني مروركـ
بدر الغنام تسلم يدك يا غالي بيض الله وجهك اسعدني مروركـ
المكينزي مشرفتنا جزاك الله الف خير وبارك الله لك
منيف الظفيري مشرفنا شكرا لك اسعدني مروركـ وبيض الله وجهك[/align]
من مواضيع : الرسام
الرسام غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
ياخي, ؟؟؟, قاموا


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
ياخي ابغي جواب للموضوع هذ1 ممرض الشررقيه ملتقى شؤون الموظفين 6 05-17-2014 02:03 AM
يالله ياحي ياقيوم ترزقني البديل... اكون اسير لعيونك تخصص مختبر 0 06-12-2010 05:14 PM
ياخي تكفون شوفو لي حل ابي اهل الخبره الجوهر الصافي تخصص تمريض 3 04-04-2010 03:54 PM
ياخي على ايش الكدر .. والضيقة والهم والضجر الفجر القادم ملتقى النفحات الإيمانية 1 03-08-2009 12:10 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 12:32 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط