آخـر مواضيع الملتقى

دعــــــاء

العودة  

ملتقى التمريض يهتم بجميع امور التمريض التثقيفية

تشتغل في المستشفى اذاً أنت دكتور ( فضفضه)

ملتقى التمريض
موضوع مغلق
  #1  
قديم 06-26-2009, 12:51 AM
مشرف سابق
 



ســـراب will become famous soon enough


[align=center]
تشتغل في المستشفى اذاً أنت دكتور ( فضفضه)



بسم الله الرحمن الرحيم
السلام عليكم ورحمة الله وبركاته
مبارك افتتاح قسم التمريض
جعله الله منتدى عامر بكل ماهو مفيد.

×××××××××××××××××



وأنت لابس البالطو دائما تسمع المرضى ينادوك دكتور حتى لو تكن ذلك , قلنا ماشي عشان البالطو صرنا دكاتره (شي جميل).


لكنـ ..!


ما اكتشفته معنى ذلك غير وغير لمدى بعيد.
أنت لابس بالطو .. تشتغل في المستشفى يعني أنت دكتور بمعنى الكلمة.


انا مساعدة طب أسنان (فنيه) في نظر اللي حولي طبيبة أسنان يعني لازم اعرف كل شي في طب الأسنان حتى لو مادرست
واجهتني مواقف كثيرة أجبرت أتقمص شخصية الدكتور..
أسناني توجعني / أكيد فيها تسوس
لا ما فيها كل أسناني أحسها توجعني / طيب تتأثر مع شرب البارد والحار / مره لدرجة ما اقدر أكمل اشرب
طيب اللي اعرفه مو مسوي تبيض / ايوه
اجل تستخدم معجون تبيض الأسنان بشكل يومي / ايوه
غير المعجون وقل اش صار. >> نفعت الاستشارة



انا في مجال صحي يعني خلاص انسان قوي وما يهزني شي .. طيب انا أخاف من الابره ((اعتراف)) واكره شي اسمه تطعيم في اولى كلية جننت الفلبينية حتى أعطتني تطعيمه الكبد الوبائي .. حالي حال أي شخص يكره الابره لكن يردوا عليك .. دكتور ويخاف الابره..!!



وابدآ ما تقتصر على هذي بس دكتور في قسمك وقلبك قوي تشتغل في المستشفى يعني تعرف كل الشغل
(( أسنان – مختبر – صيدلة – إسعاف تمريض..الخ)
واحذر اذا ما جاوبت السائل تشتغل هنا ولا تعرف اجل اش أقول عني >> تكفيك نظرات الاحتقار.



رحت المستشفى مع قريبه لي الله يحفظها ويشفيها يارب , دخلنا المستشفى كان في الاستقبال فلبينية من غير أي مقدمات
فلبينية + تتكلم انجليزي + في المستشفى = أنت تعرف تتكلم معها.
عدينا الفلبينية دخلنا للدكتور اش عندك واش تحسي واش العلاج اللي تأخذيه / اخذ هذا وهذا وهذا
الدكتور: هذا تاخذيه لأيه ؟؟
مجرد التفات من الوالد بنظرة ماشاءالله عليك فاهمه في الادويه فهمت
هذا تاخذه لـ ... / الدكتور: وهذ / هذا لـ..... وتاخذ هذا وهذا لانه مناسب لحالتها.

طب بكتبلها على تحاليل .. الوالد: لايش هالتحاليل >> دخلنا في المختبر .
(والمختبر كفنيه أسنان مالي علاقه فيه اعرف 3 أنواع من التحاليل Blood ,Urine,Stool
كتفصيل Idon't know)


المهم هذا التحليل دم / طيب لايش ؟؟
من حسن الحظ في دراسة الانتومي والفسلوجي عرفت الأعضاء (( لاتسوا من فنيه أسنان لتمريض لمختبر )
هذا للكبد والسكر والغدة .

سوت التحاليل وطلعت النتيجه وظائف الكبد81 والسكر 7
يعني طبيعي ؟؟ / مدري
كم دائم يكون الطبيعي / مدري
>>هذي الأرقام ليومكم هذا ماادري لايش اعتقد علمها عند المختبر والدكتور.

رجعنا للدكتور راح اكتب لها على علاج تأخذه 1/2 في الصباح و1/2 في المساء وهذا بعد الفطور والعشاء.
طلعنا الصيدلية وصرفنا العلاج في السيارة ..
اللي بعد الفطور لايش / دايركت افتح الوصفة واقرأ لـ ..... /
واللي 1/2 لايش
افتح الوصف >> طلعت انجليزي ( افتقر لعلم الادويه)
عرفت انها للضغط الدم .

Indication
Treatment of high blood pressure.



(
)
(



The End





عرفت ليش ينادوك دكتور اذا شافوك لابس بالطو ابيض ؟؟
دكتور = انسان ملم بعلم الأمراض والادويه يفقه في التحاليل وكيف يتعامل مع المريض.



يعني انت تشتغل في المستشفى لازم تكون
دكــــتـور.



تحياتي
[/align]
شارك
مشاركة في فيسبوك مشاركة في تويترمشاركة في قوقل بلص


من مواضيعي : ســـراب
  رقم المشاركة : [ 2 ]
قديم 06-28-2009, 02:09 AM
صحي متميز
 

Dior will become famous soon enough
افتراضي

[align=left][align=left]

والله بالصميم هههههههههههههههههههه

حتى الكاتب صار دكتور ..
اذكر مره اهلي يبون يقنعون بالكليه الصحيه .. لاني كنت رافضتها تماما
قالوا لي .. شفتي فلانه ... قلت : ايه
قالو : بس ترى هذي دكتوره بمدينه الملك فهد ..!
<< دكتوره ..؟
خبري بالبنت مامعها الا ثنوي .. بس شلون صارت دكتوره ..؟!
وبعد البحث والتحري طلعت كاتبه .. في المستشفى ..!
يعني دكتوره

..

بالصيف لما كنت intern student .. كنت اتأزم كثير ..
لما اجي للبيت واقابل الجمهور ( ما اقصد اهلي .. لا اقصد ضيوفنا الموقرين )
تجيني خالتي تجر شنطتها وتكبها قدامي .. كلها علب ..
ويالله تستلمني هذا لويش و هذاك لويش ..!
<< ادوخ
احيانا اذا توهقت اتمنى يغمى علي ..

صدق والله يعني بصراحه صعبه تفتين من راسك وصعبه ماتردين ..
وبعد التخرج ..
ومع صباح الله خير الا جوالي يدق ..
الرقم دولي ..
رديت .. طلعت اختي اللي بالخارج .. تقول لي
احنا ع البحر وبنركب باخره .. وعطونا دواء اسمه .........
يبغوني اكله بالغصب .. قولي لي هو حق شنو .. وايش اضراره .. الخ ..!
<< عاد هنا بالذات تمنيت اني اموت مو يغمى علي

تعوذت من ابليس .. وقلت لها عطيني عشر دقايق وارد عليك .. << لا حظوا الوقت حرج لانها لازم قبل ماتركب الباخره تاكل هالحبوب .. والا بتفوتها الرحله ... << واذا فاتتها فأنا السبب

رحت طيران واتصل على صاحبتي الصيدلانيه بسألها .. لكن المصيبه كانت نايمه
وطيران رحت للمكتبه اللي ببيتنا واطلع كتاب علم الادويه . << ماعمري فتحته الا بالابحاث
وبسرعه اروح لنفس الدوا والحمدلله طلع حق الغثيان ودوار البحر

والحمدلله .. قلت لها قبل ماتفوتها الرحله ...

<< يعني احيانا ودك تعلق لوحه برقبتك وتكتب فيها تخصصك بصراحه ..

لا وقمة الفسقه ( الفسقه = النشاط << اتوقع كذا معناها ) مره خالي جنبي ويكلم جوال وصراخ وهواش .. اخر شي قال طيب طيب خذ الدكتوره Dior معاك خلها تعلمك ..
<< ماودي اقولكم موقفي وقتها .. حسيت اني محشوره بزاويه ..
واخذ الجوال وانا انتفض خايفه من السؤال اللي بيجيني بغته ..

( طلع الشخص الثاني مايعرف وين رقم ملف المريض المسجل ع البطاقه << اسهل سؤال مر علي )
بس حمدلله مافوت هالموقف تفلسفت عليهم بخصوص رقم المريض لين قلت امين .. << بغوا ينادوني بروفيسوره بس ربكم ماكتب


==


الا بسألكم بالله يا دكاتره
والله اخوي له اسبوع حاط عندي علبه دوا ( حبوب ) يقول شوفيها وش فايدتها ..
دورتها بكتاب الادويه ومالقيت عنها شي ..

اسمها
Stresstabs with zinc
active formula
[email protected]

<< كان تعرفون حق شنو .. لا تبخلون علي ..




بالتوفيق يالدكاتره [/align][/align]
من مواضيع : Dior
Dior غير متواجد حالياً  
  رقم المشاركة : [ 3 ]
قديم 06-28-2009, 09:17 AM
مشرف سابق
 

ســـراب will become famous soon enough
افتراضي

[align=center]
حياك الله دكتوره Dior

اقتباس
والله بالصميم هههههههههههههههههههه

حتى الكاتب صار دكتور ..


تشكرات خيتي .

اقتباس
اذكر مره اهلي يبون يقنعون بالكليه الصحيه .. لاني كنت رافضتها تماما
قالوا لي .. شفتي فلانه ... قلت : ايه
قالو : بس ترى هذي دكتوره بمدينه الملك فهد ..!
<< دكتوره ..؟
خبري بالبنت مامعها الا ثنوي .. بس شلون صارت دكتوره ..؟!
وبعد البحث والتحري طلعت كاتبه .. في المستشفى ..!
يعني دكتوره

البنت تشغل في المستشفى = دكتوره


ماشاءالله صايره صيدليه والله يزيدك من العلوم الصحيه


اسعدني مرورك
[/align]
من مواضيع : ســـراب
ســـراب غير متواجد حالياً  
  رقم المشاركة : [ 4 ]
قديم 06-29-2009, 08:46 PM
صحي مبدع
 

خاشه في عينهم will become famous soon enough
افتراضي

[align=right]وهو كذلك ام النشبه كل الجماعه ينادوني دكتوره..
وعلى باله اعرف كل شيء

قمه الازعاج ما بقى احد كبير ولا صغير الا يعرف جوالي
ويتصلون بأي بوقت


والاسئله لا تختلف كثير عن اللي سئالوهااااا ديور

يعطوني اسم دواء وهذا لويش


او احد سوى عمليه مع كل عارض اتصلو فيني
عنده غثيان؟؟

وانا ارد عادي بدا مفعول البنج ينتهي


والادهى كل ما صار عندنا شيء بالبيت
قالوا يا حظهم عنـدهم "دكتوره"
انا لوحدي تراي مو مستشفى!!

ولا العجز يا سلالام
ساعه اعيد وازيد لها يا خاله مو كذاا

والا الاطفال ماعاد يحبوني يخافون مني
كلهم امهاتهم لمى يخوفنهم يقولون لهم نجيب لكم........... تعطيكم ابره

وهم يموتون خوف مني

حتى اللي ابي امسكه يموت صياح


والا عيال الحاره
يقولوا للعيال عن اخواني
هذولي اختهم دكتوره...يعني كشخه


حتى اهل اصدقاء اخواني ما سلمت منهم
اللي تبي تقدم العمليه تتصل علي
سواء مستشفى خاص ولا عام
كن الامر بيدي


واشيااء كثيره منها المظحكه جداا
لا انســاها
[/align]
من مواضيع : خاشه في عينهم
خاشه في عينهم غير متواجد حالياً  
  رقم المشاركة : [ 5 ]
قديم 06-30-2009, 01:16 AM
مشرف سابق
 

ســـراب will become famous soon enough
افتراضي

[align=center]هلا وغلا خيتي خاشه في عينهم

الله يعين >> احس من اسم كلمة مستشفى وهقه

والله صايره كشخه دكتوره لك صيت

من جد لاحظت ان الحريم الله يهديهم يخوفون عيالهم منا واحنا الله لنا

نخلي د. بنت فلان تجي اللحين تعطيك ابره

واذا جاءت المستشفى تقعد تسحب في ولدها وبالقوه اليين ياخذ الابره

على كل هذا احنا من يشتغل في المستشفى نتحمل هالتعب وتضيع الوقت حتى نقنع الاطفال >> عياده اسنان الاطفال وماادراك مالاسنان.

وانتي (قابله) موقعك استرايجي وسط الحريم الله يعينك

امــــــــــــا الواسطه شي ثاني

وماشاءالله انتي وديور فلحتوا في الصيدله مع انكم وين وهي وين >> انا فشلت فشل ذريع ومريت بموقف بعدين اقوله.

واهم من هذا كله ان شاءالله الله يسر لك وطلعتي من هذي المواقف على خير.

اسعدني جدا مرورك [/align]
من مواضيع : ســـراب
ســـراب غير متواجد حالياً  
  رقم المشاركة : [ 6 ]
قديم 07-05-2009, 09:19 PM
صحي جديد
 

FAAAARES will become famous soon enough
افتراضي

مشكورة [a7la1=990033]أم مـآزن [/a7la1]على سوالفك اللي تذكرني بجدتي الله يخليني لها ولا يحرمها مني .. قولي آمين



وبالنسبة لـ هذا .. وشسمه... اللي لقيتيه عند اخوك .. مدري اخوك غاثك يبي يعرف وش يسوون فيه..

أبي اقولك:.. ان اخونا الموقر هذا اللي يزهموونه وينادونه " غوغل" كنت معاه امس في عشا.. وقعدنا انسولف عن سالفتك اللي سولفتي فيها علينا.. وسألته.. عن اخوك.. قصدي عند سؤال اخوك ..


قال لي >> انها فيتامينات ومعادن وقعد يتفلسف كثير.. وما صدقت يقلطونا على العشا عشان افتك من هذرته( هذرته= سوالفه) يعني اذا تبين معلومات اكثر ما عليك سوا الضغط على رقم اخونا غوغل>> يحبه موت..

[fot1]وبتلقين جواب لأستفسارك بأذن الله..[/fot1]

تقبلي مروري
FAAAARES غير متواجد حالياً  
  رقم المشاركة : [ 7 ]
قديم 07-06-2009, 01:18 AM
صحي جديد
 

أبو فهد will become famous soon enough
افتراضي

والله بالصميم كلامك يا أخت مازن



خالاتي الله يحفظهم يقولون لامي ماشاء الله ولدك دكتور <<<<< وهو ممرض مايعرف يمسك الابره



وأخوي الثاني يقولون أنه طيار <<<<< جندي بواب في المطار لو يتأخر دقيقه فصلوه


عموما هذه الاشكاليه موجوده في الغالب عند كبار السن لكن الواحد ماعليه الا يسكت مايتفلسف عشان مايصكونه بسؤال ويغمى عليه من الاحراج ^_^


شكرا أخت مازن
من مواضيع : أبو فهد
أبو فهد غير متواجد حالياً  
  رقم المشاركة : [ 8 ]
قديم 07-06-2009, 11:54 AM
صحي جديد
 

عسى خير will become famous soon enough
افتراضي

اما انا فكل مارحت زواج القى الشيبان باستقبالي هذا الدكتور ولد فلان ماشاءالله ها توظفت تخيلوا دكتور عاطل مادروا اني خريج كلية والدفعة المستقلة الي للحين ماجاء فرجها ولي تجارب كثيرة واستفدت منهم وصرت احاول الحصول على المعلومة من اجلهم مو من اجل الكلية وصارت عندي شبه خبرة بالصيدلة لكن في واحد للحين ماليت عينه وهو الوالد الله يطول عمره ياخذ ابر الانسولين بنفسه يقول ماباقي غير انت تعطيني ابرة وانا خابرك من جيت اقوله انا طالب كلية يقول لو دكتور ولدي واعرفك قم بس قم دورلك غيري تعلم عليه
من مواضيع : عسى خير
عسى خير غير متواجد حالياً  
  رقم المشاركة : [ 9 ]
قديم 07-06-2009, 09:26 PM
مشرف سابق
 

ســـراب will become famous soon enough
افتراضي

[align=center]
اقتباس
FAAAARES
مشكورة أم مـآزن
على سوالفك اللي تذكرني بجدتي الله يخليني لها ولا يحرمها مني .. قولي آمين

اولا حياك الله اخ فارس وحياك في منتدى وزاره الصحه من 2008 سجلت واول مشاركه هنا لازم نرحب فيك .
والله يخليك لجدتك .

.................................................. .............................

اقتباس
أبو فهد

خالاتي الله يحفظهم يقولون لامي ماشاء الله ولدك دكتور <<<<< وهو ممرض مايعرف يمسك الابره



وأخوي الثاني يقولون أنه طيار <<<<< جندي بواب في المطار لو يتأخر دقيقه فصلوه


ماشاءالله على خلاتك مثلهم مثل اغلب نظرات المجتمع موفقين يارب

.................................................. .............................

اقتباس
عسى خير

اما انا فكل مارحت زواج القى الشيبان باستقبالي هذا الدكتور ولد فلان ماشاءالله ها توظفت تخيلوا دكتور عاطل مادروا اني خريج كلية والدفعة المستقلة الي للحين ماجاء فرجها ولي تجارب كثيرة واستفدت منهم وصرت احاول الحصول على المعلومة من اجلهم مو من اجل الكلية وصارت عندي شبه خبرة بالصيدلة لكن في واحد للحين ماليت عينه وهو الوالد الله يطول عمره ياخذ ابر الانسولين بنفسه يقول ماباقي غير انت تعطيني ابرة وانا خابرك من جيت اقوله انا طالب كلية يقول لو دكتور ولدي واعرفك قم بس قم دورلك غيري تعلم عليه

عسى خير ماشاءالله عليك واضح عليك انك فاهم وفعلا صرت دكتور حتى لو لم تكن
ودائم التحطيم من الاهل الله يخلي لنا الشياب والعجائز يرفعوا من معنويتنا ويحسسونا بالمسوليه.


بارك الله لكم مروكم .
[/align]
من مواضيع : ســـراب
ســـراب غير متواجد حالياً  
  رقم المشاركة : [ 10 ]
قديم 01-26-2011, 08:39 AM
صحي جديد
 

student nursing will become famous soon enough
افتراضي

ههههههههههههههههههههههههههههههههه
كح كح احس موضوع مغبر بس عجبني ووسع صدري في صباح الأجازة الجميل والممطر والممل..
الله يسعد يومكم بكل خير..
جد جد جد شي يقهر ويضحك بنفس الوقت اللي فهمته من قصصكم ان فيكم الموظف والمتخرج
او اللي ع الأقل في مستويات متقدمه من دراسته وووولـــــــــــــــكن...
اليكم العجب العجاب من قصتي مع المستوى التحضيري من الدبلوم (انجلش) يعني حتى ماحصلت ربع ممرضة
من اول يوم دراسي الوالد يناديني النيرس جات النيرس راحت النيرس لدرجة انه يتصل علي كل شوي وانا بالمعهد هاه وش سويتي<<الله يحفظك بس ويخليك لي حتى كتب مابعد استلمت..
طبعا هذا شي مشجع ويشرح الخاطر ان كنت مبسوطه فيه
بس بعد كذا بدينا فالمذله وبفضل الله ثم بفضل اهلي صرت دكتوره طبعا الخلاصه مابعد جاتكم هذي كلها مقدم<<احلفي تحس انها قالت قصة حياتها
نجي للزبده
في يوم من الأيام وبينما نحنو كاشتين في احد استراحات الثمامه بس قدر الله علينا مانطلع منها سالمين
وخالتي راكبها الف عفريت الا تركب دباب مع العلم اني ماقد شفتك يا هالأنسانه راكبه سيكل في وسط ذهول الكل ركبت دباب
وماعدت علينا 10 دقايق الا الناس والعالم مجتمعين قدام الأستراحة وانا اشوف الجمهور توقعت انه احد من خواتي او اخواني لأنهم متهورين بصراحه بعيد الشر عنهم المهم طلعت خالتي طايحه من فوق الدباب طبعا طيحتها كانت سيئه لأنها طاحت وهي جالسه<<احس ماحد فهم بس اللي مو فاهم يقولي
المهم دخلوها الشاليه واسعاف ومااسعاف وفعز المعمه يجب تدخل الدكاتره<<اللي هم الممرضين اقصد اللي مابعد صاروا ممرضين
كان فيه 3 طالبات تمريض غيري وتصنيفهم
1-مساعد طبيب اسنان امتياز
2-فني تمريض مستوى اول
3- فني تمريض مستوى اول
4-محدثتكم من خلف الكواليس تحضيري انجلش

وصل الأسعاف وبما انهم كلهم شباب فهذا معناه يجب تدخل عنصر نسائي فالموضوع كل العيون توجهت على
طالباااااااات التمريض والأصوات تتعالى
هذا وانتوا ممرضات..
مالت عليكم بس..
اجل وش بتسوون فالمستشفى..
عز الله ماتوا الناس..
يعني بالله وش اسوي انا فحضور ناس متخصصين!!!!!!!!!!!!!!
انا كنت اتفرج ابي اشوف وش بيسوون فيها وكيف راح يسعفونها من باب المعرفه
قطع حبل افكاري صوت يقول(ووووينكم ياممرضات تعالوا ساعدونا)
انا تجمدت مكاني واناظر فاللي معي وكل وحده تقول روحي انتي آخر شي صوت والدتي الكريمه وهي تقول
تعالي يا........حسم الموضوع
جد جد جد تمنيت هذيك اللحظه اني طالبه فأولى ابتدائي مو تحضيري لكم ان تتخيلوا الموقف انا مااذكر اني
ناظرت بممرضه وهي تعطيني ابره من الخوف ماادري ايش كانوا يتوقعون مني؟؟؟
المهم قلت يابنت تخيلي نفسك ممرضه جد ونفذي التعليمات بجد والحمد الله كانت النتيجه مرضيه جداااا
صح اني كنت مصدومه بس بنفس الوقت حسيت بأحساس حلو وتخيلت نفسي بعد كم سنه فهالموقف..

وغير كذا فمره اختي دخل برجلها قزازه بشكل عمودي يعني شكلها يفجع انا شفت الدم ولا ماشفته
ماشافوا الا غباري واقولهم التعليمات وانا لافه وجهي عنهم هههههههههههه
جت اختي الثانيه تتفلسف تقول هذا وانتي تمريض وزحمه خفتي ورمقتني بنظره لن انساها ماحييت
وبكل بساطه طلعت القزازه وراحت...مو ذنبي اني للحين ماتعودت على جو المهنه دا انا ماحصلتش ربع ممرضه

والأغرب والأظرف...
فجأه يجيني اتصال من صديقة قديمة تقوووولي بأعلى صوتهاااااا
مبررروووووووك سمعنا انك بتصيرين دكتوووووره!!!!!!!!!!!!!!!!!!!!

ماقدرت الا اني ارد عليها بضحكه طويله وقلت الله يسمع منك واصير دكتوره فالتمريض بيوم من الأيام
بس خليني اصير ممرضه الحين ولا اقل شي طالبة امتياز..يابنت الحلال خليني ابدا اول سمستر
قالت لالالالالالا انا بسميك دكتوره مو انتي بتصيرين تشتغلين بمستشفى خلاص انتي دكتوووره!!
الغريب انها انسانه متعلمه ومثقفه يعني مو معقول انه يطلع منها كلام زي كذا
بس تدرون انا وش افكر فيه الحين جالسه افكر وش بيسوون اهلي والناس اللي حولي اذا تخرجت؟؟
هذا وانا توني اقول أ..ب..ت..تمريض الله يعين بس جد شر البلية مايضحك..

آسفه ع الأطالة بس بما ان الموضوع فضفضه حبيت اعبر عن مشاعري تجاه الموضوع
والف شكر لك اختي ع الطرح الممتع..
التعديل الأخير تم بواسطة student nursing ; 01-26-2011 الساعة 08:42 AM. سبب آخر: خطأمطبعي
student nursing غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
أنت, المستشفى, اذاً, تستغل, دكتور, فضفضه


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
الشؤن الصحيه بجازان تستغل أطفالنا لترويج شركات الحليب لمنتجاتها غيووور منتدى المراكز الصحية ومنسوبيها 9 05-19-2011 04:13 AM
مقال عندما تستغل المناصب أمير ملتقى المواضيع العامة 1 02-17-2011 02:12 PM
هذه معاناتي فضفضه صباحيه مختبرجي عطلنجي ملتقى الخريجين 5 03-28-2010 07:39 AM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 07:00 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط