ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى ترفيه الأعضاء (http://www.e-moh.com/vb/f166/)
-   -   قصيدة ابكتني (http://www.e-moh.com/vb/t59843/)

سلمان متعب 07-09-2009 09:20 AM

قصيدة ابكتني
 
[align=center]قصيده كاتبها واحد سوى حادث
وكانت معه امه في السياره و توفيت الأم
ــــــــــــــــــــــ
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني
قرأتها ونقلتها للفائده[/align]

اضغط على الرابط

بدر عبدالله الغنام 07-12-2009 12:32 AM

بارك الله فيك

والله يرحم موتانا وموتى المسلمين

خلي الإسم بعدين 07-12-2009 12:50 AM

[align=center]http://zoom.maktoob.com/showImage.ph...00734306&size=[/align]


الساعة الآن 05:32 AM

Powered by vBulletin® Version 3.8.9
.Copyright ©2000 - 2019, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط