آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

مجموعه من الوزراء في وزاره واحده-قصة كفاح

ملتقى المواضيع العامة
موضوع مغلق
  #1  
قديم 01-05-2010, 12:46 AM
صحي مبدع
 


اموت اوصل will become famous soon enough


اخواني واخواتي الاعزاء
السلام عليكم ورحمة الله وبركاته
انا ساذكر ماحصل لي في ومع الوزاره الكريمه اقسم بالله العظيم اني لا اكذب فياليت من المشرفين مايحذفوا الموضوع لانه حقيقه ويفترض ان تنشر سواء كانت سلبيه او ايجابيه
انا صار لي مشاكل كثير في البعثات وصرت امشي وافكر في البعثات ومايعملونه فينا القائمين عليها من تخبطات عشوائيه في القرارات والايقاف والفتح وو و و وغيرها كثير
فمره يقولون جيبوا قبول ومره يقولون لاتجيبوا قبول ومره يقولوا لغه ومره يقولوا بدونها وهكذا
انا كل ما استكمل اوراقي يطلع لي شرط جديد
اخرها اختبار اللغه
قلت خلاص هانت باقي هالشرط خلني اكمله وارتاح وبعدها ملهم عذر راح يبتعثوني على طول(نسيت اني في وزارة الصحه)
المهم رحت معهد الاداره قلت ابي اختبر قالوا لازم تجيب ورقه من عملك بثبت انك مرشح للابتعاث لانه مايعمل الا للمرشحين للابتعاث
قلت بسيط رحت المستشفى قالوا مانعطيك خطاب الا لما تكون مرشح وانت الان مو مرشح انت تبي تقدم
قلت طيب رحت معهد الاداره قلت لهم هذا الكلام قالوا مانقدر نختبرك الا بخطاب قلت رفضوا قالا ماهو شغلنا
طيب يامسؤولين الابتعاث كيف تحطوا شرط مستحيل يتحقق
المهم قلت ياولد انا اموري تعقدت مالي الا مدير الابتعاث بيشوف كل شي جاهز عندي بيعتمد ابتعاثي
قلت مالها الا مدير الابتعاث وانا اعرف اسمه علي
رحت لمكتبه وقدامي 2 جالسين واحد منهم نعسان وحاط يده على خده وقرب ينام وواحد جالس قدام السكرتير
قلت ابي اقابل الدكتور علي
قال اي علي
قلت مدير الابتعاث قال كلهم مدراء واحد مدير الابتعاث وواحد وكيل الوزاره للبعثات (حاجه زي كذا)
على الغامدي ولا القحطاني
قلت اي واحد
قال كلهم في اجتماع(طيب يامدير طالما انهم في اجتماع كلهم ليش تسالني)
قال اللي قدامه جالس انا من الساعه 7 هنا ماطلع من الاجتماع والساعه كانت 11 صباحا
قلت اجل انا مو احسن منكم ننتظر معاكم
انتظرت يمكن نصف ساعه الا طلعوا مجموعه قال واحد هذاك هو ولحق وراه وشوي رجع لنا وقال يقول راجع
انتظرت ولما رجع كلم سكرتيره وجاي طالع فلحقته انا وواحد معاي قال يادكتور علي ابي اكلمك قال انا يمكن اتاخر اذا بتنتظرون قلنا يعني بترجع قال ما ادري والله(يعني يقول انتظروا ومو عارف يرجع وإلا لا )
فلما مشى قلت في بالي والله بيلطعني خلني الحق وراه ناديته والتفت لي وقلتله يادكتور علي قال وش موضوعك قلت موضوع يتعلق بالابتعاث وابي اشرح لك على طول رد يقول روح للابتعاث قلت يادكتور ابي اشرح لك وضعي قال ماعندي وقت روح للابتعاث ويكلمني وهو ماشي ونزل من الدرح وطنشني
قلت مو مشكله
قلت مالها الا الوزير هو اللي بيحلها
وانتظرت موعده اللي يقولوا كل يوم ثلاثاء يقابل المواطنين
واروح الوزاره والله العظيم قصه حقيقيه وقعت لي انا
جيت الساعه8 صباحا
قلت ابي اقابل الوزير قالوا روح المكتب هذاك وسجل
رحت للشخص اللي في المكتب قلت ابي ااقبل الوزير قال وش موضوعك قلت كذا وكذا قال روح لادارة الابتعاث قلت انا رحت لهم ولافادوني ابي اقابل الوزير قال لا ماتقابله في موضوع زي كذا قلت ليه يا اخي انا مواطن وابي اقابل الوزير قال الوزير مايقابل اي احد(يعني عشان اقابل الوزير لازم اكون وزير ولا ايش)قلت يا اخي انا ماتركت احد ماحد فادني خلني اقابل الوزير واشرح له نفخ علي ورفع صوته وقال يا اخي ترى انا مشغول مو فاضي لك الوزير ماراح تقابله ابدا موضوعك مايخص الوزير(اجل يخص مين السيكورتي اللي عند الباب)واذا مو فاضي لي فاضي لمين
المهم حاولت منا ومنا مافيه فائده
وفيه ناس جالسين ينتظروا قال واحد مهم اصلا الوزير ماراح يقابلكم هذي سابع مره ادخل ولايقابلني الا الدخيل(انا ما اعرف منهو الدخيل هذا)
المهم جاني واحد مسوي فيها مدير قال وش عندك شرحتله وضعي بالغصب لانك محتاج وودك تشوف ممكن احد يفيدك فقام يتفلسف على راسي ويقول ولدي ماقدرت ابتعثه وانا مع الوزير وبربر على راسي لين دخت وبعدين قال روح للخشيم هذا يقدر يحل مشكلتك
قلنا يالله للخشيم
واجي احصل في مكتبه واحد من ربع(يامن شراله من حله علاله) مدري وش هو قلت ابي الدكتور الخشيم
قال وش عندك شرحت موضوعي للمره الخمسين قال روح للابتعاث عدت السالفه من جديد قال لا هو ماراح يقابلك لان الموضوع مايتعلق فيه قلت اذا مو للوزير ولا للوكيل اجل عند مين شكله عند اللي في المطعم(في نفسي طبعا) حاولت حاولت مافيه فايده قال روح لواحد والله اني ناسي اسمه بس فهمت انه وكيل او مساعد للشؤون الماليه او حاجه زي كذا
رحت مكتبه حصلت واحد ولما سالته على طول ابتسم ابتسامه تريقه ولا استهبال قال موضوعك ماله علاقه فيه واصلا هو في اجتماع
قلت عساه مايطلع(في نفسي)
المهم ماشي قابلني واحد قال دخلوك قلت لا قال روح لهذا الشخص هو مدير اللي يسجل اللي يدخلون على الوزير (اللي نفخ علي)يمكن يكلمه يدخلك
دخلت عنده طلع نائب مدير مكتب الوزير(مكتوبه على مكتبه)ووالله مافادني ولكن كان تعامله جدا راقي وبكل احترام للامانه وربي يشهد اني ما اعرفه ولا اعلم منهو ولكن كماقلنا للمسئ اسات نقول للمحسن احسنت
جلسني في مكتبه وقال الدخول على الوزير مو بالسهوله هذي ومدري ايش و و و و و وهو مسكين مابيده شي بس اخذني بالاخلاق زي مايقولوا
المهم اني طلعت ما استفدت شي
ولما طلعوا اللي قابلوا الوزير قالي الرجل نفسه الاولاني قال ماقلت لكم مامعاكم الا الدخيل
وطلع اللي قابلهم الدخيل(وهذا الشخص سبع مرات ورى بعض مايلقى الا الدخيل
وطلعت وقلت مالي الا الله هو اللي مايرد احد ولا يقفل بابه عن احد وهؤلاء اشخاص استؤمنوا على المناصب فلم يرعوها حق رعايتها
والله لايطرد احدا ولايوكل احدا ولايحتاج الى تسجيل اوراق ومدراء مكاتب وسكرتاريه
واسال الله ان يحسن من اوضاعنا وان يجعلنا نطبق الاسلام في كل شي وان ييسر لنا الامور جميعا
حبيت ابين لكم ماجرى معي وعلى فكره تذكرت شي
يقولوا الابتعاث مقفل الى اشعار اخر ووالله اني اعرف واحد معرفه شخصيه من ايام الدراسه ودعوه زملانا الاسبوع الماضي لانه طالع بعثه على حساب وزارة الصحه ولكن فيه فرق هو يستخدم فيتامين من كان طفل فلذلك جاي اقوى منا
هذا ماجرى معي حبيت ابينه لكم وابشركم اني اكتشفت ان في وزارة الصحه اكثر من وزير وكل وزير عنده مكاتب وسكرتاريه وزحمه
وهذا شي يفرح لما يكون وزاره مافيها حتى بنادول يكون فيها وزارء كثير
الله يفرجها طفشت وانا اكتب احس ان ودي اكسر الجهاز من القهر
لكن نصيحه للوزاره باكملها سيلوا الاعلان اللي على الموقع اللي يقول الوزير يقابل المواطنين كل يوم ثلاثاء لانه موصحيح فلو حتى دخلوا ثلاثه اربعه اشخاص فهم يقابلون الدخيل (على فكره الى الان ما اعرف من هو الدخيل هذا)
ويامشرفين ارجوا عدم حذف مشاركتي لانها والله حقيقه ومستعد اطلع بنفسي واسمي ومكان عملي واقولها لو امام الوزير واتحمل مسؤوليتها
فلعلها تصل لشخص او مسؤول لايرضى بمايحصل فيقوم على تعديلها ونستفيد جميعا
شارك
مشاركة في فيسبوك مشاركة في تويترمشاركة في قوقل بلص


من مواضيعي : اموت اوصل
التعديل الأخير تم بواسطة رحيـِـِـِـِـِـِـِـِـِل ; 01-05-2010 الساعة 01:32 AM.
  رقم المشاركة : [ 2 ]
قديم 01-05-2010, 12:56 AM
 

أحمد زيدان البلوي will become famous soon enough
افتراضي

اسئل الله العظيم رب العرش العظيم أن يجعل لك من كل ضيق مخرج ومن كل هم فرج


عموما أخي ابي ادوخك شوي معي عندك طريقين في المنتدى

إما تراسل المشرف العام على الموقع

أو تراسل أخونا الشموخ فهو موجود في إدارة التدريب والإبتعاث

وتراهم يحبون يساعدون الناس وإن شاء الله موضوعك ينحل


بس عليك بسهام الليل
من مواضيع : أحمد زيدان البلوي
أحمد زيدان البلوي غير متواجد حالياً  
  رقم المشاركة : [ 3 ]
قديم 01-05-2010, 01:23 AM
رحيـِـِـِـِـِـِـِـِـِل
Guest
 
افتراضي

مالي الا الله هو اللي مايرد احد ولا يقفل بابه عن احد وهؤلاء اشخاص استؤمنوا على المناصب فلم يرعوها حق رعايتها
والله لايطرد احدا ولايوكل احدا ولايحتاج الى تسجيل اوراق ومدراء مكاتب وسكرتاريه
واسال الله ان يحسن من اوضاعنا وان يجعلنا نطبق الاسلام في كل شي وان ييسر لنا الامور جميعا



سيفتح باب إذا سد باب ...... نعم وتهون الصعاب

كان الله في عونك أخي الفاضل

وعليك بتكرار المحاولة >> كثر الدق يفك اللحام


وطمنا عليك إذا تحققت امنيتك

تحياتي
من مواضيع : رحيـِـِـِـِـِـِـِـِـِل
 
  رقم المشاركة : [ 4 ]
قديم 01-05-2010, 01:29 AM
صحي مبدع
 

اموت اوصل will become famous soon enough
افتراضي

اقتباس
  المشاركة الأصلية كتبت بواسطة أحمد زيدان البلوي
اسئل الله العظيم رب العرش العظيم أن يجعل لك من كل ضيق مخرج ومن كل هم فرج
عموما أخي ابي ادوخك شوي معي عندك طريقين في المنتدى
إما تراسل المشرف العام على الموقع
أو تراسل أخونا الشموخ فهو موجود في إدارة التدريب والإبتعاث
وتراهم يحبون يساعدون الناس وإن شاء الله موضوعك ينحل
بس عليك بسهام الليل


اخوي احمد

بارك الله فيك على الدعوه الطيبه
وصدقني اني تعبت والله

ووالله لو املك مبلغ الدراسه مامرمطت نفسي كل هالمرمطه وعلى فكره والله اني فصلت من وظيفه وخسرت من راتبي حدود4000 ريال عشان هالبعثه لانهم قالوا لي الصحه تبتعثك فلاتحققت البعثه ولا جلست على راتبي ووظيفتي والحين اللي توظفوا بعدي في المستشفى السابق رواتبهم اكثرمن راتبي بحدود6000 ريال
لكن ربك يفرجها

بالنسبه للاخوان اللي ذكرتهم فهم مايقصرون ان شاء الله اذا بايديهم شي وانا راح اراسلهم وربك يسهلها
من مواضيع : اموت اوصل
اموت اوصل غير متواجد حالياً  
  رقم المشاركة : [ 5 ]
قديم 01-05-2010, 01:34 AM
صحي مبدع
 

اموت اوصل will become famous soon enough
افتراضي

اقتباس
  المشاركة الأصلية كتبت بواسطة almobde3ah
مالي الا الله هو اللي مايرد احد ولا يقفل بابه عن احد وهؤلاء اشخاص استؤمنوا على المناصب فلم يرعوها حق رعايتها
والله لايطرد احدا ولايوكل احدا ولايحتاج الى تسجيل اوراق ومدراء مكاتب وسكرتاريه
واسال الله ان يحسن من اوضاعنا وان يجعلنا نطبق الاسلام في كل شي وان ييسر لنا الامور جميعا



سيفتح باب إذا سد باب ...... نعم وتهون الصعاب

كان الله في عونك أخي الفاضل

وعليك بتكرار المحاولة >> كثر الدق يفك اللحام


وطمنا عليك إذا تحققت امنيتك

تحياتي



اخوي بارك الله فيك
وان شاء الله يفتح الباب
وصدقني اني يئست الا من الله

وكثر الدق يفك اللحام الا مع وزارة الصحه ياخوي انا ماصرت اقدم على بعثه انا صرت اشحذهم بعثه

وترى على فكره انا مو من الرياض يعني كل دقه تكلف مالايقل عن 3000 ريال تذاكر وسكن وسياره

وكان الله في عون الجميع

لاتنسونا من دعواتكم
من مواضيع : اموت اوصل
اموت اوصل غير متواجد حالياً  
  رقم المشاركة : [ 6 ]
قديم 01-05-2010, 01:47 AM
صحي جديد
 

صراخ الصمت will become famous soon enough
افتراضي

يويويويو

هذا كله >> بصراحة قصة خيال وعرفت تختار عنوان

أنا دخلت وانا متوقعة توقع إنفيه تعليق او تشبيه من القصة على الوزارة

لكن قصة مجموعة وزراء في وزارة واحدة في السعودية ما توقعت أبد

لكن حسبنا الله ونعم الوكيل

وقصتك اخوي والله بكتني >> عاد انا مفكرة بطلب ابتعاث اليوم وباخذ قبول الشهر الجاي بالراحة

<< بس بعد اللي شفته قررت اني أبداء ادخر وربي يسهل واسافر على حسابي أدرس

وأقول لوزراء الوزارة الواحدة >> اتقوا السحت وخافوا الله

وكان الله في عون الجميع
من مواضيع : صراخ الصمت
صراخ الصمت غير متواجد حالياً  
  رقم المشاركة : [ 7 ]
قديم 01-05-2010, 02:02 AM
صحي جديد
 

MBC1 will become famous soon enough
افتراضي

ااااااااخ ماادري متى بنرتاح من هالانظمه والتخبطات
اذا هذا ابتعاث يعني لابد من كفاح
فما بالك بشي واهي وهو النقل والتكليف
تعبنا والله تعبنا تجي بورقه وتطلع بملف 100 ورقه
الان ابحث عن النقل ومجرد يخلص راح اعطيك خلاصة التواقيع وعدد المكاتب اللي مرت فيها هالورقه
الى متى ؟؟؟!!!!!

ماعندنا واسطات تمشي اوراقنا .. وياليت على تعبنا نلقى توقيع وموافقه

وكل كوم وشوفه النفس والنفسيه كوم ثاني

اتقوا ربكم بيجي يوم تمروا علينا في مجال اعمالنا ودي كل من نفخ ارجعه له وانفخ عليه ولو تجي اطرده عشان يعرف ان لله حق

99% من الأداريين في وزارة الصحة ناس اخلاقها صفر .
3/4 %ناس اسوي لك تسوي لي .. خدمه مقابل خدمه.
1/4% الله يعطيهم العافيه يارب ويكثر من امثالهم .

اعانك الله .. وفرج همك وهمنا

تحياتي
من مواضيع : MBC1
MBC1 غير متواجد حالياً  
  رقم المشاركة : [ 8 ]
قديم 01-05-2010, 02:22 AM
صحي مبدع
 

اموت اوصل will become famous soon enough
افتراضي

اقتباس
  المشاركة الأصلية كتبت بواسطة صراخ الصمت
يويويويو

هذا كله >> بصراحة قصة خيال وعرفت تختار عنوان

أنا دخلت وانا متوقعة توقع إنفيه تعليق او تشبيه من القصة على الوزارة

لكن قصة مجموعة وزراء في وزارة واحدة في السعودية ما توقعت أبد

لكن حسبنا الله ونعم الوكيل

وقصتك اخوي والله بكتني >> عاد انا مفكرة بطلب ابتعاث اليوم وباخذ قبول الشهر الجاي بالراحة

<< بس بعد اللي شفته قررت اني أبداء ادخر وربي يسهل واسافر على حسابي أدرس

وأقول لوزراء الوزارة الواحدة >> اتقوا السحت وخافوا الله

وكان الله في عون الجميع


اختي الكريمه

اقسم بالله العظيم انها حقيقه ومابالغت في شي بل بالعكس ماوضحت اسلوب اللي تعاملت معاهم

المهم باقلك نصيحه

والله لو المبلغ اللي يغطي التكاليف موجود ما التفت في الوزاره يوم واحد بس للاسف وحسبتها لوبعت سيارتي واثاث بيتي واشياء اخرى استحي من ذكرها ماتوفي نصف المبلغ فلذلك الحين افكر اجمع واطلع بس انا مشكلتي جايب قبول من جامعه متعرف فيها عالميا وانتهى وقته وجددته مره ثانيه وبينتهي ولسه ما ابتعثتني الوزاره وكمان ماجمعت المبلغ الكافي فهذا اللي قاهرني وهم مايجددوه مره ثالثه يعني راحت علي


بس انتي اذا قادره توفري المبلغ توكلي على الله ولاتضيعي وقتك مع الوزاره لان الفلوس تتعوض بس الفرص ماتتعوض


الله يوفقك ولايمنع من المحاوله فقد يوفقك ربي
من مواضيع : اموت اوصل
اموت اوصل غير متواجد حالياً  
  رقم المشاركة : [ 9 ]
قديم 01-05-2010, 03:07 AM
صحي نشط
 

اشقر will become famous soon enough
افتراضي

وزارة الصحة مستحيل تمشي امورك فيها بدون واسطه

وازودك من الشعر شقه

لو صارتلك مشكله كبيره سواء انت المخطي او المخطى عليه

اذا معك واسطه مايصيرلك اي شي

وبعد اذا كنت انت المخطي على الطرف الثاني يفزعون معك ويبهذلون الثاني


(( اسأل مجرب ولا تسأل طبيب ))

وعلى فكره انا المجني عليه وطالبت وسويت كل شي ومافيه فايده

والطرف الثاني ماصارله اي شي ومازال على وضعه ( عنده واسطه )
من مواضيع : اشقر
اشقر غير متواجد حالياً  
  رقم المشاركة : [ 10 ]
قديم 01-06-2010, 03:01 PM
صحي مبدع
 

اموت اوصل will become famous soon enough
افتراضي

ما اقول الا عسى الله يفرجها

انا بس ودي اصير وزير للصحه لمده 30 ثانيه فقط

صدقوني تشوفون قرارات تثلج صدري وتثلج صدوركم

واول ثنين منها

اولا
منع الابواب في وزارة الصحه حتى على دورات المياه الله يكرمكم يعني مافيه ابواب نهائيا

ثانيا

الغي وظيفة سكرتير او مدير مكتب او نائب او وكيل الغاء تام

وغيرها وغيرها وصدقوني قرارات تافهه بس لوتصير فعلا صدقوني تنحل كثير من مشاكلنا
من مواضيع : اموت اوصل
اموت اوصل غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
مجموعه, مكاتب, النت, الوزراء, اوصل, يدخل, واحدهقصة, وزاره, كفاح


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
عاجل /هل ظلمتنى وزاره الصحه ام وزاره الخدمه المدنيه ارجوا الافاده ؟ فوزي القاسمي ملتقى شؤون الموظفين 6 05-06-2011 08:57 PM
الصحة تتعاقد مع مجموعه من الاستشاريين الشعله منتدى وزارة الصحة 1 12-05-2010 09:00 AM
استفسار عن نقل من وزاره العدل الى وزاره الصحة - كاتب مياح ملتقى شؤون الموظفين 1 07-01-2010 12:22 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 09:08 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط