بشرى ساااره .... تم بدء التقديم لبرنامج الإبتعاث لدى الوزااره

مساكم عسل يا أخوان ...

اليوم اتصلت على التدريب و الإبتعاث بالوزاره ... و أخبروني ببدء التقديم لبرنامج الإبتعاث من تاريخ 7/3 و سألت عن نهاية التقديم فقال الله أعلم


عالعموم الشروط المطلوب توفرها حسب ما طلب في الأعوام السابقه

إجتياز إختبار معهد الإداره بما لا يقل عن 80 درجه

موافقه جهة العمل

عمل فحص طبي

صورة جواز السفر ساري المفعول

صورة الشهاده و السجل الأكاديمي طبق الأصل

و بعد ما ترسل الملف دبر لك قبول لا تتوهق مثلي ....

و بالنسبه لبطاقة الهيئه أخاف يطلبوها بس نسيت أسأل الموظف .... بالتوفيق للجميع ....

موافقة جهة العمل هل هو رئيسك المباشر ولا مدير المستشفى ولا المديرية ؟؟؟
وهل يقدر مديرك المباشر منعك من التقديم ؟
أرجو الرد ولكم منى كل الشكر .

السلام عليكم ,,,

هل التقديم يكون من عند التدريب والابتعاث بالوزارة أو التدريب والابتعاث في المديريه ؟؟

السؤال بشكل آخر (((( من وين تبدأ المعامله خطوة بخطوة )))


مشكوووورين

طريقة التسجيل بالتفصيل الممل

بسم الله نبدأ

موافقة جهة عملك:

اول شي بعد توقيع حضورك عند رئيسك المباشر (( لازم تجي بدري و مكشخ و ابتسامتك هاده وجهك المتنفخ من السهر)) تصبح عليه بالخير و تحكيله معاناتك في الحياه و ان حياتك واقفه على هالبعثه و تكتب خطاب لسعادة مدير المستشفى برغبتك الملحه و الصادقه بتطوير نفسك (( هين )) و خدمة دولتك و رد الجميل لها .. و بعد ما يشرحه رئيسك بالموافقه و المديح الحلو طبعا تآخذ هالخطاب و طوالي على مدير المستشفى و تسلم عليه تقدم له الخطاب (( طبعآ هو في نفسه يقول يالله صباح خير وش هالعم اللي ربي مشغلها )) راح يحولك على التدريب و الإبتعاث بالمستشفى و هم بدورهم يجبو لك ملف علاقي ( لا تشتريه وفر قدامك مصاريف ) و راح يطلبو من هالطلبات:

صورة وثيقة التخرج مختوم عليها طبق الأصل
صورة السجل الأكاديمي مختوم طبق الأصل
بيان خدمه من شئون الموظفين تطلبه بخطاب الى مدير المستشفى ليحيلك لشئون الموظفين و يعملوه لك من ملفك ( هل عليك مخالفات تأخير أو غياب أو غيره الله يجيركم )
اذا أمداك تدبر لك توصيات من أي طبيب عملت وياه أو أيام الكليه أو غيره هذا شي حلو أكتبه بالأنجليزي و ختمه و وقعه و ارفقه بالملف
نموذج طلب ابتعاث و قم بتعبئته
نتيجة اختبارك الحلو بمعهد الإداره و لازم ( حط تحتها دايره ) ما تقل درجاتك عن 80 من 100
قبول من جامعه معتمده من التعليم العالي ( أدخل على موقع التعليم العالي و ابحث عن الجامعه المعتمده بأي دوله و بأي تخصص) خليها بعد ما ترفع ملفك للوزاره مو مطلب ملح الآن
صورة تقييم أداء وظيفي لآخر سنتين ز لا تقل عن جدآ جيد أو جيد جدآ

تآخذ هالملف و تصدره من المستشفى و طوالي لإدارة التدريب و الإبتعاث بمنطقتك و راح يطلبو منك فحص طبي ( تحليل دم و أشعه و نظر ) تخلصه و تختمه و ترفقه بملفك و يدققوه وي رفقونه في مظروف أبيض مختوم بالختم الأحمر و يصدروه لوزارة الصحه و يحولنه الى إدارة المستشفيات بالوزاره بنفس قسم التابع لتخصصك)

نآآآآآآخذ رااااحه
.
.
.
.
.
.
.

طريقة اختبار بمعهد الإداره

تكتب طلب لمسئول التدريب و الإبتعاث بمنطقتك توضح فيه طلبك في تحديد مستواك في الإنجليش و على ضوءه يصدر خطاب بإسم مدير الشئون الصحيه الى مدير معهد الإداره بأي منطقه تبيها ( الرياض. جده . الدمام
صدر الخطاب من المديريه و خذ نسخه منه لأنك ماراح تدخل الإختبار الا بنسخة هالخطاب (( مهم )) و اتصل على معهد الإدراه و اسألهم عن موعد الإختبار ( بنطقة جده و هم أعقد من ناحية الأسئله ) اختبارهم نهاية كل شهر ... (( لتطوير لغتك اشتر كتاب من جرير اسمه ( الياس ) ب 22 ريال مررررررررره خطير و ملئ بالكلمات و فيه قرامر مبسط و سهل أفادني كثير لإجتياز الإختبار

طبعا ملفك راح يكون في السرى في ادارة المستشفيات و راح يطوووووول
و أثناء هالفتره دبر لك قبول من جامعه معترف فيها و مصدق من الملحق الثقافي الموجود بدولة الإبتعاث و ارفقه لملفك....

أتمنى التوفيق للجميع و أي استفسار أن حااااضر

مو بس يغني .... هذا يمثلك داخل و خارج المملكه خير تمثيل... بالتوفيق عزيزي

و اللي يبي قبول معتمد عنك جامعة الشارقه بالإمارات و التقديم يبدأ عالصيف ... يعني يمدي بالراحه ....