آخـر مواضيع الملتقى

دعــــــاء

العودة  

ملتقى الجوال والاجهزة الكفية iphone , android, blackberry , htc , NOKIA , ملتقى الجولات والاجهزه الكفيه

أهم برامج الآيفون مع الشرح+طريقة فك الحماية( Jailbreak)

ملتقى الجوال والاجهزة الكفية
موضوع مغلق
  #1  
قديم 06-19-2010, 05:30 AM
مشرف سابق
 


Marakez will become famous soon enough


بسم الله الرحمن الرحيم
أول شي راح نفك الحماية عن آيفونك يعني راح نسوي له جلبريك Jailbreak ليش طيب؟
1- لأن أغلب البرامج الي في الآب ستور App Store غير مكركه يعني لازم تشتريها والمجانية منها إما مجانية لفترة محدودة أو فيها دعايات ترفع الضغط أو برامج غير كامله .
2- فيه برامج مهمه جداً غير موجودة في الـ App Store وراح نشرح كيف تحصل عليها بالخطوات الجاية .
3- الآيفون بدون ما تفك الحماية يكون ما استفدت الا من حوالي20% من أمكانياته .
-----------------------
-- فك الحمايه Jailbreak ---
خذ نسخة من ملفاتك الي في(الصور) ماصارت لي مع أي جهاز بس سمعت انه فيه ناس انحذفت الصور بعد فك الحمايه.
أول خطوة :
لازم يكون آيفونك مفتوح على جميع الشبكات (مشغلي خدمات الجوال) يعني لو آيفونك ضمان جرير أو موبايلي أو جايبه من بعض الدول الي يباع فيها الآيفون ويكون مفتوح مثل أستراليا وغيرها ما عندك أي مشكلة لأنه مفتوح على جميع الشبكات وخلك شابك آيفونك على شبكة الوايرلس(مطلوب أتصالك بالأنترنت) .
ثاني خطوة :
تأكد من الأصدار عندك لأن شرحنا راح يكون فقط على الفيرموير 3.1.3 (Firmware 3.1.3) وعلشان تتأكد أدخل على الأعدادت في آيفونك بعدين (عام) بعدين (حول) بعدين شف (الإصدار) لازم يكون 3.1.3 لو كان غير هالأصدار أشبك آيفونك على كمبيوترك وحدثه عن طريق برنامج الـ iTunes ولو هالبرنامج مو عندك حمله من هنــــــــا وبعد ما تحدثه للأصدار 3.1.3 أو كان هذا هو أصدار آيفونك الحالي أنتقل للخطوة التاليه .
ثالث خطوة :
حمل الـ Jailbreak من هنـــــــــا أدخل على مجلد (برامج آيفون) وحمل منه البرنامج المسمى Spirit وفك الضغط عنه ولمستخدمي ويندوز فيستا وويندوز7 بزر الماوس يمين على البرنامج بعدين (تشغيل كمسئول) ولو ما رضى يشتغل بزر الماوس يمين بعدين (خصائص) بعدين أختر (التوافق) وحط صح على (تشغيل هذا البرنامج في وضع التوافق لـ) وأختر (ويندوز98\ويندوز مي) بعدين قل بسم الله الرحمن الرحيم واشبك آيفونك على كمبيوترك واضغط على كلمة Jailbreak راح تقفل شاشة آيفونك خله لين يخلص وبعدها راح يشتغل دايركت وبكذا نكون سوينا Jailbreak لآيفونك يعني فكينا الحماية عنه .
رابع خطوة :
بعد مافكينا الحماية راح تحصل أنه نزل برنامج أسمه Cydia وهذا الي عليه العلم كلـــــه .
أفتح الـ Cydia راح يحدث نفسه وسع صدرك عليه شوي بعد ما يخلص تحديث أحتمال يسوي إعادة تشغيل لآيفونك أرجع شغل الـ Cydia وهنا راح نبدأ نحمل أهم البرامج والإضافات لبرامج آيفونك .
بعد ما فتحت برنامج الـ Cydia فيه تحت خمس خيارات أدخل على (Manage) مثل ماهو بالصورة :


برامج الآيفون الشرح طريقة الحماية( Jailbreak) IMG_0037.jpg?psid=1

-- إضافة السورسات --
هلحين راح نضيف السورسات الي منها راح نقدر نحمل البرامج خصوصاً المكركه وهذي الخطوة نسويها مره وحده فقط .... اضغط على Sources راح ينقلك لصفحه ثانيه مثل هذي :

برامج الآيفون الشرح طريقة الحماية( Jailbreak) IMG_0038.jpg?psid=1

اضغط على (Edit) الي مكتوبة فوق يمين بعدين راح تطلع لك كلمة (Add) فوق يسار اضغط عليها راح يطلع لك مربع حواري مثل ماهو في الصورة :

برامج الآيفون الشرح طريقة الحماية( Jailbreak) IMG_0039.jpg?psid=1

أكتب في المستطيل :
كود:
http://vnmagic.net/repo/
ولا تنسى الشرطه( / ) الي في آخر السورس في كل نهاية سورس نكتبه .
أضغط على (Add Source) راح ينقلك لصفحة ثانيه ويبدأ يحدث نفسه ولاحظ أنه بعض السورسات عند إضافتها تطلب إعادة تشغيل آيفونك وبعد ما تعيد التشغيل أرجع مره ثانيه للسيدايا(Cydia) وبنفس الخطوات السابقه راح نضيف السورسات التالية :
كود:
http://www.sinfuliphonerepo.com/
كود:
http://cydia.hackulo.us/
كود:
http://apt.iguides.ru/
كود:
http://repo.hackyouriphone.org/
كود:
http://repo.beyoip.com/
كود:
http://cydia.xsellize.com/
هلحين أنتهينا من تعب إضافة السورسات .. سكر السيديا وسكر آيفونك كم ثانيه وشغله من جديد .
-- تحميل البرامج --
أفتح السيديا وخلينا نبدأ بتحميل أهم البرامج والإضافات ولاحظ أغلب البرامج بعد ما تحملها راح يعيد تشغيل آيفونك وبعد ما يعيد التشغيل أرجع للسيديا وكمل معي تحميل البرامج .
قل بسم الله وأبدأ التحميل :
1-( برنامج iFile لتصفح ملفات الآيفون من نفس آيفونك مهم علشان الملفات الي راح تستقبلها بواسطة البلوتوث أو من إيميلك..إلخ تفتحه عن طريق هالبرنامج) أفتح السيديا فيه خمس خيارات تحت أختر منها (Search) واكتب في المستطيل الي فوق iFile *****ed واختر الي مكتوب تحته
from SiNfuL iPhone Repo..لأن هذا مكرك راح ينقلك لصفحة ثانيه اضغط على (Install) وراح ينقلك لصفحه ثانيه أضغط على (Confirm) وسوي له Install وأعدادته خلها مثل هالصوره وخصوصاً (المسار) :

برامج الآيفون الشرح طريقة الحماية( Jailbreak) IMG_003a.jpg?psid=1

بعدين سكره وارجع أفتحه مره ثانيه لأننا راح نسوي مجلد خاص للملفات الي راح تستقبلها عن طريق البلوتوث وأختر (تحرير) بعدين راح تشوف علامة (+) وفي حقل (الأسم) أكتب أي أسم تبيه مثلاً (بلوتوث) بعدين أنتقل للحقل الي بعده(النوع)ومنه أختر(الدليل) والباقي خلها زي ماهي ومن فوق أضغط على (إنشاء) بعدين اضغط على (تم)وسكر البرنامج.
2- (برنامج البلوتوث لأرسال وأستقبال الصور والفيديو وغيرها بواسطة البلوتوث) بعد ما تفتح السيديا فيه خمس خيارات تحت أختر منها (Search) وأكتب فوق : iBlueNova *****ed واختر الي مكتوب تحته
from SiNfuL iPhone Repo لأن هذا مكرك وبعد ما تحمله أفتحه وفعل أول خيارين(Enable&Visible) بعدين أنزل تحت وأدخل على الـ Settings وأول خيار حط اللقب الي تبيه يكون لك والخيار الثالث والرابع لا تفعلهم والخامس فعله والتاسع فعله بعدين نجي لأهم الخيارات (آخر اربع خيارات) وأختر أول واحد (Pictures) راح تشوف فيه تحت يسار سهم صغير اضغط عليه راح يطلع لك المجلد الي سويناه قبل شوي بواسطة برنامج الـ iFile وسميناه (بلوتوث) ولو ما حصلته اضغط مره ثانيه على السهم ودوره لين تحصله بعدين اضغط على المجلد (بلوتوث) بعدين أختر الخيار الي فوق(Done)..وكرر هالخطوه للثلاث خيارات الباقيه الي هي(Music-video-Other files).
ملاحظة : البرنامج هذا إذا طلعت منه ما يعطيك تنبيه لو أحد ارسلك بواسطة البلوتوث يعني لو بغيت تستقبل لازم تكون فاتحه(الشكوى لله مافيه غيره).
3- بعد ما تفتح السيديا فيه خمس خيارات تحت أختر منها (Search) وأكتب فوق : afc2add بعدين أضغط على Search من لوحة المفاتيح راح يطلع لك أثنين أو أكثر بأسم afc2add أختر الي مكتوب تحته
from ModMyi(System
حمله.. هذا الملف مهم جــــداً وبدونه ما تقدر تدخل وتتصفح ملفات آيفونك عن طريق كمبيوترك بواسطة برنامج iPhoneBrowser أو غيره من متصفحات ملفات الآيفون .. ولتحميل برنامج iPhoneBrowser على كمبيوترك أضغط هنــــــــــا وادخل على مجلد (برامج آيفون) وحمل الملف المسمى iPhoneBrowser.

3- أفتح السيديا بعدين (Search) واكتب AppSync For OS 3.1 بعدين اضغط على Search وأختر الي مكتوب تحته from hackulo.us وسوي له Install وهذا مهم علشان البرامج المكركه ما يحوسها لك الآيتيونز .

4- أفتح السيديا بعدين (Search) واكتب AttachmentSaver *****ed واختر الي مكتوب تحته
from SiNfuL iPhone Repo.. وسوي له Install وهذا علشان تقدر تحمل المرفقات الي تجي على إيميلك من صور أو فيديو...إلخ (لازم يكون عندك برنامج iFile) وإذا حبيت تنزل المرفقات الي في إيميلك أفتح إيميلك راح تحصل أنه تم إضافة سهم (تحصله تحت إذا فتح أي رساله) اضغط عليه اذا كنت حاب تنزل كل المرفقات من صور وغيرها أو إذا كان فيديو أو مقطع صوت اضغط على المقطع راح يطلع لك ثلاث خيارات اختر اول واحد(Save to Disk) بعده راح تطلع لك نافذه اختر منها save .
اي ملف تحمله من إيميلك وين راح تحصله؟
أفتح برنامج الـ iFile واختر المجلد Library راح تحصل مجلد بأسم Attachments أفتحه وراح تحصل كل الملفات الي حملتها من إيميلك وتقدر تحذفها أو تنقلها لي مجلد ثاني.

5- ( إضافه لسجل المكالمات علشان تقدر تحذف أي مكالمه ما تبيها بدل ما تحذف كل سجل المكالمات) أفتح السيديا بعدين (Search) واكتب Recent/CallLog واختر الي مكتوب تحتها from VNMAGIC TEAM وسوي له Install .

6- (برنامج Installous نفس البرامج والألعاب الي موجوده في الـ App Store لكن مكـــــــــــركه وراح تستغني عن الـ App Store نهائياً) أفتح السيديا بعدين (Search) واكتب : Installous واختر الي مكتوب تحته
from Hackulo.us وسوي له Install بعد ما يحمل أفتح برنامج الـ Installous راح يحدث نفسه وبعد ما يخلص أدخل على الـ Settings تحصلها تحت آخر وحده (فيه ثلاث خيارات الأول والثاني لا تفعلهم والثالث هو الي فعله) وبعد كذا حمل اي برنامج بس قبل تحمله أحذف أي برنامج حملته من App Store وهذي أهم البرامج في اعتقادي ابحث عنها في الـ Installous :
- برنامج Islamic Compass لتحديد القبله ومواقيت الصلاة مع الآذان وتاريخ هجري(مخصص فقط للآيفون 3gs) وهذي صورة أيقونة البرنامج في الـ Installous بالمستطيل الأحمر :

برامج الآيفون الشرح طريقة الحماية( Jailbreak) IMG_003b.jpg?psid=1

- برنامج eBuddy Pro Messenger لتشغيل ماسنجراتك في الهوت ميل أو الياهو أو الجي ميل أوICQ ..إلخ من الماسنجرات كلها تشغلها في ماسنجر واحد، وهذي صورة أيقونته في الـ Installous :

برامج الآيفون الشرح طريقة الحماية( Jailbreak) IMG_003c.jpg?psid=1

- برنامج 2Do مفكره متطورة للمواعيد (رائع جداً) وهذي صورة أيقونته في الـ Installous :

برامج الآيفون الشرح طريقة الحماية( Jailbreak) IMG_003d.jpg?psid=1

- برنامج Camera Genius من أهم مميزاته يسجل الصوت لما تصور فيديو وهذي صورة أيقونته في الـ Installous :

برامج الآيفون الشرح طريقة الحماية( Jailbreak) IMG_003e.jpg?psid=1

- برنامج Palringo ماسنجر وميزته فيه مجموعات كثيره(دينيه وتقنيه..إلخ) أختر الي يعجبك منها وأدخل عليهم ودردش أو سوي لك مجموعه وسمها بأي أسم .

- برنامج iGo خرائط وتحديد مواقع من أهم مميزاته غير معتمد على شبكة الجوال ويشتغل على الأقمار الصناعية ويعطيك أقرب مستشفى وأقرب محطة بنزين وأقرب صراف آلي..إلخ قيمته في الـ App Store حوالي 319 ريال لكن هنا في الـ Installous مكرك وهذي صورة أيقونته في الـ Installous وأنتبه الي في المستطيل الأحمر هو حق الشرق الأوسط :

برامج الآيفون الشرح طريقة الحماية( Jailbreak) IMG_003f.jpg?psid=1

7- (برنامج iBlacklist لحجب المكالمات والرسائل الغير مرغوب فيها ومنه تقدر تخليه ما يرن الا لأشخاص معينين مثل أهلك أو العمل في حال كنت تبي تنام ولا تبي أزعاجات من غيرهم) أفتح السيديا بعدين (Search) واكتب iBlacklist واختر الي مكتوب تحتها from VNMAGIC TEAM وسوي له Install .

8- ( برنامج mAdvLock لقفل أي برنامج برقم سري مثل الصور..إلخ للي عنده ملاقيف وفيه ميزه إضافيه لو أحد سرق آيفونك راح يرسلك رقم الشخص الي سرقه منك على أي رقم جوال أنت تحدده) أفتح السيديا بعدين(Search) واكتب mAdvLock واختر الي مكتوب تحتها from xSellize X Apps وسوي له Install .
والرقم السري الأفتراضي لهذا البرنامج هو (123) .

9- (برنامج iRealSMS للرسائل فيه مميزات كثيره من أهمها عندي أنه لما اكون أتصفح الأنترنت أو فاتح أي ماسنجر أو اي برنامج وجتني رساله ما يحتاج اسكر واروح للرسايل علشان أقراها أو أرد عليها وراح تفتح من داخل أي تطبيق)أفتح السيديا بعدين(Search) واكتب iRealSMS 3.0 *****ed واختر الي مكتوب تحتها from SiNful iPhone repo .

10- (برنامج يعطيك اشعارات بجنب رمز البطاريه الي فوق للرسائل والإيميلات الي ما قريتها والمكالمات التي لم يرد عليها)أفتح السيديا بعدين(Search) وأكتب StatusNotifier *****ed واختر الي مكتوب تحتها from VNMAGIC TEAM وسوي له Install وبعد ما يحمل راح تحصله في الأعدادت.

11- (إضافه لبرنامج YouTube علشان تسوي داون لود على آيفونك لأي مقطع تبيه)أفتح السيديا بعدين(Search) وأكتب YourTube *****ed واختر الي مكتوب تحتها from VNMAGIC TEAM وسوي له Install .

12- (برنامج يشغل مقاطع الفيديو بعدة صيغ من أهمها الفلاش فيديو flv والويندوز ميديا wmv)أفتح السيديا بعدين(Search) واكتب yxflash واختر الي مكتوب تحته from BigBoss Multimedia وسوي له Install وإذا بغيت تفتح مثلاً مقطع حملته عن طريق إيميلك وكان أمتداد الفيديو wmv أفتح برنامج الـyxflash بعدين أختر الخيار الثاني الي تحت(Files) وأختر أول مجلد الي قدامه نقط(...) بعدين أختر المجلد الي بأسم Library بعدين أختر المجلد Attachments راح تحصل الملفات الي حملتها من إيميلك أختر الي تبي تشغله بالضغط عليه .

===========================
===========================
هذي أهم البرامج والإضافات في نظري والبقيه إن شاء الله في موضوع ثاني
تحياتي للجميع
شارك
مشاركة في فيسبوك مشاركة في تويترمشاركة في قوقل بلص


من مواضيعي : Marakez
  رقم المشاركة : [ 2 ]
قديم 06-20-2010, 12:47 AM
مشرف سابق
 

HAMAD A.REHMAN will become famous soon enough
افتراضي

السلام عليكم ورحمة الله وبركاتهـ

اخوي الله يعطيك العافيه حقيقة شرح وافي وكافي .. واهم شيء من هذا كله هو كيف تركب السورس ونصيحه للي يبي يركب السورسات

افضل شيء تستخدم نظام الماك .. لانه يركب على طول بدون اي اخطاء بحكم انه نفس الشركه المنتجة للايفون ..

لكم فائق التحايا

اخوكم

حمـد

من مواضيع : HAMAD A.REHMAN
HAMAD A.REHMAN غير متواجد حالياً  
  رقم المشاركة : [ 4 ]
قديم 06-22-2010, 06:33 AM
Banned عضو موقوف
 

طلال الحربي will become famous soon enough
افتراضي

الله يعطيك العافيه
من مواضيع : طلال الحربي
طلال الحربي غير متواجد حالياً  
  رقم المشاركة : [ 5 ]
قديم 08-29-2010, 04:49 PM
مشرفة ملتقى النفحات الإيمانية

الصورة الرمزية المكينزي
 

المكينزي has a spectacular aura aboutالمكينزي has a spectacular aura aboutالمكينزي has a spectacular aura about
افتراضي

بسم الله الرحمن الرحيم
اللهم صل على محمد وعلى آله وصحبه أجمعين

(قُلِ ادْعُوا اللَّهَ أَوِ ادْعُوا الرَّحْمَنَ أَيّاً مَا تَدْعُوا فَلَهُ الأَسْمَاءُ الْحُسْنَى)

اللهم اجعل القران ربيع قلوبنا ونور صدورنا وجلاء احزاننا وذهاب همومنا وغمومنا وسائقنا ودليلنا اليك والى جناتك جنات النعيم.
أسأل الله أن ينفعنا به ويرزقنا الإخلاص فى القول والعمل.
بني
السلام عليكم ورحمة الله وبركاته
جزاك الله خيراً
جعل ماتقوم به بموازينك الصالحه في تلك الايام المباركه
بارك الله بك

ودمت بحفظ الرحمن
][®][^][®][ المكينزي ][®][^][®][
من مواضيع : المكينزي
المكينزي غير متواجد حالياً  
  رقم المشاركة : [ 6 ]
قديم 08-29-2010, 06:12 PM
صحي جديد
 

عسول باشا will become famous soon enough
افتراضي

موضوع متعوب عليه والله

ربي يديك العافيه

ماننحرم منك يارب
عسول باشا غير متواجد حالياً  
  رقم المشاركة : [ 8 ]
قديم 02-24-2011, 02:43 PM
أخصائي صحي
 

pharm1 will become famous soon enough
افتراضي

بارك الله فيك ...............ززيمكن عمل jailbreak على HTC
من مواضيع : pharm1
pharm1 غير متواجد حالياً  
  رقم المشاركة : [ 10 ]
قديم 02-26-2011, 11:41 PM
مشرف سابق
 

Marakez will become famous soon enough
Talking

اقتباس
  المشاركة الأصلية كتبت بواسطة pharm1
بارك الله فيك ...............ززيمكن عمل jailbreak على HTC

حياك أخوي ..
بالنسبه لأجهزة HTC معلوماتي صفر فيها ... أما بالنسبة للجيلبريك فهذا فقط للآيفون الي عليه الفيرموير 3.1.3 (Firmware 3.1.3) طبعاً هذا الموضوع قديم وكان ع أيام اللايفون 3GS أيام عزه .
وحياك لو عندك أي إستفسار عن الآيفون 4 .
------------------------------------------------
dreams of nursing
يعافيك ربي شاكر مرورك
من مواضيع : Marakez
Marakez غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
الآيفون, الحماية(, الشرح+طريقة, برامج, jailbreak)


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
شرح طريقة توصيل الآيفون بالأنترنت طلال الحربي ملتقى الجوال والاجهزة الكفية 3 09-02-2010 12:55 PM
رسميا: موبايلي تحضر الأيفون 4 الى السوق السعودي iphone 4 2010 خالد ملتقى الجوال والاجهزة الكفية 10 08-28-2010 09:42 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 04:01 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط