آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

قصتي مع مدير الشؤن الصحية

ملتقى المواضيع العامة
موضوع مغلق
  رقم المشاركة : [ 12 ]
قديم 07-28-2010, 07:40 AM
صحي جديد
 

د/الجدعاني will become famous soon enough
افتراضي فمن رضي فله الرضا ومن سخط فانما يسخط على نفسه

بصراحة اخوي انت شخص مبتلى فالصبر الصبر واستعن بالله ولاتحزن
ومن الأمور التي تخفف البلاء على المبتلى وتسكن الحزن وترفع الهم وتربط على القلب :

(1) الدعاء:

قال شيخ الإسلام ابن تيمية: الدعاء سبب يدفع البلاء، فإذا كان أقوى منه دفعه، وإذا كان سبب البلاء أقوى لم
يدفعه، لكن يخففه ويضعفه، ولهذا أمر عند الكسوف والآيات بالصلاة والدعاء والاستغفار والصدقة.

(2) الصلاة:

فقد كان رسول الله صلى الله عليه وسلم اذا حزبه أمر فزع الى الصلاة رواه أحمد.

(3) الصدقة

" وفى الأثر "داوو مرضاكم بالصدقة"

(4) تلاوة القرآن:

" وننزل من القرآن ماهو شفاء ورحمة للمؤمنين"ا

(5) الدعاء المأثور:

"وبشر الصابرين الذين اذا أصابتهم مصيبة قالوا إنا لله وإنا اليه راجعون"
وما استرجع أحد في مصيبة إلا أخلفه الله خيرا منها
د/الجدعاني غير متواجد حالياً  
  رقم المشاركة : [ 13 ]
قديم 07-28-2010, 12:15 PM
أخصائي جلدية
 

dark knight will become famous soon enough
افتراضي

الله يصبرك على مصابك

تدري والله اني حبيتك من قبل ماشوفك

الله ياشيخ ينور دربك ويسهل امرك ويبلغك مرادك في الدين والدنيا والاخره

اذا كانت هذه علومك فوالله ماعليك خوف ماشالله عليك رجال من ظهر رجال

لو واحد غيرك يمديه انحرف والا انتحر .... بس انت ماشالله ايمانك بالله قوي

تحياتي
من مواضيع : dark knight
dark knight غير متواجد حالياً  
  رقم المشاركة : [ 14 ]
قديم 07-29-2010, 01:14 AM
صحي مبدع
 

ph,mohammed will become famous soon enough
افتراضي

ياناااااااااااااااااااااااس ياعاااااااااااااااااااااااااااااالم
حنا بالسعوديه وإلاّوين؟؟
والله قصتك أخوي كأنها أسوأ كابوس مرعلي بحياتي
أسأل الله العضيم رب العرش الكريم ان يرزقك عاااااااااجلاّ....
لالالالالالالالالالالالالالالالا ماصدق إحنا بكوكب ثاني...
من مواضيع : ph,mohammed
ph,mohammed غير متواجد حالياً  
  رقم المشاركة : [ 15 ]
قديم 07-29-2010, 02:19 AM
 

ابراهيم المسعودي will become famous soon enough
افتراضي

الله يرزقك بوظيفة في وزارة الصحة إن شاء الله إنت شخص مكافح وحرام ماتتوظف والأجانب ماليين البلد
من مواضيع : ابراهيم المسعودي
ابراهيم المسعودي غير متواجد حالياً  
  رقم المشاركة : [ 16 ]
قديم 07-29-2010, 04:10 AM
صحي جديد
 

ساكت قهر will become famous soon enough
افتراضي

الله يوفقك ويسهل عليك امووووورك
وتسدد دينك ويفرجها ربك عليك وعلى كل مسلم
بصراحه اثرت فيني القصه
كثر من الاستغفار وربي بيفرجها عليك
الله يوفقك ويوفق شباب المسلمين
من مواضيع : ساكت قهر
ساكت قهر غير متواجد حالياً  
  رقم المشاركة : [ 17 ]
قديم 07-29-2010, 01:19 PM
افتراضي

اقتباس
  المشاركة الأصلية كتبت بواسطة موسى
لاتعليق..............


أخي الفاظل / موسى
لا تعليق ..!!!
حقيقتا اسعدني مرورك بقدر ما تحمل كلمة لا تعليق من معنى في انعكاس افكارك عن مجمل القصه .

ولكن ما اريده ان يصل لكل من قرء قصتي انني لم اكتبها في صفحات هذا المنتدى لكي استعطف قلب المتصفح أو لكي احصل على قليل من الشفقه والاحسان ..!!
فمن كان يضن هذا الظن بي
فهو بالاصل لا يعرف من أنا ؟؟؟؟
فأنا البحر وحدودي
كل ما تحيط به الشوااطي

فلا يغرك هدوئي
ومدي وجزري
وعبور السفن من فوقي
فتظن اني لطيف...
او ... اني أليف ... أو سخيف .... !!!!!!!
فعلى قدر هدووئي ربما اكوون عنيف
وعلى قدر سكوني ربما اكوون مخييف

ولكن
والذي نفسي بيده لم اكتبها لحاجه اطمح لتحقيقها بقدر ما كتبتها ابراء للذمه واثبات للظلم الصريح الذي يعترف به من اوتي الامانات وهوا غير اهل لها . ولكي اكشف الستار عن اسباب ضعفنا وانكسارنا امام الشعوب الاخرى وتسميتنا بالعاااالم الثاالث وهذا مصداقيه لحديث الرسول عليه افظل الصلاواة والتسليم عندما قال ((إن الله ينصر الأمة الكافرة العادلة على الأمة المسلمة الظالمة )) وهذه هي حقيقة انكسارنا وضعفنا امام الدول الاخرى التي تنظر لنا بنظرة الشفقه والجهل ..!!!
ونحن دولة مكتوب على علمها رسالة الانبياء وشهادة الحق
وتعتبر من اكبر مصادر الطاقه بالعالم
ولكننا مكتفي الايدي وكئننا اسرى حرب ننتظر لحظة الاعدام من قبل اعدائنا بالدين وامام فرحت المناقين الظلمه الذي لبسو لباس الامانه والاخلاص والوفاء لكي يصلو لمناصب ليسو اهل لها

وأمثلة الظلم كثيره في قطاعات اخرى في وطني الحبيب الذي يحمل شهادة الحق ورسالة الانبياء ولكن للأسف الشديد اننا خذلنا هذه الشهادة
التي لو وضعناها في كفة ووضعنا امريكا وبريطانيا واليابان والصين و العالم بئسره و السموات السبع والأرضين السبع في كفة أخرى لرجحت بهن لا إله إلا الله ولو أن السموات السبع والأرضين السبع كن حلقة مبهمة قصمتهن لا إله إلا الله فكيف يخذلنا الله ونحن نحمل رسالة الانبيااء ولا ينصرنا على من عدانا إلا اننا بيننا خونه وظلمه لم يعصمنا من طوفان ظلمهم وخيانتهم من الغرق بالضعف والذل والانكساار سوى افعالهم التي جعلتنا اهون الناس في كل بقاع الارض ولقبتنا بالعاالم الثالث فمثل ما كانت السفينه التي تهرب النفط من مدينة يبنع بدون جمرك وبدون علم احد لمدة 11 سنه مثلها ما حصل في خيانة الامانه في جده وقس على ذالك الرشاوى والنصب والاحتياال والظلم حتا وصل بالظلمه ان يعترفو ويجاهرو بظلمهم فأي نصر ننتضره بالغد المشرق ونحن نغرق في طوفان الظلم وليس لنا منه عاصم إلا الله

أحبتي الكرام اتقدم لكم بالاسف على الاطاله فما زالت افكاري تستنزف كثيرا من المواضيع التي يجب ان نعترف انها من اسباب ضعفنا ولكني اكتفي بما قلت وانا اسف على الاطااله ولي عودة في وقت اخر للرد على الردود التي تفظلو بهاالاعضااء على قصتي واخيراً اكرر اسفي على الاطاله وكلي شكر وتقدر وامتنان لكم على مروركم الذي زاد موضوعي تشريفا بكل حرف كتبتة في هذه الصفحه

اخوكم / رماد الانتصاار
من مواضيع : فني صيدلة مضيع مستقبله
التعديل الأخير تم بواسطة فني صيدلة مضيع مستقبله ; 07-29-2010 الساعة 01:27 PM.
فني صيدلة مضيع مستقبله غير متواجد حالياً  
  رقم المشاركة : [ 18 ]
قديم 07-29-2010, 04:27 PM
صحي جديد
 

Dr33 will become famous soon enough
افتراضي

اقتباس
  المشاركة الأصلية كتبت بواسطة فني صيدلة مضيع مستقبله
ماني بمن ياتي ولا يدرابه

علاج صرفته ما عرف كتابه
ومن كل الاطبا ماني أابه
دام الشفى في علاجي وانا ادرابه
وان عودة لصلي فنا مرواني
المجد مطلوبي وانا طلابه

لكن تدرون خلوها على الله

والله ما فيه احد منكم تصرفد وتبهذل مثل حالتي لا مو كذا وبس
صارتلي قصص وقصص شي يصدقه العقل وشي ما يصدقه

واذكر اني بعد ما تخرجت من معهد الغفله والحمد لله حصلت على اعلى الدرجات وتخرجت كفاائه واتحدى بتخصصي الدكاتره بكل ثقه

انصدمت بالواقع الي اكتشفته بعد التخرج
0
بعد التخرج جلست عاطل اتئمل الايام كيف تمر ولا عندي لا شغله ولا مشغله والديون من كل محل وصرت ما اطيق اعيش بالمنطقه الي تربيت فيها وفجئه بدت الحقوق المدنيه تطاردني بعد شكاوى المواطنين ومطالبتهم بالديون الي اخذتها منهم والي كفلوني فيها امام البنوك الي جالسه تخصم منهم رواتبهم لأنهم كفلوني كفالة غرم
وصرت اتخبى عنهم وكئني مطلوب امنياً وحولو معاملتي من الحقوق المدنية للمباحث ليتم القاء القبض عليه وتقديمي للعدالة التي تعدل بين الناس بالحق وتنصر الباحق على الباطل
المهم بعد مطاردات ومحاولات كثيره بائت بالفشل تم القبض عليه وانا خارج من المسجد
ووضعو الكلبشات في يدي وزفوني للتوقيف في احد اقسام الشرطة في وطني الغالي
المهم جلست اترجاهم ومافيه فايده المهم جلست مع العرابجه والمنتهين والسكرجيه ورضيت بالامر والواقع واخذت كورس في كل تخصص بالمخدارات والاسلحه والسرقه والنصب وحتا المتفجرات وراح اقولكم بس عن دورة المتفجرات لان البعض يضن اني ابالغ بالكلام وانا والله العظيم اني اقول الحق

بعد ما دخلت التوقيف قالو ادفع المبلغ وقالت من وين يا حسره..!!!
لا أب..!!!
ولا أخوان...!!!
والاصحاب هم الي جابوني عندكم..!!!
ما عندي غير توظفوني واسددكم المبلغ اقساط
المهم بعد ما جلست اسبوعين بالتوقيف صحوني العسكر في يوم اخر يوم لي بالقسم وقالو انت فلان قلت ايه طال عمرك قالولي هيا معانا وفرحت اني بخرج من التوقيف قلت يمكن واحد جا وسدد المبلغ عني ويوم جيت اخذ اغراضي قالي العسكري اعطيني يدك قلتله ليه قال بحط الكلبشات قلتله وليه انا ما راح اطلع قالي لا انت راح تروح بيتك الجديد وهو يضحك ضحكت لؤم واصحابه حوله يضحكون وانا دوبي صاحي من النوم وماني فاهم وش قصده المهم بالطريق عرفت انهم حولوني على السجن العاام واول ما دخلت لقيت عالم ثاني مختلف تماما عن الواقع ولو أوصف لين بكره ما راح اقدر ارسم لكم الصوره الحقيقيه الي شفتها داخل السجن العاام
المهم لقيت واحد افغاني ورحب فيه وفرشلي فراش جنبه وقالي هذا فراش واحد طلع اليوم وانت تقدر تنام فيه وياعيني على الفراش الوان الطيف السبعه كلها موجوده فيه ولو تدري عنه الدول الست العظمى كان فرضت على السجن عقوبات دولية لوجود الاحمااض النوويه على هذا الفراش الي عمره ما انغسل من يوم ماطلع من المصنع لين نمت عليه من لتعب والارهااق
المهم تعرفت على الافغاني وصرت كل ما اقوم واصحى وهو بوجهي ومره سئلته عن عمله وين يشتغل وقالي انا مفجر جبال في افغانستان واعجبتني الفكره شي حلو انك تغير ملامح الجبل المهم جلس يشرحلي و علمني كيف اصنع القنابل الخفيفه واعطاني كورس محاضارات وتطبيق عملي على المقادير والمواد ومنها جبس وقماش وزيت وعلبه مويه لترين وشوية بارود من ذخيرت الرصاص والاسلحه العاديه وشوي بدا الاخ يعلمني تطبيق عملي وجاب علبه وقماش ومويه وصار يشرح لي كيف تصنيع القنابل ..!!!!
يوم شفت الوضع تطور كذا قلت هذا راح يخرب افكاري من مجال الصيدله للقنابل والمتفجرات لا حشى رحت فيها والله
المهم قررت أغير محلي وشلت قشي وفراشي ورحت جنب واحد ثاني كان أمام وخطيب مسجد السجن ويوم سئلته عن قضيته طلع الاخ هاامور من هوامير سوى الي جمعو اموال الناس بالباطل وله ابراج في دبي ومن اثريااء العالم والغريب انه سارقها من ناس غلابا وفقراء وفوق كذا له وجه يخطب فينا في صلات الجمعه ويصلي فينا الفروض الخمس ويقول انا ما اخذتها بالقوه انا اخذتها برضاهم ..!!..!!
وما عجبني وضعه وشلت قشي وفراشي ورحت جنب واحد ثاني ولقيت عنده جواال والجوال ممنوع بالسجن لأنه الداخل مفقود والخارج مولود من عنبر الديون و القضايا الماليه المهم جلست اترجاه اني اتصل ورفظ يقول الدقيقه 20ريال ودقه وقفله على اي جوال 10 ريال وكل دقيقه تحسب عليك 15 ريال من المتصل عليك..!!!
وانا ما عندي هذا المبلغ المهم قمت من عنده وشلت قشي ولقيت واحد فلبيني وفرشت جنبه فراشي وتعرفت عليه وقلتله انت وش تشتغل قالي انا مهنتي سواق وسويت حادث ويطالبون في ديه وقالي انا في بلدي كنت اشتغل في فندق اسوي مسااج للنزلاء وعندي دوراة و خبره في عمل المساج من زمان المهم..
اخذتها براسي وقلبتها يمين ويساار

وقلتله انت عندك فلوس قالي لا قلت طيب انت اجنبي وانا سعودي وش رايك نسوي مشروع بالسجن ونسوي مسااج للسجنااء وانت عليك المساج وانا عليه الحمايه ومحاسبت السجنا ووافق الفلبيني ورحت انا اسوي دعاايه وكتبت بالفحم انه يوجد مساج كل 20 دقيقه 30 ريال المهم توافدو علينا السجناء من كل عنبر واشتهرنا بضرف اسبوع وكل ما سوى الفلبيني مساج لواحد يرجع ثاني يوم ويروح يقول للعنبر الي عنده عن المساج وصارو يسون دعايه لي انا والفلبيني المهم شد الشغل والفلبيني صار شغال طول اليوم والفلوس صارت تنكت علينا واشتريت جوال ابو كشاف بالسجن بقيمة 800ريال وكلمت نااس يقنعون الي اشتكوني اني راح ادفعها لهم اذا طلعت من السجن وراح اسدد لهم المبلغ بالاقساط وخليته يعطيهم دفعه واوهمتهم اني كانت عندي مقابله شخصيه في مستشفى وان الوظيفه تنتظرني وانهم حرموني الوفاء بعهدي لهم يوم تسلفت منهم الملبغ واول ما اتوظف راح اخذ قرض واسدد نص المبلغ والنص الثاني راح اسدده اقساط المهم قبلو بالعرض وفرحت اني راح اخرج من السجن وجلست اخر ليله متحمس متا اخرج وانفك من جدران السجن الكئيبه وماني مصدق اني راح اشوف الشمس واقابل العاالم بعد ما جلست ثلاثه شهور بالسجن
ولقيت شايب تعرفت عليه بالسجن ولده فتح مؤسسه بسمه وتسببله بمطالب ماليه وهرب خارج السعوديه وحطو ابوه بالسجن وقلتله يا والد انا وعدت الناس اسددهم وانا ما عندي شي وش اسوي انت رجال كبير وعندك خبره ممكن تنصحني قالي يا ولدي الطير الحر اذا جلس في مكان وما لقا رزقه يهاجر لمكان ثاني وفكرت اني اسافر من المكان الي انا عايش فيه وبعد ما خرجوني واول ما خرجت من السجن رحت شغلت سيارتي وهربت من المدينه الي عشت فيها اجمل ايام عمري وكل ما اشوف جيب شرطه قلبي يوقف لين وصلت لدياار نائيه ما فيها غير بدو عايشين في صحرااء وكانت ذيك الليله برد وما معايه غير جك مويه ووخبز وجبن ابو ولد وراس مالي 35ريال نزلت من السياره
وفرشت فراشي ونمت ويوم صحيت الصباح توضيت بالبرد ويديني تجمدت من البروده وصليت صلات الفجر بالصحرااء وبعد ما خلصت الصلاه حسيت بعراض وتعب بجسمي ورجعت نمت وبعد ساعه صحيت من النوم وجسمي مولع ناار من الصخونه وارتفعت درجة حرارتي وصرت مقدر اتحرك من التعب اخذت الجوال بتصل بي احد وما لقيت شبكه وشغلت السياره وجلست امشي بالطريق الترابي لين وصلت طريق الاسفلت ومشيت مشيت لين وصلت لمباني تعتبر شبه مدينة وسئلت عن المستشفى ودلوني على مكانه ولقيت العياده زحمه ورحت دخلت على الصيدليه بحكم اني دارس صيدلة اعرف وش راح يكتب لي الطبيب ودخلت الصيدليه ولقيت الناس مشغوله بصرف الدوا ورحت على الرف وجلست اختار الادويه الي اعرف انها تخفض حرارتي وتكسن الامي
المهم بعد ما عبيت كيس طلع واحد من غرفه صغيره جنسيته مصري قالي انت مين قلت
انااا
امممم اممممم
انا صراحه جيت هنا طمعان اني اكون موظف معاكم بالصيدلية وجاي ابحث عن فرصة عمل قالي والله صراحه حنا عندنا عجز بالموظفين وفيه موظفين طالعين أجازه ومجتاجن لكن روح لشؤن الموظفين عند واحد اسمه فلان بن فلان وقوله موضوعك وهو راح يفيدك اذا فيه وظايف ولا مافيه
وفرحت وطار عقلي من الفرحه وخفت الصخونه وراحت الالم ورميت الدوى على الرف وطلعت اجري لشؤن الموظفين ويوم وصلت دقيت الباب ودخلت وقلت سلام عليكم قالي هلا من دون ما يطالع فيه قلت حقيقه يا استاذي الفاظل انا جيت من مكان بعيد طمعان اني اكون موظفن عندكم بالمستشفى خاصه انكم تشجعون الكوادر الوطنيه وانا من ابناء هذا البلد ويشرفني اني اكون خادم عندكم في تقديم الخدمات الصحيه بالمستشفى وضحك بصوت عالي وقالي انت صحفي ولا مذيع بقناه قلتله عفوا ما فمهت عليك وش تقصد
قالي انت من وين جااي قلتله جاي من المدينه الفلانيه وقالي جاي من هناك تدور عمل عندنا قلتله الظروف لها احكاام قالي طيب راح نسويلك اختبار قلتله وانا اجاهز اني اثبت لكم كفائتي في مجال عملي ويشرفني اني اكون احد الموظفين عندكم
المهم اتصل على مدير الصيدلية وطلب منه يختبرني اختبارين تحريري وعملي ورحت اختبرت اليوم الثاني ونجحت بتوفيق الله

وقالولي الراتب #1200# ريال قلتلهم نعم.!!!!
قالو هذي رواتبنا تبغا تشتغل حياك الله
قلت مستشفى حكومي وراتب 1200 قالول مستشفى حكومي لكن التشغيل شركه مشغله مو وزارة الصحه قلتلهم طيب انا مقدر ادبر وضعي بالراتب هذا وين راح اسكن وكيف راح اوفر الاكل والشرب من راتب 1200 ريال قالو عندنا سكن للموظفين وطار عقلي من الفرحه وفرحت بالسكن وقبلت بالراتب وقلت في نفسي افظل من السجن المهم اشتغلت معاهم وبعد فتره طويله قالو ان وزارة الصحه راح تلغي عقد الشركه وتشغل المستشفى بموظفين الوزارة وفرحت وقلت يمكن ينقلون خدماتي على الوزارة وجلست اترقب واتابع الاخبار ورفعو اسمي من ادارة المستشفى للوزارة بعد ما زكتني أدراة المستشفى من قبل المدير الطبي ومديري بالصيدلية وشهدو على نشاطي وكفائتي بالعمل
وكانت الصدمه ان وزراة الصحه نقلت خدمات كل الاجانب الفنين ما عاد انا ورحت لمدير المستشفى ومديري بالصيدليه وكلمتهم وقالو والله هذا امر من مدير الشؤن الصحية وجلست افكر بالسجن اذا راحت الشركه وين اروح ..؟؟ والله ما ارجع للسجن لين يحفرون قبري بالعنبر ..
وقلت لازم اوصل لحل لو اروح لمدير الشؤن الصحيه شخصياً .
المهم من حسن حظي قبل ما ينهتي عقد الشركه بعشره ايااام جا مدير الشؤن الصحية زياره عشان يستلم العهده من الشركه المشغله ودخلت عليه وقلتله يا طويل العمر انا موظف عندكم بالمنطقه وابغا انقل خدماتي على الوزاره اسوة بئخواني الاجانب الي نقلتم خدماتهم ولي الشرف اني اكون احد منسوبي الوزاره وقالي جيب تقيم وظيفي من المدير الطبي بالمسشفى وتعالي بالمديريه ويصير خير قلتله مشكور يا طويل العمر وبيض الله وجهك

المهم رحت لمديري بالصيدليه وقلتله انا ابغا تقيم وظيفي وتحديد مستوي بالعمل منك ومن المدير الطبي بالمستشفى واعطاني التقيم بمتياز ورحت للمديريه بالمنطقه ودخلت عليه وقلت السلام عليكم قالي نعم وش تبغا ..!!! انت كيف دخلت عليه ..!!!
قلتله والله يا طويل العمر انا انتظرتك برى تحت الشمس بئمر من السكرتير لين اعطاني الامر اني ادخل عليك وما دخلت عليك غير بئذن .
قالي ليتك مت وما دخلت عليه بالمكتب ....!!!!!!!!!!!!!!!
انا تشنجت من كلامه وحسيت ان الموضوع خرب وان السجنه جاايه جاايه لا محاااله

وقلت له عفوا يا دكتور ..... طبعا انا يوم اتكلم دائما استخدم لغت الاشاره بالوصف
وقلتله عفوا يا دكتور واشرت بصباعي على المنقطه الي جيت منها وقلت انا جاايك الان من 800كيلو عشان اسمع منك هذا الكلام...!!!
قالي لا ترفع اصباعك عليه قلتله عفوا يا دكتوري الفاظل
ونزلت يدي وانا مصدوم من كلامه
وقالي وش تبغا انت الان قلتله انا جبت الاوراق الي طلبتها مني في زيارتك للمحافظه وهذي هي وحطيتها قدامه على المكتب
قالي وش تبغا طيب قلتله ابغا العدل والمساواه مع زملائي الاجانب وانا ابن البلد وهذا دليل بكفائتي بالعمل

ورفع يده واشر بالسبابه على صدره وقالي حنا ظلمه طالعت فيه وانا مستغرب واصباعه يهتز من الزعل وكئن الي يكلمني شيطان مو انساان وكرهت العمل عنده ونزلت عقالي من راسي ومسكته بيديني الثنتين وانا اطالع فيه ومصدوم من كلامه وقلت لو سمحت يا دكتور لا ترفع اصباعك عليه انا انسان مواطن مدني وفي داخل وطني وماني عسكري عشان تكلمني بالطريقه هذي وانا الف العقال بيدي من القهر ومن طريقت استقباله لي بهذي الطريقه واعترافه بالظلم انه ظاالم

وقلتله اسمع يا دكتور انا يوم جيتك المكتب بعد ما طلبت مني ادائي الوظيفي وتقيمي من مديري بالعمل ما جيت اشحد راتبي من جيبك جيتك وانا راسي واصل السماا زي الملك محد يقدر يقطعه لكن مداام انك تقول انك ظاالم بيني وبينك العدل قالي روح اشتكي الي تبغا قلتله لا يا دكتوري انا اقصد بالعدل الله الي حطك على هذا الكرسي ترا من اسمائه العدل وطلعت من عنده وانا افكر بكلام الافغاني الي قابلته بالسجن المهم خرجت مدري وين اروح وجلست على باب المديريه افكر وش اسوي..؟؟
اروح لمين وكيف احصل حق البنزين خاصه ان المنطقه الي فيها المديريه معرف فيها شي يعني مقدر اشتغل باليساره واوصل مشاوير وطلعت على الخط السريع افكر بكلام الدكتور وجا في بالي اني ما اشكيه على الله لين امسك ستار الكعبه واطلب من الله انه ينصفني منه ومن كلامه الجارح الي تلفظ فيه ولو اعتذر بسلوب لبق كان مثل المديريه تمثيل حضاري يليق بالخدمات الصحيه في دولة تعتبر من اكبر مصادر النفط والطاقه لكن يجرح كذا ويقول حنا ظلمه ...!!! هذا الي قهرني

المهم لقيت واحد على الخط السريع واقف يئشر بيده وقفت وقلتله كم تدفع قالي انا ما عندي غير خمسين ريال وابغا اسافر للمنقطه الفلانيه قلتله اركب
واخذته وكملت طريقي والمدينه الثانيه حصلت اثنين واخذتهم لين وصلت لمكه ورحت لستار الكعبه ومستكه بيدي وقلت يالله اني في بيتك الحرام راضي بحكمك لانك عدل في قضائك يارب انك تعلم مدى عمق الجروح وانت العدل القوي
اسئلك ان تريني في من جاهر بمعصيتك وتكبر على ارضك وخان عهدك وجاهر في ظلمه ان ترريني فيه ما يشفي جروحي
المهم جلست في مكه اسبوعين وبعدها سافرت للطائف وعملت في حلقت الخضره 4 اشهر وجمعت 3000ريال واتصلت على السنتران وطلبت بالاسم رقم مدير الشؤن الصحية الي قالي كلام من لسانه اهون من السم بالبدن واعطاني رقمه واتصلت على منزله ورد عليه شخص وعندما سئلته عن الدكتور قالي انه مريض وعنده عمليه وبعد يومين اتصلت على مدير شؤن الموظفين الي تربطني فيه علاقه اخوه ومحبه في الله الي كان بالمستشفى الي اشتغلت فيه
وقلتله سمعت ان مدير الشؤن الصحيه بالمنطقه مريض قالي والله ما ادري لكن الي سمعت انه مريض وان زوجته تعبانه ومريضه واقفلت الخط وسجدة لله سجده اطلبه ان لا ياخذني على دعاائي وان يلبسه لباس الصحه والعافيه بالدنيا والاخره ويغفر له ذنوبه ويهدي قلبه وخفت ان يكون من دعائي عليه عند الكعبه وسامحته من قلبي بعد ما التهيت بالدنيا حتا طابت جراحي من لسانه وكلامه لي يوم كنت عنده بالمكتب

المهم استمريت في عملي في بيع الخضار حتى جائت البلديه في يوم وصادرت كل البضاعه وكتبت عليه تعهد بعدم البيع مره ثاني بالبسطه

المهم سافرت وذهبت لمدينة اخرى ابحث عن أي شي يشغلني وفجئه وجدت سياره من نوع جيب مقلوبه وبها طفلين ورجل ومعاهم مرءه وقفت وشلتهم معايه بالسياره وكان الرجاال من شدة الخوف في حاله شبه هستيريه ويكلم اولاده ويقول لهم فيه الم وش تحس المهم قلتله قول الحمد لله على كل حال انتم طيبين وما فيكم غير العافيه وهو يقول النزيف الداخلي ما تبان اصابته لازم نكشف عليهم بسرع وقت و يقول بالله اسرع لقرب مستشفى المهم وصلت للمستشفى وقالي لا تروح ابغااك ونزل عائلته ورجع لي واعطاني 2000 ريال قلتله هذا عيب وانا ما راح اقبلها منك ورفضت المبلغ واعطاني كرته وقالي هذا رقمي اتصل عليه
المهم شغلت سيارتي وكملت رحلتي
وانا في الطريق قريت الكرت مكتوب الدكتور فلان بن فلان مدير مركز صحي بئحد مطارات المملكه وبعد اربع اياام اتصلت عليه وسئلته عن اولاده وطمني عليهم وقلتله والله يا ابو فلان اني مستحي منك ومدري وش اقولك قالي امرني ولا يردك غير لسانك قلتله صراحه بقولك اذا تعرف احد يقدر يوظفني بي مكان انا راح اكون شاكر لك وممنون وقالي طيب اعطيني يومين وفعلا بعد يومين اتصل عليه وقالي روح لفلان ادمي في المكان الفلاني وقوله انا من طرف الدكتورفلان وفعلا رحت واستقبلني بمكتبه واستضافني بكوب شاهي واعطيته اوراقي وبعد يوم دق عليه وقالي تعالي لقيتلك مستشفى خااص والحمد لله انا الان بمستشفى خااص براتب 1800 ريال واتصلت على الدكتور مدير المركز الصحي بالمطار وشكرته وقلتله الراتب 1800 وقالي انتظر بقرب فرصه راح ادخلك اختبار تشغيل ذاتي وفعلا بعد شهرين اتصل عليه وقالي قدم اوراقك بالمديريه الصحية الفلانيه ومن سوء حظي طلعت نفس المديريه الي سمعت من مديرها كلام ما راح انسااه ما دمت حي وفعلا رحت وقدمت اوراقي ودخلت اختبار وتصلو عليه وقالو مبروووووووووووك انت اجتزت الاختباار وموعد المقابله الشخصيه باليوم الفلاني وطار عقلي من الفرحه وانا اتخيل اني اعطي الديانه فلوسهم بالجزمه القديمه
واتصلت على الدكتور الي متابع معايه وقلتله والله مدري كيف اشكرك قالي لا عاادي هذا اقل واجب وقالي لا تخااف ان شاءلله تتوظف بالتشغيل ويتحسن وضعك وقالي اني جبت درجه حلوه بالاختبار المهم سويت المقابله الشخصيه وبعد فتره اتصلت قالولي والله نعتذرمنك مالك نصيب واتصلت على الدكتور وقالي فيه واسطاات دخلت قويه بالموضوع ولا انت حليت كويس بالاختبار ودرجاتك ممتازه
المهم قلت الحمد لله وانتهت قصتي واحمد الله واشكره لكن اخااف ان الديانه يعرفو مكاني بيومن الايااااااااام ويطبو عليه بمكان عملي وقتها راح افرط بوظيفتي ولا ارجع السجن مره ثانيه

هذي قصتي بختصاااار فهل من متعض
اخيرا انا اسف على الاطاااااااله واشكر كل من قرء القصه وانا اسف اذا فيه اخطاء املائية غير مقصوده لاني اكتب على الكيبورد بسرعه 200 كيلو متر بالسااعه
وتقبلو مني فائق التحيه والتقدير والاحتراااام

اخوكم / فني صيدلي مطلوب في الحقوق المدنية




اثابك الله في مصيبتك هذه....رب ضارة نافعه لاتعلم مااخفي لك من رزق اسال الله ان يجزيك في مصيبتك
نحن لانعيش في بلد والله لانعيش بلد فوضى واحتقار واعلم من ياتي ويقول اننا نملك امن وامان وهو برئ منا لايوجد لدينا امان ولا امن
شباب لايجد وظائف وشعب نحر من الوريد الى الوريد في الاسهم والموساهمات سوى سوى او العقاريه
وهدر للمال العام من مشاريع مبالغ في قيمتها ولانعلم اين النهايه في هذا الطريق المظلم
اخشى من الانفلات الامني والله لاتامن عرضك ونفسك ومالك
ومناقصة القصور الملكيه لهذا العام 2 مليار بذخ لانعلم اين مصيرنا بعده
وهذا المبلغ كفيل بتوظيف الشباب العاطل والخافي اعظم
الا يوجد رشيد في هذا البلد ويقيم مامدى خطورة وضعه
ياخادم الحرمين لقد وكلت بامانه اسال الله ان يرزقك الحق والبطانه الصالحه
Dr33 غير متواجد حالياً  
  رقم المشاركة : [ 20 ]
قديم 07-30-2010, 04:52 PM
صحي نشط
 

alhairan will become famous soon enough
افتراضي

والله شي يقطع القلب وماخفي من قصص كان اعظم
للاسف لايوجد من يحاسب هذه الفئه المسؤله عما يصدر منها من اخطاء بل يكتفون فقط بإقالتهم
ولا يعاقبون كي يكونو عبره لمن لا يعتبر
السرقات والرشاوي و المحسوبيه اضرمت النيران في تقدم هذا البلد

اسأل الله ان يرزقك ويعينك على ماانت فيه
من مواضيع : alhairan
alhairan غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
مديرالشؤن, الصحية, قصتي


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
ترقية مشعل بن نايف العتيبي للمرتبه 14 بمسمى مدير عام الشؤن الصحيه بالقصيم جراحة قلب ملتقى أخبار منسوبي وزارة الصحة 15 06-05-2011 03:22 PM
رساله موجهه الي مدير عام الشؤن الصحية بمنطقة تبوك ؟ صحي 2010 ملتقى المواضيع العامة 3 06-05-2011 02:10 AM
الشؤن الصحية بالمنطقة الشرقية... من يملك خبر SAK ملتقى شؤون الموظفين 3 04-16-2011 05:57 AM
تلقى سعادة مدير الشؤون الصحية بالمحافظة شهادتي شكر وتقدير من سعادة مدير للشؤون الصحية صيدلي مستشفي ملتقى الرعاية الصيدلية 2 04-15-2011 02:53 PM
وظائف في الشؤن الصحية بجدة لمتى وأنا صابر ملتقى الوظائف 2 07-05-2010 04:17 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 01:28 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط