آخـر مواضيع الملتقى

دعــــــاء

العودة  

ملتقى الخريجين منتدي الخريجين, منتديات الخريجين, موقع الخريجين, صفحة الخريجين, موقع الخريجين

جابر هايف " الخمره ( إهداء لكل عاطل )

ملتقى الخريجين
موضوع مغلق
  #1  
قديم 10-01-2010, 02:09 AM
صحي متميز
 




فنجان قهوه will become famous soon enough


اهداء الى كل واحد نايم عن العاطلين
وهوو كل يوم في ديره


اليكم القصيده ياجماهيري وهي خطره = وخلو هالرقآبه تسجن الشاعر وجمهوره

هدوء أيها الساده حضور الحفل والسهره = مساء الخير ع الصاحي وأشوف الناس مخموره


آنا اسف على الإزعاج ولكن طالت السكره = ذكرت اني قبل ساعات أصيل وعزوتي نوره

على فكره الكرفته عجزت افكها عسره = أبي واحد ينزلها او أي وحده ومشكوره

وابي ثوبي جيبولي ثوبي الاشهب مع الغتره = قبل والله لاطربقها على هالحفل بحضوره

ولا واحد يتكلم قبل لاماخلص النشره = ومن يحكي قسم بالله لادوس برجلي حنجوره

تراها قفلت ياسادة بلادي وياستره = هي مدامها خربت بقول الليله الثـوره

انا بحكي من اول يوم جيت لدنيتن قذره = وتكرم عن قذارتها بيوت الله ومـعموره

انا مولود في ليلة شتاء مع بردها مطره = في خيمه وسط صحرا مابها سستر ودكتوره

انا ياحضرت الساده غريب وضاع من صغره = لعن جدي زماني بين مذهوره ومهجوره

حملت من الشقاء مالايطاق وجايكم ذكره = ولاني عاجز اتحمل واموت بنفس مقهوره

وانا ادري يذبح الرجال كثر الصبر في قهره = وعن قهر الرجال المصطفى حذر ومذكوره

وهم قالو مفاتيح الفرج للحي في صبره = وانا اشوف الصبر مفتاح ضاع وزاد طابوره

تعبت الملم أيامي بيدين الهم والحسره = تعبت ألمع البرواز وامسح غبرت الصوره

تعبت أبوس كف الجوع وخشم الفقر طال عمره = تعبت اكذب على الحاجه وأقول الحال ميسوره

تعبت احمس من القهوه واحط السمن والتمره = تعبت ودلتي وحده وكل شوي منثوره

انا بحكم البدإوه انزرع في داخلي بذره = عن علوم المراجل الف بذره فيني مبذوره

تربينا على الدين ونطيع الله مع شكره = تعلمنا نصلي ونحفظ القران وكل سوره

تعلمنا نحب الضيف وفينا الكرم فطره = تعلنا نقول الصدق لالفه ولادوره

تعلمنا نحلب النوق ووشهي البكره = تعلنا الظمى وحنا بيدينا البير محفوره

تعلمنا وكثير اللي تعلمناه وش كثره = اخذنا درس بالدنيا بلا دفتر و سبوره

وانتم ياسادة الحفل عفواً أيها الزمره = منو فيكم عرف قهر الزمان وظلمه وجوره

منو فيكم وطاه الجوع وذله وصفقه فقره = منو فيكم عرف يحتاج للقمه ونشف زوره

منو فيكم من الضيقه حفر بصابعه قبره = منو فيكم رقد ليله وسط اجساد مقبوره

منو فيكم مشى حافي برمضن كنه الجمره = منو فيكم سهر ليل الظلام بدون اباجوره

منو فيكم ماطاح الفين مره وسلمت الجره = وانا من قبل اطيح وجرتي بيديني مكسوره

لكم الماء والوجه الحسن والمال والخضره = ولنا حنا الظما والجوع وفقر وشيفتن عوره

ولامره حظي ضحك بوجهي وأشكره مره = وغيري مبتسم حظه وكل أيامه ومسروره

كتبت الشعر من صغري وبيوتي مابها كسره = وانتم تبرزون الي كتب بيتين مكسوره

انا ياحضرة الساده فقيرن مغتني بشعره = مدإم المومس اللي تشري الاشعار مشهوره

وانا ياحضرة الساده هنا الليله وعلى فكره = ترى هالبدله مسروقه ورجلي بجزمه محشوره

ولاكن قلت ابحضر هالحفل والعمر بختصره = وابي ابدع معاكم وسط الليله انس ومحظوره

اذا كانت رجولتكم بكاس الثلج والخمره = انا بشرب بدون الكاس وثلجه الف قاروره

وابويه قال لي مره دسم شاربك بالغبره = مايدري بالشنب محلوق وجابر فاقد شعوره

انا بمشي مدام الليل ودع وإبتدا فجره = انا بروح أرد هالبدله على هالمعلاق مزروره

وأنا ادري حضور الحفل اني بالسجن بكره = مدام الليله جبت العيد بهذا الحفل وحضوره


شارك
مشاركة في فيسبوك مشاركة في تويترمشاركة في قوقل بلص


من مواضيعي : فنجان قهوه
  رقم المشاركة : [ 2 ]
قديم 10-01-2010, 01:25 PM
صحي متميز
 

حلم آنثى will become famous soon enough
افتراضي




قصيده تدمع لها العييييييين

الله يحسن الاحوال ويلين آصحاب القلوب القاسيه

من جد العطاله قضت على شبابنا

من مواضيع : حلم آنثى
حلم آنثى غير متواجد حالياً  
  رقم المشاركة : [ 3 ]
قديم 10-01-2010, 02:26 PM
صحي متميز
 

فنجان قهوه will become famous soon enough
افتراضي

حلم آنثى

يسلمو على المرور

انا مايقهرني اكثر شي التهميش عاطل هذا تحس انه مو من المجتمع

بس مالنا الا الله ودعوه اخر الليل
من مواضيع : فنجان قهوه
فنجان قهوه غير متواجد حالياً  
  رقم المشاركة : [ 4 ]
قديم 10-01-2010, 08:31 PM
صحي نشط
 

ماجد الغانم will become famous soon enough
افتراضي

والله ملينا من هالحصار اللي ماشبهه الا بحصار غزه.
لاوضايف ..ولا ابتعاث ..
نفسياتنا تدمرت احلامنا تحطمت اااااااااااااااااااااااااااااااااه
االا متي باااااااااااااالله الامتي حسبي الله ونعم الوكيل.....
من مواضيع : ماجد الغانم
ماجد الغانم غير متواجد حالياً  
  رقم المشاركة : [ 5 ]
قديم 10-01-2010, 08:40 PM
صحي متميز
 

فنجان قهوه will become famous soon enough
افتراضي

اقتباس
  المشاركة الأصلية كتبت بواسطة ماجد الغانم
والله ملينا من هالحصار اللي ماشبهه الا بحصار غزه.
لاوضايف ..ولا ابتعاث ..
نفسياتنا تدمرت احلامنا تحطمت اااااااااااااااااااااااااااااااااه
االا متي باااااااااااااالله الامتي حسبي الله ونعم الوكيل.....

اي والله الى متى حسبي الله عليهم العمر قرب الثالثين
لا وظيفه
لاسياره
لازواج
اي تصدق تذكرت شي والله
قبل سنه قدمت على التشغيل الذاتي
في مستشفى الامل
المهم دقو علي وعطوني موعد الاختبار
جيت الاختبار وانا مستعد مره ومتحمس
واختبر مع الناس
وعدي االاختبار الحمدالله
حتى اني تحمست مره لاني حليت كل شي اوكي
المهم قالو موعد النتايج بعد الظهر
ماقدرت اجلس الين بعد الظهر من الحماس
قلت اروح واسال يمكن قبل الظهر بشوي
دخلت وشفت النتيجه مره حلوه قال لي حلو ماشاءالله
قلت طيب يعني ان شاءالله بنقبل قال ان شاءالله
فجاه قال انت من وين متخرج
قلت من الجامعه
بعدها تغير وجهه وقالي معليش مابي باكالوريس
قالت وشلون يعني قال مظطر ابعدك
قالت ليه داقين علي اجل ؟؟
قال هذا خطاء
من جد انصدمت صدمه
صدمت احباط
مدري ليه تذكرت السالفه الحين بس
الله يصلح الحال
ومشكور على المرور
من مواضيع : فنجان قهوه
فنجان قهوه غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
لكل, الخمره, جابر, عاطل, هادف, إهداء


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
""""""Currents In Emergency Cardiovascular Care"""""""" المسمسم ملتقى الطوارئ والإسعافات 3 07-06-2013 09:04 PM
فني صيدله أرغب ببديل من جيزان إلى (الرياض"جده"المدينه"تبوك"الجوف"حايل) snakeksa تخصص صيدلة 9 11-22-2012 11:04 AM
بدل الاشراف :::::تعميم""""""""""""""::::::::مشرف دوائي"""""" ناصرا ملتقى شؤون الموظفين 2 03-28-2011 04:21 PM
... """قـــــف"" يـــــا"" قـلـبـــــي""" ... نسناس ملتقى ترفيه الأعضاء 17 10-09-2009 11:23 PM
""" للنساء فقط ::: الختان فوائده وأضراره """ ( الطب الجنسي ) المسمسم ملتقى تبادل الخبرات 1 08-30-2008 03:29 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 07:03 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط