ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى التدريب والإبتعاث (http://www.e-moh.com/vb/f171/)
-   -   تجربتي مع تصديق القبول (http://www.e-moh.com/vb/t80869/)

ADEED 10-26-2010 07:34 AM

تجربتي مع تصديق القبول
 
السلام عليكم اخواني واخواتي منسوبي المنتدى الكرام.

من مبدأ حب لأخيك ماتحب لنفسك فقد أحببت ان اسرد لكم قصتي مع تصديق القبول لكي تعم الفائده على الجميع ولعلمي بمدى صعوبة الامر هذا على البعض ومنهم انا في البداية.


بعد حصولي على القبول الجامعي من جامعة في أستراليا وذلك بفضل الله ثم بفضل أحد الاخوان في هذا المنتدى وهو الأخ أحمد. طلبت من أحد الزملاء ان يوصله الى أدارة التدريب والأبتعاث في الوزارة بحكم وجوده في الرياض وبعدي انا عن الرياض بحوالي الف كيلو. تحدثت الى الموظف الذي أخذ القبول من صديقي وسألته عن التصديق فقال لي انه يطول اذا كان عن طريقنا ويمكن ياخذ اسبوعين او اكثر ولكن حاول ان تقوم انت بالتصديق وترفقه مره اخرى في ملفك. كنت اسمع وقتها عن صعوبة التصديق وان يكون بخطاب من المرجع وكنت محتار من هو المرجع هل هي الوزارة او ادارة التدريب والابتعاث او المستشفى الخ.

فقلت لنفسي لماذا لا استقي المعلومات من مصادرها فدخلت على موقع الملحقية الثقافيه في استراليا ومن ثم على اعضاء الادارة ووجدت اسم الشخص المسؤول عن التصديق هو الاخ الطاهر ومرفق ايميله ورقم مكتبه فقمت وراسلة الاحخ الطاهر واستفسرت منه بخصوص الخطاب ومن اين يكون فقال لي لامانع يكون من نفس المستشفى الي تشتغل فيه.

ذهبت الى شؤون الموظفين في المستشفى وطلبت منهم خطاب بأسمي موجه للملحق الثقافي السعودي في استراليا بغرض تصديق قبولي الجامعي (طبعا واجهت صعوبة في اقناعهم بأصدار الخطاب لعدم فهمهم ولخوفهم ان هذا الخطاب يعتبر تفريغ لي عن العمل ههههههه)

اخذت الخطاب يوم السبت ومسحته بالسكنر وأرسلته يوم الاحد بالليل حيث بداية دوام يوم الاثنين في استراليا الى الاخ الطاهر عن طريق الأيميل مع القبول وخلال اربع وعشرين ساعه جاني القبول مره اخر وهو مصدق ولله الحمد والمنه.

ايميل الأخ الطاهر عبدالله [email protected]

حبيت اسرد لكم القصه هذه لمساعدة اخواني على تصديق قبولاتهم وعدم انتظار الادارة لأنهم يأخذون وقت طويل في التصديق عشان يكون الملف جاهز ويدخل في اقرب لجنة اذا جاء دورك طبعا.


عذرا احبتي على الأطالة لاتنسوني من خالص دعائكم لي ولوالديِ.
وفق الله الجميع وحقق الله مرادكم.

تحياتي

صيدلي 11 10-26-2010 11:25 AM

بالعكس تصديق القبول ليس بالصعوبة التي يتخيلها الكثيرون وبالذات باستراليا .. والمسألة ما تطول حتى عن طريق التدريب والتدريب والابتعاث .. أنا أتكلم من واقع تجربتي الشخصية فقد تم تصديق قبولي من قبل ادارة التدريب والابتعاث في يومين فقط .. وقمت بالاتصال بالاخ حمد تحويله 811 فوجدت قبولي مصدق بعد أن أتيت اليهم وأعطيتهم نسخة من قبولي ..
وأيضا بإمكانك ارسال الضمان المالي المبدئي كإثبات انك موظف بوزارة الصحة والاخ الطاهر جدا متعاون راح يصدق القبول ..
بالتوفيق

Stubborn 10-27-2010 10:05 AM

السلام عليكم
عندي استفسار اخواني الحين انا متى اصدق قبولي بعد اللجنه ولا قبل
هل ارسل قبولاتي للاخ الطاهر عشان يصدقها قبل الضمان اللمالي ولا بعد
انا مقدمين شهر 7 سنه 1431 هـ
انا ارسلت قبولي للرياض بس مو مصدق فلبيز قولولي متى اصدق عشان مايكون شي ناقص : (

وشكرا " )

صيدلي 11 10-27-2010 02:40 PM

اقتباس:

المشاركة الأصلية كتبت بواسطة stubborn (المشاركة 446503)
السلام عليكم
عندي استفسار اخواني الحين انا متى اصدق قبولي بعد اللجنه ولا قبل
هل ارسل قبولاتي للاخ الطاهر عشان يصدقها قبل الضمان اللمالي ولا بعد
انا مقدمين شهر 7 سنه 1431 هـ
انا ارسلت قبولي للرياض بس مو مصدق فلبيز قولولي متى اصدق عشان مايكون شي ناقص : (

وشكرا " )


لا حاولي تصدقيه قبل اللجنة .. لأن القبولات الغير مصدقة راح يأخرونها للجنة التالية حتى يتم تصديقها .. فممكن يأخرك عن اللجنة..

mab_mt 10-27-2010 06:34 PM

اقتباس:

المشاركة الأصلية كتبت بواسطة صيدلي 11 (المشاركة 446563)

لا حاولي تصدقيه قبل اللجنة .. لأن القبولات الغير مصدقة راح يأخرونها للجنة التالية حتى يتم تصديقها .. فممكن يأخرك عن اللجنة..

الأخ صيدلي 11 في رد لك لأحد الأخوان قلت فيه إن إدارة التدريب والابتعاث هم يصدقون القبولات قبل ماتدخل اللجنة. طيب أنا مافهمت الحين هل الي مايصدق قبوله بنفسه يأخرون ملفه حتى لوكان ترتيبه قريب؟؟؟ أرجو إفادتي لأني أنا قبولي غير مصدق وترتيبي الرابع وحاولت أصدق القبول من الملحقية الثقافية في استراليا وأرسلت خطاب من المستشفى الي أنا شغال فيها وبرضه مارضو يصدقونه. وأتصلت على الأخ الدعجاني وسألته وقلي إذا ملفك من الملفات الجديدة انتظر. احنا وقت مايلزم الأمر وكان فيه مجال إنه ملفك بيدخل اللجنة بنراسل الملحقية وبنصدق قبولك.

صيدلي 11 10-27-2010 07:43 PM

انا لم اذكر ابدا انهم يصدقون القبولات قبل او بعد اللجنة ..
اللي ذكرته انهم يصدقون القبول على كل حال ولا اعلم متى يصدقونه ولكن الملف اللي يوصل عليه الدور وهو غير مصدق ياجلوه للجنة التالية ويرسلوا قبوله للتصديق ثم يدخل اللجنة التالية ..

mab_mt 10-27-2010 08:18 PM

شكرا لك أخوي صيدلي 11
طيب ايش الحل برأيك ايش أسوي عشان إدارة التدريب والابتعاث يصدقون قبولي قبل موعد اللجنة لأنه زي ماقلتلك عن طريقي عجزت أصدق القبول جربت كل الطرق ولم تنفع؟؟؟؟:(:confused::(

صيدلي 11 10-27-2010 08:34 PM

اقتباس:

المشاركة الأصلية كتبت بواسطة mab_mt (المشاركة 446659)
شكرا لك أخوي صيدلي 11
طيب ايش الحل برأيك ايش أسوي عشان إدارة التدريب والابتعاث يصدقون قبولي قبل موعد اللجنة لأنه زي ماقلتلك عن طريقي عجزت أصدق القبول جربت كل الطرق ولم تنفع؟؟؟؟:(:confused::(


تروح لهم بنفسك وتحضر معك صورة من قبولك وتطلب الاخ حمد يكتب لك خطاب يرسله للملحقية .. وبعد 3 أو أربع أيام كلم الملحقية علشان تتأكد انه تصدق .. وتطلب منه يرسل لك نسخة من القبول وتوديها لهم وتسلمها النصار .. كذا ما يصير عندهم أي عذر

mab_mt 10-27-2010 08:40 PM

ألف شكر لك أخوي صيدلي 11 الله يوفقك يارب

الله يعينني أضرب مشوار للرياض .

Stubborn 10-27-2010 08:51 PM

من جد كل يوم تطلع هرجه جديده ليش هالكلام ماعرفناه من اول ولا هذي تصانيف جديده

من جد هالدفعه غريبه كل شوي يخترعولنا شي

يعني الحين افهم من كلامك ماقدر اراسل الاخ طاهر بقبولاتي ويصدقها

ولا لازم اضرب مشوار للرياض واطلب من الاخ حمد يصدق قبولاتي ويكتب للملحقيه خطاب ويرسل لهم صور من القبول

طيب لو ماهو مصدق حيتاخر للجنه الي بعدها اوكي بس ممكن تتعدي اللجنه الثانيه وبدون مايطلبو تصديق قبول

لاني مثل مافهمت لازم صوره من الضمان المالي عشان الملحقيه تصدق القبول

طيب هل هم حيقومو بتصديق القبول بنفسهم ؟ ولا حيسيبوه كده بدون تصديق

انت انصحني بالشي الصحيح الي اسويه والافضل وجزاك الله خير " )


الساعة الآن 12:40 AM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط