آخـر مواضيع الملتقى

دعــــــاء

العودة  

ملتقى ترفيه الأعضاء لجميع المشاركات الترفيهية والهادفة

هام للمقبلين علي الزواج>المتزوجين لاشوفهم هنا

ملتقى ترفيه الأعضاء
موضوع مغلق
  #1  
قديم 03-10-2011, 04:47 PM
مشرف سابق
 



ولد القريات will become famous soon enough


بسم الله الرحمن الرحيم
تنبيه هام للمقبلين الزواج>المتزوجين لاشوفهم director.gif
للمقبلين الزواج>المتزوجين لاشوفهم 3ANDNA_NICE28.gif

أما قبل
أرجو من الاخوة المعرسين انهم يسكّرون الموضوع ويتوكلون على الله أخاف يثير هالموضوع شجونهم ويعرسون على حريمهم .. ووش عاد يفكني من الدعاوي>>للمقبلين الزواج>المتزوجين لاشوفهم hamar.gif

اما بعد اخواني اعضاااءمنتدانا
حبيت اتكلم عن موضوووع الزواج يا ريت تستفيدون
طيب واولا:



°¤ّ!_!ّ¤°( باب ماقبل الخطبة )°¤ّ!_!ّ¤°


الفصل الاول :ايش تسوي في البيت


اول شي الناس يختلفون في احد يستحي وفي احد وجهه زي قفاه غاسله بمرق فاذا كنت من النوع اللي غاسله وجهه بمرق ماله داعي تقرا هذا الباب روح للي بعده واذا انك من النوع اللي يستحيللمقبلين الزواج>المتزوجين لاشوفهم embarrassed.gif يقول لاهله انه يبي يعرس فاسمع الله يسلمك :
اول شي خلك حبيب معهم وسايسهم وبوس رراس ابوك كل ما شفته وكل ما شفت امك قلها ما تبغوا اوديكم السوق حتى ولو دوبهم جاين منه
المهم عاد ضبط امورك معهم ولمح وقول (احس اني مقصر معكم ومدري كيف اوفيكم حقكم وودي يجيني عيال اسمي عليكم )
عاد الوالده بتفهمها وبتقول (ليش ما تعرس يا وليدي ) لا تسوي فيها ابو الحيا وتقول لاحقين عليها
بتقول لك والله صادق وبتاكل هوا ...




الفصل الثاني: وش تسوي في الحاره

عاد هنا المهم فانتبه معاي وفتح عينك زين لا يجيك مخمس يعدل وجهك << بدا يمون
اذا نويت العرس لازم تبشك عند المسجد يالحبيب ولا يهونون شياب الحاره\يوم تسمع الاذان انقز زاحم الشياب على المسجد وسنتر لهم هناك
المهم بعد كل صلاة سلم على الامام وان حصل انك تبغى تقهويه تممام عشان لا يجحدك خخخخخ اذا سالو عنك اهل العروووسه , ثم يا طويل العمر سلم على الشواكيش حقين الحاره وادهر تبويس في الشياب لان الشياب يقدسون اللي يحبهم في راسهم ولو جا احد سالهم بيقولوا الرجال ما يفارق المسجد ولو عندنا بنت عطيناها له خخخخ ( احس انك الحين تقول انا ما حبيت راس امي وابوي عشان احب راس الشياب ذولي ... اها كلها شهر شهرين واذا ملكت اسحب عليهم خخخخخ


°¤ّ!_!ّ¤°( باب الخطبة )°¤ّ!_!ّ¤°


اذا بغيت تخطب ياطويل العمر .. اقعددد ولا تطبّ الا وأنت متواسي مثلي <<= يسايس المعزبه لا تعفسه
ترا بعضهم من كثر الهباله اذا مدحت له عن وحده طب عندها (ولا سال عنها زينه ولا شينه خخخ ولا سال عن ابوها وامها )الخ...
لازم تسال زين عنها
ومن جهة ثانيه لاتكون عينك قويه....تقول ابغا وحده عيونها عيون اصاله وخشتها خشه باسكال
وجسمها جسم نانسي ما ينفع تدري ليش ؟؟
لان وحده بذا الجمال ما بتطالع في خشتك يا حلو هههههههه [
وقبل لا تخطب جيب مرايا وطالع في نفسك وقول انت تستاهل الحلوه ولا لا
المهم اذا لقيت بنت الحلال لا تسوي فيها ثقه وتطق البشت وتروح انت وابوك عشان لا يطيح وجهك
لان يمكن تطلع مخطووبه ولا ما تبي تعرس ولا محجوووزه لولد عمها الخ الخ ... جب الرقم وخل الوالده تدق وتجس النبض وتخطب مبدئيا بالتلفونللمقبلين الزواج>المتزوجين لاشوفهم call.gif واذا مشيت الامور تمام روح على كيفك ...

°¤ّ!_!ّ¤°( باب مابعد الخطبه )°¤ّ!_!ّ¤°
اذا خطبت خلااص واتفقتو على كل شي لا تجحد شياب الحاره اصبر شويه سايسهم الين تشوفها وتشووفك وتجوزون .. وحاول تملّك بسرعه عشان مايصير فيه فتره طويله بين الخطبه والملكه وعشان يمديك تتزبط امورك وتستاجر بيت وتأثثه ووو الخ ..


°¤ّ!_!ّ¤°( باب الشوفة )°¤ّ!_!ّ¤°
عاد هذا اهم باب .... شوف يا حبيبي اذا خطبت وكل شي روح قل لابوها ابغا اشوف منيره اذا كان اسمها منيره ولا بشوف ريتا لا كان اسمها ريتا << بيطول الموضوع خخخخخ
المهم من جد قل لهم ابغى اشووف البنت وتشوفني ,, واهم شي قبل لا تشوفها لا ترسم في خيالك حوريه ولا ملكه جمال لا ترسم شي خليك طبيعي عشان ان جات حلوه تنبسط وان جات عاديه ما تنفجع( زي مي مي يعني )
وقبل ما تنزل من باب السياره نااظر خشتك عشان لا تحسب نفسك لبناني على غفله وانتبه لا تكون عروستك تناظر لك من الشباك هههههه فضيحه للمقبلين الزواج>المتزوجين لاشوفهم flag.gif
للمقبلين الزواج>المتزوجين لاشوفهم upset.gif
واذا دخلت عاد دور لك محل استراتيجي في المجلس ويفضل بعيد عن الباب عشان يمديك تتهيأ وتشوفها وهيا جايه << = اهم شي
وبعدين لو جلست حط عيونك فيها ولا تنزل عيونك المهم احرقها بعيوونك ولا تستحي تراك ما جيت تطق حنك مع اهلها جاي تشوفها ولا جيت تقهوي عندهم والاهم تشوفها زين مو لو قامت قلت لا ابي اشوفها مره ثانيه ما شفتها تمام اول مره ...... ترا مال امها داعي الحركه دي بنات الناس مو لعبه <<< خربت الاخلاق للمقبلين الزواج>المتزوجين لاشوفهم fasttalk.gif
وانتي كمان اذا دخلتي اجلسي شوي عشام يملا عيونه منك ...مو تجلسي الا انتي ناقزه وخلي راسك مرفووع عشان يشووفك لان هذا من مصلحتك ومصلحته ... واذا انك تستحي مرره يعني مسويه فيها البنت الخجووله ارفعي راسك ونزلي عيوونك وطالعي فيه ترا النظره لكم كلكم مو ببس هوا للمقبلين الزواج>المتزوجين لاشوفهم eyelove.gif
وانت كمان لا جا احد يبغى يشووف اختك لا تصيير لزقه وتناظره خلك عادي (وخله يناظر بكيفه )
<<< والله شديد للمقبلين الزواج>المتزوجين لاشوفهم grngrinbig.gif
المهم نكمل لما تكون عندهم اذا جابو عصير اشرب بس مو زي المفاجيع تبلع الكاسه كلها للمقبلين الزواج>المتزوجين لاشوفهم beer.gif
بعدين يقولون وش ذا الادمي .... وكلام انت مستغني عنه
ولا رحت لاهلك خذلك كرتون برتقال وخليهم يعصروه واشرب الين تنفقع كرشتك << اسلوب هههه






°¤ّ!_!ّ¤°( باب الملكة )°¤ّ!_!ّ¤°




اذا ملكت عاد سوي اي شي تبغاه ... واول شي تسويه اجحد شياب الحارة هههههههه
واذا سلّم عليك واحد منهم قل له شكلك مشبه يالشيخ ... للمقبلين الزواج>المتزوجين لاشوفهم weedsmilie.gif
وبعدين خذ رقم المدام عاد وشبكها بطريقتك بس لا تصير لزقه مررهللمقبلين الزواج>المتزوجين لاشوفهم dialog.gif وتدق عليها كل شوي البنت تقوم من النوم تلاقي 4084 مكامله منك شوي شوي ؟... اكل العنب حبه حبه
وعرّفها بنفسك وبميولك وطباعك وهواياتك وخلها تعرفك بنفسها .. بس فيه أشياء مهمه لازم تحطها في عين الاعتبار
أولها خلك " طبيعي " و " تلقائي " لاتكلف ابد .. وخلك صادق معها لاتعطيها من هالرخيص .. تكلّم عن نفسك بكل صدق وتجرّد عشان ماتاخذ عنك صورة اخرى .. .. لاتقعد تسوي فيها رومانسي وأنت من جنبها ، ولا تقعد تعطيها من هالرخيص وتقول أنا أحب جلسات البحر وانت عمرك ما جيت جدة ولا رحت الشرقيه للمقبلين الزواج>المتزوجين لاشوفهم liplick.gif
ولا تقعد تقول أنا أحب الجوري واللوتس والأوركيدا وأنت ماتدري هو ورد والا نوع من أنواع الفقع ، ولا تقول انا خجول وحياوي وأنت وجهك وقفاك واحد ، ولا تقول أنا هاديء الطباع ، وأنت تجيك أم العبيد في اليوم عشر مرات ، ولا تقول أنا كريم وأنت من اللي يحبون الريال ماتقضّى الا من محلات أبو ريالين
من جد لازم من أول مكالمه تعرّفها بشخصيتك الحقيقية بدون أي زبرقة أوزخرفة أو رتوش .. وابد بالعيوب قبل المزايا صح انها يمكن تنصدم كم صدمه بس صدقني انهم اهون الف مره من ان تنصدم فيك بعد الزوااج
والنقظه الثانيه : خليك طبيعي على كيفك وقول كيف الحال لخبارك علوومك ولا تحاول تسوي فيها اتيكيت وانت من جمبها لانك مفضوح مفضووح
وحاول تمر عليها كمر مره 4 او 5 مرات عشان تكسر حاجز الخوف والخجل بس لا تصير دعوه تسنتر عند بيتهم كل ليله
واذا جيت تبي تمرها من الذوق خذلها هديه حلوه مهما كان قيمتها
والافضل ان فترة الملكه ماتصير قصيره مايمديكم تتعرفون على بعض ولا طويله عشان ماتتشبّعون من المكالمات .. يعني التمام من الشهرين الين 3 شهور بس لاتزود أكثر ..






°¤ّ!_!ّ¤°( باب ماقبل الزواج )°¤ّ!_!ّ¤°




فصل الملابس :




اذا قرب الزواج طق لك نص درزن سرويل ونص درزن فلاين دروش اي حاجه وشماغين ولا ثلاثه
للمقبلين الزواج>المتزوجين لاشوفهم jumping.gif
وخليهم عندك للعرس
وفصل لك كم ثوب مو تروح العرس بثيابك القديمه
خليك لمعه
ومن طرف البشت خذلك بشت من صاحبك تلاقيه معرس قريب حرام تشتري واحد وتلبسه يوم العرس وترميه في الدولاب بعدين اما اذا كنت بتشتري برااحتك




فصل التأثيث:

هذا فصل غثه ومرض
شف يا حبيبي بعضهم يشاور المدام في كل شي وبعضهم ما يشاور في شي ابد
خليك في النص
شاورها شوي وسوي اللي في راسك شوي .....ترا ذوق البنات حلو مرره


نصيحة مهمة للشباب



اسمع اي واحد يملك والا يطلع مع حرمته بس نصيحه لوجه الله لا تسوي فيها رومنسي عشان ما تطقك الطفره لان اذا طلعتو سوا وعجبها شي تبغى تشتريها لو انها غاليه وفوق طاقتك وفوق رجلك وفوق رقبتك حتشرتيها لانك عيب تقولها لا غالي للمقبلين الزواج>المتزوجين لاشوفهم tiptoe.gif
وخلي التقضي بعد العرس عشان تصير تمون عليها خخخخخخخخخ
وانتبه تزغرط من الحمااس بتسطرك ترا




نصيحه مهمة للبنات



نصيحه لكي ترا الفتره بين المكله والزواج فرصتك الذهبيه في انك تشتري اللي تبيغيه وتسوي اللي تبغيه (وهو ما يشوف الدرب)
وان قلتي خلي التقضي بعد الزواج (رددي ياليل مطولك ) لانه بيموون عليكي يا حراام
حيودي الحراج ومحلات كل شي بريالين
للمقبلين الزواج>المتزوجين لاشوفهم stop.gif



فصل العطور :



أكيد انك ان شاء الله تبي تشتري لك كم قارورة عطر قبل الزواج إلا كانك مطوّع تبغي تشتري كم تولة دهن عود بس الأهم من العطور الخارجيه عطور الجسم أما البخاخ
" body spray"
" او العطور الزيتية "
و لازم ياطويل العمر تزرق زهور الريف والا
THE BODY SHOP
لا .. لا .. لا بصراحة ما اتحمل كل هاللغة .. ويقولون اني ما ارطن انقلش ( عساني كاتبها صح بس )
ولا تقول ماني فاضي والله .. تجمّل على الاقل الين يقضي شهر العسل ثم الله يعينهاعلى " ريحة الصنان"




فصل مالقيت له اسم






تنظيف الجسم


إذا بقى على عرسك يومين روح وخذ لك حمّام شامي والا مغربي تراه رخيص وحلو
وقبل ماتروح له اوزن وشف كم وزنك واذا طلعت منه اوزن وان مانقص وزنك 3 كيلو على الاقل لطشني من كثر هالوسخ اللي حيرووح للمقبلين الزواج>المتزوجين لاشوفهم bath.gif
المهم نظف نفسك تماااام خذها نصيحه


تنظيف السنون :


روح اقرب مستوصف اسنان يسووون تنظيف للسنون لا تقول اني افرش داايما تكذب على نفسك
واذا جو ينظفو بيلقون اكيد بقايا *****اك اكلته يوم كنت صغير خخخخخخخ
وباقي تونه ماكلها في الفسحه رابع ابتدائي للمقبلين الزواج>المتزوجين لاشوفهم zahn.gif
خخخخخخخخ
طيب


°¤ّ!_!ّ¤°( باب ليلة الدخلة )°¤ّ!_!ّ¤°































الوصول الى هذه الصفحه غير مسمووح به !

لا عاد امزح معاكم مسموح ٍ به ونصف و ودي افصفص لكم بس عاد لأن يوصل للجميع ويطلع عليه الذكر والانثى ويقرأه الكبير والصغير ابختصر في الباب هذا وابقول رأيي بكل إجمال ..
اهجد ولا تصير عجل ,, ترا الحرمه ما حتطير حتقعد عندك الين تفطس يا حبيبي ولا تخليها تحس انك
(( احم احم )) اكبر همك لان الزواج ارقى واسمى من الامور هذي وخلوني اقفل هالباب <<<<




°¤ّ!_!ّ¤°( باب تسمية المولود )°¤ّ!_!ّ¤°



من المعروف ان التسمية على الابو والام منتشره في مجتمعنا بس بصراحه اشوف انها ومن وجهة نظر شخصية مو حلوه الا إذا صارو ابوك و امك ودّهم تسمي عليهم ففي هالحالة سمي عليهم
وعشان بعد نفتك من سلسلة محمد بن عبدالله بن محمد بن عبدالله ...
ونفتك من انك اذا جيت في مجلس وقلت يابو ابراهيم التفت لك عشرة وقالوا نعم ، للمقبلين الزواج>المتزوجين لاشوفهم gusch.gif
ومن ناحية البنات الافضل ان الواحد يسمي بنته على بنات جيلها مو تسببلها عقده نفسيه وتسميها
محماسه ولا صنهاات خخخخخخ
المهم
اختار اسم عدل لا اعدل وجهك بمخمس <<< ثاني مره تخرب الاخلاق


طيب




هذا والله أعلم وصلى الله على نبينا محمد وعلى آله وصحبه وسلم


وعذرا على الاطاله اخواني
للمقبلين الزواج>المتزوجين لاشوفهم 3ANDNA_NICE28.gif
م/ن
تقبلو تحياتي
شارك
مشاركة في فيسبوك مشاركة في تويترمشاركة في قوقل بلص


من مواضيعي : ولد القريات
  رقم المشاركة : [ 2 ]
قديم 03-10-2011, 04:52 PM
RX
بروفيسور صحي
 

RX will become famous soon enough
افتراضي

ههههههههههههههههههههههههه يسعدني اكون اول واحد يرد عليك

وتسلم على الموضوع التوووحفة هههههه والله يسعدك ويزوجك قول آمين ههه
من مواضيع : RX
RX غير متواجد حالياً  
  رقم المشاركة : [ 3 ]
قديم 03-11-2011, 06:35 AM
بروفيسور صحي
 

ممرض الوسطى has a spectacular aura aboutممرض الوسطى has a spectacular aura about
افتراضي

الله يرزقنا وياك بحوريااااااات الاخره
الا خلها على الامور على عفويتها
من مواضيع : ممرض الوسطى
ممرض الوسطى غير متواجد حالياً  
موضوع مغلق

مواقع النشر (المفضلة)

الكلمات الدليلية (Tags)
للمقبلين, لاشوفهم, الزواج>المتزوجين, على, هام, هنا


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
فحوصات ما قبل الزواج ، للمقبلين والمقبلات على الزواج بدر عبدالله الغنام ملتقى المختبرات الطبية 73 10-19-2015 09:59 PM
برنامج التأهيل الأسري للمقبلين على الزواج وئام للرعاية الأسرية ملتقى المواضيع المكررة والمحذوفه 1 10-09-2011 05:39 PM
برنامج التأهيل الأسري للمقبلين على الزواج وئام للرعاية الأسرية ملتقى المواضيع العامة 2 03-15-2011 10:13 PM
«الصحة» تلم شمل موظفيها المتزوجين صالح عبدالخالق ال زيد منتدى وزارة الصحة 9 02-07-2010 05:52 PM
دراسة غربية: غير المتزوجين يموتون قبل المطلقين والأرامل أخصائيه نفسية ملتقى تمريض النساء والولاده والاطفال 5 03-15-2008 04:38 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 07:50 PM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط