آخـر مواضيع الملتقى

دعــــــاء

العودة  

ملتقى ترفيه الأعضاء لجميع المشاركات الترفيهية والهادفة

قصة بنت مقهورة

ملتقى ترفيه الأعضاء
موضوع مغلق
  #1  
قديم 03-31-2011, 04:36 PM
مشرف سابق
 



ولد القريات will become famous soon enough


هذي قصه منقوله على لسان بنت

كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان...

قلبت القناة على قناة fuziah (لحد يسألني وشي قناة فوزية اسألو الوليتا بس لووول)...

لقيت عرض ازياء فساتين عرايس... قلبت لقيت خطوات وضع مكياج العروس... سكرت التلفزيون وجريت الونة



التفت على ابوي اللي نسيت تماما انه كان جنبي. .. قال لي ابوي:



خير ان شاء الله يابنتي؟! وش فيك؟! عسى ماشر؟!


انا تلخبطت ساعتها وفتحت له التلفزيون وقعدت ساكتة...



ايه اكيد بسكت وش اقول؟ اقول له ودي اعرس؟؟؟ (
يعني اتزوج بالعربي
)... اقول له ان صاحباتي اغلبهم تزوجو؟؟؟

ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ...

اوف والله غثا يا بخت جداتنا ماتطق الوحدة العشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة...



وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية:



-وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة احلى نوف عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...


والتفت ابوي علي وعطاني نظرة غريبة





انا ساعتها قرصني قلبي مو من ردود ابوي بس من نظراته الغريبة



رد ابوي على المتصل: وش فيها زود طيب؟... لا بس مافيها أي ميزات عن الباقي...



>>>ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل

رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله



انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري... يوووووه أخيرا بلبس فستان ابيض منفووووووش



اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مطوعة مالي خلقها تحوسني لو حطيت اورج... وبشتري اغراض واشيل واحط واخطط... بيصدع راسي بس ولو لذيذ هالصداع...

يوم قفل الخط ابوي التفت علي وهو مبتسم ابتسامة تعجب وهو ساكت... قلت:

- هاه يبه؟ متى بيجي يشوفني؟


- منهو

- هذا اللي خطبني تو


- وشو؟!


- خطيبي اللي تو

- تموووووونين انتي ووجهك صار خطيبك على طول ماعندك وقت



- ايه يبه ترا احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه... وجع يبه بعنس من تحت راس فعايلك بخطاطيبي...

والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل



حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك

- هي انتي وين رحتي حدك حدك لا تشطحين!!!


- وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة


- أي عريس واي هم؟؟!!... انتي مصخنة؟؟ ... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ خخخخخخخ....
قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو...



انا لا تسألون عن وجههي...
الله يقطع ام العجلة اللي تعرفونها... مشكلتي اني اجزم على طوووووول لووووووووووووول.


استروا ماواجهتوا




تحياتي
شارك
مشاركة في فيسبوك مشاركة في تويترمشاركة في قوقل بلص


من مواضيعي : ولد القريات
  رقم المشاركة : [ 2 ]
قديم 03-31-2011, 04:46 PM
كبار الشخصيات
 

عفويه will become famous soon enoughعفويه will become famous soon enough
افتراضي

هههههههههههههههه
بصراحه هالبنت .....................
مستعجله ع العرس!!
الله يصلحها....لاحقة ع القرف...
تحيااتي لك
من مواضيع : عفويه
عفويه غير متواجد حالياً  
  رقم المشاركة : [ 3 ]
قديم 03-31-2011, 04:51 PM
مشرف سابق
 

ولد القريات will become famous soon enough
افتراضي

اقتباس
  المشاركة الأصلية كتبت بواسطة عفويه
هههههههههههههههه
بصراحه هالبنت .....................
مستعجله ع العرس!!
الله يصلحها....لاحقة ع القرف...
تحيااتي لك

يمكن خايفه من شبح العنوسه

شكرا لك على المرور

دمتي بود
من مواضيع : ولد القريات
ولد القريات غير متواجد حالياً  
  رقم المشاركة : [ 4 ]
قديم 03-31-2011, 11:34 PM
بروفيسور صحي
 

حلم! will become famous soon enough
افتراضي

وووووهـ وووووووهـ ,,,فشيييييييييييييييييييييييييييله
بعمري ماعرّست,,ما أقولها قدام أبوي,,, ياطيحت الوجه
(ما أدري وش معجلكم عالزواج كله مسؤوليه)
من مواضيع : حلم!
حلم! غير متواجد حالياً  
  رقم المشاركة : [ 5 ]
قديم 04-01-2011, 12:55 AM
صحي نشط
 

ندى الازهار will become famous soon enough
افتراضي

يااااااااااا حرااااااااااام

خايفه يفوتها قطار الزواج ولا بعد وزاره الموصلات كلهاااااااا

يجي نصيبهاااا الاتستعجل
من مواضيع : ندى الازهار
ندى الازهار غير متواجد حالياً  
  رقم المشاركة : [ 6 ]
قديم 04-03-2011, 03:19 AM
بروفيسور صحي
 

ممرض الوسطى has a spectacular aura aboutممرض الوسطى has a spectacular aura about
افتراضي

الزواج أستقرار
يعطيك العافيه ع النقل
من مواضيع : ممرض الوسطى
ممرض الوسطى غير متواجد حالياً  
موضوع مغلق

مواقع النشر (المفضلة)


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
والله مقهورة .. ملفي ولله الحمد لم ينقصه إلا الواسطة مسـ طبيب اسنان ــاعدة ملتقى الخريجين 10 05-12-2010 10:23 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 03:33 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط