آخـر مواضيع الملتقى

دعــــــاء

العودة  

صفحــــــة خاصــة لـــــ سعد بن جدلان

الملتقى الأدبي
موضوع مغلق
  رقم المشاركة : [ 21 ]
قديم 04-09-2011, 04:21 AM
كبار الشخصيات
 

عفويه will become famous soon enoughعفويه will become famous soon enough
افتراضي

انا يوم اجيّ وأمركم ياوليفي حنج = ولا وديّ أقرابك تلدّ النظر فيّه

لعبّ بيّ غرامك فالخفا لعبة الشطرنج = ليا دار لعبه بين الأعضاء السياسيه

وسبح بي غرامك سبح موج البحر فاللنجّ = غفلت وغدابي حبّك شويّه ..شوّيه

لاشفت زولك قام يدخل أعظامي بنج = أسولف مع العالم وقلبي له نحيّه
من مواضيع : عفويه
عفويه غير متواجد حالياً  
  رقم المشاركة : [ 22 ]
قديم 04-09-2011, 04:27 AM
كبار الشخصيات
 

عفويه will become famous soon enoughعفويه will become famous soon enough
افتراضي

سبحان واليك ياليلٍ سرى برقه = أراقبه والعرب في نومها غرقا

ماصدّت من شوفك الاّ الهم والحرقه = بعض الملاقا تعوّضني به الفرقا

حبٍ مع حبّ غيري ماظهر فرقه = غديتّ كنّي شفيع وحبّه الزرقا
من مواضيع : عفويه
عفويه غير متواجد حالياً  
  رقم المشاركة : [ 23 ]
قديم 04-09-2011, 04:28 AM
كبار الشخصيات
 

عفويه will become famous soon enoughعفويه will become famous soon enough
افتراضي

كمّ مفرقٍ كلّ ماجيته تعديته = اشوف خطّه ولا أقراء ويش لوحاته

ياكود مفرق رقبة العطف لاجيته = يفرض عليّ الألتفاته والتنهّاته

فيّ حشمة الليّ مصافيني وصافيته = من خلقتي ماحدٍ سوّى بيّ سواته

مايسمح البال لين أقف على بيته = وأضرم له أضرامة الزيدي على قاته
من مواضيع : عفويه
عفويه غير متواجد حالياً  
  رقم المشاركة : [ 24 ]
قديم 04-09-2011, 04:28 AM
كبار الشخصيات
 

عفويه will become famous soon enoughعفويه will become famous soon enough
افتراضي

انا الليّ همومي صايراتٍ عليّ كدر = لوّ انها تحوّل فوق غيري فقد عقله

لامنه اشتغل موضوعها داخل الصدر = تقلّ فايزٍ وسطه فريقٍ يصفقّ له

على الصاحب الليّ مانويناه بالغدر = شفوقٍ عليّ وانا ماغير أتشفقّ له

بنا بيت حبّه فالحشا واسس الجدر = وخلاّ معاليق الضماير تخافق له
من مواضيع : عفويه
عفويه غير متواجد حالياً  
  رقم المشاركة : [ 25 ]
قديم 04-09-2011, 04:29 AM
كبار الشخصيات
 

عفويه will become famous soon enoughعفويه will become famous soon enough
افتراضي

ياكبديّ الليّ من الحرمان منهشمه = فيها من العام نجارٍ بشاكوشه

والليّ هشمها شفاتٍ دونها حشمه = أرهى على الليّ تبي نفسي ولا أنوشه

حجزٍ يرّد الرجاوي من ورى خشمه = وأنّ رده الحجز والاّ ضاع فالطوشه

عمّر بيوتٍ على بيبانها رشمه = وبطونها بأفخم الشيراز مفروشه
من مواضيع : عفويه
عفويه غير متواجد حالياً  
  رقم المشاركة : [ 26 ]
قديم 04-09-2011, 04:29 AM
كبار الشخصيات
 

عفويه will become famous soon enoughعفويه will become famous soon enough
افتراضي

مدري متى تقدرين المشيّ يارجلي = حتى لامنّي بغيت الازم أنهجله

أمرّ راع العيون النعّس النجلي = الليّ لذا الحين وجروحي منه وجله

هرجه كما السكر الليّ في لبن هجلي = لا روّحت من نبات المكر والرجله

مدامعٍ من بشاشتها تبلّجلي = أشفي لها من لأغاره والشفق لجله

ويضفيّ على لبةٍ كالوهرّ المجلي = شقرٍ تقل من حرير الهند ينسجله
من مواضيع : عفويه
عفويه غير متواجد حالياً  
  رقم المشاركة : [ 27 ]
قديم 04-09-2011, 04:30 AM
كبار الشخصيات
 

عفويه will become famous soon enoughعفويه will become famous soon enough
افتراضي

أنا وين أبلقى يالاجاويد فاعل خير = حريصٍ على سرّ المحبين لارسلته

أناّ لوّ أبصبر عام مابان بي تأثير = وهالحين حتّى الصبر يومين ما أحتلته

أنا مثل صقارٍ تولّع بحبّ الطير = ولف قلبه فروخ الصورايم وهبلته

تولعّت في فرخٍ قضيبٍ يتلّ السير = ابيّ نظرتٍ من لفتة الحرّ وسبلته

صغيرٍ بسنّه غير عندي ماهو بصغير = يامغلاه في قلبي وياكبر منزلته

أجمعله سمان الهرج خوفٍ من التقصير = والى جيت ابشرح له كلامي تهيزلته

يجيني منّه هيبه . معزه . سحى . تقدير = اقابله عندي علم وأروح ماقلته



راااااقت لي
من مواضيع : عفويه
عفويه غير متواجد حالياً  
  رقم المشاركة : [ 28 ]
قديم 04-09-2011, 04:31 AM
كبار الشخصيات
 

عفويه will become famous soon enoughعفويه will become famous soon enough
افتراضي

> الروض الخضر <


يازين المشي في الروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار
سعادة للقلوب اللي من السلوان مسرورة
متى عيني تشوف اللي على قلبي ربيع ودار
أشاهد للسعادة في حياة المجتمع صورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سماغر المزون وشعشع النوار
ودجاه أدلى سدوله والقمر متجلي نوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره
من مواضيع : عفويه
عفويه غير متواجد حالياً  
  رقم المشاركة : [ 29 ]
قديم 04-09-2011, 04:31 AM
كبار الشخصيات
 

عفويه will become famous soon enoughعفويه will become famous soon enough
افتراضي

ون ابن جدلان



ون ابن جدلان من لايع لاعه = كن في كبدي دوافير صناعي
العب المنكوس واحب روباعه = ممل في الوقت والوقت خداعي
مادريت ان ضحكة الوقت خداعه = شفت مدخالي ولا شفت مطلاعي
لابغيت اسج والا انبسط ساعه = دق قلبي من وراء حدب الاضلاعي
كن من بين الضلوع اله طباعه = تشتغل لانمت واقوم مرتاعي
هم قلبي ما يفرق تجماعه = غير جر الصوت والناس هجاعي
فاقد لي سلعه واكبر ابضاعه = سلعة تشراء ولا هيب تنباعي
رفقة الطيب ليا غير اطباعه = اشهد انها كية توجع اوجاعي
راكب الي صممه صاحب اصناعه = جمس بيك اب من حديثات الانواعي
الغريب الي جديد من انواعه = حوض رفرف مايبي شد وشراعي
لا انس البنزين عجل تفرقاعه = مخطر من سرعته يقلع اقلاعي
لا تحرك شفت في القاع مشلاعه = والتواير تظهر الماء من القاعي
ينعش القلب الحزين ابتهملاعه = لا مشا قام يتهملع تهملاعي
لاوطى الارض ألتعش كن تهزاعه = بنت شيخ طامح من ولد راعي
في رجاء الغايب تحرا لمرجاعه = تنقد العشاق وتطق الاصباعي
نفسها من جمله الناس منصاعه = ماتبي الا واحد ذكره ايشاعي
ينحر اللي يأخذ الطيب بذراعه الصديق الصافي الصامل الواعي
الوفاء والطيب ساسه ومنباعه = يوم بعض الطيب تقليد وصناعي
لا وصلتوا فأخبروني عن اوضاعه = واخبروا راعي السمارا عن اوضاعي
انشدو ويش السبايب بمهزاعه = لا علي ناقص ولا ابيه فزاعي
ودنا نرضيه ونحاول اقناعه = كان بن مهمل بعد يسمع الداعي
كان يبغا حق للحق قطاعه = نقنعه والحق ماعنه مجزاعي
وكان مبغض في الرياجيل بتاعه = لا يجي ناقد ويلحقني ارياعي
للصديق نخلي النفس خضاعه = ما نوريه الجفا والتمطاعي
الصداقه عندنا ذخر وطماعه = صحبة ماهيب صحبة تمتاعي
حد جدتها على البرق لماعه = وان خذت يومين مفعولها ضاعي
فإن تليمنا على العز والطاعه = وان تفرقنا فجوج الله أوساعي
ما أطرد المقفي ليا صفط أشراعه = مخبل اللي للمقفين تباعي
من يحط اذنه على كل سماعه = جاه فرقا ما عدها تجماعي
والزباد اختام هرجي ومطلاعه = يدفعه من ريحة المك ذعذاعي
من مواضيع : عفويه
عفويه غير متواجد حالياً  
  رقم المشاركة : [ 30 ]
قديم 04-09-2011, 04:32 AM
كبار الشخصيات
 

عفويه will become famous soon enoughعفويه will become famous soon enough
افتراضي

الا ياالله ياللي تحت هيبة سلطنتك اسلمت
لك المسلم يسبح لك بحمدك ولك الاسلامي



احمدك واشكرك واثني عليك بما علي انعمت
تزودني وفا قدر العشير ووصل الارحامي



ولجك الفجر ياليل الذهول اللي علي اضلمت
بعرضك واقع الماضي بعيني عرض الافلامي



ولهتك يالنديم اللي على صافي وفاك اضرمت
بصفحة ذكريات العام واللي من ورا العامي



بعد تقرير مشوار التجارب نجحك واجزمت
بان السيف سيفي والعصا والمحزم احزامي



عطتني عزلة اخلاصي معك نسيان من نادمت
كتبتك وانطوت صحفي عليك و جفت اقلامي



اباهي لا ابالي واتبيسط كل ماقدمت
اشب النار قدام العرب واشيد اخيامي



نهاري حر شمسه يستحي منها لسان الشمت
وليلي ترقب نجومه ملامة كل من لامي



على ضو الكلام اللي كشف عنا ستار الصمت
عرفت اني تحت برق الامل في روض الاحلامي



احسب انك تيمم با اتجاهي وين ما يممت
واثر ما انت بورايه في الطريق ولانت قدامي



مصيبه لاتدنت قيمتك في عين من قيمت
يشوفك بالسهل وانته تشوفه بالسما السامي



كثر ماحن قلبي للونيس وكثر ما درهمت
فجر صدري حنيني واتعب الاقدام درهامي



عيون الصد وعيون التجافي حول مهما اكرمت
تشوف المجتهد كسلان والبناي هدامي



مدام ان جانبك شام لجنابي وانت عني شمت
كثر خيرك وانا مانيب لاجايع ولاضامي



اشوف انه علي واجب ليا مريتكم سلمت
مرور اكرام تربطه الكرامه عند الاكرامي



على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي



ختام السالفه ياطيب العشره كرمت ودمت
هذا حقك علي وحق شرهاتي على اوهامي



مصير الوقت يشرح لك دروسه وان غفلت ونمت
يصحيك الزمان اللي يصحي كل من نامي



تذكرني لامنها خابت اوهامك فمن وهمت
وشفت الفرق في حب الخشوم وحب الاقدامي


راااقت لي
من مواضيع : عفويه
عفويه غير متواجد حالياً  
موضوع مغلق

مواقع النشر (المفضلة)


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
لـــــ كل من سكن قلبه مُغني وفنان جرووووح السنين ملتقى النفحات الإيمانية 3 05-17-2010 07:42 PM
فني صيدلي بالباحة يرغب بالنقل لـــــ جده أو الطائف ف/صيدلي تخصص صيدلة 0 10-26-2008 11:26 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 01:55 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط