آخـر مواضيع الملتقى

دعــــــاء

العودة  

ملتقى المواضيع العامة للحوارات الهادفة والنقاشات البناءة والمواضيع العامة

ما حصل معي في مديريه الشؤون الصحيه بالقصيم؟

ملتقى المواضيع العامة
موضوع مغلق
  #1  
قديم 04-15-2011, 03:17 AM
بروفيسور صحي
 




العضـيله will become famous soon enough


السلام عليكم ورحمه الله وبركاته
اخواني واخواتي أشكركم على هالمنتدى الناجح وعسى الله يكتب لنا الاجر ونفيد بعض لأن فيه ناس استفادت والله يوفقنا وينقلنا انه السميع المجيب.
بس أنا حبيت أقولكم قصتي مع شؤون صحه القصيم ومعاناتي معهم طول هالسنين.وماقلت هالشي إلا من شي يقهر والقهر لما تسكت.
بصراحه يعني لهالدرجه مالقوا حل أو مافيه عقول تفكر شي غريب ؟
الموظفين اللي يلعبون من ورانا والقهر ان معالي الوزير نايم وهو مايدري والمشكله انه مايدري أويدري وساكت لأنه خايف على الكرسي.
ماراح أطول عليكم المهم القصه هاذي حصلت معي ....بعد التخرج؟
,,,,أول ماتخرجت قبل خمس سنوات رحت لشؤون صحه القصيم قدمت أوراقي قالولي رقمك الخامس أمسك سرا قبلك أربعه بس صدقني
ماراح توظف طبعا اللي يقول هالكلام موظف بشؤؤن الموظفين قلت:ليش ماأتوظف وحنا درسنا وتعبنا كل هذا لخدمه وطناوالدوله ماقصرت عطتكم الارقام
وقالت وظفوا أبنائنا اللي مايوقف الا حنابعدالله (والكل عارف وشايف الاحداث اللي حصلت بالدول المجاوره الله يعينهم ويرجعلهم الأمن والامان ).

المهم قال:الارقام اذا جت نجيب الناس اللي خارج منطقه القصيم ونعينهم عليها بس مانوظف ناس جدد لأن موقفين التوظيف الجدد من خمس سنوات بس نجيب الموظفين
اللي خارج منطقه القصيم ...؟(والله حاله الآليه يتحكمون فيها المديريه والوزاره تتفرج قفلوا وزارتكم يامعالي الوزير).
المهم طبعا تعرفون كل يوم وأنا عندهم جلست ورقمي ماتحرك ولاعنده نيه يتحرك .قالي:الموظف نفس الكلام حنا نعين الناس اللي خارج منطقه القصيم.طبعا جلست

سنه وأنا كل يوم مصبحهم أهم شي أخذت ملفي وشهاداتي اللي ماتوقعت في يوم ان شهادتي تخليني أتغرب كان قدمت على العسكريه أيام المتوسطه وأداوم عندأهلي.
أهم شي قدمت على منطقه حائل وقبلوني أول ماتعينت بعدها بشهرين رحت لشؤون الصحيه بالقصيم وكالعاده وعطيتهم أوراقي ومباشرتي تصدقون طلعلي نفس الموظف اللي يقول:
إحنا من خمس سنوات وأكثر مانوظف أحد .
قدمت طلباتي أول ماشاف المباشره قالي :انت جديد كمل سنه وتعال ..قلت طيب خذ اوراقي وانقلوني بعدسنه صبرنا هالسنين بنصبر هالسنه خذ الاوراق.(واقفه على هالسنه)
قال:مانستقبل الطلبات الا لما تكون صار على خدمتك سنه وأكثر,,,طبعا طلعت من عنده اجر أذيال الهزيمه كالعاده (لوقضيه قصاص انتهت)
جلست سنه ورحت لم الشؤون الصحيه بالقصيم..كالعاده قلت :أنا صارلي سنه وأبنقل طبعا عندي ظروفي وفيه أوراق تثبت ذلك (أهل القلوب الرحيمه ماتت ويقولون الدنيا
تغيرت .الله يرحمنا أنا أشوف العجاج طول هالسنين وقله الامطار).
قال الموظف:الآليه اللي عندنا حاليا نوظف الناس اللي ماتوظفوا أنت متوظف .
قلت :طيب كيف توظف ناس جدد وأنت تقول موقفين التوظيف.وحنا متغربين خلهم يتغربون مثلنا وبعدين انا كنت ماسك سرا وكان رقمي الخامس وقلتولي حنا نجيب الناس اللي
خارج منطقه القصيم وانكم موقفين تعيين الجدد لكم أكثر من خمس سنوات وخلتوني أصدقكم وسحبت ملفي(ناس ماعندها ذمه حقوق الناس صارت لعبه)
قال :وش نسوي ازعجونا هالجدد وقالوا إحنا ماتوظفنا و ليش تحطون ناس متوظفين علشان كذا بنوظفهم
(طبعا الشي هذا من فوقه وغصبن عليه)
(طيب ليش تخلوني أسحب ملفي)

شفتوا وين وصله مهزله الشؤون الصحيه شفتوا ان الشؤون الصحيه يتحكم فيها ناس أصحاب ذمم رديئه ناس تلعب لمصالحها ومصالح أقاربها ولاتنسون فضيحه مدير الشؤون الصحيه بالقصيم مع حارس الأمن وبعدها لانرى من يحرك ساكنا (ويادار مادخلك شر)

.أحيانا أحس إني موسعودي لأني أتعامل مع ناس بالنسبه لهم أنا شخص
أجنبي؟
حسبي الله عليهم مع العلم اني احمل اوراق رسميه تثبت ظروفي وليته ظرف اوظرفين اوثلاثه..الله لايريكم اي مكروه
المهم نفس المعاناه جيتهم بعد اربع سنوات من المعاناه قالوا:الآليه اللي عندنا نعيين عليها الناس المنتدبين عندنا؟؟؟(كل سنه ولهم آليه والريس وزيرنا نايم هههه)
بصراحه ماراح تنقلون حتى يتغيرون الموظفين اللي بشؤون القصيم طبعا البعض وليس الكل لأن فيه ناس تبي الخير للغير طبعا كلامي لشؤون القصيم لأن هذا اللي شفته
وأعتقد شفتوا أكثرمني أما المديريات الاخرى لا أعلم.
بعض موظفي الشؤون بالقصيم يبغون المنفعه للغير.ولكن كلن يدور على الثاني زله وتجسس وهذا اللي خلاهم يتكتمون طول هالسنين وأولهم كبيرهم الوزير (اللي لاحرك ولابرك)
طبعا الآليه اللي يقولونها ليس هناك آليه للتعيين الارقام الموجوده عندهم وانما هي(آليه أبناء الأكباريه)
يعني تذكرون أول ماقدمت عليهم قالوا حنا موقفين من خمس سنوات كانت الآليه لأبناء الاكباريه(عاد ياكثرهم لأن اغلب رجال الاعمال والهاي هاي بالقصيم)
فكانت آليتهم التي يدعونها ..انهم يتم تعيين أبناء الاكباريه (أهل الواسطات ) اللي خارج منطقه القصيم وكانت آليتهم يجيبون ابنائهم,,,
فكانت الآليه يجيبون اللي خارج منطقه القصيم(مالنا بالطيب نصيب ولاكان جابونا معهم)
وبعد سنه لما جيتهم كان أبناء الاكباريه ماسكين سرا فكانت آليتهم توظيف الناس الجدد (حظي شين يوم كنت ماسك سرا مامعي ولاواحد من عيال هالكباريه كان تعينت معهم)
,,,وبعد أربع سنوات كان أبناءالأكباريه منتدبين فصارت آليتهم تعيين المنتدبين (ليتني كنت مع المنتدبين كان عطوني رقم)...ولهذا سميت(آليه أبناء الأكباريه)...
يعني الآليه حسب رغبات أبناء الأكباريه ويحققون رغباتهم.
طيب يعني اذا صار أبوي الله يرحمه ويرحم جميع أموات المسلمين لايملك من العقار والقصور والشركات شي..
خلاص أعيش طول عمري مغترب..
طيب اذا ماعندي واسطه ولاأعرف أحد بالوزاره أو بالشؤون أعيش طول عمري مغترب ويمكن أموت وانا أتمنى أداوم لويوم من عند أهلي

وقفات::
*وزيرالصحه:ليش ماتكون الآليه من عندكم ليش حاط الآليه عند ناس ماعندها ذمه وكل سنه ولهم آليه (صحصح صحصح يامعالي الوزير)

*وزير الصحه :أدري انك مشغول لأن عندك حاله استحمام لمده شهرين بالمغرب مرتاح بالقصر اللي بأغادير وحنا مغتربين ولنا الله..

*يقولون ليش الموظف مايخلص في عمله قلت أسالوا معالي الوزير وماراح نخلص حتى ننقل... الذمه من الحين أبدوس على ذمتي تحت رجلي( أعزكم الله ياسامعين)

*ماألوم شؤون الصحيه بالقصيم لأن لما يجي شخص ولد ناس عادي واحد ولد الاكباريه أكيد راح أنفع؟؟؟؟؟؟طبعا لاتسألوني عن الذمه أبمشي لمصلحتي وفايدتي وبعدين
حاسبوني على ذمتي؟؟

؛وزير الصحه:تذكر ان بينناوبينك جنه ونار وحساب والله ماراح أحللك لا أنت ولا موظفيك لأن راح عمري وفقدت أعز الناس وأنا مغترب والوعد يوم الحساب وخل وزارتك تنفعك
الله لايسامحك الله لايسامحك الله لايسامحك حتى تشوف لنا حل وتنقلنا؟؟

*وزارة الصحه :معقوله طول هالسنين مالقيتوا حل للنقل هل يوجد نقص بالعقول المفكره والمدبره استعينوا بالفيدراليه وريحونا تعبنا بجد.

*وزيرالصحه:أذا كنت تفصل التوأمين نرجوا هالمره لاتكون عمليه فصل وإنما جمع يعني اجمعنا مع أهلنا ونقلنا.

*وزيرالصحه:للمره المليون اذا عرفت أنك لم تقدم شي فكن شجاعا وقدم اسـتـقالتـك الاسـتقاله خير وسيله لك لأن هناك رجال يعرفون كيف يديرون الوزاره.

*اخواني واخواتي أ كثروا من الدعاء لله لأن الله سبحانه هو خالق الوزير وخالق موظفيه وليس بعاجز ان يسخرهم لنا ويخليهم ينقلونا..

وآسف على بعض الالفاظ لكن اللي ايده بمويه حاره موزي اللي ايده بمويه بارده.. أستودعكم الله

وصلى الله على نبينا محمد وعلى اله وصحبه اجمعين
والسلام عليكم ورحمه الله وبركاته

أخوكم المناضل في غربته العضـيله
شارك
مشاركة في فيسبوك مشاركة في تويترمشاركة في قوقل بلص


من مواضيعي : العضـيله
التعديل الأخير تم بواسطة العـــود الأزرق ; 04-15-2011 الساعة 05:49 PM.
  رقم المشاركة : [ 2 ]
قديم 04-15-2011, 04:02 AM
كبار الشخصيات
 

عفويه will become famous soon enoughعفويه will become famous soon enough
افتراضي

وزيرالصحه:للمره المليون اذا عرفت أنك لم تقدم شي فكن شجاعا وقدم اسـتـقالتـك الاسـتقاله خير وسيله لك لأن هناك رجال يعرفون كيف يديرون الوزاره.

يسلم منطوقك اخوي العضيله ربي يزيح همك ويفرجها عليك وعلى الاخرين قسم بالله انني اسعى وادور من يفيد في طلبات النقل اللي هنا او بمنتديات ثانيه والله يعلم ان لا ناقة لي ولا جمل
سوى ان انهي هذا الصراع التجهمي..واسعى للتقريب..
والله اخوي لو كنت اعرف احد لا افيدك..
والله انني لم اندم انك اخذت من وقتي لقراءة مقالك بالرغم انني اكره قراءة الخط الصغير ودايم اقفل الصفحه..
معاناتك ..معاناه والفساد بالمديريه بالقصيم حدث ولا حرج حتى صرنا نعرف من المفسدين وعجت رائحتهم بجميع المواقع..
ولا كانهم يسمعون ولايقروون..
حسبي عليهم الله..والى الله المشتكى..
انت واحد وقرأنا له ..كيف بمن لم يتمكن من دخول الشبكات..ولا الوصول الى الصحف...
والمسؤولين اتحدى من يوصل لهم..
حتى خادم الحرمين ردونا عنه,,
بفلان الفاسد والمليونير...
الفساد ليس بهذه المديريه وليس بتلك والله انه متشعب بجميع وزارات المملكه واولها وزارة الشؤون الاسلاميــه وماحدث قبل فتره خير دليل..

اطالب بالتقييم لهذا الموضوع...
تقبل تحياتي
من مواضيع : عفويه
عفويه غير متواجد حالياً  
  رقم المشاركة : [ 3 ]
قديم 04-15-2011, 04:16 AM
صحي نشط
 

staff of moh will become famous soon enough
افتراضي

اخوي العضيله نفس المعاناهـ عايشتها مع صحة القصيم

بس الية التوظيف تغيرت بعدما تغير مدير عام الشوون الصحيه بالقصيم د\هشام ناظره .

يعني المشكله عند الدكتور هشام ناظره


وزارة الصحه قمه في الفوضويه وزاره كلها واسطات في واسطات دبر نفسكـ في الوزاره مع احد الروووووس
الكبيره وانشاءالله يزين وظعكـ وتضبط اموووركــ عال العال
من مواضيع : staff of moh
staff of moh غير متواجد حالياً  
  رقم المشاركة : [ 4 ]
قديم 04-15-2011, 04:23 AM
صحي نشط
 

ابوفهد 2005 will become famous soon enough
افتراضي

سجل عندك سبع سنوات وحنا على الحاله والله اني اعرف ناس كثر مثلي ومثلك الله يفرج همك وهمي ...
وعلى فكره ترى واحد من الدفعه انا الي معلمه عن التقديم بالرياض وتعين قبلي ونتدب الى المستشفى الي يبي بالقصيم باقل من الشهرين وانا الى الحين والله على مااقول شهيد ....
طيب مشو السرى بعدين يجيهم التثبيت اما انا ماسك سرى لي سبع سنوات يجي واحد توه متعين ورقمه بأخرشي وياخذا محلي ليش وش الظلم هذا والله لن نسامح بالي تسبب بهذا الشي قدام المولى عزوجل
حسبي الله ونعم الوكيل ....
حسبي الله ونعم الوكيل ....
حسبي الله ونعم الوكيل ....



من مواضيع : ابوفهد 2005
ابوفهد 2005 غير متواجد حالياً  
  رقم المشاركة : [ 5 ]
قديم 04-15-2011, 12:52 PM
صحي جديد
 

ابو عبدالله3311 will become famous soon enough
افتراضي

إن لله وإن إليه راجعون
ابو عبدالله3311 غير متواجد حالياً  
  رقم المشاركة : [ 6 ]
قديم 04-15-2011, 01:14 PM
صحي متميز
 

انتضرتك سنين will become famous soon enough
افتراضي

هــــذولاء مسؤلين بريده ماتعرفهم انت ..!!

وحط في بالك انك قبيلي واشووفك تطرقت لمدير الشؤن الصحيه وهو والله الرجل النزيـــه وحقين بريده شانين

هجمـه عليــــــه لانه قام بالاصلاحات التي قام بها داخل المديريــــه لانه عرف ان هناك ايادي خفيه للفساد

الاداري والمالي والمستشفيات وهذا للي مايعجبهم يريدون ان يعبثوا كما كانوا بالسابق ولكن هيهات هيهات

واعانك الله اخي الكريم ،،،
من مواضيع : انتضرتك سنين
انتضرتك سنين غير متواجد حالياً  
  رقم المشاركة : [ 7 ]
قديم 04-15-2011, 05:17 PM
 

أخصائي إدارة صحية is on a distinguished road
افتراضي

كلامك 100% يا اخي العضيله ونرجوا من الله ان يتم نقلك بدون بديل ( طيب ارفع ندب الى منطقة القصيم ) وحاول ان رئيسك يكتب لك بدون بديل ... ترا ها لايام مافيه ارقام شواغر
من مواضيع : أخصائي إدارة صحية
أخصائي إدارة صحية غير متواجد حالياً  
  رقم المشاركة : [ 8 ]
قديم 04-15-2011, 05:39 PM
بروفيسور صحي
 

إداري مخضرم will become famous soon enough
افتراضي

ترفع لمعالي الوزير ومع التحيه

وابشرك فيه تحركات داخل الوزاره بشان حركة تنقلات اسوه بالمعلمين والمعلمات انشاءالله ستظهر قريباَ

اما بالنسبة للفساداري اسجل عندك وزارة الصحه والمديريه العامه للشئون الصحيه بالرياض .

هل تعلم ان اغلب مسئولي وزارة الصحه ووزارة الخدمه المدنيه من منطقة القصيم العنصريين.

ان شاء الله تحصل لك بديل او يحصل لك نقل (ندب) الى منطقتك بدون بديل ( عليك اولاّ التوكل على الله سبحانه تعالى وثم التقدم بطلب مع مرفقاته لمعامله مثل صك اعاله وتقريرصحي عن حاله قريب لك أو والدتك وتقديمها الى رئيسكم المباشر ) وحاول فيه ان يكتب لك لامانع بدون بديل ويكلم لك احد بالشئون الصحيه بحائل ان تمشي وان شاء الله ابشر بالخير . وعليك بالصبر وقبل هذا كله عليك بالدعاااااااء مع الثقه بالله.
من مواضيع : إداري مخضرم
إداري مخضرم غير متواجد حالياً  
  رقم المشاركة : [ 9 ]
قديم 04-15-2011, 06:43 PM
بروفيسور صحي
 

العضـيله will become famous soon enough
افتراضي

اقتباس
  المشاركة الأصلية كتبت بواسطة عفويه
وزيرالصحه:للمره المليون اذا عرفت أنك لم تقدم شي فكن شجاعا وقدم اسـتـقالتـك الاسـتقاله خير وسيله لك لأن هناك رجال يعرفون كيف يديرون الوزاره.

يسلم منطوقك اخوي العضيله ربي يزيح همك ويفرجها عليك وعلى الاخرين قسم بالله انني اسعى وادور من يفيد في طلبات النقل اللي هنا او بمنتديات ثانيه والله يعلم ان لا ناقة لي ولا جمل
سوى ان انهي هذا الصراع التجهمي..واسعى للتقريب..
والله اخوي لو كنت اعرف احد لا افيدك..
والله انني لم اندم انك اخذت من وقتي لقراءة مقالك بالرغم انني اكره قراءة الخط الصغير ودايم اقفل الصفحه..
معاناتك ..معاناه والفساد بالمديريه بالقصيم حدث ولا حرج حتى صرنا نعرف من المفسدين وعجت رائحتهم بجميع المواقع..
ولا كانهم يسمعون ولايقروون..
حسبي عليهم الله..والى الله المشتكى..
انت واحد وقرأنا له ..كيف بمن لم يتمكن من دخول الشبكات..ولا الوصول الى الصحف...
والمسؤولين اتحدى من يوصل لهم..
حتى خادم الحرمين ردونا عنه,,
بفلان الفاسد والمليونير...
الفساد ليس بهذه المديريه وليس بتلك والله انه متشعب بجميع وزارات المملكه واولها وزارة الشؤون الاسلاميــه وماحدث قبل فتره خير دليل..

اطالب بالتقييم لهذا الموضوع...
تقبل تحياتي

أختي عفويه الله يكثر من أمثالك من النساء وأنتي فيك الخير والبركه وبصراحه اشوفك بالمنتدى تسعين لمافيه خير لأخوانا المغتربين واللي عندهم ظروف ..وكلامك صحيح فيه ناس مغتربين مايقدروا يدخلون الشبكات لأنهم بقرى نائيه وماعندهم شبكه

لكن بأذن الله أنا وأخواني وأخواتي الموجدين بالمنتدى راح نسعى لآخر قطره من دماءنا بس أهم شي ننقل ونشوف حل لنقل بس لابد من التكاتف

بالتووووووفيق
من مواضيع : العضـيله
العضـيله غير متواجد حالياً  
  رقم المشاركة : [ 10 ]
قديم 04-15-2011, 06:48 PM
بروفيسور صحي
 

العضـيله will become famous soon enough
افتراضي

اقتباس
  المشاركة الأصلية كتبت بواسطة الشاكي لصاحب المعالي
اخوي العضيله نفس المعاناهـ عايشتها مع صحة القصيم


بس الية التوظيف تغيرت بعدما تغير مدير عام الشوون الصحيه بالقصيم د\هشام ناظره .

يعني المشكله عند الدكتور هشام ناظره


وزارة الصحه قمه في الفوضويه وزاره كلها واسطات في واسطات دبر نفسكـ في الوزاره مع احد الروووووس

الكبيره وانشاءالله يزين وظعكـ وتضبط اموووركــ عال العال

طيب أخوي واللي ماعنده واسطه خلاص نجلس كذا طول العمر المشكله ليش مايكون تحرك سريع من الوزاره ويشوفوا حل ليش مصرين على تجاهلهم ومكابرتهم حنا مو آوادم
الحل وأنا أخوك خلونا نحط محامين ونرتاح

بالتووفيق أخوي وتذكر أن هناك رب هوالمدبر سبحانه وتعالى
من مواضيع : العضـيله
العضـيله غير متواجد حالياً  
موضوع مغلق

مواقع النشر (المفضلة)


مواضيع مشابهه ننصح بقراتها
الموضوع كاتب الموضوع المنتدى مشاركات آخر مشاركة
مديريه شؤون الصحيه بالقنفذه بوجنا الاحساء ملتقى شؤون الموظفين 5 04-22-2011 07:45 AM
مراقب وبائيات من مديريه الاحساء الى مديريه الرياض سديراوي تخصص وبائيات 3 04-16-2010 07:21 AM
مدير عام الشؤون الصحية بالقصيم يتفقد برنامج الفحص المبكر لسرطان الثدي بالقصيم hadi ملتقى التصوير الطبي ( الأشعة ) 2 03-31-2009 01:39 PM

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Pingbacks are متاحة



الساعة الآن 06:48 AM

ضع بريدك هنا لتصلك اخر المواضيع

ملاحظة مهمه :ستصل الى بريدك رسالة تفعيل بعد كتابة احرف التاكيد
يجب الاطلاع على البريد لاستكمال عملية الاشتراك


Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط