ملتقى منسوبي وزارة الصحة السعودية

ملتقى منسوبي وزارة الصحة السعودية (http://www.e-moh.com/vb/)
-   ملتقى التدريب والإبتعاث (http://www.e-moh.com/vb/f171/)
-   -   مابعد قرار لجنة الخدمة المدنية خطوة خطوة (http://www.e-moh.com/vb/t99088/)

ADEED 05-11-2011 03:10 AM

مابعد قرار لجنة الخدمة المدنية خطوة خطوة
 
بسم الله الرحمن الرحيم

السلام عليكم ورحمة الله وبركاتة

تحية عطرة للجميع وبارك الله فيكم اخواني واخواتي اعضاء هذا الملتقى الجميل الذي استفدنا منه الكثير.من باب المساعدة ونشر المعلومه ولو كانت بسيطه أحببت ان اكتب هذا الموضوع عن خطوات مابعد صدور قرار الخدمه والي كنت جدا محتار فيه لأن الامور وقتها تكون حاسمه ولازم تخلص بسرعه ان شاء الله ماانسى شي نبدأ بعون الله.


1- بعد أن تتم الموافقه على ملفك من اللجنة ترسل لتوقع من الوزير يعني تقريبا اربع خمس ايام عمل يكون القرار جاهز ويرسل لإدارة التدريب والأبتعاث بوزارة الصحة موجه للدكتورة عفاف ويوضح انهم وافقوا ع ابتعاث الموضح اسمه.

( بناء على القرار جديد لابد من وجود قرار الابتعاث الصادر من وزارة الصحة كي تحصل على الضمان المالي من التعليم العالي وكان سابقا يكتفي بصورة من قرار وزارة الخدمه المدنية طبعا مع جواز المبتعث والمرافقين وايضا القبول الجامعي

الف شكر للأخ الكريم allawe على تنبيهه بهذا القرار الجديد ووفق الله الجميع.


ملاحظة: للشباب الحلوين الي خارج الرياض زي حلاتي ولا يقدر يروح ترى جدا بسيطه يسوي وكاله شرعيه من اقرب كتابة عدل لأحد معارفه بالرياض ويرسل له باقي الاوراق بالايميل ويطلع الخطابين في عشر دقايق.

2- الضمان المالي النهائي تسوي له مسح سكنر وترسله لجامعتك عشان يرسلون لك القبول النهائي الي تقدم فيه بعدين على الفيزا مع الخطاب الموجه للسفاره.


3- قرارك الي ارسلوه الخدمه المدنية يروح لأدارة الابتعاث ويصدر قرار بموجبه من د عفاف موجه لمدير عام شوؤن الموظفين بوزارة الصحة تقريبا اسبوع بالكثير يكون راح للوزارة.
( تتصل على صادر أدارة الأبتعاث تحويلة 870 وتطلب منهم رقم معاملتك الي راحة للوزارة طبعا الكل حافظ رقم ادارة الابتعاث صم من كثر مااتصلنا عليهم 01406662 )

4- ايضا يصدر قرار من مدير عام شؤون الموظفين بالوزارة بموجب القرارين السابقين وعلى فكره كلها نسخ ولصق بس يغيرون الاسامي تقريبا يأخذ اسبوع الى عشر ايام وبعدها يرسل الى المديرية الي انت تابع لها بمنطقتك.

( لمتابعة المعاملة اتصل على رقم الوزارة 012125555 بعدين انتظر واختار رقم 1 دليل الادارات وبعدها اختار رقم 6 الاتصالات الأدارية واذا رد عليك اسأل عن معاملتك برقم الصادر الي اخذته من صادر أدارة التدريب والأبتعاث)

5- اذا وصلت معاملتك لمديريتك ماتأخذ شي يصدر لك قرار على طول بموجب سلسلة القرارات السابقه وتروح لشؤون الموظفين بعملك.

6- أخلاء الطرف يعتمد على عملك يقدر يخلي طرفك على طول ولا عنده مشكله زيي انا بقي لي شهرين وشوي ع الدراسة ولسى ماعندي فيزا ولا قدمت اجازه مع ان عندي اجازه بس ماقصروا معي اخلو طرفي.

( اذا صار فيها تعقيد ونذاله قدم لهم اجازه من رصيدك وخل اخلاء الطرف من نهاية الأجازة بس حاول فيهم حتى لو تروح للمدير العام او مدير المستشفى او اي احد يفهم)

7- اذا وقعت برائة الذمه واخذت أخلاء الطرف تأخذ منه صورة وتروح لشوؤن الموظفين بالمديرية الي بمطنقتك يأشر عليها مدير شؤون الموظفين لقسم العلاقات تنحط بالسستم حقهم ويصدر لك قرار اركاب يوقع من المدير العام وتروح لقسم الاركابات ويعطوك اركاب بناء ع الاركاب تروح لمكتب الخطوط وتقص التذاكر بالنسبه لي قالوا لي لاتروح للطيار لازم المكتب حق الخطوط قلت من عيوني بس كذا ابشروا.

8- اخيرا وليس اخرا انهاء الفيزا والي ان شاء الله اكتب لها موضوع مستقل بأذن الله لانها اون لاين اسهل بكثير من المراسله وماتكلفك شي وتغنيك عن استغلال المكاتب الي توصل الى الف ريال حرام انت اولى فيها.



اسف جدا على الأطالة واتمنى اني مانسيت شي والي عنده معلومه ياليت يفدينا فيها الله يوفق الجميع يارب في دراستهم ويرجعون ومعهم اعلى الشهادات والدرجات وييسر للي ماخلصوا الى الان ولاتنسوني من دعائكم.


تحياتي

ام لمى 05-11-2011 03:23 AM

بصراحه أخ adeed

كفيت و وفيت مشكور جزيل الشكر على هالتفصيل

وجزاك الله ألف خير على مجهودك الرائع الي راح نستفيد منه بإذن الله

وطبعا بكذا تكون جاوبت على تساؤلات كثير من المبتعثين والمبتعثات

تحياتي لك

عربجاج 05-11-2011 03:25 AM

الله يوفقك في بعثتك ويفرج همومك على معلوماتك القيمه


انا كان على بالي لو اطلع الاسبوع القادم للرياض اني بسوي شيء يساعدني على انهاء معاملاتي بسرعه بس مدام الدعوه يبي لها من كل دائره حوالي اسبوع اجل ما راح استفيد غير اني اطلع الضمان المالي


بس انا الفيزا مقدم عليها وبتخلص وبتوصلني بإذن الله في 1/ يونيو فما فائدة الضمان المالي بالنسبه لي هل احتاجه للملحقيه....؟ لأن الفيزا قدمت عليها بالضمان المالي الصادر من التدريب والابتعاث ومشت امورها ( كندا )

ADEED 05-11-2011 03:40 AM

اقتباس:

المشاركة الأصلية كتبت بواسطة ام لمى (المشاركة 562638)
بصراحه أخ adeed

كفيت و وفيت مشكور جزيل الشكر على هالتفصيل

وجزاك الله ألف خير على مجهودك الرائع الي راح نستفيد منه بإذن الله

وطبعا بكذا تكون جاوبت على تساؤلات كثير من المبتعثين والمبتعثات

تحياتي لك


الشكر لله وأبد ماسويت شي كثير استفدت من اخواننا هنا وجاء الوقت الي نرد الجميل والدين.

ويجزاك الله الف خير يارب وشرفني مرورك العطر.

تقبلي تحياتي

ADEED 05-11-2011 03:43 AM

اقتباس:

المشاركة الأصلية كتبت بواسطة عربجاج (المشاركة 562640)
الله يوفقك في بعثتك ويفرج همومك على معلوماتك القيمه


انا كان على بالي لو اطلع الاسبوع القادم للرياض اني بسوي شيء يساعدني على انهاء معاملاتي بسرعه بس مدام الدعوه يبي لها من كل دائره حوالي اسبوع اجل ما راح استفيد غير اني اطلع الضمان المالي


بس انا الفيزا مقدم عليها وبتخلص وبتوصلني بإذن الله في 1/ يونيو فما فائدة الضمان المالي بالنسبه لي هل احتاجه للملحقيه....؟ لأن الفيزا قدمت عليها بالضمان المالي الصادر من التدريب والابتعاث ومشت امورها ( كندا )

امين اخوي ويوفق الجميع.

والله ياخوك ماعندي فكره اذا رحت لهم هل بيخلصون امورك بدري بدري او تأخذ مجراها بس اتوقع لما تكون هناك وتأخذها مناوله او تكون وراهم وتزن عليهم تمشي اسرع.

الله يوفقك في جميع امورك

تحياتي

monady2001 05-11-2011 03:46 AM

الله يسعدك يا غالي ولا يحرمنا من الناس المحترمه اللي مثلك
الله يوفقك في حياتك العلمية والعملية
ابسألك هل اخذت اخلاء الطرف قبل موعد دراستك بشهرين ؟؟ طيب كذاا راح ينزلك الراتب نااقص وانت جالس هناا والا اخليت طرفك بتاريخ مقدم وريحت في البيت اذا كذاا قلي كيييف

ADEED 05-11-2011 03:52 AM

اقتباس:

المشاركة الأصلية كتبت بواسطة monady2001 (المشاركة 562650)
الله يسعدك يا غالي ولا يحرمنا من الناس المحترمه اللي مثلك
الله يوفقك في حياتك العلمية والعملية
ابسألك هل اخذت اخلاء الطرف قبل موعد دراستك بشهرين ؟؟ طيب كذاا راح ينزلك الراتب نااقص وانت جالس هناا والا اخليت طرفك بتاريخ مقدم وريحت في البيت اذا كذاا قلي كيييف


امين يارب ويوفق الجميع وشكرا على كلامك الحلو ياحلو.

شوف انا سويت اخلاء طرف بس مو معناتها بيوقف راتبي لأن الراتب يوقف بعد ماتباشر مقر بعثتك ويرسلون خطاب من الملحقيه ان ابو الشباب هذا باشر دراسته وبدأ الصرف عليه اقعطوا راتبه اربا اربا.

يعني الحين راتبي يمشي الين اروح هناك بس لاتعلم احد.

تحياتي

alsamid 05-11-2011 09:51 AM

اقتباس:

المشاركة الأصلية كتبت بواسطة adeed (المشاركة 562653)
امين يارب ويوفق الجميع وشكرا على كلامك الحلو ياحلو.

شوف انا سويت اخلاء طرف بس مو معناتها بيوقف راتبي لأن الراتب يوقف بعد ماتباشر مقر بعثتك ويرسلون خطاب من الملحقيه ان ابو الشباب هذا باشر دراسته وبدأ الصرف عليه اقعطوا راتبه اربا اربا.

يعني الحين راتبي يمشي الين اروح هناك بس لاتعلم احد.

تحياتي

ياليت تأكد لنا حكاية الراتب اللي ما يوقف لاني سألت عندنا فى مديرية جده وقالولي اذا دخل اخلاء الطرف فى السستم حيوقف راتبك على طول فانتبه...ما ادري عن المديريه التابع لها
سؤال ثاني/لا يوجد فى قرار الابتعاث اي اثر لمعهد اللغه او لبداية كورس اللغه (فقط اسم الجامعه)فكيف يعرف مرجعي متى لازم اطلع واسوي اخلاء طرف(يعني انا اللي احدد له متى امشي واسوي اخلاء طرف..تحياتي ومبروك لك ولناوللكل

ألا ليت الزمن يرجع 05-11-2011 09:53 AM

الله يوووفقك أخوووي .. ويكثر أمثالك .. ولا يحرمك الاجر

:)

ADEED 05-12-2011 05:48 AM

اقتباس:

المشاركة الأصلية كتبت بواسطة alsamid (المشاركة 562716)
ياليت تأكد لنا حكاية الراتب اللي ما يوقف لاني سألت عندنا فى مديرية جده وقالولي اذا دخل اخلاء الطرف فى السستم حيوقف راتبك على طول فانتبه...ما ادري عن المديريه التابع لها
سؤال ثاني/لا يوجد فى قرار الابتعاث اي اثر لمعهد اللغه او لبداية كورس اللغه (فقط اسم الجامعه)فكيف يعرف مرجعي متى لازم اطلع واسوي اخلاء طرف(يعني انا اللي احدد له متى امشي واسوي اخلاء طرف..تحياتي ومبروك لك ولناوللكل


اولا مرحبا اخوي واتشرف بمرورك لموضوعي وكنت اتمنى تقرأ الموضوع وليس الردود.

عموما انا ماعندي خلفيه كامله او اكيده انا هذا ماقالوه لي بخصوص اخلاء الطرف وبنفسي رحت قسم الرواتب واكدوا لي ان راتبي شهر سبعه وسته مافيه مشكله لكن ثمانية لسى ماعندهم خبر.

وبالنسبه للسستم عندهم نظام انهم مايفعلون قرارك الا بعد ماتوصل هناك عشان لو فعلوه الحين راح يوقف راتبك هذا كلامهم.

بخصوص تحديد السفر اكيد هم بيسألونك ع التاريخ وموضح تاريخ القرار وانك ماتقدر تتعدى 6 اشهر من تاريخ القرار.
تحياتي


الساعة الآن 12:27 PM

Powered by vBulletin® Version 3.8.9
.Copyright ©2000 - 2015, Jelsoft Enterprises Ltd
هذا الملتقى هو مجرد ملتقى لمنسوبي وزارة الصحة ولا يمثل الوزارة إطلاقا
وجميع المشاركات التي تطرح في الملتقى لا تعبر بالضرورة عن رأي إدارة الملتقى
ولكن تعبر عن رأي كاتبها فقط